Top 10 News: ଭୁବନେଶ୍ୱରର ଖୋଲିବ NIA ବ୍ରାଞ୍ଚ, କାଠଯୋଡି ନଦୀରେ ଭାସିଗଲେ ୨ ଇଞ୍ଜିନିୟର, ପଢ଼ନ୍ତୁ ୧୦ ବଡ଼ ଖବର

Top 10 Odia News Headlines: ଓଡ଼ିଶାରେ ଖୁବ୍‌ଶୀଘ୍ର ଜାତୀୟ ତଦନ୍ତ ସଂସ୍ଥା (NIA)ର ଏକ ଶାଖା ପ୍ରତିଷ୍ଠା କରାଯିବ। ରାଜ୍ୟ ସରକାରଙ୍କ ଗୃହ ବିଭାଗ ଏ ସମ୍ପର୍କରେ ଏକ ବିଜ୍ଞପ୍ତି ଜାରି କରିଛି। ସଂକ୍ଷେପରେ ପଢ଼ନ୍ତୁ ଦିନ ତମାମର ୧୦ଟି ବଡ଼ ଖବର।

Top 10 Odia News Headlines 18 May 2025: H1. Bhubaneswar to get NIA branch soon: ଓଡ଼ିଶାରେ ଖୁବ୍‌ଶୀଘ୍ର ଜାତୀୟ ତଦନ୍ତ ସଂସ୍ଥା (NIA)ର ଏକ ଶାଖା ପ୍ରତିଷ୍ଠା କରାଯିବ। ରାଜ୍ୟ ସରକାରଙ୍କ ଗୃହ ବିଭାଗ ଏ ସମ୍ପର୍କରେ ଏକ ବିଜ୍ଞପ୍ତି ଜାରି କରିଛି। ଖବର ଅନୁସାରେ NIA ଶାଖା ପ୍ରାରମ୍ଭିକ ଭାବରେ ଭୁବନେଶ୍ୱରର VSS ନଗରରେ କାର୍ଯ୍ୟ କରିବ। ଶାଖାର ମୁଖ୍ୟ ଭାବରେ ଜଣେ SP ସମକକ୍ଷ ପଦାଧିକାରୀଙ୍କୁ ନିଯୁକ୍ତ କରାଯିବ। 

H2. Two Engineers go missing while bathing: ଆଜି ଅପରାହ୍ନରେ କଟକର କାଠଯୋଡି ନଦୀରେ ଗାଧୋଇବା ବେଳେ ଦୁଇଜଣ ଇଞ୍ଜିନିୟର ନିଖୋଜ ହୋଇଯାଇଛନ୍ତି। ରିପୋର୍ଟ ଅନୁସାରେ, ସିଡିଏ ଅଞ୍ଚଳର ସେକ୍ଟର-୧୧ ନିକଟରେ ଚାରି ଜଣ ଯୁବକ ଗାଧୋଉଥିଲେ। ସେମାନଙ୍କ ମଧ୍ୟରୁ ଜଣେ ଭାରସାମ୍ୟ ହରାଇ ଗଭୀର ଜଳକୁ ଭାସି ଯାଇଥିଲେ। ତାଙ୍କୁ ଉଦ୍ଧାର କରିବାକୁ ଚେଷ୍ଟା କରି ଆଉ ଜଣେ ଯୁବକ ପାଣିକୁ ଡେଇଁ ପଡ଼ିଲେ କିନ୍ତୁସେ ମଧ୍ୟ ପ୍ରଚଣ୍ଡ ସ୍ରୋତରେ ଭାସିଯାଇଥିଲେ।

H3. Train to run from Nayagarh to Boudh soon: ରବିବାର ଦିନ ଜିଲ୍ଲାପାଳଙ୍କ କାର୍ଯ୍ୟାଳୟରେ ଅନୁଷ୍ଠିତ ଜିଲ୍ଲାସ୍ତରୀୟ ସମୀକ୍ଷା ବୈଠକରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ବୌଦ୍ଧର ବିକାଶରେ ତ୍ୱରାନ୍ୱିତ ପ୍ରୟାସ ପାଇଁ ଅନୁରୋଧ କରିଛନ୍ତି। ସରକାରୀ ସୂତ୍ରରୁ ସୂଚନା ମିଳିଛି ଯେ ଖୋର୍ଦ୍ଧା-ବଲାଙ୍ଗୀର ରେଳ ଲାଇନରେ ଏକ ଟ୍ରେନ୍ ନୟାଗଡ଼ରୁ ବୌଦ୍ଧ ଦେଇ ଚଳାଚଳ କରିବ।

H4. IB questions Odisha YouTuber Priyanka Senapati: ପୁରୀ ପୋଲିସ ସହାୟତାରେ ଇଣ୍ଟେଲିଜେନ୍ସ ବ୍ୟୁରୋ (IB) ସ୍ଥାନୀୟ YouTuber ପ୍ରିୟଙ୍କା ସେନାପତିଙ୍କୁ ପାକିସ୍ତାନ ପାଇଁ ଗୁପ୍ତଚର ଅଭିଯୋଗରେ ଗିରଫ ହୋଇଥିବା ହରିୟାଣାର ଜ୍ୟୋତି ମାଲହୋତ୍ରାଙ୍କ ସହ ତାଙ୍କର ସମ୍ପର୍କ ବିଷୟରେ ଆଜି ପଚରାଉଚରା କରିଛି। ରିପୋର୍ଟ ଅନୁସାରେ, ପ୍ରିୟଙ୍କା ୟୁଟ୍ୟୁବ୍ ମାଧ୍ୟମରେ ଜ୍ୟୋତିଙ୍କ ସମ୍ପର୍କରେ ଆସିଥିଲେ, ଯାହା ପରେ ଦୁହେଁ ବନ୍ଧୁ ହୋଇଥିଲେ।

H5. Fire in Gulzar Houz: ରବିବାର (୧୮ ମେ) ସକାଳେ ହାଇଦ୍ରାବାଦର ଚାରମିନାର ନିକଟସ୍ଥ ଗୁଲଜାର ହାଉସରେ ଏକ ଭୀଷଣ ଅଗ୍ନିକାଣ୍ଡ ଘଟି ୧୭ ଜଣଙ୍କର ମୃତ୍ୟୁ ହୋଇଛି। ମୁଖ୍ୟମନ୍ତ୍ରୀ ଏ ରେବନ୍ତ ରେଡ୍ଡୀ ଏହି ଘଟଣାରେ ଦୁଃଖ ପ୍ରକାଶ କରିଛନ୍ତି ଏବଂ ବିଲ୍ଡିଂରେ ଫସି ରହିଥିବା ଲୋକଙ୍କୁ ଉଦ୍ଧାର କରିବା ପାଇଁ ସମସ୍ତ ଆବଶ୍ୟକୀୟ ପଦକ୍ଷେପ ନେବାକୁ ବରିଷ୍ଠ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି।

H6. Ashoka university professor arrested: ରବିବାର ଦିନ ଅଶୋକା ବିଶ୍ୱବିଦ୍ୟାଳୟର ପ୍ରଫେସର ଅଲି ଖାନ ମହମୁଦାବାଦଙ୍କୁ ହରିୟାଣା ପୋଲିସ ଅପରେସନ ସିନ୍ଦୂର ବ୍ରିଫିଂ ସମ୍ପର୍କରେ ସୋସିଆଲ ମିଡିଆରେ ମନ୍ତବ୍ୟ ଦେବା ପାଇଁ ଗିରଫ କରିଛି। କହିରଖୁଛୁ ଯେ ହରିୟାଣା ରାଜ୍ୟ ମହିଳା କମିଶନ ପ୍ରଫେସର ଅଲି ଖାନ ମହମୁଦାବାଦଙ୍କ ବୟାନକୁ ବିଚାରକୁ ନେଇ ତାଙ୍କୁ ମେ ୧୨ ରେ ଏକ ନୋଟିସ ଜାରି କରିଥିଲେ। 

H7. BMC notice to Mithun Chakraborty: ବଲିଉଡର ବରିଷ୍ଠ ଅଭିନେତା ତଥା ବିଜେପି ନେତା ମିଥୁନ ଚକ୍ରବର୍ତ୍ତୀ ପୁଣି ଥରେ ଖବରର ଶିରୋନାମାରେ ଅଛନ୍ତି। ଅବୈଧ ନିର୍ମାଣ ମାମଲାରେ ବୃହନ୍ମୁମ୍ବାଇ ମ୍ୟୁନିସିପାଲ କର୍ପୋରେସନ (BMC) ମିଥୁନ ଚକ୍ରବର୍ତ୍ତୀଙ୍କୁ କାରଣ ଦର୍ଶାଅ ନୋଟିସ ଜାରି କରିଛି। ରିପୋର୍ଟ ଅନୁସାରେ ମଲାଡରେ ମିଥୁନ ଚକ୍ରବର୍ତ୍ତୀଙ୍କ ଏରଙ୍ଗଲ ଗ୍ରାମ ବଙ୍ଗଳାରେ ଅନୁମତି ବିନା କିଛି ନିର୍ମାଣ କାର୍ଯ୍ୟ କରାଯାଇଛି।

H8. Lashkar commander terrorist Saifullah killed: ଅପରେସନ ସିନ୍ଦୁର ପରେ ମର୍ମାହତ ପାକିସ୍ତାନୀ ଆତଙ୍କବାଦୀଙ୍କ ପାଇଁ ଆଉ ଏକ ଖରାପ ଖବର ଆସିଛି। ୨୦୦୬ ମସିହାରେ ନାଗପୁରରେ ଆରଏସଏସ ମୁଖ୍ୟାଳୟ ଉପରେ ଆତଙ୍କବାଦୀ ଆକ୍ରମଣର ମୁଖ୍ୟ କାରିଗର ଲସ୍କର-ଏ-ତୈବା କମାଣ୍ଡର ଅବୁ ସୈଫୁଲ୍ଲା ପାକିସ୍ତାନରେ ନିହତ ହୋଇଛି। 

H9. IPL 2025 RR vs PBKS Match: ଇଣ୍ଡିଆନ୍ ପ୍ରିମିୟର ଲିଗ୍ ୨୦୨୫ ର ୫୯ ତମ ମ୍ୟାଚ୍‌ରେ ପଞ୍ଜାବ କିଙ୍ଗ୍ସ ରାଜସ୍ଥାନ ରୟାଲ୍ସକୁ ପରାସ୍ତ କରିଛି। ରାଜସ୍ଥାନ ରୟାଲ୍ସକୁ ବିଜୟ ପାଇଁ ଶେଷ ଓଭରରେ ୨୨ ରନ୍ ଆବଶ୍ୟକ ଥିଲା କିନ୍ତୁ ମାର୍କୋ ଜନସେନ୍ ଧ୍ରୁବ ଜୁରେଲ ଏବଂ ୱାନିନ୍ଦୁ ହସରଙ୍ଗାଙ୍କୁ ଲଗାତାର ବଲ୍‌ରେ ଆଉଟ୍ କରି ବିଜୟ ଆଶାକୁ ସମ୍ପୂର୍ଣ୍ଣ ଧୂଳିସାତ କରିଦେଇଥିଲେ। ପ୍ରଥମେ ବ୍ୟାଟିଂ କରି ପଞ୍ଜାବ କିଙ୍ଗ୍ସ ୨୦ ଓଭରରେ ୨୧୯ ରନ କରିଥିଲା। ଜବାବରେ ରାଜସ୍ଥାନ ରୟାଲ୍ସ ଦଳ ୨୦୯ ରନ କରିପାରିଥିଲା।

H10. IPL 2025 DC vs GT Match: ଇଣ୍ଡିଆନ୍ ପ୍ରିମିୟର ଲିଗ୍ ୨୦୨୫ ର ୬୦ ତମ ମ୍ୟାଚ୍‌ରେ ଦିଲ୍ଲୀ କ୍ୟାପିଟାଲ୍ସ (DC) ରବିବାର ଦିଲ୍ଲୀର ଅରୁଣ ଜେଟଲି ଷ୍ଟାଡିୟମ୍‌ରେ ଗୁଜରାଟ ଟାଇଟାନ୍ସ (GT) ସହିତ ମୁକାବିଲା କରୁଛି। ଗୁଜୁରାଟ ଟସ୍ ଜିତି ବୋଲିଂ କରିବାକୁ ନିଷ୍ପତ୍ତି ନେଇଥିଲା। ଦିଲ୍ଲୀ କ୍ୟାପିଟାଲ୍ସ ୨୦ ଓଭରରେ ୩ ୱିକେଟ୍ ହରାଇ ୧୯୯ ରନ୍ କରିଛି। କେଏଲ ରାହୁଲ ଏକ ଚମତ୍କାର ଶତକ ହାସଲ କରିଛନ୍ତି।