 "Top 10 News Headlines: ସୋମବାର ବିହାର ବିଧାନସଭାରେ ବହୁମତ ସାବ୍ୟସ୍ତ କରିବେ ନୀତିଶ କୁମାର; ପଢନ୍ତୁ ଦିନଯାକର ୧୦ ପ୍ରମୁଖ ଖବର")
Top 10 News Headlines | 11 February 2024 | Evening
1.Bihar Assembly Floor Test 2024: ଫେବୃଆରୀ ୧୨ ତାରିଖ ସୋମବାର ବିହାର ବିଧାନସଭାରେ ବହୁମତ ସାବ୍ୟସ୍ତ କରିବେ ମୁଖ୍ୟମନ୍ତ୍ରୀ ନୀତିଶ କୁମର। ସୋମବାର ବିଧାନସଭାରେ ଅନୁଷ୍ଠିତ ହେଉଥିବା ବହୁମତ ସାବ୍ୟସ୍ତ ପରୀକ୍ଷାକୁ ନେଇ ସରଗରମ ହୋଇଉଠିଛି ବିହାର ରାଜନୀତି। ମୋଟ ୨୪୩ ବିହାର ବିଧାନସଭାରେ ଶାସକ ଏନଡିଏ ମେଣ୍ଟକୁ ୧୨୮ ବିଧାୟକଙ୍କ ସମର୍ଥନ ରହିଛି। ଯାହା ସରକାର ଗଠନ ପାଇଁ ଆବଶ୍ୟକୀୟ ସଂଖ୍ୟାଗରିଷ୍ଠତା ଠାରୁ ୬ ଅଧିକ ରହିଛି। ଶାସକ ଏନଡିଏ ମେଣ୍ଟକୁ ୭୮ ବିଜେପି, ୪୫ ଜେଡ଼ିୟୁ, ୪ ହିନ୍ଦୁସ୍ତାନୀ ଆୱାମୀ ମୋର୍ଚ୍ଚା ଏବଂ ଜଣେ ସ୍ୱାଧିନ ବିଧାୟକଙ୍କ ସମର୍ଥନ ରହିଛି। ବିରୋଧି ମହାମେଣ୍ଟକୁ ୧୧୪ ବିଧାୟକଙ୍କ ସମର୍ଥନ ରହିଛି। ମହାମେଣ୍ଟକୁ ୭୯ ଆରଜେଡି, ୧୯ କଂଗ୍ରେସ, ୧୨ ସିପିଆଇ (ଏମଏଲ), ୨ ସିପିଆଇ ଏବଂ ୨ ସିପିଏମ ବିଧାୟକଙ୍କ ସମର୍ଥନ ରହିଛି।
2.Pakistan General Election 2024 Result: ପାକିସ୍ତାନ ସାଧାରଣ ନିର୍ବାଚନକୁ ୨ ଦିନ ବିତିଗଲାଣି। ହେଲେ ଦେଶରେ ନୂଆ ସରକାର ଗଠନ ହେବା ପରେ ଚିତ୍ର ସ୍ପଷ୍ଟ ହୋଇନାହିଁ। କିଏ ପରବର୍ତ୍ତୀ ପ୍ରଧାନମନ୍ତ୍ରୀ ହେବେ ତାହା ସନ୍ଦେହ ଘେରରେ ରହିଛି। ଜେଲଦଣ୍ଡ ଭୋଗିବା ସତ୍ତ୍ୱେ ପାକିସ୍ତାନ ରାଜନୀତିରେ ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ପ୍ରଭାବ ଅକ୍ଷୁର୍ଣ୍ଣ ରହିଛି। ଚଳିତ ବର୍ଷ ଅନୁଷ୍ଠିତ ହେଉଥିବା ସାଧାରଣ ନିର୍ବାଚନ ଫଳାଫଳ ମଧ୍ୟ ଏହାର ସାକ୍ଷ୍ୟ ଦେଇଛି। ଯଦିଓ ଇମ୍ରାନ ଖାନଙ୍କ ଦଳ ପାକିସ୍ତାନ ତେହେରିକ ଇ ଇନସାଫ ସମର୍ଥିତ ସ୍ୱାଧିନ ପ୍ରାର୍ଥୀ ଅଧିକ ଆସନରେ ବିଜୟୀ ହୋଇଛନ୍ତି। ହେଲେ ପାକିସ୍ତାନ ସେନା ସମର୍ଥନରେ ପିଏମଏଲ-ଏନ ନେତା ନୱାଜ ସରିଫ ସରକାର ଗଠନ କରିବା ପାଇଁ ଅଣ୍ଟା ଭିଡ଼ିଛନ୍ତି। ଦେଶର ବର୍ତ୍ତମାନର ରାଜନୈକି ସମୀକରଣରେ ବିଲାୱାଲ ଭୁଟ୍ଟୋଙ୍କ ଦଳ ପିପିପି କିଙ୍ଗମେକର ଭୂମିକା ଗ୍ରହଣ କରିପାରେ। ବିନା ପିପିପି ସମର୍ଥନରେ ପିଏମଏଲ-ଏନ ସରକାର ଗଠନ କରିପାରିବ ନାହିଁ। ହେଲେ ବାସ୍ତବତା ହେଉଛି ଦେଶରେ ନୂତନ ସରକାର କିପରି ଗଠିତ ହେବ ତାହାର ଚୂଡ଼ାନ୍ତ ନିଷ୍ପତ୍ତି ପାକିସ୍ତାନୀ ସେନା ଗ୍ରହଣ କରିବ।
3.Russian Ambassador Denis Alipov on USA: ଭାରତ ସହ ରହିଥିବା ଦ୍ୱିପାକ୍ଷିକ ସମ୍ପର୍କକୁ ନେଇ ଋଷିଆ ପକ୍ଷରୁ ଏକ ବଡ଼ ବୟାନ ସାମ୍ନାକୁ ଆସିଛି। ଏନେଇ ଋଷିଆ ପକ୍ଷରୁ କୁହାଯାଇଛି ଯେ ଆମେରିକା କାରଣରୁ ଭାରତ ସହ ରହିଥିବା ମଜବୁତ ବନ୍ଧୁତାରେ ଫାଟ ସୃଷ୍ଟି ହୋଇପାରେ। ଏକଥା ଋଷୀୟ ରାଷ୍ଟ୍ରଦୂତ ଡେନିସ ଆଲିପୋଭ କହିଛନ୍ତି। ଋଷୀୟ ରାଷ୍ଟ୍ରଦୂତଙ୍କ କହିବା ଅନୁସାରେ ପ୍ରତିବନ୍ଧକ ମାଧ୍ୟମରେ ଯୁକ୍ତରାଷ୍ଟ୍ର ଆମେରିକା ଭାରତ-ଋଷିଆ ମଧ୍ୟରେ ରହିଥିବା ସମ୍ପର୍କରେ ମତଭେଦ ସୃଷ୍ଟି କରିବାକୁ ଚେଷ୍ଟା କରୁଛି। ଯଦିଓ ଆମେରିକା ବର୍ତ୍ତମାନ ସମୟରେ ଭାରତ ଲାଗି ଏକ ନିର୍ଭରଯୋଗ୍ୟ ଏବଂ ବିଶେଷ ବନ୍ଧୁ ହୋଇପାରିଛି, ହେଲେ ଏହାର ଉଦ୍ଦେଶ୍ୟ ଭଲ ନୁହେଁ।
4.Candian Passenger Opens Flight Emergency Door in Thailand: ଥାଇଲ୍ୟାଣ୍ଡ ସ୍ଥିତ ଚିୟାଙ୍ଗ ମାଇ ବିମାନବନ୍ଦରରେ ଘଟିଯାଇଛି ଏକ ଆଶ୍ଚର୍ଯ୍ୟଜନକ ଘଟଣା। ଏହି ବିମାନବନ୍ଦରରେ ଏକ ବିମାନ ଉଡ଼ାଣ ଭରିବାକୁ ପ୍ରସ୍ତୁତ ହେଉଥିବା ବେଳେ ଜଣେ ଯାତ୍ରୀ ଯେଉଁ କାରନାମା କରିଛନ୍ତି ତାହା ଏବେ ଚର୍ଚ୍ଚାର ବିଷୟ ପାଲଟିଛି। ଗତ ୭ ତାରିଖରେ ଏକ ବିମାନ ଉଡ଼ାଣ ଭରିବା ପୂର୍ବରୁ ହଠାତ୍ ଜଣେ ଯାତ୍ରୀ ଏହାର ଜରୁରୀକାଳୀନ ପ୍ରସ୍ଥାନ ଦ୍ୱାର ଖୋଲି ଦେଇଥିଲେ। ଏହି ଘଟଣା ପରେ ବିମାନ ଭିତରେ ବିଶୃଙ୍ଖଳା ପରିସ୍ଥିତି ସୃଷ୍ଟି ହୋଇଥିଲା। ଏହି ବିମାନ ଦେଶର ରାଜଧାନୀ ବ୍ୟାଙ୍କକ ଅଭିମୁଖେ ଯାତ୍ରା କରୁଥିଲା। ବିମାନ ଉଡାଣ ବେଳେ ଏହାର ଜରୁରୀକାଳୀନ ପ୍ରସ୍ଥାନ ଦ୍ୱାର ଖୋଲି ଦେଇଥିବା ଯାତ୍ରୀଙ୍କୁ ଗିରଫ କରାଯାଇଛି। ଏହି ଯାତ୍ରୀ ଜଣଙ୍କ କାନାଡା ବାସିନ୍ଦା ବୋଲି କୁହାଯାଉଛି। ରାତି ସମୟରେ ଏହି ଘଟଣା ଘଟିଥିଲା। ନ୍ୟୁଜ ଏଜେନ୍ସି ରଏଟର୍ସ ରିପୋର୍ଟ ଅନୁଯାୟୀ ଏହି ଘଟଣାରେ ବିମାନର ଇନଫ୍ଲେଟେବଲ୍ ସ୍ଲାଇଡ୍ ସକ୍ରିୟ ହୋଇ ଉଠିଥିଲା। ଯେଉଁଥିପାଇଁ ବିମାନ ଉଡ଼ାଣ ବିଳମ୍ବ ହୋଇଥିଲା।
5.India Strategy to Counter Chinese Bullying: ଆଉ ଏଣିକି ଚଳିବ ନାହିଁ ଚୀନ ଦାଦାଗିରି। କାରଣ ୩ ଦେଶକୁ ବ୍ରହ୍ମାସ୍ତ୍ର ଯୋଗାଇ ଦେବାକୁ ଯାଉଛି ଭାରତ। ଆଜ୍ଞା ହଁ, ବିସ୍ତାରବାଦ ନୀତି ମାଧ୍ୟମରେ ଅନ୍ୟ ଦେଶକୁ ଦବାଇବାକୁ ଚେଷ୍ଟା କରୁଥିବା ଚୀନ୍ ସହ ମୁକାବିଲା କରିବା ଲାଗି ଭାରତ ଏକ ସୁଚିନ୍ତିତ ରଣନୀତି ଆପଣାଇଛି। ଏହି କ୍ରମରେ ଫିଲିପାଇନ୍ସ ଲାଗି ବ୍ରହ୍ମାସ୍ତ୍ର ପଠାଇବାକୁ ଯାଉଛି ଭାରତ। ଏହି କ୍ରମରେ ରପ୍ତାନୀ ହେବାକୁ ଯାଉଥିବା ବ୍ରହ୍ମୋସ କ୍ଷେପଣାସ୍ତ୍ରର ପ୍ରଥମ ବ୍ୟାଚ୍ ଆସନ୍ତା ମାସ ପର୍ଯ୍ୟନ୍ତ ଯୋଗାଇ ଦିଆଯିବ। ପୂର୍ବରୁ ବ୍ରହ୍ମୋସ କ୍ଷେପଣାସ୍ତ୍ର ସହ ଜଡ଼ିତ ଅନେକ ଗୁରୁତ୍ୱପୂର୍ଣ୍ଣ ଆନୁଷଙ୍ଗୀକ ସହଯୋଗ ଫିଲିପାଇନ୍ସ ପାଖକୁ ପଠାଇ ସାରିଛି ଭାରତ।
6.BJP Rajyasabha Candidates 2024: ଚଳିତ ବର୍ଷ ଦେଶର ବିଭିନ୍ନ ରାଜ୍ୟରେ ଅନୁଷ୍ଠିତ ହେଉଥିବା ରାଜ୍ୟସଭା ନିର୍ବାଚନ ପାଇଁ ପ୍ରାର୍ଥୀ ଘୋଷଣା କରିଛି ବିଜେପି। ୨୦୨୪ ରାଜ୍ୟସଭା ନିର୍ବାଚନ ପାଇଁ ଫେବୃଆରୀ ୧୧ ତାରିଖ ରବିବାର ବିଜେପି ପକ୍ଷରୁ ୧୪ ଜଣ ପ୍ରାର୍ଥୀ ଘୋଷଣା କରାଯାଇଛି। ବିହାର, ଛତିଶଗଡ଼, ହରିୟାଣା, କର୍ଣ୍ଣାଟକ, ଉତ୍ତରପ୍ରଦେଶ, ଉତ୍ତରପ୍ରଦେଶ ଏବଂ ପଶ୍ଚିମବଙ୍ଗ ଆଦି ରାଜ୍ୟରେ ଚଳିତ ବର୍ଷ ଅନୁଷ୍ଠିତ ହେଉଥିବା ରାଜ୍ୟସଭା ନିର୍ବାଚନ ପାଇଁ ବିଜେପି ପକ୍ଷରୁ ଦଳୀୟ ପ୍ରାର୍ଥୀଙ୍କ ତାଲିକା ଜାରି କରାଯାଇଛି। ଆସନ୍ତା ୨୭ ତାରିଖରେ ଦେଶର ୧୫ ରାଜ୍ୟର ୫୬ ଆସନରେ ରାଜ୍ୟସଭା ନିର୍ବାଚନ ଅନୁଷ୍ଠିକ ହେଉଛି।
7.Odisha Govt announced package for Kendu Leaf Worker: କେନ୍ଦୁପତ୍ର ତୋଳାଳୀଙ୍କ ନିମନ୍ତେ ରାଜ୍ୟ ସରକାର ପ୍ୟାକେଜ୍ ଘୋଷଣା କରିଛନ୍ତି। ଫେବୃଆରୀ ୧୧ ତାରିଖ ରବିବାର ପ୍ରାୟ ୨ ଶହ କୋଟିର ପ୍ୟାକେଜ ଘୋଷଣା କରାଯାଇଛି। କେନ୍ଦୁପତ୍ରର ଦର ବୃଦ୍ଧି କରାଯାଇଛି। ଯାହା ପୂର୍ବରୁ ୧ ଟଙ୍କା ୪୦ ପଇସା ରହିଥିଲା। ତାହା ବର୍ତ୍ତମାନ ୨୦ ପଇସା ବୃଦ୍ଧି କରାଯାଇଛି। ଏହା ସହିତ ସିଜିନାଲ ବୋନସ ବୃଦ୍ଧି ହୋଇ ୨୫ ପ୍ରତିଶତରୁ ୫୦ ପ୍ରତିଶତ ହୋଇଛି। ରବିବାର ରେଢାଖୋଲ ଠାରେ ହୋଇଥିବା ରାଜ୍ୟ କେନ୍ଦୁପତ୍ର କର୍ମଚାରୀଙ୍କ ସମାବେଶରେ ଏହି ଘୋଷଣା କରାଯାଇଛି। ମୁଖ୍ୟମନ୍ତ୍ରୀ ନିଜେ ଭିଡିଓ କନଫରେନ୍ସିଂ ମାଧ୍ୟମରେ ଏନେଇ ଘୋଷଣା କରିଛନ୍ତି।
8. 5 dead after pick up can over tuned in kalahandi: କଳାହାଣ୍ଡି ଜିଲ୍ଲାର ଡୋକରିପଡା ନିକଟରେ ଏକ ପିକଅପ୍ ଭ୍ୟାନ୍ ଓଲଟି ପଡିବାରୁ ୫ ଜଣଙ୍କ ମୃତ୍ୟୁ ହୋଇଛି। ଏହା ସହିତ ୨୦ ଜଣରୁ ଅଧିକ ଲୋକ ଗୁରୁତର ହୋଇଛନ୍ତି। କାମ ସାରି ଘରକୁ ଫେରିବା ବେଳେ ଶ୍ରମିକଙ୍କୁ ନେଇ ଆସୁଥିବା ପିକଅପ୍ ଭ୍ୟାନ୍ ଓଲଟି ପଡ଼଼ିଥିଲା। ଦୁର୍ଘଟଣା ଘଟିବା ପରେ ସ୍ଥାନୀୟ ଲୋକେ ଘଟଣାସ୍ଥଳରେ ପହଞ୍ଚି ଉଦ୍ଧାର କରିବାରେ ଲାଗିପଡିଥିଲେ। ଏହା ସହିତ ନିକଟସ୍ଥ ଥାନା ଏବଂ ଦମକଳ କେନ୍ଦ୍ରକୁ ଘଟଣା ସମ୍ପର୍କରେ ଅବଗତ କରାୟାଇଇଥିଲା। ଦୁର୍ଘଟଣାଗ୍ରସ୍ତ ପିକଅପ ଭ୍ୟାନ ଯୋଗେ ମୋଟ ୬୦ ଶ୍ରମିକ ଘରକୁ ଫେରୁଥିଲେ।
9. CAPF Test will be held Odia Language: କେନ୍ଦ୍ରୀୟ ସଶସ୍ତ୍ର ପୁଲିସ ବଳରେ ନିଯୁକ୍ତି ଲାଗି ହେଉଥିବା ଲିଖିତ ପରୀକ୍ଷା ପ୍ରଥମ ଥର ପାଇଁ ଓଡ଼ିଆ ଭାଷାରେ ଅନୁଷ୍ଠିତ ହେବ। ହିନ୍ଦୀ ଏବଂ ଇଂରାଜୀ ସହ ଅନ୍ୟ ୧୩ ଆଞ୍ଚଳିକ ଭାଷାରେ ମଧ୍ୟ ସ୍ୱେଚ୍ଛାକୃତ ଭାବେ ପରୀକ୍ଷା ଦେଇପାରିବେ ଆଶାୟୀ ପ୍ରାର୍ଥୀ। ଏ ସମ୍ପର୍କରେ ଗୃହ ମନ୍ତ୍ରଣାଳୟ ପକ୍ଷରୁ ବିଜ୍ଞପ୍ତି ଜାରି ହୋଇଛି। ଆସନ୍ତା ୨୦ ତାରିଖରୁ ମାର୍ଚ୍ଚ ୭ ତାରିଖ ପର୍ଯ୍ୟନ୍ତ ସିଏପିଏଫ ପରୀକ୍ଷା ଅନୁଷ୍ଠିତ ହେବ।
10. V.Sugnana Kumari Deo: ପୂର୍ବତନ ବିଧାୟିକା ତଥା ଖଲ୍ଲିକୋଟ ରାଣୀ ଭି. ସୁଜ୍ଞାନ କୁମାରୀ ଦେଓଙ୍କର ଶେଷକୃତ୍ୟ ସମ୍ପନ୍ନ ହୋଇଛି। ଗଞ୍ଜାମ ଜିଲ୍ଲା ଖଲ୍ଲିକୋଟ ସ୍ଥିତ ରାଜ ପରିବାରର ଶ୍ମଶାନ ଘାଟରେ ରାଷ୍ଟ୍ରୀୟ ମର୍ଯ୍ୟାଦା ସହ ତାଙ୍କର ଶେଷକୃତ୍ୟ ସମ୍ପର୍ଣ୍ଣ କରାଯାଇଛି। ଚେନ୍ନାଇ ସ୍ଥିତ ଏକ ଘରୋଇ ହସ୍ପିଟାଲ ଠାରେ ଚିକିତ୍ସାଧିନ ଅବସ୍ଥାରେ ଶୁକ୍ରବାର ବିଳମ୍ବିତ ରାତି ପ୍ରାୟ ୧୨:୪୪ ମିନିଟ ସମୟରେ ତାଙ୍କର ପରଲୋକ ହୋଇଥିଲା। ମୃତ୍ୟୁ ବେଳକୁ ତାଙ୍କୁ ୮୭ ବର୍ଷ ବୟସ ହୋଇଥିଲା।
)