Top 10 News: ଚୁଟକିରେ ପଢ଼ନ୍ତୁ ବର୍ତ୍ତମାନର ୧୦ଟି ଗୁରୁତ୍ୱପୂର୍ଣ୍ଣ ଖବର...

Top 10 News: ଚୁଟକିରେ ପଢ଼ନ୍ତୁ ବର୍ତ୍ତମାନର ୧୦ଟି ଗୁରୁତ୍ୱପୂର୍ଣ୍ଣ ଖବର...

1.Congress: ପଛୁଆ ବର୍ଗଙ୍କୁ ୨୭% ସଂରକ୍ଷଣ ଦାବି କଲା କଂଗ୍ରେସ।‘କେବଳ ସରକାରୀ ନୁହେଁ, ବେସରକାରୀ ନିଯୁକ୍ତିରେ କାର୍ଯ୍ୟକାରୀ କରାଯାଉ,SC\STଙ୍କୁ ମେଡିକାଲ ଓ ଟେକ୍ନିକାଲ କ୍ଷେତ୍ରରେ ୪୦% ସଂରକ୍ଷଣ କରାଯାଉ। ଏ ଦିଗରେ ସରକାର କାର୍ଯ୍ୟାନୁଷ୍ଠାନ ନେଇନାହାନ୍ତି, ସେଥିପାଇଁ ଗଣଧାରଣା, ଆଗାମୀ ଦିନରେ କଂଗ୍ରେସ ଏହି ଆନ୍ଦୋଳନକୁ ଗାଁ ଗାଁ କୁ ନେବ’।

2.IAS Sudhakar Burgi: ଓଡ଼ିଶା ଷ୍ଟାଫ୍ ସିଲେକ୍ସନ୍ କମିଶନ (OSSC)ର ସଦସ୍ୟ IAS ସୁଧାକର ବୁର୍ଗୀ IAS (ଅବସରପ୍ରାପ୍ତ)ଙ୍କୁ ଭୁବନେଶ୍ୱରରେ ଏହାର ଅଧ୍ୟକ୍ଷ ଭାବରେ ନିଯୁକ୍ତ କରାଯାଇଛି। ପୂର୍ବତନ ଡିଜିପି ଅଭୟଙ୍କ ଇସ୍ତଫା ପରେ ଏହି ନିଷ୍ପତ୍ତି ନିଆଯାଇଛି। ପୂର୍ବତନ OSSC ଅଧ୍ୟକ୍ଷ ୧୯ ମଇ ୨୦୨୫ରେ ନିଜ ପଦବୀରୁ ଇସ୍ତଫା ଦେଇଥିଲେ।ଓଡ଼ିଶା ସରକାରଙ୍କ ସାଧାରଣ ପ୍ରଶାସନ ଏବଂ ସାଧାରଣ ଅଭିଯୋଗ ବିଭାଗ ପକ୍ଷରୁ ଏକ ବିଜ୍ଞପ୍ତିରେ କୁହାଯାଇଛି, "ଶ୍ରୀ ଅଭୟଙ୍କ ୧୯.୦୫.୨୦୨୫ ତାରିଖରେ ଦିଆଯାଇଥିବା ପ୍ରତିନିଧିତ୍ୱର ଭଲ ଭାବରେ ବିଚାର କରିବା ପରେ ସରକାର ଓଡ଼ିଶା ଷ୍ଟାଫ୍ ସିଲେକ୍ସନ କମିଶନର ଅଧ୍ୟକ୍ଷ ଶ୍ରୀ ଅଭୟଙ୍କ ଇସ୍ତଫାପତ୍ରକୁ ତୁରନ୍ତ ଗ୍ରହଣ କରିବାକୁ ଖୁସି ଅନୁଭବ କରିଛନ୍ତି।"

3. Prime Minister Narendra Modi:ନୂଆଦିଲ୍ଲୀ: ଏପ୍ରିଲ ୨୨ ତାରିଖର ଲୋମଟାଙ୍କୁରା ପାହାଲଗାମ ଆତଙ୍କୀ ଆକ୍ରମଣର କଡ଼ା ଜବାବ ଦେଇଛି ଭାରତ। ୨୨ ମିନିଟ ମଧ୍ୟରେ ଭାରତୀୟ ସେନା ୯ ଆତଙ୍କୀ ଆଡ୍ଡାକୁ ମାଟିରେ ମିଶାଇଛନ୍ତି। ପ୍ରଧାନମନ୍ତ୍ରୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁବାର ରାଜସ୍ଥାନ ଗସ୍ତରେ ଯାଇ ଏହା କହିଛନ୍ତି। ସେ ଆହୁରି ମଧ୍ୟ କହିଛନ୍ତି କି ଅପରେସନ ସିନ୍ଦୂରର ପ୍ରତିଧ୍ୱନି ଆଉ ସୀମା ମଧ୍ୟରେ ସୀମିତ ରହି ନାହିଁ। ଏହା ମଞ୍ଚ ମାଧ୍ୟମରେ ସିଧାସଳଖ ଲୋକଙ୍କ ହୃଦୟରେ ପହଞ୍ଚିଲା। ପ୍ରଧାନମନ୍ତ୍ରୀ ମୋଦୀ ସ୍ପଷ୍ଟ ଭାବରେ କହିଥିଲେ ଯେ ଆକ୍ରମଣ ୨୨ ତାରିଖରେ ହୋଇଥିଲା ଏବଂ ୨୨ ମିନିଟ ମଧ୍ୟରେ ଜବାବ ଦିଆଯାଇଥିଲା! 

Add Zee News as a Preferred Source

4.Jyoti Malhotra: ହରିୟାଣାର ୟୁଟ୍ୟୁବର ଜ୍ୟୋତି ମଲହୋତ୍ରାଙ୍କ ସମସ୍ୟା କ୍ରମାଗତ ଭାବରେ ବଢ଼ିବାରେ ଲାଗିଛି। ପାକିସ୍ତାନ ପାଇଁ ଗୁପ୍ତଚର ଅଭିଯୋଗରେ ଗିରଫ ହୋଇଥିବା YouTuberଙ୍କ ରିମାଣ୍ଡ ଶେଷ ହେବା ପରେ ଆଜି ପୁଣି ଥରେ ତାଙ୍କୁ କୋର୍ଟରେ ହାଜର କରାଯାଇଛି। ଯାହା ପରେ କୋର୍ଟ ପୁଣି ଥରେ ଜ୍ୟୋତିଙ୍କୁ ୪ ଦିନିଆ ରିମାଣ୍ଡରେ ପଠାଇବାକୁ ନିର୍ଦ୍ଦେଶ ଦେଇଛି। ପୂର୍ବରୁ ଜ୍ୟୋତିଙ୍କୁ ୫ ଦିନିଆ ରିମାଣ୍ଡରେ ପଠାଯାଇଥିଲା। ଏହି ସମୟ ମଧ୍ୟରେ, ସୁରକ୍ଷା ଏଜେନ୍ସିଗୁଡ଼ିକ ତାଙ୍କୁ କିଛି ଘଣ୍ଟା ଧରି ପଚରାଉଚରା କରିଥିଲେ।କୋର୍ଟ ପୁଣି ଥରେ ଜ୍ୟୋତିଙ୍କୁ ୪ ଦିନିଆ ରିମାଣ୍ଡରେ ପଠାଇବାକୁ ନିର୍ଦ୍ଦେଶ ଦେଇଛି। ପୂର୍ବରୁ ଜ୍ୟୋତିଙ୍କୁ ୫ ଦିନିଆ ରିମାଣ୍ଡରେ ପଠାଯାଇଥିଲା। ଏହି ସମୟ ମଧ୍ୟରେ, ସୁରକ୍ଷା ଏଜେନ୍ସିଗୁଡ଼ିକ ତାଙ୍କୁ କିଛି ଘଣ୍ଟା ଧରି ପଚରାଉଚରା କରିଥିଲେ

5.COVID-19: ରାଜଧାନୀ ଭୁବନେଶ୍ବରରେ କୋରୋନା ଜଣେ କୋରୋନା ଆକ୍ରାନ୍ତ ଚିହ୍ନଟ ହୋଇଛି। ଯାହାକୁ ନେଇ ଆତଙ୍କିତ ହୋଇପଡିଛନ୍ତି ରାଜଧାନୀବାସୀ। ଏନେଇ ଆଜି ଏକ ବୈଠକ ବସିଥିବା ବେଳେ ବ୍ୟସ୍ତ ନହେବା ପାଇଁ ରାଜ୍ୟବାସୀଙ୍କୁ ପରାମର୍ଶ ଦେଇଛନ୍ତି ସ୍ବାସ୍ଥ୍ୟ ସଚିବ ଏସ୍ ଅଶ୍ବଥୀ । ରାଜଧାନୀରେ କୋରୋନା ଚିହ୍ନଟ ନେଇ ସ୍ବାସ୍ଥ୍ୟ ସଚିବଙ୍କ ପ୍ରତିକ୍ରିୟା ରଖିଛନ୍ତି। କୋଭିଡ୍‌କୁ ନେଇ ବ୍ୟସ୍ତ ନ ହେବାକୁ ପରାମର୍ଶ ଦେଇଛନ୍ତି ସ୍ବାସ୍ଥ୍ୟ ସଚିବ।‘ନୂଆ ଭ୍ୟାରିଆଣ୍ଟରେ ସିଭିୟରିଟି କମ୍‌ ରହିଛି’। କେନ୍ଦ୍ର ସରକାରଙ୍କ ପକ୍ଷରୁ କୌଣସି ନୂତନ ଗାଇଡ୍‌ଲାଇନ ଆସିନି’। ପଜିଟିଭ ଚିହ୍ନଟ ବ୍ୟକ୍ତି ଜଣଙ୍କ ଭଲ ଅଛନ୍ତି ବୋଲି କହିଛନ୍ତି ସ୍ବାସ୍ଥ୍ୟ ସଚିବ। ବ୍ୟକ୍ତି ଜଣଙ୍କ କୋରୋନା ସହ ବହୁବିଦ୍ଧ ରୋଗରେ ଆକ୍ରାନ୍ତ ଅଛନ୍ତି ।

6.Weather News: ଆସନ୍ତା କାଲି ଶୁକ୍ରବାର ୨୬ ଜିଲ୍ଲା ପାଇଁ ୟେଲୋ ଆଲର୍ଟ ଜାରି କରିଛି ପାଣିପାଗ ବିଭାଗ। ୟେଲୋ ଆଲର୍ଟ ଜାରି କରାଯାଇଥିବା ୨୬ ଜିଲ୍ଲା ହେଉଛି ଗଞ୍ଜାମ, ଗଜପତି, ମାଲକାନଗିରି, କୋରାପୁଟ, ରାୟଗଡ଼ା, କନ୍ଧମାଳ, ସୁନ୍ଦରଗଡ଼, ବଲାଙ୍ଗିର୍, ସୋନପୁର, ନୂଆପଡ଼ା, ମୟୂରଭଞ୍ଜ, କଳାହାଣ୍ଡି, ନବରଙ୍ଗପୁର, ବାଲେଶ୍ୱର, ଭଦ୍ରକ, ଯାଜପୁର, କେନ୍ଦ୍ରାପଡ଼ା, କଟକ, ଜଗତସିଂହପୁର, ପୁରୀ, ଖୋର୍ଦ୍ଧା, ନୟାଗଡ଼, ଢେଙ୍କାନାଳ, ଅନୁଗୁଳ ଓ କେନ୍ଦୁଝର।

7.Odisha News: ବୋମା ମାଡ଼ କରି ୨ଲକ୍ଷ ଟଙ୍କା ଲୁଟ୍ ଅଭିଯୋଗ । କେନ୍ଦୁଝର ଜିଲ୍ଲା ଚମ୍ପୁଆ ଥାନା ସରେଇ ନିକଟରେ ବୋମା ଫୁଟାଇ ଦୁଇ ଲକ୍ଷ ଟଙ୍କା ଲୁଟ୍ ଅଭିଯୋଗ ହୋଇଛି । କରଞ୍ଜିଆ ସରକାରୀ ସ୍ବୀକୃତିପ୍ରାପ୍ତ ବିଦେଶୀ ମଦ ଦୋକାନରୁ ଦୋକାନ ବନ୍ଦ କରି ଦୋକାନର ୨ଜଣ କର୍ମଚାରୀ ଦିନେଶ ପ୍ରସାଦ ଓ ଅଶ୍ବୀନି କର, ସ୍କୁଟି ଡିକିରେ ଦୋକାନରେ ବିକ୍ରି ଟଙ୍କା ଧରି ଦୋକାନ ମାଲିକଙ୍କ ଘରକୁ ଯାଉଥିବା ବେଳେ, ସରେଇ ଆମ୍ଵବଗିଚା ନିକଟରେ ୩ ଜଣ ଦୁର୍ବୃତ୍ତ ବାଇକ୍ ରେ ଆସି ବୋମା ମାଡ଼ କରିଥିଲେ। ଟଙ୍କା ଲୁଟିନେଇ ପୁଣି କରଞ୍ଜିଆ ରାସ୍ତା ଦେଇ ଫେରାର୍ ହେଇଯାଇଥିଲେ । ଗତକାଲି ବିଳମ୍ୱିତ ରାତିରେ ଘଟଣା ଘଟିଥିବା ବେଳେ,ଆଜି ଖବର ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।

8.Odisha News: ବ୍ରହ୍ମପୁର ଜେଲ ନିକଟରେ ଲୁଚାଇ ରଖିଥିବା ବମ୍ ଏବଂ ଖଣ୍ଡା ଉଦ୍ଧାର ଘଟଣାରେ ପାଞ୍ଚଜଣ ପେସାଦାର ଅପରାଧୀକୁ ଗିରଫ କରି କୋର୍ଟ ଚାଲାଣ କଲା ବୈଦ୍ୟନାଥପୁର ଥାନା ପୋଲିସ। ଗିରଫ ଅଭିଯୁକ୍ତମାନେ ହେଲେ ବ୍ରହ୍ମପୁର ବଡବଜାର ଥାନା ଦକ୍ଷିଣପୁର‌ ଗ୍ରାମର‌ ନିଳମାଧବ ସାହୁ ଅରଫ୍ (ଭବାନି)। ନିମଖଣ୍ଡି ଥାନା ଅନ୍ତର୍ଗତ ପୁଲଟା ବାଉରୀ ସାହିର କାଳିଆ ଦାସ ଅରଫ୍‌(ଗୈରା) ଓ ଦିନବନ୍ଧୁ ଦାସ(ଛୁଟା)। ବଡବଜାର ଥାନା ଅନ୍ତର୍ଗତ ପ୍ରେମ ନଗର ପ୍ରଥମ ଲାଇନର ମଣି ରାଓ । ଏବଂ ବେଲଗାଁ ର ପ୍ରଭାତ ଦାସ । ଗିରଫ ଅଭିଯୁକ୍ତ ଙ୍କ ଠାରୁ ଚାରୋଟି ଜୀବନ୍ତ ବୋମା, ଆଠଟି ଖଣ୍ଡା ଏବଂ ଗୋଟିଏ ଲୁହା ରଡ୍।

9.IND vs ENG: ଭାରତୀୟ ସିନିୟର ଟିମ୍ ଜୁନ୍ ୨୦ ରୁ ଇଂଲଣ୍ଡ ଗସ୍ତ ଆରମ୍ଭ କରିବ। ଯାହା ପାଇଁ ସମସ୍ତ ପ୍ରଶଂସକ ଦଳ ଘୋଷଣା ହେବା ନେଇ ଉତ୍ସାହର ସହିତ ଅପେକ୍ଷା କରିଛନ୍ତି। ଜୁନ୍ ମାସରେ ଟିମ୍ ଇଣ୍ଡିଆର ୧୯ ବର୍ଷରୁ କମ୍ ଟିମ୍ ମଧ୍ୟ ଇଂଲଣ୍ଡ ଗସ୍ତ କରିବ। ଯାହା ପାଇଁ ବିସିସିଆଇ ଗୁରୁବାର ଦଳ ସମେତ ସମ୍ପୂର୍ଣ୍ଣ କାର୍ଯ୍ୟସୂଚୀ ଘୋଷଣା କରିଛି। ୨୦୨୫ ଆଇପିଏଲ୍ ସିଜିନରେ ନିଜର ପ୍ରଦର୍ଶନ ପାଇଁ ଚର୍ଚ୍ଚାକୁ ଆସିଥିବା ୧୪ ବର୍ଷୀୟ ଯୁବ ବ୍ୟାଟସମ୍ୟାନ୍ ବୈଭବ ସୂର୍ଯ୍ୟବଂଶୀଙ୍କୁ ମଧ୍ୟ ଦଳରେ ସ୍ଥାନ ମିଳିଛି। ଯେତେବେଳେ କି ସିଏସକେ ପାଇଁ ଖେଳୁଥିବା ଆୟୁଷ ମହାତ୍ରେୟଙ୍କୁ ଦଳର ଅଧିନାୟକ ଦାୟିତ୍ୱ ଦିଆଯାଇଛି।

10. Amitabh Bachan: କୌନ୍ ବନେଗା କରୋଡପତୀ ପ୍ରେମୀ ଏବଂ ଅମିତାଭ ବଚ୍ଚନଙ୍କ ପ୍ରଶଂସକଙ୍କ ପାଇଁ ଏହା ଅତ୍ୟନ୍ତ ଦୁଃଖଦ ଖବର। ହଁ ଆଜ୍ଞା ଏହି ଭେଟେରାନ୍ ଅଭିନେତା ଆଉ କୁଇଜ୍ ଶୋ’ KBC ହୋଷ୍ଟ କରିବେ ନାହିଁ। ସେ ଶୋ’ ଛାଡିବାକୁ ନିଷ୍ପତ୍ତି ନେଇଛନ୍ତି। ଗଣମାଧ୍ୟମ ରିପୋର୍ଟ ଅନୁଯାୟୀ ସଲମାନ ଖାନ୍ KBCର ହୋଷ୍ଟ ଭାବରେ ବିଗ୍ ବିଙ୍କୁ ବଦଳାଇ ପାରନ୍ତି। ଯଦି ବଲିଉଡ୍ ହଙ୍ଗାମାର ଏକ ସାମ୍ପ୍ରତିକ ରିପୋର୍ଟକୁ ବିଶ୍ୱାସ କରାଯାଏ, ତେବେ ବଲିଉଡର 'ଭାଇଜାନ' କେବିସିର ନିର୍ମାତାଙ୍କ ସହ ଆଲୋଚନା କରୁଛନ୍ତି ଏବଂ ଯଦି ସବୁକିଛି ଠିକ୍ ରହେ ତେବେ ସେ ସିଜିନ୍ ୧୭ରୁ ବିଗ୍ ବିଙ୍କ ଠାରୁ ହୋଷ୍ଟିଂ ଦାୟିତ୍ୱ ଗ୍ରହଣ କରିବେ।