 "Top 10 News Headlines: ଆରମ୍ଭ ହେଲା ବଜେଟ୍ ଅଧିବେଶନ; ପଢନ୍ତୁ ଦିନଯାକର ୧୦ ପ୍ରମୁଖ ଖବର")
Top 10 News Headlines | 5 February 2024 | Evening
1.Odisha Assembly Budget Session 2024: ଫେବୃଆରୀ ୫ ତାରିଖ ସୋମବାର ଠାରୁ ଆରମ୍ଭ ହୋଇଛି ଓଡ଼ିଶା ବିଧାନସଭାର ବଜେଟ୍ ଅଧିବେଶନ। ପ୍ରଥମ ଦିନରେ ରାଜ୍ୟପାଳଙ୍କ ଅଭିଭାଷଣ ଏବଂ ଏହା ପର ୨ ଦିନ ରାଜ୍ୟପାଳଙ୍କ ଅଭିଭାଷଣ ଉପରେ ଧନ୍ୟବାଦ ପ୍ରସ୍ତାବ ଆଗତ ହେବ। ଏହା ପରେ ୮ ତାରିଖ ଦିନ ବଜେଟ୍ ଉପସ୍ଥାପନ ହେବାର କାର୍ଯ୍ୟକ୍ରମ ରହିଛି। ସମୁଦାୟ ୭ ଦିନର ବଜେଟ୍ ଅଧିବେଶନରେ ଗୋଟିଏ ଦିନ ବେସରକାରୀ ସଦସ୍ୟଙ୍କ ପାଇଁ ଉଦ୍ଦିଷ୍ଟ ରହିଛି।
2.Governor Speech on Odisha Assembly Budget Session 2024: ସୋମବାର ଆରମ୍ଭ ହୋଇଥିବା ବଜେଟ୍ ଅଧିବେଶନ ଆରମ୍ଭରୁ ଦିବଙ୍ଗତ ନେତା ପୂର୍ବତନ ସଦସ୍ୟଙ୍କୁ ଶ୍ରଦ୍ଧାଞ୍ଜଳି ଜଣାଇଥିଲେ ରାଜ୍ୟପାଳ ରଘୁବର ଦାସ।। ଏହା ସହିତ ଶହୀଦଙ୍କ ପାଇଁ ମଧ୍ୟ ଶୋକବ୍ୟକ୍ତ କରିଥିଲେ। ଏହାପରେ ଗୃହରେ ନିଜର ଅଭିଭାଷଣ ରଖିଥିଲେ ରାଜ୍ୟପାଳ। ଅଭିଭାଷଣ ପ୍ରାରମ୍ଭରେ ପୁରୀ ଶ୍ରୀମନ୍ଦିର ପରିକ୍ରମା ପ୍ରକଳ୍ପକୁ ପ୍ରଂଶସା କରିଥିଲେ ରାଜ୍ୟପାଳ।
3.Champai Soren led Government Wins Floor Test: ଫେବୃଆରୀ ୫ ତାରିଖ ସୋମବାର ଝାଡ଼ଖଣ୍ଡ ବିଧାନସଭାରେ ବହୁମତ ସାବ୍ୟସ୍ତ କରିଛି ମୁଖ୍ୟମନ୍ତ୍ରୀ ଚମ୍ପାଇ ସୋରେନଙ୍କ ନେତୃତ୍ୱାଧିନ ସରକାର। ଜେଏମଏମ ନେତୃତ୍ୱାଧିନ ମହାମେଣ୍ଟ ସରକାରକୁ ୪୭ ବିଧାୟକଙ୍କ ସମର୍ଥନ ମିଳିଥିଲା। ମୋଟ ୮୧ ଆସନ ବିଶିଷ୍ଟ ଝାଡ଼ଖଣ୍ଡ ବିଧାନସଭାରେ ସରକାର ଗଠନ ଲାଗି ୪୧ ବିଧାୟକଙ୍କ ସମର୍ଥନ ଆବଶ୍ୟକ। ଜେଏମଏମ ନେତୃତ୍ୱାଧିନ ମହାମେଣ୍ଟ ସରକାରକୁ ଆବଶ୍ୟକୀୟ ବହୁମତ ଠାରୁ ଅଧିକ ୬ ଭୋଟ ମିଳିଥିଲା। ଅନ୍ୟପଟେ ମହାମେଣ୍ଟ ସରକାର ବିରୋଧରେ ଆଗତ ଅନାସ୍ଥା ପ୍ରସ୍ତାବକୁ ୨୯ ଭୋଟ ମିଳିଥିଲା।
4.PM Narendra Modi Budget Session Speech 2024 in Lok Sabha: ୨୦୨୪ ବଜେଟ ଅଧିବେଶନରେ ରାଷ୍ଟ୍ରପତିଙ୍କ ସମ୍ବୋଧନ ଉପରେ ଧନ୍ୟବାଦ ଦିଆଯିବା ପରେ ସୋମବାର ଲୋକସଭା ନିଜର ଅଭିଭାଷଣ ରଖିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ରାଷ୍ଟ୍ରପତିଙ୍କ ସମ୍ବୋଧନ ଉପରେ ଧନ୍ୟବାଦ ଦେଇ ଅଭିଭାଷଣ ରଖିବା ଅବସରରେ ବିରୋଧିଙ୍କୁ ଟାର୍ଗେଟ କରିଥିଲେ ପ୍ରଧାନମନ୍ତ୍ରୀ। ବିରୋଧି ଦଳଙ୍କୁ କଟାକ୍ଷ କରି ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ ସେମାନେ ବହୁ ଦଶନ୍ଧି ଧରି ବିରୋଧି ଦଳ ଆସନରେ ବସିବାକୁ ନିଷ୍ପତ୍ତି ନେଇଛନ୍ତି।
5.Team India Wins in Second Test against England 2024: ବିଶାଖାପାଟଣା ଠାରେ ଚାଲିଥିବା ଦ୍ୱିତୀୟ ଟେଷ୍ଟ ମୁକାବିଲାରେ ଭାରତୀୟ ଦଳ ବିଶାଳ ବିଜୟ ହାସଲ କରିଛି। ଦ୍ୱିତୀୟ ଟେଷ୍ଟ ମୁକାବିଲାରେ ଇଂଲଣ୍ଡ ଟିମ୍ ୧୦୬ ରନ ବ୍ୟବଧାନରେ ଭାରତୀୟ ଦଳ ପାଖରୁ ପରାସ୍ତ ହୋଇଛି। ୩୯୯ ରନ୍ ବିଜୟ ଲକ୍ଷ୍ୟକୁ ପିଛା କରି ୨୯୨ ରନ୍ ସଂଗ୍ରହ କରିବା ଅଲ୍ ଆଉଟ୍ ହୋଇୟାଇଥିଲା ଇଂଲଣ୍ଡ। ଏହା ସହିତ ୫ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ମୁକାବିଲାରେ ସ୍ଥିତି ବରାବର କରିଛି ଭାରତ। କାରଣ ପ୍ରଥମ ଟେଷ୍ଟ ଇଂଲଣ୍ଡ ଜିତିଥିଲା। ପ୍ରଥମ ପାଳିରେ ୧୪୩ ରନ୍ ବ୍ୟବଧାନରେ ଅଗ୍ରଣୀ ରହିଥିବା ଭାରତୀୟ ଦଳ ଦ୍ୱିତୀୟ ପାଳିରେ ୨୫୫ ରନ୍ କରି ଅଲ୍ଆଉଟ୍ ହୋଇଥିଲା। ଭାରତୀୟ ଦଳ ପକ୍ଷରୁ ଶୁଭମନ ଗିଲ୍ ୧୦୪ ରନ୍ ସଂଗ୍ରହ କରିଥିଲେ। ଇଂଲଣ୍ଡ ୩୯୯ ରନ୍ ବିଜୟ ଲକ୍ଷ୍ୟକୁ ପିଛା କରିଥିଲା। ହେଲେ ଦଳର କୌଣସି ଖେଳାଳି ବଡ଼ ସ୍କୋର କରିପାରି ନଥିଲେ। ଓପନର ଜ୍ୟାକ୍ କ୍ରାଉଲୀ ସର୍ବାଧିକ ୭୩ ରନ୍ କରିଥିଲେ।
6.Election Commission says do not use children in Election Campaign: ଫେବୃଆରୀ ୫ ତାରିଖ ସୋମବାର ନିର୍ବାଚନ ଆୟୋଗ ପକ୍ଷରୁ ଜାରି ହୋଇଛି ଏକ ନିର୍ଦ୍ଦେଶନାମା। ଏନେଇ ନିର୍ବାଚନ ଆୟୋଗ କହିଛନ୍ତି ଯେ ରାଜନୈତିକ ଦଳ ଏବଂ ପ୍ରାର୍ଥୀ ଛୋଟ ପିଲାଙ୍କୁ କୌଣସି ପ୍ରକାରର ରାଜନୈତିକ ଅଭିଯାନ ଏବଂ ସମାବେଶରେ ବ୍ୟବହାର କରିବେ ନାହିଁ। ଏହି ନିର୍ଦ୍ଦେଶାବଳୀରେ କୌଣସି ପ୍ରକାରେ କବିତା, ଗୀତ, ସ୍ଲୋଗାନ କିମ୍ବା ପିଲାଙ୍କ ଦ୍ୱାରା କଥିତ ଶବ୍ଦ କିମ୍ବା କୌଣସି ରାଜନୈତିକ ଦଳ କିମ୍ବା ପ୍ରାର୍ଥୀଙ୍କ ପ୍ରତୀକ ପ୍ରଦର୍ଶନ ସହିତ ରାଜନୈତିକ ପ୍ରଚାରରେ ଛୋଟ ପିଲାଙ୍କ ସମ୍ପୃକ୍ତିକୁ ବାରଣ କରାଯାଇଛି।
7.Uttar Pradesh Budget 2024: ୨୦୨୪ ଆର୍ଥିକ ବର୍ଷ ପାଇଁ ଫେବୃଆରୀ ୫ ତାରିଖ ସୋମବାର ବଜେଟ ଉପସ୍ଥାପନ କରିଛନ୍ତି ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ନେତୃତ୍ୱାଧିନ ସରକାର। ଚଳିତ ଆର୍ଥିକ ବର୍ଷ ପାଇଁ ଯୋଗୀ ସରକାର ୭.୩୬ ଲକ୍ଷ କୋଟି ଟଙ୍କା ବଜେଟ୍ ଉପସ୍ଥାପନ କରିଛନ୍ତି। ଯଦି ଚଳିତ ବର୍ଷର ବଜେଟ ଆକାର ବିଷୟରେ କୁହାଯାଏ, ତାହେଲେ ଏଥର ରାଜ୍ୟରେ ସବୁଠାରୁ ବଡ ବଜେଟ୍ ଉପସ୍ଥାପିତ ହୋଇଛି। ପୂର୍ବରୁ ରାଜ୍ୟରେ ଏତେ ବଡ଼ ଆକାରର ବଜେଟ୍ କେବେ ଉପସ୍ଥାପିତ ହୋଇନାହିଁ। ଯେଉଁଠାରେ ବଜେଟ ଆକାର ଦୃଷ୍ଟିରୁ ଉତ୍ତର ପ୍ରଦେଶ ପ୍ରଥମ ସ୍ଥାନରେ ରହିଛି। ଏହା ସହିତ ମହାରାଷ୍ଟ୍ର ୨୦୨୩-୨୪ ଆର୍ଥିକ ବର୍ଷରେ ୫ ଲକ୍ଷ ୪୭ ହଜାର ୪୫୦ କୋଟି ଟଙ୍କାର ବଜେଟ୍ ଉପସ୍ଥାପନ କରିଥିଲା। ବଜେଟ୍ ଆକାର ତାଲିକାରେ ମହାରାଷ୍ଟ୍ର ଦ୍ୱିତୀୟ ସ୍ଥାନରେ ରହିଛି।
8.Bhubaneswar Baramunda New Bus Stand: ଭାରତୀୟ ସମ୍ବିଧାନ ପ୍ରଣେତା ତଥା ସାମାଜିକ ନ୍ୟାୟର ପ୍ରତୀକ ବାବା ସାହେବ ଭୀମରାଓ ଆମ୍ବେଦକରଙ୍କ ନାମରେ ନାମିତ ହେବ ଭୁବନେଶ୍ବର ବରମୁଣ୍ଡା ବସଷ୍ଟାଣ୍ଡ। ରାଜଧାନୀରେ ଅବସ୍ଥିତ ରାଜ୍ୟର ଏହି ପ୍ରମୁଖ ବସଷ୍ଟାଣ୍ଡ ବାବା ସାହେବ ଭୀମରାଓ ଆମ୍ବେଦକରଙ୍କ ନାମରେ ନାମିତ ହେଉଥିବା ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଏ ସମ୍ପର୍କରେ ଜଣାଇବା ବେଳେ ମୁଖ୍ୟମନ୍ତ୍ରୀ ଡକ୍ଟର ଭୀମରାଓ ଆମ୍ବେଦକରଙ୍କ ପ୍ରତି ଗଭୀର ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ଏଣିକି ବରମୁଣ୍ଡା ବସଷ୍ଟାଣ୍ଡ ବାବା ସାହେବ ଭୀମ ରାଓ ଆମ୍ବେଦକର ବସ ଟର୍ମିନାଲ ନାମରେ ନାମିତ ହେବ।
9.Chile Wildfires 2024: ଜଙ୍ଗଲ ନିଆଁରେ ଜଳି ପୋଡ଼ି ଛାରଖାର ହୋଇଯାଇଛି ଲାଟିନ ଆମେରିକୀୟ ଦେଶ ଚିଲି। ବିଗତ ୩ ଦିନ ମଧ୍ୟରେ ଦେଶର ଜଙ୍ଗଲରେ ହୋଇଥିବା ଅଗ୍ନିକାଣ୍ଡ କାରଣରୁ ୧୧୨ ଜଣ ଲୋକଙ୍କ ମୃତ୍ୟୁ ହୋଇଛି। ଅଗ୍ନିକାଣ୍ଡ କାରଣରୁ ପ୍ରଭାବିତ ହୋଇଥିବା ଅନେକ ସହରରେ ପ୍ରଶାସନ ପକ୍ଷରୁ କର୍ଫ୍ୟୁ ଲଗଯାଇଛି। କେନ୍ଦ୍ରୀୟ ଚିଲି ଅଞ୍ଚଳର ଅବସ୍ଥିତ ଜଙ୍ଗଲରେ ୨ ଦିନ ପୂର୍ବେ ହୋଇଥିବା ଅଗ୍ନିକାଣ୍ଡତକୁ ଆୟତ୍ତ କରିବା ପାଇଁ ଅଗ୍ନିଶମ ବିଭାଗର କର୍ମଚାରୀ ବହୁ ସଂଘର୍ଷ କରିଥିଲେ।
10.free bus service for transgender community in delhi: ମାଗଣା ବସ୍ ଯାତ୍ରା ସମ୍ପର୍କରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ସୋମବାର ଏକ ବଡ଼ ଘୋଷଣା କରିଛନ୍ତି। ବର୍ତ୍ତମାନ ଦିଲ୍ଲୀରେ ମହିଳାଙ୍କ ପରେ କିନ୍ନର ମଧ୍ୟ ଦିଲ୍ଲୀ ପରିବହନ ନିଗମ ଦ୍ୱାରା ପରିଚାଳିତ ବସ୍ ଯୋଗେ ମାଗଣାରେ ଯାତ୍ରା କରିପାରିବେ। ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଟ୍ୱିଟ୍ କରି କହିଛନ୍ତି ଯେ କିନ୍ନର ସମ୍ପ୍ରଦାୟ ଆମ ସାମାଜିକ ପରିବେଶରେ ମୁଖ୍ୟତଃ ଅବହେଳିତ। ଏହା ଘଟିବା ଉଚିତ ନୁହେଁ, ସେମାନେ ମଧ୍ୟ ମଣିଷ ଏବଂ ସେମାନଙ୍କର ମଧ୍ୟ ସମାନ ଅଧିକାର ଅଛି। ଦିଲ୍ଲୀ ସରକାର ନିଷ୍ପତ୍ତି ନେଇଛନ୍ତି ଯେ ବର୍ତ୍ତମାନ କିନ୍ନର ସମ୍ପ୍ରଦାୟ ପାଇଁ ଦିଲ୍ଲୀ ପରିବହନ ନିଗମ ବସ୍ ଯାତ୍ରା ସମ୍ପୂର୍ଣ୍ଣ ମାଗଣା ହେବ। ଖୁବ୍ ଶୀଘ୍ର ଏହାକୁ କ୍ୟାବିନେଟ୍ ଅନୁମତି ମିଳିବ।
)