Odisha News: ସମୁଦ୍ରରେ ମାଛ ଧରିଲା ବେଳେ ଆମେରିକାର ଟି.ଇ.ଡି ଜାଲ ବ୍ୟବହାର ପାଇଁ ସଚେତନ

Odisha News: (ନାରାୟଣ ବେହେରା) ସମୁଦ୍ରରେ ମାଛ ଧରିଲା ବେଳେ ଆମେରିକା ର ଟି.ଇ.ଡି ( ଟ୍ରଟଲ୍ ଏକ୍ସରସାଇଜ୍ ଡିଭାଇସ୍) ଜାଲ ବ୍ୟବହାର ପାଇଁ ସଚେତନ କରାଯାଉଛି। 

ଏହି ଜାଲ ବ୍ୟବହାର କଲେ ଅତି ସହଜରେ କଇଁଚ ଜାଲରୁ ବାହାରି ଆସିଥାନ୍ତି। 

ଏଥିନେଇ ପରୀକ୍ଷା ମୂଳକ ଭାବେ ଦୁଇଟି ବୋଟ୍ ରେ ବୈଷୟିକ ଟିମ୍, ବିଭାଗୀୟ ଅଧିକାରୀମାନଙ୍କ ସମେତ ସଂଘର ପ୍ରତିନିଧିମାନେ ଯାଇ ସମୁଦ୍ରରେ ମାଛ ଧରିଥିଲେ। 

ତେବେ ଘଣ୍ଟା ଘଣ୍ଟା ଧରି ସମୁଦ୍ରରେ ମାଛ ଧରିଥିଲେ ମଧ୍ୟ ଜାଲରେ ଗୋଟିଏ ବି କଇଁଚ ପଡି ନଥିଲା। 

ଏମିତିକି କଇଁଚଙ୍କ ଏନ୍ତୁଡିଶାଳ  ଗହିରୀମଥା ରେ ଦୀର୍ଘ ସମୟ ଧରି ଟିଇଡି ଜାଲ ପରୀକ୍ଷଣ କରା ଯାଇଥିଲେ ମଧ୍ୟ ଜାଲରେ ମାଛ ଛଡା କଇଁଚ ପଡି ନଥିବା ଦେଖିବାକୁ ମିଳିଛି। 

ତେବେ ପାରାଦୀପ ମାଛଧରା ବନ୍ଦରରେ ଥିବା ସମସ୍ତ ବୋଟ୍ ମାଲିକ ଓ ମତ୍ସ୍ୟଜୀବୀଙ୍କୁ ଆମେରିକାରେ ପ୍ରସ୍ତୁତ ଟି.ଇ.ଡି ଜାଲ ବ୍ୟବହାର ପାଇଁ ସଚେତନ କରାଇବା ସହିତ ଟିଇଡି ମାଧ୍ୟମରେ ଅଲିଭ ରିଡ଼ଲେ କଇଁଚ ସର୍ବେକ୍ଷଣ କରାଯାଇଥିଲା।

 ଏହା କିପରି ସମୁଦ୍ରରେ କଇଁଚଙ୍କ ଏନ୍ତୁଡିଶାଳରେ ଟିଇଡି ଜାଲ ବ୍ୟବହାର କରାଯାଇଛି। ଏହି ଦୃଶ୍ୟଟିକୁ ଭଲ ଭାବରେ ଦେଖନ୍ତୁ।