Top 10 News: ମାଟ୍ରିକ ପରୀକ୍ଷାରେ ଛାତ୍ରୀମାନେ କଲେ କମାଲ, ଭକ୍ତଙ୍କ ପାଇଁ ଖୋଲିଲା କେଦାରନାଥ ମନ୍ଦିର, ପଢ଼ନ୍ତୁ ଆଜିର ୧୦ ବଡ଼ ଖବର

Top 10 Odia News Headlines: ଗଣଶିକ୍ଷା ମନ୍ତ୍ରୀ ଓ ବୋର୍ଡ କର୍ତ୍ତୃପକ୍ଷଙ୍କ ଉପସ୍ଥିତିରେ ଆଜି ମାଟ୍ରିକ ପରୀକ୍ଷା ଫଳ ପ୍ରକାଶ ପାଇଛି। ଏଥର ପାସ୍ ହାର ୯୪.୬୯% ରହିଛି। ଚଳିତବର୍ଷ ମଧ୍ୟ ଛାତ୍ରଙ୍କ ତୁଳନାରେ ଛାତ୍ରୀଙ୍କ ପାସ ହାର ଅଧିକ ରହିଛି। ସଂକ୍ଷେପରେ ପଢ଼ନ୍ତୁ ଦିନ ତମାମର ୧୦ଟି ବଡ଼ ଖବର।

Top 10 Odia News Headlines 2 May 2025: H1.  BSE Odisha 10th Result 2025 Announced: ଗଣଶିକ୍ଷା ମନ୍ତ୍ରୀ ଓ ବୋର୍ଡ କର୍ତ୍ତୃପକ୍ଷଙ୍କ ଉପସ୍ଥିତିରେ ଆଜି ମାଟ୍ରିକ ପରୀକ୍ଷା ଫଳ ପ୍ରକାଶ ପାଇଛି। ଏଥର ପାସ୍ ହାର ୯୪.୬୯% ରହିଛି। ଚଳିତବର୍ଷ ମଧ୍ୟ ଛାତ୍ରଙ୍କ ତୁଳନାରେ ଛାତ୍ରୀଙ୍କ ପାସ ହାର ଅଧିକ ରହିଛି। ଗଜପତି ଜିଲ୍ଲାରେ ସର୍ବାଧିକ ପାସ ହାର ରହିଥିବା ବେଳେ କୋରାପୁଟ ଜିଲ୍ଲାରେ ସର୍ବନିମ୍ନ ପାସ ହାର ରହିଛି । ଏହା ସମେତ ୩୨୭୩ ସ୍କୁଲରେ ଶତ ପ୍ରତିଶତ ରେଜଲ୍ଟ ଦେଖିବାକୁ ମିଳିଛି।

H2. SJTA Probe On Digha Temple: ପଶ୍ଚିମବଙ୍ଗର ଦୀଘା ଜଗନ୍ନାଥ ମନ୍ଦିରକୁ ନେଇ ବିବାଦର ଏକ ଆଭ୍ୟନ୍ତରୀଣ ତଦନ୍ତ କରିବାକୁ ରାଜ୍ୟ ସରକାର ପୁରୀର ଶ୍ରୀ ଜଗନ୍ନାଥ ମନ୍ଦିର ପ୍ରଶାସନ (SJTA)କୁ ନିର୍ଦ୍ଦେଶ ଦେଇଛନ୍ତି। ବର୍ତ୍ତମାନ ନବକଳେବର ରୀତିରୁ ଅତିରିକ୍ତ ନିମ କାଠ ବ୍ୟବହାର କରି ତ୍ରିମୂର୍ତ୍ତିଙ୍କ ମୂର୍ତ୍ତି ଏବଂ ଏହାର ନାମକରଣ "ଜଗନ୍ନାଥ ଧାମ ଦୀଘା" ବ୍ୟାପକ ବିତର୍କ ଏବଂ ବିରୋଧର କାରଣ ହୋଇଛି।

H3. Amit Shah to visit Odisha: କେନ୍ଦ୍ର ଗୃହମନ୍ତ୍ରୀ ଅମିତ ଶାହ ମେ ୧୦ରୁ ଦୁଇ ଦିନିଆ ଓଡ଼ିଶା ଗସ୍ତରେ ଆସିବେ ବୋଲି ରାଜ୍ୟ ବିଜେପି ସଭାପତି ମନମୋହନ ସାମଲ ଆଜି ସୂଚନା ଦେଇଛନ୍ତି। ଶାହା ମେ ୧୦ ତାରିଖରେ ଭୁବନେଶ୍ୱରରେ ପହଞ୍ଚିବେ। ପ୍ରଥମ ଦିନରେ ସେ ପ୍ରସ୍ତାବିତ ଫୋରେନସିକ୍ ବିଶ୍ୱବିଦ୍ୟାଳୟର ଭିତ୍ତିପ୍ରସ୍ତର ସ୍ଥାପନ କରିବା ପାଇଁ ଜଟଣୀ ଯିବେ। ସାମଲ କହିଥିଲେ ଯେ ସନ୍ଧ୍ୟାରେ ସେ ପୁରୀର ଶ୍ରୀ ଜଗନ୍ନାଥ ମନ୍ଦିରରେ ପୂଜା କରିବେ ଓ ତା’ପରେ ସେ ତୀର୍ଥନଗରୀରେ ରାତ୍ରି ବିଶ୍ରାମ ନେବେ।

Add Zee News as a Preferred Source

H4. Nepal reacts on kiit Death Case: ଭୁବନେଶ୍ୱରର KIIT କ୍ୟାମ୍ପସରେ ତିନି ମାସ ମଧ୍ୟରେ ଜଣେ ନେପାଳୀ ଛାତ୍ରଙ୍କ ଆତ୍ମହତ୍ୟାର ଦ୍ୱିତୀୟ ଘଟଣା ସାମ୍ନାକୁ ଆସିଛି। ଗୁରୁବାର ଦିନ କିଟ୍ ହେଷ୍ଟଲରେ ଜଣେ ନେପାଳୀ ଛାତ୍ରୀଙ୍କ ମୃତଦେହ ମିଳିଥିଲା। ଘଟଣାର ପ୍ରାୟ ୧୨ ଘଣ୍ଟା ପରେ ନେପାଳ ସରକାର ପ୍ରତିକ୍ରିୟା ଦେଇଛନ୍ତି। ନେପାଳର ବୈଦେଶିକ ମନ୍ତ୍ରୀ ଅର୍ଜୁ ରାଣା ଦେଉବା ଛାତ୍ରୀଙ୍କ ମୃତ୍ୟୁରେ ଦୁଃଖ ପ୍ରକାଶ କରିଛନ୍ତି ଏବଂ କହିଛନ୍ତି ଯେ ସେ ଏହି ମାମଲାର ସଠିକ୍ ତଦନ୍ତ ପାଇଁ କୂଟନୈତିକ ପଦକ୍ଷେପ ନେଇଛନ୍ତି।

H5. IPS Officer Susanta Nath Posted DG Of Prisons: କେନ୍ଦ୍ରୀୟ ଡେପୁଟେସନରୁ ଫେରିଥିବା ତିନି ଜଣ ବରିଷ୍ଠ ଆଇପିଏସ ଅଧିକାରୀଙ୍କ ବଦଳି ଏବଂ ପୋଷ୍ଟିଂ ସମ୍ପର୍କରେ ଗୃହ ବିଭାଗ ଏକ ବିଜ୍ଞପ୍ତି ଜାରି କରିଛି। ଗୃହ ବିଭାଗରେ ଯୋଗ ଦେଇଥିବା ସୁଶାନ୍ତ କୁମାର ନାଥ (RR-1993)ଙ୍କୁ କାରାଗାର ଏବଂ ସଂଶୋଧନ ସେବାର ମହାନିର୍ଦ୍ଦେଶକ ଭାବରେ ନିଯୁକ୍ତ କରାଯାଇଛି।

H6. Charanjit Singh Channi on Surgical strike: ପହଲଗାମ ଆକ୍ରମଣ ଉପରେ କଂଗ୍ରେସ ସାଂସଦ ଚରଣଜିତ ସିଂହ ଚନ୍ନୀଙ୍କ ଏକ ବିବାଦୀୟ ବୟାନ ସାମ୍ନାକୁ ଆସିଛି। ସାଂସଦ କହିଛନ୍ତି ଯେ ସେମାନେ (ସରକାର) ସର୍ଜିକାଲ୍ ଷ୍ଟ୍ରାଇକ୍ ବିଷୟରେ ଦାବି କରିଥିଲେ। ପ୍ରମାଣ କେଉଁଠି? ମୁଁ ଏହା ପୂର୍ବରୁ ମଧ୍ୟ କହୁଛି ଏବଂ ଏବେ ମଧ୍ୟ କହୁଛି ଯେ ପ୍ରମାଣ କେଉଁଠି? ଏହା ସହିତ ସେ କହିଛନ୍ତି ଯେ ପାକିସ୍ତାନୀ ନାଗରିକଙ୍କୁ ଫେରାଇ ସେମାନେ କ'ଣ ପାଇଲେ? ଅଟାରୀ ସୀମା ପୂର୍ବରୁ ସିଲ୍ କରାଯାଇଛି। ଯଦି ସିନ୍ଧୁ ଜଳ ଚୁକ୍ତିନାମାକୁ ବନ୍ଦ କରିବା ସମ୍ଭବ ନୁହେଁ, ତେବେ ଆମର କ୍ଷତ କିପରି ଶୁଖିଯିବ?

H7. National Herald case Update: ନ୍ୟାସନାଲ ହେରାଲ୍ଡ ମନି ଲଣ୍ଡରିଂ ମାମଲାରେ ଦିଲ୍ଲୀର ଏକ କୋର୍ଟ କଂଗ୍ରେସ ନେତ୍ରୀ ସୋନିଆ ଗାନ୍ଧୀ ଏବଂ ରାହୁଲ ଗାନ୍ଧୀଙ୍କୁ ନୋଟିସ ଜାରି କରିଛନ୍ତି। କୋର୍ଟ କହିଛନ୍ତି ଯେ ଚାର୍ଜସିଟ୍ ଉପରେ ବିଚାର କରିବା ସମୟରେ, ସୋନିଆ ଏବଂ ରାହୁଲଙ୍କୁ ସେମାନଙ୍କର ପକ୍ଷ ରଖିବାର ଅଧିକାର ଅଛି। 

H8. Shehbaz Sharif YouTube channel Ban: ପହଲଗାମ ଆତଙ୍କବାଦୀ ଆକ୍ରମଣ ପରେ ଭାରତ ଏବଂ ପାକିସ୍ତାନ ମଧ୍ୟରେ ଉତ୍ତେଜନା ଶୀର୍ଷରେ ପହଞ୍ଚିଛି। ଭାରତ ପଡ଼ୋଶୀ ଦେଶ ବିରୁଦ୍ଧରେ ନିରନ୍ତର କଠୋର କାର୍ଯ୍ୟାନୁଷ୍ଠାନ ଗ୍ରହଣ କରୁଛି। ଏବେ ଭାରତ ଆଉ ଏକ ଡିଜିଟାଲ ଷ୍ଟ୍ରାଇକ୍ କରିଛି ଏବଂ ପାକିସ୍ତାନ ପ୍ରଧାନମନ୍ତ୍ରୀ ଶାହବାଜ ସରିଫଙ୍କ ୟୁଟ୍ୟୁବ୍ ଆକାଉଣ୍ଟକୁ ସସପେଣ୍ଡ କରିଛି।

H9. Kedarnath Temple opens for devotees: ଉତ୍ତରାଖଣ୍ଡରେ ଅବସ୍ଥିତ ବାବା କେଦାରନାଥଙ୍କ ଦ୍ୱାର ଆଜି ଖୋଲିଯାଇଛି। ଆଗାମୀ କିଛି ଦିନ ମଧ୍ୟରେ ବାକି ଚାରି ଧାମର ଯାତ୍ରା ମଧ୍ୟ ଆରମ୍ଭ ହେବ। ଉତ୍ତରପ୍ରଦେଶ ସିଏମ ପୁଷ୍କର ସିଂ ଧାମି ଆଜି ବାବା କେଦାରନାଥଙ୍କୁ ଦର୍ଶନ କରିଛନ୍ତି। ଏହି ସମୟରେ ବାବା କେଦାରନାଥଙ୍କୁ ମହା ଆଡମ୍ବରରେ ପୂଜା କରାଯାଇଥିଲା ଏବଂ ବାବାଙ୍କୁ ସ୍ୱାଗତ କରାଯାଇଥିଲା।

H10. IPL 2025 GT vs SRH Match: ଶୁକ୍ରବାର ଦିନ ନରେନ୍ଦ୍ର ମୋଦି ଷ୍ଟାଡିୟମରେ ଗୁଜରାଟ ଟାଇଟାନ୍ସ ଏବଂ ସନରାଇଜର୍ସ ହାଇଦ୍ରାବାଦ ମଧ୍ୟରେ ଆଇପିଏଲ ୨୦୨୫ ର ୫୧ତମ ମ୍ୟାଚ୍ ଖେଳାଯାଉଛି। ପ୍ରଥମେ ବ୍ୟାଟିଂ କରି ଗୁଜରାଟ ଟାଇଟାନ୍ସ ୨୦ ଓଭରରେ ୬ ୱିକେଟ୍ ହରାଇ ୨୨୪ ରନ୍ କରିଥିଲା। ଗୁଜୁରାଟ ପକ୍ଷରୁ ଶୁଭମନ ଗିଲ (୭୬), ସାଇ ସୁଦର୍ଶନ (୪୮) ଏବଂ ଜୋସ୍ ବଟଲର୍ (୬୪) ପ୍ରମୁଖ ସ୍କୋରର ଥିଲେ। ହାଇଦ୍ରାବାଦ ପକ୍ଷରୁ ଜୟଦେବ ତିନୋଟି, କମିନ୍ସ ଓ ଅନସାରୀ ଗୋଟିଏ ଲେଖାଏଁ ୱିକେଟ ନେଇଥିଲେ।