International Women Day 2025: ଅନ୍ତର୍ଜାତୀୟ ମହିଳା ଦିବସରେ ଦୌଡି଼ଲା ବନ୍ଦେ ଭାରତ ଏକ୍ସପ୍ରେସ, ଲୋକପାଇଲଟ୍ ଠୁ କ୍ରିଉ ସମସ୍ତେ ମହିଳା

International Women Day 2025: ପ୍ରତିବର୍ଷ ୮ ମାର୍ଚ୍ଚରେ ଅନ୍ତର୍ଜାତୀୟ ମହିଳା ଦିବସ ପାଳନ କରାଯାଏ। ଏହି ଦିବସର ଉଦ୍ଦେଶ୍ୟ ହେଉଛି ସମାଜରେ ସେମାନେ ସମ୍ମୁଖୀନ ହେଉଥିବା ଭେଦଭାବ ଏବଂ ଅସମାନତା ବିରୁଦ୍ଧରେ ସଚେତନତା ପ୍ରସାର କରିବା। ଆଜି ମହିଳାମାନେ ଶିକ୍ଷା, ବିଜ୍ଞାନ ଏବଂ ଅନ୍ୟାନ୍ୟ ଅନେକ କ୍ଷେତ୍ରରେ ସଫଳତା ହାସଲ କରି ନୂତନ ଶିଖର ଛୁଇଁଛନ୍ତି। ମହିଳା ଦିବସକୁ ସ୍ୱତନ୍ତ୍ର କରିବା ପାଇଁ, 'ସମସ୍ତ ମହିଳା କ୍ରୁ' ସଦସ୍ୟମାନେ ଅନେକ ଷ୍ଟେସନରେ ଟ୍ରେନ ଚଲାଉଛନ୍ତି।

ଅନ୍ତର୍ଜାତୀୟ ମହିଳା ଦିବସ ଅବସରରେ, ପ୍ରଥମ ଥର ପାଇଁ, ବନ୍ଦେ ଭାରତ ଏକ୍ସପ୍ରେସର ସମ୍ପୂର୍ଣ୍ଣ କମାଣ୍ଡ ମହିଳାମାନଙ୍କ ହାତରେ ଦିଆଯାଇଛି। ଛତ୍ରପତି ଶିବାଜୀ ମହାରାଜ ଟର୍ମିନସ୍ ରୁ ଚାଲିବା ବନ୍ଦେ ଭାରତ ଏକ୍ସପ୍ରେସ । ଏ-ହି ବନ୍ଦେ ଭାରତ ଏକ୍ସପ୍ରେସରେ ସମସ୍ତ ଲୋକ ପାଇଲଟ୍ ଓ କ୍ରିୟୁ ମେମ୍ବର ମାନେ ମହିଳା ହୋଇଥିବା ଦେଖିବାକୁ ମିଳିଛି। ଏହା ବ୍ୟତୀତ, ଆହୁରି ଅନେକ ଟ୍ରେନ୍ ଯାତ୍ରା କରୁଛି। ଯାହା ମହିଳାମାନେ ପରିଚାଳିତ କରୁଛନ୍ତି। ଏହା ପ୍ରଥମ ଥର ଯେତେବେଳେ ଏକ ଟ୍ରେନର ସମ୍ପୂର୍ଣ୍ଣ କ୍ରୁ ସଦସ୍ୟ କର୍ମଚାରୀମାନେ ମହିଳା ଅଟନ୍ତି।

ଟ୍ରେନର ଲୋକୋ ପାଇଲଟ୍, ସହାୟକ ଲୋକୋ ପାଇଲଟ୍, ଟ୍ରେନ ପରିଚାଳକ, ଟିକେଟ୍ ପରୀକ୍ଷକଙ୍କଠାରୁ ଆରମ୍ଭ କରି କ୍ୟାଟରିଂ ଷ୍ଟାଫ୍ ପର୍ଯ୍ୟନ୍ତ, ସମସ୍ତେ ମହିଳା। ଏହି ଟ୍ରେନ୍‌ର ନେତୃତ୍ୱ ଏସିଆର ପ୍ରଥମ ମହିଳା ଲୋକୋ ପାଇଲଟ୍ ସୁରେଖା ଯାଦବ ନେବେ ଏବଂ ସହାୟକ ଲୋକୋ ପାଇଲଟ୍ ସୁନିତା କୁମାରୀଙ୍କ ଦାୟିତ୍ବରେ ରହିଛି।

ସୁରେଖା ଯାଦବ କିଏ?

୫୮ ବର୍ଷୀୟା ସୁରେଖା ଯାଦବ ଅନେକ ଦୃଷ୍ଟିରୁ ଏକ ନୂତନ ଉଦାହରଣ। ପଶ୍ଚିମ ମହାରାଷ୍ଟ୍ର ଅଞ୍ଚଳର ସତାରାର ବାସିନ୍ଦା ସୁରେଖା ଯାଦବ ଏ-ପର୍ଯ୍ୟନ୍ତ ତାଙ୍କ ସଫଳତା ପାଇଁ ରାଜ୍ୟ ଏବଂ ଜାତୀୟ ସ୍ତରରେ ଅନେକ ପୁରସ୍କାର ଜିତିଛନ୍ତି। ସୁରେଖା ଯାଦବ, ଯିଏ କେବଳ ଭାରତରେ ନୁହେଁ ବରଂ ଏସିଆର ପ୍ରଥମ ଟ୍ରେନ୍ ଡ୍ରାଇଭର। ମାର୍ଚ୍ଚ ୨୦୨୩ ରେ, ସୁରେଖା ଭାରତର ସେମି-ହାଇସ୍ପିଡ୍ ବନ୍ଦେ ଭାରତ ଏକ୍ସପ୍ରେସ୍ ଚଲାଇଥିବା ପ୍ରଥମ ମହିଳା ହୋଇଥିଲେ। ଏହା ବ୍ୟତୀତ, ସୁରେଖାଙ୍କ ନାମରେ ଆହୁରି ଅନେକ ରେକର୍ଡ଼ ଅଛି।

ଦେଶରେ ଏପରି ଅନେକ ଷ୍ଟେସନ ଅଛି ଯେଉଁଠାରେ ସମ୍ପୂର୍ଣ୍ଣ କମାଣ୍ଡ ମହିଳାଙ୍କ ହାତରେ ଅଛି। ସେଠାରେ ସମସ୍ତ କାମ ମହିଳାଙ୍କ ହାତରେ। ମହିଳା ଦିବସର ବିଶେଷ ଅବସରରେ, ରାଜ୍ୟ ଏବଂ କେନ୍ଦ୍ର ସରକାରଙ୍କ ବ୍ୟତୀତ, ଅନେକ କାର୍ଯ୍ୟାଳୟ, ରେଳ ଏବଂ ବିମାନ ମହିଳାମାନଙ୍କ ଦ୍ୱାରା ପରିଚାଳିତ ହେଉଛି। ଆଜିର ସମୟରେ, ମହିଳାମାନେ ପ୍ରତ୍ୟେକ କ୍ଷେତ୍ରରେ ନିଜର ଛାପ ସୃଷ୍ଟି କରୁଛନ୍ତି।

Add Zee News as a Preferred Source