Top 10 News: ପ୍ରଧାନମନ୍ତ୍ରୀଙ୍କ ବ୍ୟକ୍ତିଗତ ସଚିବ ହେଲେ IFS ନିଧି ତିୱାରୀ ଏବଂ ଅନ୍ୟ ଖବର

Top 10 News Today: ରାଜ୍ୟ ତଥା ଦେଶ ବିଦେଶର ସବୁ ବଡ଼ ଖବର ପଢନ୍ତୁ ଚୁଟକୀରେ

Top 10 News Today

Headlines 01- ପ୍ରଧାନମନ୍ତ୍ରୀଙ୍କ ବ୍ୟକ୍ତିଗତ ସଚିବ ଭାବେ ନିଯୁକ୍ତ ହୋଇଛନ୍ତି IFS ନିଧି ତିୱାରୀ । ପୂର୍ବରୁ ନିଧି ପିଏମ୍‌ଓରେ ଡେପୁଟି ସେକ୍ରେଟାରୀ ଭାବେ କାର୍ଯ୍ୟ କରୁଥିଲେ ।

Headlines 02- କେନ୍ଦୁଝରର ସହିଦ ଯବାନ ରାଜକିଶୋର ମୁଣ୍ଡାଙ୍କଙ୍କୁ ବିମାନ ବନ୍ଦରରେ ଶ୍ରଦ୍ଧାଞ୍ଜଳି ଦେଇଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ । ସେନା ପକ୍ଷରୁ ରାଷ୍ଟ୍ରୀୟ ମର୍ଯ୍ୟାଦା ଦିଆଯାଇଥିଲା । ମୁଖ୍ୟମନ୍ତ୍ରୀ କହିଥିଲେ ଯେ, 'ସହିଦଙ୍କ ଘର ମୋ ନିର୍ବାଚନ ମଣ୍ଡଳୀରେ ଏବଂ ମୋ ଗାଁ ପାଖରେ । ମୁଁ ତାଙ୍କ ପରିବାରକୁ ଜାଣେ । ରାଜକିଶୋରଙ୍କ ଆତ୍ମାର ସଦଗତି କାମନା କରୁଛି ଏବଂ ଶୋକ ସନ୍ତପ୍ତ ପରିବାରକୁ ସମବେଦନା ଜଣାଉଛି।

Add Zee News as a Preferred Source

Headlines 03- କାମାକ୍ଷା ଏକ୍ସପ୍ରେସ ଦୁର୍ଘଟଣାର ୨୪ ଘଣ୍ଟା ପରେ କଟକ ନିର୍ଗୁଣ୍ଡି ଷ୍ଟେସନରେ ସ୍ୱାଭାବିକ ହୋଇଛି ଟ୍ରେନ ଚଳାଚଳ। ଯୁଦ୍ଧକାଳୀନ ଭିତ୍ତିରେ ମରାମତି କାର୍ଯ୍ୟ ଶେଷ ହେବା ପରେ ଟ୍ରାକରେ ଗଡ଼ିଛି ଟ୍ରେନ୍ । ଆଜି ସକାଳ ୭ଟା ୧୫ ସୁଦ୍ଧା ମରାମତି କାମ ସରିଥିବା ରେଲୱେ ବିଭାଗ ପକ୍ଷରୁ ସୂଚନା ମିଳିଥିଲା ।

Headlines 04- ଏପ୍ରିଲ୍‌ ପହିଲାରୁ ବ୍ୟାଙ୍କ ନିୟମରେ ବଡ଼ ପରିବର୍ତ୍ତନ ହେବାକୁ ଯାଉଛି । ଯାହାର ପ୍ରଭାବ ଗ୍ରାହକଙ୍କ ଉପରେ ପଡ଼ିପାରେ । ଆସନ୍ତାକାଲିଠୁ ନୂଆ ଆର୍ଥକ ବର୍ଷ ୨୦୨୫-୨୦୨୬ ଆରମ୍ଭ ସହ ଆୟକରଠୁ ଆରମ୍ଭ କରି ଜିଏସଟି, ଡିଜିଟାଲ ପେମେଣ୍ଟ ପରି ଅନେକ ସେକ୍ଟରରେ ବହୁ ନିୟମ ପରବର୍ତ୍ତନ ହେବ । ତେଣୁ ଏଣିକି ସପ୍ତାହକୁ ୨ ଦିନ ବ୍ୟାଙ୍କ ବନ୍ଦ ରହିବ । 

Headlines 05- ପୁଣିଥରେ ଦନ୍ତେୱାଡାରେ ବଡ଼ ଧରଣର ଏନ୍‌କାଉଣ୍ଟର ଖବର ସାମ୍ନାକୁ ଆସିଛି । ବିଜାପୁରରେ ପୋଲିସ-ମାଓବାଦୀ ମଧ୍ୟରେ ଗୁଳି ବିନିମୟ ହୋଇଛି । ଜଣେ ମାଓବାଦୀଙ୍କ ମୃତଦେହ ମିଳିଛି । ଏଥିସହ ଏକାଧିକ ମୃତ୍ୟୁ ହୋଇଥିବା ସନ୍ଦେହ କରାଯାଉଛି । ଘଟଣାସ୍ଥଳରୁ ବିପୁଳ ମାଓ ଅସ୍ତ୍ରଶସ୍ତ୍ର ଜବତ କରାଯାଇଛି ଏବଂ ସର୍ଚ୍ଚ ଅପରେସନ ଜାରି ରହିଛି । ମୃତ ମହିଳା ନକ୍ସଲ ନାଁ ରେଣୁକା ଏବଂ ତାଙ୍କ ଘର ତେଲେଙ୍ଗାନା ୱାରଙ୍ଗଲ ଜିଲ୍ଲାରେ ବୋଲି ଜଣାପଡିଛି । ଦଣ୍ଡକାରଣ୍ୟ ସ୍ପେଶାଲ୍‌ ଜୋନାଲ୍‌ କମିଟି (DKSZC)ର ସଦସ୍ୟ ଥିଲେ ରେଣୁକା । ତାଙ୍କୁ ଧରାଇ ଦେବାକୁ ୨୫ ଲକ୍ଷ ଟଙ୍କାର ପୁରସ୍କାର ଘୋଷଣା ହୋଇଥିଲା ।

Headlines 06- ଇଦ୍ ଅବସରରେ ରାଜ୍ୟର ବିଭିନ୍ନ ସ୍ଥାନରେ ସମୂହ ନମାଜ ପାଠ କରାଯାଇଛି । ମୁସଲମାନ ସଂପ୍ରଦାୟର ପ୍ରମୁଖ ପର୍ବ ହେଉଛି ଇଦ୍ । ମାସେ ବ୍ୟାପି ରୋଜା ରଖିବା ପରେ ଆଜି ଇଦ-ଉଲ-ଫିତର ପାଳୁଛନ୍ତି ଇସଲାମ୍ ଧର୍ମାବଲମ୍ବୀ ଲୋକମାନେ । ଏଥିପାଇଁ ବିଭିନ୍ନ ମସଜିଦ ଚଳଚଞ୍ଚଳ ହୋଇଉଠିଛି । 

Headlines 07- ୧୫ରୁ ୨୦ ଦିନ ଭିତରେ ଆସିବାକୁ ଯାଉଛି ନୂଆ ଅବକାରୀ ନୀତି । ଏନେଇ ସୂଚନା ଦେଇଛନ୍ତି ଆଇନ ଓ ଅବକାରୀ ମନ୍ତ୍ରୀ ପୃଥ୍ବୀରାଜ ହରିଚନ୍ଦନ । ନୂଆ ଅବକାରୀ ନୀତି ପାଇଁ ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ଯେଉଁଥିପାଇଁ ମାସେ ପୁରୁଣା ଅବକାରୀ ନୀତି ବୃଦ୍ଧି କରାଯାଇଛି । ମୁଖ୍ୟମନ୍ତ୍ରୀଙ୍କ ଅନୁମୋଦନ ପରେ ନୂଆ ନୀତି ଲାଗୁ ହେବ ବୋଲି ପୃଥ୍ୱୀରାଜ କହିଛନ୍ତି ।

Headlines 08- ପୂର୍ବତନ ମନ୍ତ୍ରୀ ତୁଷାରକାନ୍ତି ବେହେରାଙ୍କୁ ଠକିଥିବା ୭ ଆନ୍ତଃରାଜ୍ୟ ସାଇବର ଲୁଟେରାଙ୍କୁ ଗିରଫ କରାଯାଇଛି । ମୋଟ ୧ କୋଟି ୪୦ ଲକ୍ଷ ଟଙ୍କା ଠକାମି ଅଭିଯୋଗରେ ଖୋଳତାଡ଼ କରି ଅଭିଯୁକ୍ତମାନଙ୍କୁ ଗିରଫ କରିଛି ପୋଲିସ । ଘଟଣାର ତଦନ୍ତ କରାଯାଉଛି ।

Headlines 09- ଏପ୍ରିଲ୍ ୪ ଏବଂ ୫ରେ ନିଯୋଗର ସେବକଙ୍କ ପାଇଁ ପ୍ରଶିକ୍ଷଣ ଶିବିର ଅନୁଷ୍ଠିତ ହେବ । ଶ୍ରୀଜିଉଙ୍କ ଦୈନନ୍ଦିନ ସେବାରେ ନିୟୋଜିତ ସେବକଙ୍କ ପାଇଁ  ନୀଳାଦ୍ରି ଭକ୍ତ ନିବାସ ସଭାଗୃହରେ ଏହି ପ୍ରଶିକ୍ଷଣ ଶିବିର କରାଯିବ । ପୂର୍ବାହ୍ନ ୧୦ଟାରୁ ଅପରାହ୍ନ ୫ଟା ୩୦ ପର୍ଯ୍ୟନ୍ତ ସମୟ ଧାର୍ଯ୍ୟ କରାଯାଇଛି । ୨ ତାରିଖ ଅପରାହ୍ନ ୫ଟା ଭିତରେ ନାମ ପଞ୍ଜୀକରଣ କରିବାକୁ ଶ୍ରୀମନ୍ଦିର କାର୍ଯ୍ୟାଳୟ ପକ୍ଷରୁ ନିର୍ଦ୍ଦେଶ ଜାରି କରାଯାଇଛି ।

Headlines 10- ଆଜି ରାଜ୍ୟର ବିଭିନ୍ନ ସ୍ଥାନରେ କୁଆପଥର ଓ ଘଡ଼ଘଡ଼ି ସହ ବର୍ଷା ହେବାର ଆଶଙ୍କା ରହିଛି। ଏଥିଲାଗି କେନ୍ଦ୍ର, ଉତ୍ତର ଓ ଦକ୍ଷିଣ ଓଡ଼ିଶାର ୧୭ ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ ଜାରି କରାଯାଇଛି। କିଛି ସ୍ଥାନରେ ପବନର ବେଗ ୫୦ରୁ ୬୦ କିଲୋମିଟର ରହିବ ବୋଲି ମଧ୍ୟ ସତର୍କ କରାଯାଇଛି। ଉପକୂଳ ଏବଂ ପଶ୍ଚିମ ଓଡ଼ିଶା ପାଇଁ କୌଣସି ସତର୍କତା ଦିଆଯାଇ ନାହିଁ।