 "Top 10 News Headlines: ବହୁମତ ପରୀକ୍ଷାରେ ପାସ ହେଲେ ମୁଖ୍ୟମନ୍ତ୍ରୀ ନୀତିଶ କୁମାର; ପଢନ୍ତୁ ଦିନଯାକର ୧୦ ପ୍ରମୁଖ ଖବର")
Top 10 News Headlines | 12 February 2024 | Evening
1.Bihar Floor Test Result: ଫେବୃଆରୀ ୧୨ ତାରିଖ ସୋମବାର ବିହାର ବିଧାନସଭାରେ ବହୁମତ ସାବ୍ୟସ୍ତ କରିଛନ୍ତି ମୁଖ୍ୟମନ୍ତ୍ରୀ ନୀତିଶ କୁମାର। ସୋମବାର ବିଧାନସଭାରେ ଅନୁଷ୍ଠିତ ହେଉଥିବା ବହୁମତ ସାବ୍ୟସ୍ତ ପରୀକ୍ଷାରେ ନୀତୀଶ କୁମାରଙ୍କ ସରକାର ବହୁମତ ସାବ୍ୟସ୍ତ କରିଛନ୍ତି। ସଂଖ୍ୟାଗରିଷ୍ଠତା ପ୍ରମାଣ କରାଯିବା ପୂର୍ବରୁ ମଧ୍ୟ ଆରଜେଡି ବିଧାୟକ କକ୍ଷତ୍ୟାଗ କରିଥିଲେ। ବିହାର ବିଧାନସଭା ନିୟମ ଅନୁଯାୟୀ ଭୋଟ୍ ଗଣତି କରିବା ପାଇଁ ଘଣ୍ଟି ବାଜିଥିଲା ଏବଂ ଉପବାଚସ୍ପତିଙ୍କ ନିର୍ଦ୍ଦେଶକ୍ରମେ ଗୃହର ଦ୍ୱାର ବନ୍ଦ କରି ଦିଆଯାଇଥିଲା। ବିହାର ବିଧାନସଭାରେ ଆସ୍ଥା ଭୋଟ୍ ପ୍ରସ୍ତାବ ସପକ୍ଷରେ ସରକାରଙ୍କୁ ୧୨୯ ବିଧାୟକଙ୍କ ସମର୍ଥନ ମିଳିଥିଲା। ଏହି ୧୨୯ ଭୋଟ ମଧ୍ୟରୁ ୧୨୬ ଶାସକ ଏନଡ଼ିଏ ମେଣ୍ଟର ହୋଇଥିବାବେଳେ ଅନ୍ୟ ୩ ଭୋଟ ଆରଜେଡ଼ି ବିଧାୟକଙ୍କର ବୋଲି ଜଣାପଡ଼ିଛି।
2.3 RJD MLA defied the party whip before Trust Vote: ଫେବୃଆରୀ ୧୨ ତାରିଖ ସୋମବାର ବିହାର ବିଧାନସଭାରେ ଅନୁଷ୍ଠିତ ହୋଇଥିଲା ଆସ୍ଥା ଭୋଟ। ଏହି ଭୋଟ ପୂର୍ବରୁ ଲାଲୁ ଯାଦବଙ୍କ ପାର୍ଟି ଆରଜେଡି ଏକ ଜବରଦସ୍ତ ଝଟକା ପାଇଛି। ବାଚସ୍ପତି ଅବଧ ବିହାରୀ ଚୌଧୁରୀଙ୍କ ବିରୋଧରେ ଆଗତ ହୋଇଥିବା ଅନାସ୍ଥା ପ୍ରସ୍ତାବ ଲାଗି ଭୋଟିଂ ହେବା ପୂର୍ବରୁ ୩ ଆରଜେଡି ବିଧାୟକ ପଟ ପରିବର୍ତ୍ତନ କରିଛନ୍ତି। ସୋମବାର ବିହାର ବିଧାନସଭାରେ ଆସ୍ଥାଭୋଟ ହେବା ପୂର୍ବରୁ ୩ ଆରଜେଡି ବିଧାୟକ ପ୍ରହ୍ଲାଦ ଯାଦବ, ଚେତନ ଆନନ୍ଦ ଏବଂ ନୀଲମ ଦେବୀ ଦଳୀୟ ହ୍ୱିପ୍ ଅବମାନନା କରି ପଟ ପରିବର୍ତ୍ତନ କରିଛନ୍ତି।
3.Ashok Chavan Resigns From Congress: ୨୦୨୪ ନିର୍ବାଚନ ପୂର୍ବରୁ କଂଗ୍ରେସ ପାଇଛି ଏକ ଜବରଦସ୍ତ ଝଟକା। ବରିଷ୍ଠ କଂଗ୍ରେସ ନେତା ତଥା ପୂର୍ବତନ ମହାରାଷ୍ଟ୍ର ମୁଖ୍ୟମନ୍ତ୍ରୀ ଅଶୋକ ଚହ୍ୱାଣ ଦଳରୁ ଇସ୍ତଫା ଦେଇଛନ୍ତି। ଅଶୋକ ଚହ୍ୱାଣ ସେହି ତୃତୀୟ ବଡ଼ ନାମ ଯିଏ ୨୦୨୪ ନିର୍ବାଚନ ପୂର୍ବରୁ କଂଗ୍ରେସ ଛାଡ଼ିଛନ୍ତି। ତାଙ୍କ ପୂର୍ବରୁ ୨ ବରିଷ୍ଠ କଂଗ୍ରେସ ନେତା ମିଲିନ୍ଦ ଦେଓରା ଏବଂ ବାବା ସିଦ୍ଦିକି ମଧ୍ୟ ଦଳ ଛାଡି ସାରିଛନ୍ତି। ଗଣମାଧ୍ୟମ ରିପୋର୍ଟ ଅନୁଯାୟୀ ଫେବୃଆରୀ ୧୧ ତାରିଖ ରବିବାର ଅଶୋକ ଚହ୍ୱାଣ ମହାରାଷ୍ଟ୍ର ଏଆଇସିସି ପ୍ରଭାରୀ ରମେଶ ଚେନ୍ନିଥଲାଙ୍କୁ ଭେଟିଥିଲେ। ସେବେ ଠାରୁ ଅଶୋକ ଚହ୍ୱାଣ କଂଗ୍ରେସ ଛାଡିବା ନେଇ ଚର୍ଚ୍ଚା ଆରମ୍ଭ ହୋଇଯାଇଥିଲା।
4.Clash in Wedding Party: ବାହାଘରରେ ଛୋଟ ଛୋଟ କଥାକୁ ନେଇ ଅନେକ ଥର ଗଣ୍ଡଗୋଳ ହୋଇଥିବାର ଖବର ଆପଣ ଶୁଣିଥିବେ। ସଦ୍ୟ ଉତ୍ତର ପ୍ରଦେଶର ଫର୍ରୁଖାବାଦ୍ ଜିଲ୍ଲାରେ ଦେଖିବାକୁ ମିଳିଛି ଏହାର ଉଦାହରଣ। ଏକ ବିବାହ ଉତ୍ସବରେ ଯୋଗ ଦେଇଥିବା ବରଯାତ୍ରୀ ଗରମ ରୁଟି ନ ପାଇବାରୁ ହଙ୍ଗାମା କରିଛନ୍ତି। ଏପିରିକି ସେମାନେ ଚେୟାର ପିଙ୍ଗା ଫୋପଡ଼ା କରିଛନ୍ତି। କେବଳ ସେତିକି ନୁହେଁ ସେମାନେ ରୋଷେୟାକୁ ରିଭଲବର ଦେଖାଇବାକୁ ପଛେଇ ନାହାଁନ୍ତି। ଫର୍ରୁଖାବାଦ୍ ଜିଲ୍ଲାର ଶାମସାବାଦ ଥାନା ଅଞ୍ଚଳରେ ଏଭଳି ଘଟଣା ଘଟିଛି।
5.Cashless Facility will Available at Delhi AIIMS: ରାଷ୍ଟ୍ରୀୟ ରାଜଧାନୀ ଦିଲ୍ଲୀ ଠାରେ ଅବସ୍ଥିତ ଅଖିଳ ଭାରତୀୟ ଆୟୁର୍ବିଜ୍ଞାନ ସଂସ୍ଥାନ (ଏମ୍ସ) ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ (ଏସବିଆଇ) ସହଯୋଗରେ ରୋଗୀଙ୍କ ପାଇଁ ସ୍ମାର୍ଟ କାର୍ଡ ଲଞ୍ଚ କରିଛି। ଏହି କାର୍ଡ ଫେବୃଆରୀ ୧୨ ତାରିଖ ସୋମବାର କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡକ୍ଟର ମନସୁଖ ମାଣ୍ଡଭିଆଙ୍କ ଦ୍ୱାରା ଏମ୍ସ ନିର୍ଦ୍ଦେଶକ ଡକ୍ଟର ଏମ.ଶ୍ରୀନିବାସ ଏବଂ ଏସବିଆଇ ଏମଡି ମଞ୍ଜିତ ସିଂହ ଉପସ୍ଥିତିରେ ଜାରି ହୋଇଛି। ଏହି ସ୍ମାର୍ଟ କାର୍ଡ ମାଧ୍ୟମରେ ରୋଗୀ କ୍ୟାଣ୍ଟିନ ଠାରୁ OPD ପର୍ଯ୍ୟନ୍ତ ଏବଂ ଲ୍ୟାବ ପରୀକ୍ଷା ପାଇଁ ଆବଶ୍ୟକୀୟ ଦେୟ ପ୍ରଦାନ କରିପାରିବେ।
6.BJD Rajya Sabha Candidates 2024: ରାଜ୍ୟସଭା ନିର୍ବାଚନ ୨୦୨୪ ପାଇଁ ଫେବୃଆରୀ ୧୨ ତାରିଖ ସୋମବାର ବିଜେଡ଼ି ପକ୍ଷରୁ ପ୍ରାର୍ଥୀ ଘୋଷଣା କରାଯାଇଛି। ଚଳିତ ବର୍ଷ ରାଜ୍ୟର ମୋଟ ୧୦ ସିଟ୍ ମଧ୍ୟରୁ ୩ ଆସନରେ ନିର୍ବାଚନ ହେବାକୁ ଯାଉଛି। ଏହି ୩ ସିଟ୍ ମଧ୍ୟରୁ ୨ ଆସନ ପାଇଁ ସୋମବାର ବିଜେଡ଼ି ପକ୍ଷରୁ ପ୍ରାର୍ଥୀ ଘୋଷଣା କରାଯାଇଛି। ରାଜ୍ୟସଭା ନିର୍ବାଚନ ପାଇଁ ଦେବାଶିଷ ସାମନ୍ତରାୟ ଏବଂ ଶୁଭାଶିଷ ଖୁଣ୍ଟିଆଙ୍କୁ ପ୍ରାର୍ଥୀ କରିଛି ବିଜେଡି। ବାକି ଗୋଟିଏ ଆସନ ଲାଗି ପ୍ରାର୍ଥୀ ଘୋଷଣା କରିନାହିଁ ବିଜୁ ଜନତା ଦଳ।
7.Jagatsinghpur Parrot Racket Busted: ଜଗତସିଂହପୁର ଜିଲ୍ଲାରୁ ୭୨ ଶୁଆ ଶାବକକୁ ଜବତ କରାଯାଇଛି। ଏହି ଘଟଣାରେ ଗିରଫ ହୋଇଥିବା ୨ ଅଭିଯୁକ୍ତଙ୍କୁ ସୋମବାର କୋର୍ଟ ଚାଲଣ କରିଛି ବନ ବିଭାଗ। ଜଗତସିଂହପୁର ଜିଲ୍ଲା ସଦର ଥାନା ଅନ୍ତର୍ଗତ ନୂଆପୋଲ ନିକଟସ୍ଥ ଶବର ସାହିରେ ବନ ବିଭାଗ ପକ୍ଷରୁ ଚଢ଼ାଉ କରାଯାଇ ୭୨ ଶୁଆ ଶାବକ ଜବତ କରାଯାଇଥିଲା। ଏହି ଘଟଣାରେ ୨ ଅଭିଯୁକ୍ତଙ୍କୁ ଗିରଫ କରାଯାଇଥିଲା। ଗିରଫ ଅଭିଯୁକ୍ତ ହେଉଛନ୍ତି ସିଂହାରପୁର ଗ୍ରାମର ବରଦା ପ୍ରସନ୍ନ ସାହୁ ଏବଂ ଶଙ୍କର୍ଷଣ ସିଂହ।
8.Similipal Tiger Reserve: ବର୍ତ୍ତମାନ ପିକନିକ୍ ଋତୁ ହୋଇଥିବା କାରଣରୁ ଶିମିଳିପାଳ ଜାତୀୟ ଉଦ୍ୟାନରେ ପର୍ଯ୍ୟଟକଙ୍କ ଭିଡ ଲାଗୁଥିବା ଦେଖିବାକୁ ମିଳୁଛି। ହେଲେ ବର୍ତ୍ତମାନ ଯେଉଁ ଖବର ସାମ୍ନାକୁ ଆସିଛି ତାହା ଆପଣଙ୍କୁ ଆଶ୍ଚର୍ଯ୍ୟ ଚକିତ କରିଦେବ। କିଛି ପର୍ଯ୍ୟଟକ ଗୋଟିଏ ଗାଡିରେ ଶିମିଳିପାଳ ବୁଲିବାକୁ ଯାଇଥିବା ସମୟରେ ଏକ ବାଘ ହାବୁଡରେ ପଡିଥିବାର ଖବର ଆସିଛି। ପାଖାପାଖି ୧୫ ମିନିଟ୍ ଗାଡି ପାଖରେ ରହିବା ପରେ ବାଘ ଜଙ୍ଗଲ ଭିତରକୁ ଚାଲିଯାଇଥିଲା।
9. Odisha Govt Loan Scheme: ରାଜ୍ୟ ସରକାର ଆଜି ଯୁବ ବର୍ଗଙ୍କ ପାଇଁ ଏକ ବଡ଼ ଘୋଷଣା କରିଛନ୍ତି। ବେକାର ଯୁବକ ଯୁବତୀଙ୍କ ପାଇଁ ସ୍ଵୟଂ ଯୋଜନା ଘୋଷଣା କରିଛନ୍ତି ମୁଖ୍ୟମନ୍ତ୍ରୀ। ରାଜ୍ୟ ସରକାର ଆଜି ଯୁବ ବର୍ଗଙ୍କ ପାଇଁ ଏକ ବଡ଼ ଘୋଷଣା କରିଛନ୍ତି। ବେକାର ଯୁବକ ଯୁବତୀଙ୍କ ପାଇଁ ସ୍ଵୟଂ ଯୋଜନା ଘୋଷଣା କରିଛନ୍ତି ମୁଖ୍ୟମନ୍ତ୍ରୀ। ଏହି ଯୋଜନା ଅଧିନରେ ଯୁବଗୋଷ୍ଠୀଙ୍କୁ ୧ ଲକ୍ଷ ଟଙ୍କା ଋଣ ପ୍ରଦାନ କରାଯିବ। ୧୮ ବର୍ଷରୁ ୩୫ ବର୍ଷୀୟ ଗ୍ରାମୀଣ ଯୁବପିଢିଙ୍କୁ ଏହି ଯୋଜନାର ଲାଭ ପାଇବେ।
10. 8 navy officers got free from Qatar: କୂଟନୈତିକ କ୍ଷେତ୍ରରେ ଭାରତକୁ ମିଳିଛି ବଡ଼ ବିଜୟ। ଗୁପ୍ତଚର ମାମଲାରେ ୮ ପୂର୍ବତନ ଭାରତୀୟ ନୌସେନା ଅଧିକାରୀଙ୍କୁ ମୁକ୍ତ କରିଛି କାତାର। ସୋମବାର ସକାଳେ ବୈଦେଶିକ ମନ୍ତ୍ରଣାଳୟର ହସ୍ତକ୍ଷେପ ପରେ ସମସ୍ତ ପୂର୍ବତନ ନୌସେନା ଅଧିକାରୀଙ୍କୁ ମୁକ୍ତ ହୋଇଛନ୍ତି। ମୁକ୍ତ ହୋଇଥିବା ନୌସେନାର ୮ ଜଣ ପୂର୍ବତନ କର୍ମଚାରୀଙ୍କ ମଧ୍ଯରୁ ୭ ଜଣ କାତାର ଠାରୁ ଭାରତ ଫେରିଛନ୍ତି।
)