 "Odisha News: ପୋଲିସ ଗୁଳିରେ ଟଳି ପଡି଼ଲେ ୨ ନକ୍ସଲ")
(ନିରୋଜ ଶତପଥି, କୋରାପୁଟ୍) Odisha News: ଛତିଶଗଡ଼ର ନାରାୟଣପୁରରେ ପୋଲିସ (police) ଏବଂ ନକ୍ସଲଙ୍କ (Naxal) ମଧ୍ୟରେ ଗୁଳି ବିନିମୟ ହୋଇଛି। ଏହି ଗୁଳି ବିନିମୟରେ ଦୁଇ ଜଣ ନକ୍ସଲଙ୍କ ମୃତ୍ୟୁ ଘଟିଛି। ନାରାୟଣପୁରର ଆବୁଜମାଦ୍ ଅଞ୍ଚଳରେ ଏହି ଗୁଳି ବିନିମୟ ହୋଇଥିଲା। ଏକ ସର୍ଚ୍ଚ ଅପରେସନ୍ ସମୟରେ ନକ୍ସଲମାନଙ୍କ ଉପସ୍ଥିତି ବିଷୟରେ ସୂଚନା ପାଇବା ପରେ ପୋଲିସ ପକ୍ଷରୁ ଚଢାଉ କରା ଯାଇଥିଲା। ଯେଉଁଥିରେ ନେଲନର୍ ଏରିଆ କମିଟିର ଦୁଇଜଣ ନକ୍ସଲଙ୍କ ମୃତ୍ୟୁ ଘଟିଥିଲା। ମୃତଦେହ ସହିତ ଏକ ୧୨ ବୋର ବନ୍ଧୁକ ଏବଂ ଏକ ଅସ୍ତ୍ର ମଧ୍ୟ ଉଦ୍ଧାର କରାଯାଇଛି। ଏହି ଘଟଣାକୁ ନାରାୟଣପୁର ଏସପି ପୁଷ୍କର ଶର୍ମା ନିଶ୍ଚିତ କରିଛନ୍ତି।
ସେପଟେ ଗତକାଲି କନ୍ଧମାଳ ଜିଲ୍ଲା ବାଲିଗୁଡ଼ା କାମ୍ବରିଆରେ ସୁରକ୍ଷା କର୍ମୀ ଓ ମାଓବାଦୀଙ୍କ ଭିତରେ ଗୁଳି ବିନିମୟ ହୋଇଥିଲା। ଏଥିରେ ଜଣେ କ୍ୟାଡର ମାଓବାଦୀଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। ସେ ନକ୍ସଲ ସଂଗଠନ କେକେବିଏନ୍ର ମୁଖ୍ୟ ବୋଲି କୁହାଯାଇଛି। ଏଥିରେ ଜଣେ ଯବାନ ମଧ୍ୟ ଆହତ ହୋଇଥିବା ବିଶ୍ୱସ୍ତସୂତ୍ରରୁ ସୂଚନା ମିଳିଛି। ଅନେକ ଦିନର ନୀରବତା ପରେ ପୁଣିଥରେ ଏଠାରେ ସଚଳ ହୋଇଛି ନକ୍ସଲ ସଂଗଠନ। ଏହାର ସୂଚନା ପାଇ ପୁଲିସ ସନ୍ଧ୍ୟାବେଳେ ଜଙ୍ଗଲରେ ଦର୍ଚ୍ ଅପରେସନ୍ ଚଳାଇଥିଲେ। ଏହାଦ୍ୱାରା ଦୁଇ ପକ୍ଷ ମଧ୍ୟରେ ଗୁଳିବିନିମୟ ହୋଇଥିଲା। ଏଥିରେ ଜଣେ ଯବାନଙ୍କ ହାତରେ ଗୁଳି ଲାଗି ସେ ଆହତ ହୋଇଥିଲେ। ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି।
)