Top 10 News: ରାଜ୍ଯରେ ଆଦିବାସୀଙ୍କ ଜମି କିଣିବେ ସରକାର, ୨୭ ରେ ଲଘୁଚାପ, ପଢ଼ନ୍ତୁ ଆଜିର ୧୦ ବଡ଼ ଖବର

Top 10 Odia News Headlines: ଓଡ଼ିଶା ସରକାର ରାଜ୍ୟର ଅନୁସୂଚିତ ଅଞ୍ଚଳର ଆଦିବାସୀ ଏବଂ ଦଳିତମାନଙ୍କଠାରୁ ସିଧାସଳଖ ଜମି କିଣିବାକୁ ପ୍ରସ୍ତାବ ଦେଇଛନ୍ତି। ସଂକ୍ଷେପରେ ପଢ଼ନ୍ତୁ ଦିନ ତମାମର ୧୦ଟି ବଡ଼ ଖବର।

Top 10 Odia News Headlines 22 May 2025: H1. Odisha Govt to buy land from Tribal: ଓଡ଼ିଶା ସରକାର ରାଜ୍ୟର ଅନୁସୂଚିତ ଅଞ୍ଚଳର ଆଦିବାସୀ ଏବଂ ଦଳିତମାନଙ୍କଠାରୁ ସିଧାସଳଖ ଜମି କିଣିବାକୁ ପ୍ରସ୍ତାବ ଦେଇଛନ୍ତି। ସରକାରଙ୍କ ଦାବି ଅନୁଯାୟୀ ଏହି ପଦକ୍ଷେପ ପ୍ରଭାବଶାଳୀ ଲୋକଙ୍କ ଦ୍ୱାରା ଏପରି ଜମି ହଡ଼ପକୁ ରୋକିବାରେ ସାହାଯ୍ୟ କରିବ। ରାଜସ୍ୱ ମନ୍ତ୍ରୀ ସୁରେଶ ପୂଜାରୀ କହିଛନ୍ତି ଯେ ରାଜ୍ୟ ସରକାର ଏଥିପାଇଁ ପଦକ୍ଷେପ ନେବା ପାଇଁ ଏକ କମିଟି ଗଠନ କରିଛନ୍ତି।

H2. Sudhakar Burgi Appointed New Chairman Of OSSC: ଓଡ଼ିଶା ଷ୍ଟାଫ୍ ସିଲେକ୍ସନ୍ କମିଶନ (OSSC)ର ସଦସ୍ୟ IAS ସୁଧାକର ବୁର୍ଗୀ IAS (ଅବସରପ୍ରାପ୍ତ)ଙ୍କୁ ଭୁବନେଶ୍ୱରରେ ଏହାର ଅଧ୍ୟକ୍ଷ ଭାବରେ ନିଯୁକ୍ତ କରାଯାଇଛି। ପୂର୍ବତନ ଡିଜିପି ଅଭୟଙ୍କ ଇସ୍ତଫା ପରେ ଏହି ନିଷ୍ପତ୍ତି ନିଆଯାଇଛି। ପୂର୍ବତନ OSSC ଅଧ୍ୟକ୍ଷ ୧୯ ମଇ ୨୦୨୫ରେ ନିଜ ପଦବୀରୁ ଇସ୍ତଫା ଦେଇଥିଲେ।

H3. Odisha CM unveils 24 industrial projects: ଓଡି଼ଶାର ସମୃଦ୍ଧ ଶିଳ୍ପ ଇତିହାସରେ ଆଉ ଏକ ସଫଳତାର ପୃଷ୍ଠା ଯୋଡି, ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ଆଜି ଯାଜପୁରର କଳିଙ୍ଗନଗର ଠାରେ ୧ ଲକ୍ଷ ୧୫ ହଜାର କୋଟି ଟଙ୍କାର ଶିଳ୍ପ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ ଓ ଶୁଭ ଉଦ୍‌ଘାଟନ କରିଛନ୍ତି । ମୁଖ୍ୟମନ୍ତ୍ରୀ, ସମୁଦାୟ ୨୦ଟି ପ୍ରକଳ୍ପର ଶିଳାନ୍ୟାସ ଓ ୪ଟି ନୂତନ ପ୍ରକଳ୍ପର ଶୁଭ ଉଦ୍‌ଘାଟନ କରିଛନ୍ତି । ଏହା ଦ୍ୱାରା ପ୍ରାୟ ୩୬ ହଜାର ନୂତନ ନିଯୁକ୍ତି ସୃଷ୍ଟି ହୋଇଛି ।

Add Zee News as a Preferred Source

H4. Low Pressure likely to form over Bay of Bengal: ଭାରତୀୟ ପାଣିପାଗ ବିଭାଗ (IMD) ଗୁରୁବାର ଦିନ ପୂର୍ବାନୁମାନ କରିଛି ଯେ ୨୭ ମଇ ପାଖାପାଖି ପଶ୍ଚିମ-କେନ୍ଦ୍ରୀୟ ଏବଂ ସଂଲଗ୍ନ ଉତ୍ତର ବଙ୍ଗୋପସାଗରରେ ଏକ ଲଘୁଚାପ କ୍ଷେତ୍ର ସୃଷ୍ଟି ହେବାର ସମ୍ଭାବନା ଅଛି। ପରବର୍ତ୍ତୀ ୨ ଦିନ ମଧ୍ୟରେ ଏହା ଅଧିକ ତୀବ୍ର ହେବାର ସମ୍ଭାବନା ରହିଛି।

H5. Supreme Court On Waqf Act 2025: ୱାକଫ (ସଂଶୋଧନ) ଆଇନ ୨୦୨୫ ର ବୈଧତାକୁ ଚ୍ୟାଲେଞ୍ଜ କରୁଥିବା ଆବେଦନ ଉପରେ ସୁପ୍ରିମକୋର୍ଟରେ ଶୁଣାଣି ଗୁରୁବାର (୨୨ ଏପ୍ରିଲ) ଦିନ ସମାପ୍ତ ହୋଇଛି। କୋର୍ଟ ନିଜ ନିଷ୍ପତ୍ତି ସଂରକ୍ଷିତ ରଖିଛନ୍ତି। ତିନି ଦିନିଆ ବିତର୍କରେ ଆବେଦନକାରୀମାନେ କହିଥିଲେ ଯେ ଏହି ଆଇନ ମୁସଲମାନମାନଙ୍କ ଅଧିକାର ବିରୋଧୀ ଏବଂ ମଧ୍ୟବର୍ତ୍ତୀକାଳୀନ ସ୍ଥଗିତାଦେଶ ଦାବି କରିଥିଲେ। ଯେତେବେଳେ କି କେନ୍ଦ୍ର ସରକାର ଏହାର ଦୃଢ଼ ବିରୋଧ କରିଥିଲେ ଏବଂ କହିଥିଲେ ଯେ ଏହି ଆଇନ୍ ସଠିକ।

H6. Supreme Court On TASMAC liquor Scam: ସୁପ୍ରିମକୋର୍ଟ ଗୁରୁବାର ଦିନ ୧୦୦୦ କୋଟି ଟଙ୍କାର ମଦ ଦୁର୍ନୀତି ମାମଲାରେ ତାମିଲନାଡୁ ରାଜ୍ୟ ମାର୍କେଟିଂ କର୍ପୋରେସନ (TASMAC) ବିରୁଦ୍ଧରେ ମନି ଲଣ୍ଡରିଂ ତଦନ୍ତକୁ  ସ୍ଥଗିତ ରଖିଛନ୍ତି। ଶୁଣାଣି ସମୟରେ କୋର୍ଟ ପ୍ରବର୍ତ୍ତନ ନିର୍ଦ୍ଦେଶାଳୟ (ED)କୁ କଡ଼ା ଭର୍ତ୍ସନା କରି କହିଥିଲେ, "ED ସମ୍ବିଧାନ ଉଲ୍ଲଂଘନ କରୁଛି ଏବଂ ସମସ୍ତ ସୀମା ଲଙ୍ଘନ କରୁଛି।"

H7. Kiru Hydropower Corruption Case: କିରୁ ଜଳବିଦ୍ୟୁତ୍ ପ୍ରକଳ୍ପ ପାଇଁ ୨,୨୦୦ କୋଟି ଟଙ୍କାର ସିଭିଲ୍ କାର୍ଯ୍ୟ ଚୁକ୍ତିନାମାରେ ଦୁର୍ନୀତି ଅଭିଯୋଗରେ କେନ୍ଦ୍ରୀୟ ତଦନ୍ତ ବ୍ୟୁରୋ (ସିବିଆଇ) ଜମ୍ମୁ ଏବଂ କାଶ୍ମୀରର ପୂର୍ବତନ ରାଜ୍ୟପାଳ ସତ୍ୟ ପାଲ ମଲିକ ସମେତ ଅନ୍ୟ ପାଞ୍ଚ ଜଣଙ୍କ ବିରୁଦ୍ଧରେ ଏକ ଚାର୍ଜସିଟ୍ ଦାଖଲ କରିଛି। ୩ ବର୍ଷର ତଦନ୍ତ ପରେ ସିବିଆଇ ସମସ୍ତଙ୍କୁ ଅଭିଯୁକ୍ତ କରି ଏକ ଚାର୍ଜସିଟ୍ ଦାଖଲ କରିଛି।

H8. US Plane Crash: ଆମେରିକାରେ ଏକ ଘରୋଇ ବିମାନ ଦୁର୍ଘଟଣାଗ୍ରସ୍ତ ହୋଇଛି> ଯେଉଁଥିରେ ଅନେକ ଲୋକଙ୍କର ମୃତ୍ୟୁ ହୋଇଛି। ଗୁରୁବାର ଦିନ (୨୨ ମଇ ୨୦୨୫) କାଲିଫର୍ନିଆର ସାନ ଡିଏଗୋ ନିକଟରେ ଏକ ବିମାନ ଦୁର୍ଘଟଣାଗ୍ରସ୍ତ ହୋଇଥିଲା। ଯେଉଁଥିରେ ପ୍ରାୟ ୧୫ ଘର ଏବଂ ଅନେକ ଯାନବାହନରେ ନିଆଁ ଲାଗିଯାଇଥିଲା। ଏହି ଦୁର୍ଘଟଣା ଆମେରିକୀୟ ସେନାର ସବୁଠାରୁ ବଡ଼ ଆବାସିକ ଅଞ୍ଚଳରେ ଘଟିଛି।

H9. India U19 squad for Tour of England: ଭାରତୀୟ ୧୯ ବର୍ଷରୁ କମ୍ ଟିମ୍ ଜୁନ୍ ମାସରେ ଇଂଲଣ୍ଡ ଗସ୍ତ କରିବ। ଯେଉଁଠାରେ ସେମାନେ ଆୟୋଜକ ଦଳ ବିପକ୍ଷରେ ପାଞ୍ଚଟି ୫୦ ଓଭର ମ୍ୟାଚ୍ ଏବଂ ଦୁଇଟି ଚାରି ଦିନିଆ ମ୍ୟାଚ୍ ଖେଳିବେ। ଏ ସମ୍ପର୍କରେ ବିସିସିଆଇ ପକ୍ଷରୁ ଦଳ ଏବଂ କାର୍ଯ୍ୟସୂଚୀ ଘୋଷଣା କରାଯାଇଛି। ୨୦୨୫ ଆଇପିଏଲ୍ ସିଜିନରେ ନିଜର ପ୍ରଦର୍ଶନ ପାଇଁ ଚର୍ଚ୍ଚାକୁ ଆସିଥିବା ୧୪ ବର୍ଷୀୟ ଯୁବ ବ୍ୟାଟସମ୍ୟାନ୍ ବୈଭବ ସୂର୍ଯ୍ୟବଂଶୀଙ୍କୁ ମଧ୍ୟ ଦଳରେ ସ୍ଥାନ ମିଳିଛି।

H10. IPL 2025 GT vs LSG Match: ଗୁରୁବାର ଦିନ ଗୁଜରାଟ ଟାଇଟାନ୍ସ ଏବଂ ଲକ୍ଷ୍ନୌ ସୁପରଜାଏଣ୍ଟସ୍ ମଧ୍ୟରେ IPL 2025ର ୬୪ ତମ ମ୍ୟାଚ୍ ଖେଳାଯାଉଛି। ପ୍ରଥମେ ବ୍ୟାଟିଂ କରି ଲକ୍ଷ୍ନୌ ସୁପରଜାଏଣ୍ଟ୍ସ ୨୦ ଓଭରରେ ୨ ୱିକେଟ୍ ହରାଇ ୨୩୫ ରନ୍ କରିଥିଲା। ଲକ୍ଷ୍ନୌ ପକ୍ଷରୁ ମିଚେଲ ମାର୍ଶ ସର୍ବାଧିକ ୧୧୭ ରନ କରିଥିଲେ। ଗୁଜରାଟ ପକ୍ଷରୁ ଅର୍ଶଦ ଏବଂ ସାଇ କିଶୋର ପ୍ରତ୍ୟେକେ ଗୋଟିଏ ଲେଖାଁଏ ୱିକେଟ୍ ପାଇଥିଲେ।