Top 10 News: ରାଜ୍ୟରେ ଚାରି ଦିନ ପର୍ଯ୍ୟନ୍ତ ହେବ କାଳବୈଶାଖୀ ବର୍ଷା, ACS ନିକୁଞ୍ଜ ଧଳଙ୍କ ବଦଳି, ପଢ଼ନ୍ତୁ ଆଜିର ୧୦ ବଡ଼ ଖବର

Top 10 News Headlines: ରାମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରେ ଅତିରିକ୍ତ ମୁଖ୍ୟ ଶାସନ ସଚିବ ଭାବେ ଅଧିଷ୍ଠିତ ନିକୁଞ୍ଜ ବିହାରୀ ଧଳକୁ ବଦଳି କରାଯାଇଛି। ସେ କେନ୍ଦ୍ର ସରକାରଙ୍କ ସଂସଦୀୟ ବ୍ୟାପର ମନ୍ତ୍ରଣାଳୟରେ ଯୋଗ ଦେବେ। ସଂକ୍ଷେପରେ ପଢ଼ନ୍ତୁ ଦିନ ତମାମର ୧୦ଟି ବଡ଼ ଖବର।

Top 10 News Headlines 18 April 2025: H1. ACS Nikunj Bihari Dhal Goes On Central Deputation: ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରେ ଅତିରିକ୍ତ ମୁଖ୍ୟ ଶାସନ ସଚିବ ଭାବେ ଅଧିଷ୍ଠିତ ନିକୁଞ୍ଜ ବିହାରୀ ଧଳକୁ ବଦଳି କରାଯାଇଛି। ସେ କେନ୍ଦ୍ର ସରକାରଙ୍କ ସଂସଦୀୟ ବ୍ୟାପର ମନ୍ତ୍ରଣାଳୟରେ ଯୋଗ ଦେବେ। ଏ ନେଇ କେନ୍ଦ୍ର ସରକାରଙ୍କ କ୍ୟାବିନେଟ୍‍ କମିଟି ଅନୁମୋଦନ କରିଛନ୍ତି।

H2. Kalabaisakhi Rain To Continue In Odisha: ଆଗାମୀ ଚାରି ଦିନ ପର୍ଯ୍ୟନ୍ତ ଓଡ଼ିଶାରେ କାଳବୈଶାଖୀ ବର୍ଷା ହେବାର ସମ୍ଭାବନା ରହିଛି। ଆଞ୍ଚଳିକ ପାଣିପାଗ କେନ୍ଦ୍ର ଏପ୍ରିଲ ୨୨ ପର୍ଯ୍ୟନ୍ତ ବର୍ଷା ଏବଂ ବଜ୍ରପାତ ହେବା ନେଇ ସତର୍କ ସୂଚନା ଜାରି କରିଛି। ଏପ୍ରିଲ ୨୩ ସୁଦ୍ଧା ପାଗରେ ପରିବର୍ତ୍ତନ ହେବ ବୋଲି ଆଶା କରାଯାଉଛି। 

H3. CS Reviews Preparations For Rath Yatra 2025: ପୁରୀର ପ୍ରସିଦ୍ଧ ରଥଯାତ୍ରାର ତାରିଖ ପାଖେଇ ଆସୁଥିବାରୁ ରାଜ୍ୟ ସରକାର ଏହି ମହାନ ଉତ୍ସବକୁ ଶାନ୍ତିପୂର୍ଣ୍ଣ ଏବଂ କୌଣସି ବାଧା ବିନା ପରିଚାଳନା କରିବା ପାଇଁ ପ୍ରସ୍ତୁତିକୁ ଜୋରଦାର କରିଛନ୍ତି। ଏହି କାର୍ଯ୍ୟକ୍ରମରେ ସାମିଲ ସମସ୍ତ ବିଭାଗର ପ୍ରସ୍ତୁତିର ମୂଲ୍ୟାଙ୍କନ କରିବା ପାଇଁ ମୁଖ୍ୟ ସଚିବ ମନୋଜ ଆହୁଜାଙ୍କ ନେତୃତ୍ୱରେ ଗୁରୁବାର ଦିନ ଅପରାହ୍ନରେ ଲୋକ ସେବା ଭବନରେ ଏକ ଉଚ୍ଚସ୍ତରୀୟ ସମୀକ୍ଷା ବୈଠକ ହୋଇଛି।

H4. New Ration Cards Distribution: ସାଧାରଣ ବଣ୍ଟନ ବ୍ୟବସ୍ଥା (PDS)କୁ ସୁଦୃଢ଼ ​​କରିବା ପାଇଁ ଓଡ଼ିଶା ସରକାର ବାଦ୍ ପଡ଼ିଥିବା ଯୋଗ୍ୟ ହିତାଧିକାରୀ କିମ୍ବା ନୂତନ ଆବେଦନକାରୀଙ୍କୁ ରାସନ କାର୍ଡ ପ୍ରଦାନ କରିବାକୁ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି। ଖାଦ୍ୟ ଯୋଗାଣ ଏବଂ ଗ୍ରାହକ କଲ୍ୟାଣ ବିଭାଗ ଦ୍ୱାରା ଜାରି କରାଯାଇଥିବା ଏକ ଚିଠି ଅନୁଯାୟୀ, ରାସନ କାର୍ଡଗୁଡ଼ିକ ଏପ୍ରିଲ ୨୨ ସୁଦ୍ଧା ପ୍ରସ୍ତୁତ କରିବାକୁ କୁହାଯାଇଛି

H5. Class 9 Student Killed In Road Accident: ଶୁକ୍ରବାର ଦିନ ସମ୍ବଲପୁରରେ ସ୍କୁଲରୁ ଫେରୁଥିବା ସମୟରେ ଟ୍ରାକ୍ଟର ଧକ୍କାରେ ଜଣେ ୯ମ ଶ୍ରେଣୀ ଛାତ୍ରର ଜୀବନ ଚାଲିଯାଇଛି। ମୃତକଙ୍କ ନାମ ଆୟୁଷ୍ମାନ ବେହେରା। ସେ ଧନୁପାଲି ସ୍ଥିତ ସରସ୍ୱତୀ ଶିଶୁ ବିଦ୍ୟା ମନ୍ଦିରର ୧୪ ବର୍ଷୀୟ ଛାତ୍ର ଥିଲେ। ମୁଖ୍ୟମନ୍ତ୍ରୀ ଏହାକୁ ନେଇ ଗଭୀର ଶୋକ ପ୍ରକାଶ କରିଛନ୍ତି ଏବଂ ମୃତକଙ୍କ ପରିବାର ବର୍ଗଙ୍କ ନିମନ୍ତେ ମୁଖ୍ୟମନ୍ତ୍ରୀ ରିଲିଫ ପାଣ୍ଠିରୁ ୪ଲକ୍ଷ ଟଙ୍କାର ଅନୁକମ୍ପାମୂଳକ ସହାୟତା ପ୍ରଦାନ କରିବାକୁ ନିର୍ଦ୍ଦେଶ ଦେଇଛନ୍ତି।

H6. Centre Bureaucracy Reshuffle: କେନ୍ଦ୍ର ସରକାର ଅମଲାତନ୍ତ୍ରରେ ପୁନର୍ଗଠନ ଏବଂ ନିଯୁକ୍ତି ସମ୍ପର୍କରେ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛନ୍ତି। ଛଅ ଜଣ ମହିଳା ସିଭିଲ ସର୍ଭିସ ଅଧିକାରୀ ସମେତ ମୋଟ ୨୧ ଜଣ ବ୍ୟୁରୋକ୍ରାଟଙ୍କୁ ଏକ ନୂତନ ସ୍ଥାନ କିମ୍ବା ବିଭାଗକୁ ନିଯୁକ୍ତି କିମ୍ବା ବଦଳି କରିବାକୁ ନିଷ୍ପତ୍ତି ନିଆଯାଇଛି। ଶୁକ୍ରବାର ଜାରି ହୋଇଥିବା ଏକ ସରକାରୀ ନିର୍ଦ୍ଦେଶ ଅନୁଯାୟୀ ବରିଷ୍ଠ ବ୍ୟୁରୋକ୍ରାଟ ଅରବିନ୍ଦ ଶ୍ରୀବାସ୍ତବଙ୍କୁ ରାଜସ୍ୱ ସଚିବ ଭାବରେ ନିଯୁକ୍ତ କରାଯାଇଛି।

H7. Arvind Kejriwal Daughter Wedding: ଆମ ଆଦମୀ ପାର୍ଟି ମୁଖ୍ୟ ତଥା ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କ ଝିଅ ହର୍ଷିତାଙ୍କ ବିବାହ ସମ୍ଭବ ଜୈନଙ୍କ ସହିତ ଆଜି ଦିଲ୍ଲୀର ଏକ ପଞ୍ଚତାରକା ହୋଟେଲରେ ଅନୁଷ୍ଠିତ ହୋଇଛି। ଏହା ପୂର୍ବରୁ ଗୁରୁବାର ଦିନ ରାତିରେ ସଙ୍ଗୀତ ସମାରୋହରେ କେଜରିୱାଲ ଏବଂ ତାଙ୍କ ପତ୍ନୀଙ୍କ ବ୍ୟତୀତ ପଞ୍ଜାବ ମୁଖ୍ୟମନ୍ତ୍ରୀ ଭଗବନ୍ତ ମାନ ମଧ୍ୟ ତାଙ୍କ ପତ୍ନୀଙ୍କ ସହ ନାଚୁଥିବାର ଦେଖାଯାଇଥିଲା।

H8. Dilip Ghosh Marriage: ଭାରତୀୟ ଜନତା ପାର୍ଟି ନେତା ଦିଲୀପ ଘୋଷ ଶୁକ୍ରବାର ବିବାହ କରିଛନ୍ତି। ଦିଲୀପ ଘୋଷ ୬୦ ବର୍ଷ ବୟସରେ ଦଳର ସହଯୋଗୀ ରିଙ୍କୁ ମଜୁମଦାରଙ୍କୁ ବିବାହ କରିଥିଲେ। ସୂଚନା ଅନୁଯାୟୀ ଉଭୟଙ୍କ ବିବାହ ଉତ୍ସବରେ ନିକଟ ସମ୍ପର୍କୀୟ ଏବଂ ପରିବାର ସଦସ୍ୟ ଉପସ୍ଥିତ ଥିଲେ। ଘୋଷଙ୍କ ନିକଟତର ଲୋକଙ୍କ ଅନୁସାରେ ସେ ୨୦୨୧ ମସିହାରୁ ରିଙ୍କୁ ମଜୁମଦାରଙ୍କୁ ଜାଣନ୍ତି। 

H9. US Yemen Air Strike: ଆମେରିକାରେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଦାୟିତ୍ୱ ନେବା ପରେ ଆମେରିକା ବାୟୁସେନା ପଶ୍ଚିମ ଏସୀୟ ଦେଶ ୟେମେନରେ ହାଉଥିମାନଙ୍କ ଉପରେ ଲଗାତାର ଆକ୍ରମଣ କରିଆସୁଛି। ଆମେରିକୀୟ ସାମରିକ ବିମାନଗୁଡ଼ିକ ୟେମେନର ରାଜଧାନୀ ସାନାରେ ଥିବା ହୁଥି ଶିବିରଗୁଡ଼ିକୁ ନିରନ୍ତର ଟାର୍ଗେଟ କରୁଛନ୍ତି। ୟେମେନର ତୈଳ ବନ୍ଦର ରାସ୍ ଇସାରେ ହୋଇଥିବା ସଦ୍ୟତମ ଆକ୍ରମଣରେ ୭୪ ଜଣଙ୍କର ମୃତ୍ୟୁ ହୋଇଛନ୍ତି। ଯେତେବେଳେ କି ଅନ୍ୟ ୧୭୧ ଜଣ ଆହତ ହୋଇଥିଲେ।

H10. IPL 2025 RCB vs PBKS Match: ଶୁକ୍ରବାର ଦିନ ଏମ୍ ଚିନ୍ନାସ୍ୱାମୀ ଷ୍ଟାଡିୟମରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଏବଂ ପଞ୍ଜାବ କିଙ୍ଗସ ମଧ୍ୟରେ ଆଇପିଏଲ ୨୦୨୫ ର ୩୪ତମ ମ୍ୟାଚ୍ ଖେଳାଯାଉଛି। ବର୍ଷା ଯୋଗୁଁ ମ୍ୟାଚ୍ ବିଳମ୍ବରେ ଆରମ୍ଭ ହୋଇଥିଲା। ଏହି ମ୍ୟାଚରେ ଟସ୍ ଜିତି ପଞ୍ଜାବ ବୋଲିଂ ଚୟନ କରିଛି। ବର୍ଷା ଯୋଗୁଁ ଏହି ମ୍ୟାଚ୍ ୧୪ ଓଭର ବିଶିଷ୍ଟ କରାଯାଇଛି।