Top 10 News: ଆଜୀବନ ଜେଲରେ ରହିବେ ପୁଞ୍ଜିଲାଲ, ଚାଷୀଙ୍କୁ ମୋଦି ସରକାର ଦେଲେ ଉପହାର, ପଢ଼ନ୍ତୁ ଆଜିର ୧୦ ବଡ଼ ଖବର

Top 10 Odia News Headlines: ବଲାଙ୍ଗୀର ଜିଲ୍ଲାର ପାଟଣାଗଡ଼ଠାରେ ଘଟିଥିବା ପାର୍ସଲ ବୋମା ବିସ୍ଫୋରଣ ଘଟଣାରେ ଏକମାତ୍ର ଅଭିଯୁକ୍ତ ପୁଞ୍ଜିଲାଲ୍‍ ମେହେରଙ୍କୁ ଦୋଷୀ ସାବ୍ୟସ୍ତ କରାଯାଇଛି। ସଂକ୍ଷେପରେ ପଢ଼ନ୍ତୁ ଦିନ ତମାମର ୧୦ଟି ବଡ଼ ଖବର।

Top 10 Odia News Headlines 28 May 2025: H1. Covid-19 Cases In Odisha: ବୁଧବାର ଦିନ ରାଜ୍ୟରେ ପାଞ୍ଚଟି ନୂଆ କୋଭିଡ୍ ପଜିଟିଭ୍ ମାମଲା ଚିହ୍ନଟ ହୋଇଥିବା ଓଡ଼ିଶା ସ୍ୱାସ୍ଥ୍ୟ ବିଭାଗ ନିଶ୍ଚିତ କରିଛି। ଏହା ରାଜ୍ୟରେ ସଂକ୍ରମଣ ଫେରିବା ନେଇ ଚିନ୍ତା ସୃଷ୍ଟି କରିଛି। ସରକାରୀ ସୂତ୍ର ଅନୁସାରେ ନୂଆ କରି ସଂକ୍ରମିତ ହୋଇଥିବା ବ୍ୟକ୍ତିଙ୍କ ମଧ୍ୟରୁ ଚାରି ଜଣ ଭୁବନେଶ୍ୱରର ବାସିନ୍ଦା। ଯେତେବେଳେ କି ଖୋର୍ଦ୍ଧା ଜିଲ୍ଲାରୁ ଗୋଟିଏ ମାମଲା ରିପୋର୍ଟ ହୋଇଛି।

H2. Prafulla Samal Son Quits BJD: ଭଦ୍ରକ ଜିଲ୍ଲାରେ ବିଜୁ ଜନତା ଦଳକୁ ଏକ ବଡ଼ ଝଟକା ଲାଗିଛି। ବରିଷ୍ଠ ବିଜେଡି ନେତା ତଥା ପୂର୍ବତନ ମନ୍ତ୍ରୀ ପ୍ରଫୁଲ୍ଲ ସାମଲଙ୍କ ପୁଅ ପ୍ରୟାସକାନ୍ତି ସାମଲ ଦଳର ପ୍ରାଥମିକ ସଦସ୍ୟତାରୁ ଇସ୍ତଫା ଦେଇଛନ୍ତି। ପ୍ରୟାସକାନ୍ତି ସାମଲ ସ୍ୱାସ୍ଥ୍ୟଗତ କାରଣ ଦର୍ଶାଇ ଦଳର ସଭାପତି ନବୀନ ପଟ୍ଟନାୟକଙ୍କ ନିକଟକୁ ନିଜର ଇସ୍ତଫା ପତ୍ର ପଠାଇଛନ୍ତି।

H3. Vehicle Hire Charges Revised For Govt Offices: ପରିବେଶକୁ ସନ୍ତୁଳିତ କରିବା ଲାଗି ଅଧିକ ଇଲେକ୍ଟ୍ରିକ୍‍ ଗାଡ଼ି ବ୍ୟବହାର ପାଇଁ ଆହ୍ୱାନ ଦେଉଥିବା ସରକାର ଏବେ ପୁଣି ପେଟ୍ରୋଲ ଗାଡ଼ିରେ ଯିବା ଆସିବା ଖର୍ଚ୍ଚ ବୃଦ୍ଧି କରିଛନ୍ତି। ପୁଣି ଜନ ପ୍ରତିନିଧିଙ୍କୁ ଗୁରୁତ୍ୱ ଦେଉଥିବା ସରକାର ପୂର୍ବ ଭଳି ସଚିବଙ୍କୁ ଯେତିକି ମନ୍ତ୍ରୀଙ୍କୁ ବି ସେତିକି ଗାଡ଼ି ଖର୍ଚ୍ଚ ପ୍ରଦାନ କରିବାକୁ ବ୍ୟବସ୍ଥା କରିଛି।  ପୁଣି ମନ୍ତ୍ରୀ ଯେଉଁଭଳି ଗାଡ଼ିରେ ଯିବେ ସଚିବ ବି ସେହିଭଳି ଗାଡ଼ି ବ୍ୟବହାର କରିବାକୁ ଯୋଗ୍ୟ ରହିବେ।

Add Zee News as a Preferred Source

H4. Convict Punjilal Meher gets life imprisonment: ବଲାଙ୍ଗୀର ଜିଲ୍ଲାର ପାଟଣାଗଡ଼ଠାରେ ଘଟିଥିବା ପାର୍ସଲ ବୋମା ବିସ୍ଫୋରଣ ଘଟଣାରେ ଏକମାତ୍ର ଅଭିଯୁକ୍ତ ପୁଞ୍ଜିଲାଲ୍‍ ମେହେରଙ୍କୁ  ଦୋଷୀ ସାବ୍ୟସ୍ତ କରାଯାଇଛି। ଆଜି ପାଟଣାଗଡ଼ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି ପାଟଣାଗଡ଼ କୋର୍ଟ।  ଏହାସହ ୫୦ ହଜାର ଟଙ୍କା ଜରିମାନା ଆଦେଶ ଦେଇଛନ୍ତି। ଯଦି ଏହି ଜରିମାନା ନ ଆଦାୟ ହୁଏ ତେବେ ତାଙ୍କୁ ଆହୁରି ୧ ବର୍ଷ କାରାଦଣ୍ଡ ଭୋଗିବାକୁ ପଡ଼ିବ।  ୧୫୫ ଦିନର ଶୁଣାଣି ପରେ ଏହି ରାୟ ପ୍ରକାଶ ପାଇଛି। 

H5. Goods Train Derails Near Chimidipalli: ବୁଧବାର ଦିନ ଅପରାହ୍ନରେ ଆନ୍ଧ୍ରପ୍ରଦେଶର ଚିମିଡିପାଲି ନିକଟରେ ଏକ ଲୁହାପଥର ବୋଝେଇ ମାଲବାହୀ ଟ୍ରେନ୍‌ର ୨୫ଟି ବଗି ଟ୍ରାକ୍‌ରୁ ଖସି ପଡ଼ିବାରୁ ଏକ ବଡ଼ ଧରଣର ଦୁର୍ଘଟଣା ଘଟିଥିଲା। ପୂର୍ବ ତଟ ରେଳପଥ (ECoR)ର ୱାଲ୍‌ଟେୟାର ଡିଭିଜନ ଅଧୀନରେ ଥିବା ଆରାକୁ-କୋଟ୍ଟାଭାଲସା ସେକ୍ସନରେ ଅପରାହ୍ନ ୧:୦୫ ସମୟରେ ଏହି ଘଟଣା ଘଟିଥିଲା।

H6. 3 indian missing in iran: ଇରାନରୁ ତିନି ଜଣ ଭାରତୀୟ ନାଗରିକ ନିଖୋଜ ହୋଇଯାଇଛନ୍ତି। ଏହି ତିନି ଜଣ ନାଗରିକଙ୍କ କୌଣସି ସନ୍ଧାନ ମିଳୁନାହିଁ। ଏହା ଉପରେ ତେହେରାନରେ ଥିବା ଭାରତୀୟ ଦୂତାବାସ ବୁଧବାର ଦିନ କହିଛି ଯେ ଇରାନ ଗସ୍ତ କରିବା ପରେ ନିଖୋଜ ହୋଇଥିବା ତିନି ଜଣ ଭାରତୀୟ ନାଗରିକଙ୍କୁ ଖୋଜିବା ପାଇଁ ଇରାନ କର୍ତ୍ତୃପକ୍ଷଙ୍କ ସହିତ ସକ୍ରିୟ ଭାବରେ କାର୍ଯ୍ୟ କରୁଛି। 

H7. Union Cabinet Meeting Decision: ବୁଧବାର ଦିନ ନରେନ୍ଦ୍ର ମୋଦି ସରକାରଙ୍କ କ୍ୟାବିନେଟ ବୈଠକରେ ୫ଟି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଛି। ଏଥିମଧ୍ୟରୁ ସବୁଠାରୁ ବଡ଼ ନିଷ୍ପତ୍ତି ହେଉଛି ଧାନ ଫସଲର ସର୍ବନିମ୍ନ ସହାୟକ ମୂଲ୍ୟ କ୍ୱିଣ୍ଟାଲ ପିଛା ୬୯ ଟଙ୍କା ବୃଦ୍ଧି କରାଯାଇଛି। ଏହା ସହିତ ଏବେ ଚାଷୀମାନେ ଧାନ ଫସଲ ଉପରେ ଅତି କମରେ ୨,୩୬୯ ଟଙ୍କା ପାଇବେ। ସର୍ବନିମ୍ନ ସହାୟକ ମୂଲ୍ୟ ହେଉଛି ସେହି ହାର ଯାହା ତଳେ କୌଣସି ଫସଲ କିଣାଯାଇପାରିବ ନାହିଁ। 

H8. Lokpal gives clean chit to former SEBI Chief: ପୂର୍ବତନ SEBI ଅଧ୍ୟକ୍ଷା ମାଧବୀ ପୁରୀ ବୁଚଙ୍କୁ ଭାରତର ଲୋକପାଳ ଏକ ବଡ଼ ଆଶ୍ୱସ୍ତି ଦେଇଛନ୍ତି। ହିଣ୍ଡେନବର୍ଗ-ଆଦାନୀ ମାମଲା ସହିତ ଜଡିତ ଅଭିଯୋଗ ସମ୍ପର୍କରେ ତାଙ୍କ ବିରୁଦ୍ଧରେ ଦାୟର ଅଭିଯୋଗଗୁଡ଼ିକୁ ଲୋକପାଳ ଖାରଜ କରିଦେଇଛନ୍ତି। ଲୋକପାଳ ଅଭିଯୋଗରେ କୌଣସି ସତ୍ୟତା ପାଇଲେ ନାହିଁ ଏବଂ ସିଦ୍ଧାନ୍ତରେ ପହଞ୍ଚିଲେ ଯେ ସେଗୁଡ଼ିକ ଅନୁମାନ ଉପରେ ଆଧାରିତ ଏବଂ କୌଣସି ଯାଞ୍ଚଯୋଗ୍ୟ ପ୍ରମାଣ ନାହିଁ।

H9. Sukhdev Singh Dhindsa Death: ପୂର୍ବତନ କେନ୍ଦ୍ରମନ୍ତ୍ରୀ ତଥା ଶିରୋମଣି ଅକାଳି ଦଳ ନେତା ସୁଖଦେବ ସିଂହ ଧିଣ୍ଡସାଙ୍କ ଦେହାନ୍ତ ହୋଇଛି। ସେ ୮୯ ବର୍ଷ ବୟସରେ ଏହି ଦୁନିଆକୁ ବିଦାୟ ଦେଇଛନ୍ତି। ସେ ଦୀର୍ଘ ଦିନ ଧରି ଅସୁସ୍ଥ ଥିଲେ ଏବଂ ସକ୍ରିୟ ରାଜନୀତିରୁ ମଧ୍ୟ ନିଜକୁ ଦୂରେଇ ରଖିଥିଲେ।

H10. Mock drill tomorrow in 4 states: କେନ୍ଦ୍ର ସରକାର ପୁଣି ଥରେ ଏକ ବଡ଼ ନିଷ୍ପତ୍ତି ନେଇ ଜମ୍ମୁ-କାଶ୍ମୀର, ଗୁଜରାଟ, ପଞ୍ଜାବ ଏବଂ ରାଜସ୍ଥାନରେ ମକ୍ ଡ୍ରିଲ୍ କରିବାକୁ ନିଷ୍ପତ୍ତି ନେଇଛନ୍ତି। ଏହି ମକ୍ ଡ୍ରିଲ୍ ଗୁରୁବାର ଦିନ ଅନୁଷ୍ଠିତ ହେବ ଏବଂ ଲୋକଙ୍କୁ ସତର୍କ ରହିବାକୁ କୁହାଯାଇଛି। ବର୍ତ୍ତମାନ ଏହି ସମସ୍ତ ରାଜ୍ୟରେ ମକ୍ ଡ୍ରିଲ୍ କରିବାର ମୁଖ୍ୟ କାରଣ ହେଉଛି ଯେ ଏଗୁଡ଼ିକ ପାକିସ୍ତାନ ସହିତ ସୀମା ସେୟାର କରନ୍ତି। ଅପରେସନ୍ ସିନ୍ଦୁର ପରେ ପଡ଼ୋଶୀ ଦେଶ ଏମାନଙ୍କୁ ଟାର୍ଗେଟ କରିଥିଲା।