Congress Protest: କଂଗ୍ରେସର ହାଇଡ୍ରାମା; ରାଜରାସ୍ତାରେ ରାତି କାଟିଲେ, ଦେଖନ୍ତୁ ଫଟୋରେ କିଛି ଝଲକ୍

ବିଧାନସଭାରୁ କଂଗ୍ରେସର ୧୨ ବିଧାୟକ ନିଲମ୍ବିତ ଘଟଣାକୁ ନେଇ ଜୋରଦାର ପ୍ରତିବାଦ କରିଛି କଂଗ୍ରେସ୍।

ALSO READ: Gold Rate Today: ପୁଣି ହ୍ରାସ ପାଇଲା ସୁନା ରେଟ୍, ଭୁବନେଶ୍ବରରେ ଭରି ପିଛା ମୂଲ୍ୟ ରହିଛି ଏତିକି ଟଙ୍କା

ALSO READ: ଦିଦି ନମ୍ବର ଓ୍ବାନ୍ ସୁଟିଂ ସେଟ୍ ରୁ ଭାଇରାଲ୍ ହେଲା ଅଭିନେତ୍ରୀ ଲିପିଙ୍କ ଏହି ଭିଡିଓ, ଦେଖନ୍ତୁ

ଏନେଇ ଭୁବନେଶ୍ବର ମାଷ୍ଟରକ୍ୟାଣ୍ଟିନ ଛକରେ କଂଗ୍ରେସ କର୍ମୀଙ୍କ ସହ ଧାରଣାରେ ବସିଛନ୍ତି ବିଧାୟକ । 

ସୋମବାର ରାତିରୁ ରାସ୍ତା ଉପରେ ଶୋଇ ଧାରଣା ଦେଇଛନ୍ତି ।

ବିଧାନସଭାରେ ବିରୋଧ କରାଯାଉଥିବାବେଳେ ପୋଲିସ ଜୋର ଜବରଦସ୍ତି ବିଧାୟକଙ୍କୁ ବିଧାନସଭାରୁ ବାହାର କରିଦେଇଛନ୍ତି ବୋଲି କଂଗ୍ରେସ ବିଧାୟକ ଅଭିଯୋଗ କରିଛନ୍ତି ।

ମିଳିଥିବା ସୂଚନା ମୁତାବକ, ଗୃହ ଭିତରେ ବାରମ୍ବାର ବିଶୃଙ୍ଖଳିତ ଆଚରଣ କରିବା ନେଇ କଂଗ୍ରେସର ୧୨ ବିଧାୟକଙ୍କୁ ୭ ଦିନ ପାଇଁ ବିଧାନସଭାରୁ ନିଲମ୍ବନ କରାଯାଇଛି ।  

ବାଚସ୍ପତିଙ୍କ ପ୍ରତି ଅସମ୍ମାନ, ବିଧାନସଭାରେ ଅଶୋଭନୀୟ ଆଚରଣ ଓ ବିଧାନସଭାର ନିୟମ ଉଲ୍ଲଘଂନ ପାଇଁ ଶାସକ ଦଳର ଅଭିଯୋଗ ପରେ ବିଧାନସଭାରୁ ନିଲମ୍ବିତ ହୋଇଛନ୍ତି । 

ତେବେ ଏହି ନିଲମ୍ବନ ତାଲିକାରେ ତାରାବାହିନୀ ପତି ଓ ରମେଶ ଜେନାଙ୍କ ନାଁ ନଥିବା ଜଣାଯାଇଛି ।

ସରକାର ବିଧାନସଭା ମର୍ଯ୍ୟାଦା ଭଙ୍ଗ କରିଛନ୍ତି କହିଲେ ଭକ୍ତ ଦାସ। ବିଧାୟକ, କର୍ମୀଙ୍କ ସହ ଧାରଣାସ୍ଥଳରେ ବସିଲେ ପିସିସି ସଭାପତି ଭକ୍ତ ଦାସ।

'ବିଧାନସଭାରୁ ଉଠାଇ ଆଣି ରାସ୍ତାରେ ଛାଡ଼ି ଦେବା କ'ଣ ମର୍ଯ୍ୟାଦା। ବିଧାନସଭା ପରମ୍ପରାକୁ ହତ୍ୟା କରାଯାଇଛି ବୋଲି ସେ କହିଛନ୍ତି। 

କଂଗ୍ରେସ ବିଧାୟକଙ୍କ ସହ ଧାରଣାରେ ବସିଲେ ପ୍ରଭାରୀ ଅଜୟ ଲଲୁ। ରାଜ୍ୟ ସରକାରଙ୍କୁ ତୀବ୍ର ସମାଲୋଚନା କଲେ ଅଜୟ ଲଲୁ। ଆମ ବିଧାୟକ ଆହତ ହୋଇଛନ୍ତି, ରାତିରେ ରାଜରାସ୍ତାରେ ଛାଡ଼ିଦେଲେ। ଏହା ଗଣତନ୍ତ୍ରର ହତ୍ୟା ନୁହେଁ ତ ଆଉ କ'ଣ କହିଛନ୍ତି ଅଜୟ ଲଲୁ। 'ଗଣତନ୍ତ୍ରରେ କ'ଣ ହିଂସାର ସ୍ଥାନ ଅଛି, ଏହା ଲଜ୍ଜାଜନକ'। 'ଆମେ ରାହୁଲ ଗାନ୍ଧିଙ୍କ ସିପାହୀ, ଆଦୌ ଡରିବୁନୁ' ନାରୀ ସୁରକ୍ଷା ପ୍ରସଙ୍ଗରେ ସରକାରଙ୍କୁ ଜବାବ ଦେବାକୁ ହେବ ବୋଲି ସେ କହିଛନ୍ତି।