Odisha News Live Updates: ଆସନ୍ତାକାଲିଠୁ ବଜେଟ୍‍ ଅଧିବେଶନ, ପଢନ୍ତୁ ଆଉ କିଛି ଗୁରୁତ୍ତ୍ୱପୂର୍ଣ୍ଣ ଖବର

ଶିଖରଚଣ୍ଡିରେ ଜଣେ ବ୍ୟକ୍ତିଙ୍କୁ ପିଟିଲା 'ମୋ ବସ'
ଭୁବନେଶ୍ୱରରେ ପୁଣି ମୋ ବସ୍‌ ଦୁର୍ଘଟଣା। ରାଜଧାନୀର ଶିଖରଚଣ୍ଡୀ ବିହାରରେ ‘ମୋ ବସ୍‌’ ଜଣେ ବ୍ୟକ୍ତିଙ୍କୁ ଧକ୍କା ଦେଇଥିବାର ଖବର ସାମ୍ନାକୁ ଆସିଛି। ପଟିଆ ଶିଖରଚଣ୍ଡି ବିହାରରେ ଉତ୍ତ୍ୟକ୍ତ ଲୋକେ ବସକୁ ଭଙ୍ଗାରୁଜା କରିଛନ୍ତି। ଆଜି ରାତି ପ୍ରାୟ ସାଢ଼େ ୮ଟାବେଳେ ଘଟିଛି ଏହି ଦୁର୍ଘଟଣା। ମିଳିଥିବା ସୂଚନା ଅନୁଯାୟୀ, ଦୁର୍ଘଟଣାର ଶିକାର ବ୍ୟକ୍ତି ଜଣକ ହେଉଛନ୍ତି ଶିଖରଚଣ୍ଡି ନଗର ବସ୍ତିର ଏ.ଦଣ୍ଡପାଣି ରେଡ୍ଡୀ। ରାସ୍ତା ପାରି ହେଉଥିବାବେଳେ ତାଙ୍କୁ ‘ମୋ ବସ୍’ଟି ଧକ୍କା ଦେଇଥିବା ନେଇ ଖବର ସାମ୍ନାକୁ ଆସିଛି।

କାହିଁକି ଗଧିଆକୁ ପୋଷା ମନାଇ ପାରିନାହିଁ ମଣିଷ? ଜାଣନ୍ତୁ କାରଣ 
ଆପଣ ନିଶ୍ଚିତ ଭାବରେ ଆଜି ପର୍ଯ୍ୟନ୍ତ ଅନେକ ପ୍ରକାରର ଗୃହପାଳିତ ପଶୁଙ୍କୁ ଦେଖିଥିବେ। ଯେଉଁଥିରେ କୁକୁର, ବିଲେଇ, ଗାଈ, ସାପ, ବାଘ, ସିଂହ, ହାତୀ ଭଳି ପ୍ରାଣୀ ଅନ୍ତର୍ଭୂକ୍ତ ରହିଥିବେ। ହେଲେ କେବେ ଆପଣ ବିଲୁଆ କିମ୍ବା ଗଧିଆ ପାଳି ଥିବାର ଦେଖିବାକୁ ପାଇନଥିବେ। ଆଜି ପର୍ଯ୍ୟନ୍ତ ମଣିଷ କାହିଁକି ଗଧିଆ ଭଳି ପ୍ରାଣୀଙ୍କୁ ଗୃହ ପାଳିତ ପଶୁ କରି ପାରିନାହିଁ ତାହା ପଛରେ ଏକ କାରଣ ରହିଛି।

ପଢନ୍ତୁ ପୁରା ଖବର 

 

ଶ୍ରୀ ଜିଉଙ୍କ ମହାସ୍ମାନ

ପୁରୀ ଶ୍ରୀମନ୍ଦିରରେ ଶ୍ରୀଜିଉଙ୍କ ବଡ଼ ମହାସ୍ନାନ ହୋଇଛି। ଭିତରକାଠ ନିକଟରେ ରକ୍ତ ଛିଟା ପଡ଼ିଥିବାରୁ ମହାସ୍ନାନ ହୋଇଛି।  ମଧ୍ୟାହ୍ନ ଧୂପ ପରେ ସନ୍ଧ୍ୟା ୬ଟା ୧୫ରେ ଏହି ରକ୍ତଛିଟା ଦେଖିବାକୁ ମିଳିଥିଲା। ସମସ୍ତ ନୀତିକାନ୍ତ ବନ୍ଦ କରାଯାଇ ଠାକୁରଙ୍କୁ ମହାସ୍ନାନ କରାଯାଇଥିଲା। ଏଥିପାଇଁ ଭକ୍ତଙ୍କ ଦର୍ଶନ ମଧ୍ୟ ବନ୍ଦ ରହିଥିଲା।

ଆସନ୍ତାକାଲି ଠାରୁ ବଜେଟ୍‍ ଅଧିବେଶନ; ପଢନ୍ତୁ ଦିନଯାକର ୧୦ ପ୍ରମୁଖ ଖବର

 

ଆଜି ଦିନ ତମାମ ରାଜ୍ୟ ତଥା ଦେଶରେ ଘଟିଯାଇଛି ଅନେକ ଛୋଟ ବଡ଼ ଘଟଣା। ଆସନ୍ତୁ ସଂକ୍ଷେପରେ ସେହି ଖବର ଉପରେ ପକାଇବା ନଜର।  

ପଢନ୍ତୁ ପୁରା ଖବର

ସ୍ୱାସ୍ଥ୍ୟ ବିଭାଗରେ ବାହାରିଲା ବମ୍ପର ନିଯୁକ୍ତି
ସ୍ୱାସ୍ଥ୍ୟ ବିଭାଗରେ ସରକାରୀ ଚାକିରି ଖୋଜୁଥିବା ଯୁବ ପ୍ରାର୍ଥୀଙ୍କ ପାଇଁ ଚାକିରି ଖବର ଅଛି। ବାସ୍ତବରେ ଜାତୀୟ ସ୍ୱାସ୍ଥ୍ୟ ମିଶନ (NHM), ୟୁପି କମ୍ୟୁନିଟି ହେଲଥ ଅଫିସର (CHO) ପଦ ପାଇଁ ନିଯୁକ୍ତି ଦିଆଯାଇଛି। ଏଥିପାଇଁ ମୋଟ ପୋଷ୍ଟ ସଂଖ୍ୟା ହେଉଛି ୫୫୮୨। ଚୁକ୍ତିଭିତ୍ତିକ ପୋଷ୍ଟଗୁଡିକରେ ଏହି ନିଯୁକ୍ତି କରାଯିବ। ଆଗ୍ରହୀ ଏବଂ ଯୋଗ୍ୟ ପ୍ରାର୍ଥୀମାନେ NHM UP, upnrhm.gov.in ର ଅଫିସିଆଲ୍ ୱେବସାଇଟ୍ ପରିଦର୍ଶନ କରି ଅନଲାଇନରେ ସେମାନଙ୍କର ଆବେଦନ ଫର୍ମ ପୂରଣ କରିପାରିବେ। ପଢନ୍ତୁ ପୂରା ରିପୋର୍ଟ...

ଦେଶର ଶହେ ଟିଭି ଚ୍ୟାନେଲ ଉପରେ ହେବ ମୁକେଶ ଅମ୍ବାନୀଙ୍କ କବଜା
ମୁକେଶ ଅମ୍ବାନୀ ଭାରତୀୟ ମିଡିଆ ଇଣ୍ଡଷ୍ଟ୍ରିର ସବୁଠାରୁ ବଡ ନାମ ହେବାକୁ ଯାଉଛନ୍ତି । ଗୋଟିଏ ଚୁକ୍ତି ହେବା ମାତ୍ରେ ମୁକେଶ ଅମ୍ବାନୀଙ୍କ ହାତରେ ୧୦୦ରୁ ଅଧିକ ଚ୍ୟାନେଲ ଏବଂ ଦୁଇଟି ଷ୍ଟ୍ରିମିଂ ପ୍ଲାଟଫର୍ମ ରହିବ । ବିଶେଷଜ୍ଞଙ୍କ ମତରେ ମୁକେଶ ଅମ୍ବାନୀଙ୍କ ରିଲାଏନ୍ସ ଇଣ୍ଡଷ୍ଟ୍ରିଜ୍ ଏବଂ ୱାଲ୍ଟ ଡିଜନିର ମିଶ୍ରଣ ପ୍ରାୟ ନିଶ୍ଚିତ। ପଢନ୍ତୁ ପୂରା ରିପୋର୍ଟ...

ସୁଟିଂ ସେଟରେ ନୋଟ୍ ବର୍ଷା କରାଉଥିବା ଅଭିନେତାଙ୍କ ଶେଷ ଜୀବନ ଏମିତି ବିତିଥିଲା
ଆଜି ଅର୍ଥାତ୍ ଫେବ୍ରୁଆରି ୪ ତାରିଖ ହେଉଛି ହିନ୍ଦୀ ସିନେମାରେ ଉଲ୍ଲେଖନୀୟ ଅବଦାନ ଦେଇଥିବା ଭଗବାନ ଦାଦାଙ୍କ ଶ୍ରାଦ୍ଧ ବାର୍ଷିକୀ। ତାଙ୍କ କମେଡି ଏବଂ ଡ୍ୟାନ୍ସ ଷ୍ଟାଇଲର ଲୋକମାନେ ଏବେ ବି ପାଗଳ । ଭଗବାନ ଦାଦା ଙ୍କୁ ଇଣ୍ଡଷ୍ଟ୍ରିର ପ୍ରଥମ ଆକ୍ସନ ଏବଂ ଡ୍ୟାନ୍ସ ଷ୍ଟାର ଭାବରେ ଗଣାଯାଏ। ପଢନ୍ତୁ ପୂରା ରିପୋର୍ଟ...

 

ଶ୍ରୀମନ୍ଦିର ଉତ୍ତର ଦ୍ୱାର ଅର୍ଥାତ ହସ୍ତି ଦ୍ୱାର ଗୁମୁଟରେ ଫାଟ
ଶ୍ରୀମନ୍ଦିର ଉତ୍ତର ଦ୍ୱାର ଅର୍ଥାତ ହସ୍ତି ଦ୍ୱାର ଗୁମୁଟରେ ଫାଟ। ଏକାଧିକ ସ୍ଥାନରେ ଫାଟ ଥିବା ବେଳେ ଫଥର ସନ୍ଦିରୁ ଖସୁଛି ଫଡାଫଡା ପଥର ଖଣ୍ଡ। ଗୁମୁଟର ପାଦଦେଶରୁ ପ୍ରାୟ ଦୁଇଫୁଟ ଉଚ୍ଚରେ ସୃଷ୍ଟି ହୋଇଛି ସାଂଘାତିକ ଫାଟ। ଏପରିକି ଗୋଟିଏ ଟନ୍ ପଥରର ଡିଜାଇନରେ ପ୍ରାୟ ଦେଢ ମିଟର ଲମ୍ବର ଫାଟ ସୃଷ୍ଟି ହୋଇଛି। ପଢନ୍ତୁ ପୂରା ରିପୋର୍ଟ...

କ୍ୟାବିନେଟ ଅନୁମୋଦନ ପାଇଲା ୟୁସିସି ଡ୍ରାଫ୍ଟ; ଦେଶରେ ଏହି ରାଜ୍ୟରେ ହେବ ପ୍ରଥମେ ଲାଗୁ
ରାଜ୍ୟରେ ସମାନ ନାଗରିକ ସଂହିତା ଲାଗୁ କରିବାକୁ ନେଇ ପ୍ରସ୍ତୁତ ହୋଇଥିବା ଡ୍ରାଫ୍ଟ ଉତ୍ତରାଖଣ୍ଡ କ୍ୟାବିନେଟ ଦ୍ୱାରା ଅନୁମୋଦିତ ହୋଇଛି। ୟୁସିସି ଡ୍ରାଫ୍ଟ ଅନୁମୋଦନ କରିବା ପାଇଁ ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମୀଙ୍କ ଅଧ୍ୟକ୍ଷତାରେ କ୍ୟାବିନେଟ ବୈଠକ ଅନୁଷ୍ଠିତ ହୋଇଥିଲା। ଉତ୍ତରାଖଣ୍ଡ କ୍ୟାବିନେଟ ଦ୍ୱାରା ଅନୁମୋଦିତ ହେବା ପରେ ସମାନ ନାଗରିକ ସଂହିତା ବର୍ତ୍ତମାନ ବିଧାନସଭାରେ ଉପସ୍ଥାପନ କରାଯିବ। ବିଧାନସଭାରେ ସମାନ ନାଗରିକ ସଂହିତା ବିଧେୟକ ପାସ୍ ହୋଇସାରିବା ପରେ ଉତ୍ତରାଖଣ୍ଡ ଦେଶର ପ୍ରଥମ ରାଜ୍ୟ ହେବ ଯେଉଁଠାରେ ଏହି ଆଇନ କାର୍ଯ୍ୟକାରୀ ହେବ। କ୍ୟାବିନେଟ ବୈଠକ ପରେ କୁହାଯାଇଥିଲା ଯେ ୟୁସିସି ଡ୍ରାଫ୍ଟ ବିଧାନସଭାରେ ଉପସ୍ଥାପିତ ହେବ ଏବଂ ଯାହାକୁ ଯଥାଶୀଗ୍ର ଆଇନର ରୂପ ଦିଆଯିବ। ୟୁସିସି ସମସ୍ତ ନାଗରିକଙ୍କୁ ସମାନ ଅଧିକାର ପ୍ରଦାନ କରିବ ଏବଂ ଲିଙ୍ଗଗତ ସମାନତା ଏବଂ ସାମାଜିକ ନ୍ୟାୟକୁ ପ୍ରୋତ୍ସାହିତ କରିବ।

ପଢନ୍ତୁ ପୁରା ଖବର

 

ବିଜେପି ଉପରେ ବର୍ଷିଲେ ଶିବସେନାର ସଂଜୟ
ପୂର୍ବତନ ଉପପ୍ରଧାନମନ୍ତ୍ରୀ ତଥା ବରିଷ୍ଠ ବିଜେପି ନେତା ଲାଲକୃଷ୍ଣ ଆଡଭାନୀଙ୍କୁ ଭାରତ ରତ୍ନ ପ୍ରଦାନ ନିଷ୍ପତ୍ତିକୁ ଶିବସେନା(ଉଦ୍ଧବ) ସ୍ୱାଗତ କରିବା ସହିତ ବିଜେପିକୁ ଟାର୍ଗେଟ୍ କରିଛି। ଦଳର ରାଜ୍ୟସଭା ସାଂସଦ ସଞ୍ଜୟ ରାଉତ କହିଛନ୍ତି ଯେ ବରିଷ୍ଠ ବିଜେପି ନେତାଙ୍କ ପାଖରେ ପ୍ରଧାନମନ୍ତ୍ରୀ ହେବାର ସମ୍ଭାବନା ଥିଲା କିନ୍ତୁ ତାଙ୍କୁ କଣଠେଶା କରି ଦିଆଯାଇଥିଲା। ଗୋଟିଏ ଦିନ ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଘୋଷଣା କରିଥିଲେ ଯେ ଲାଲକୃଷ୍ଣ ଆଡଭାନୀଙ୍କୁ ଦେଶର ସର୍ବୋଚ୍ଚ ବେସାମରିକ ସମ୍ମାନ ଭାରତ ରତ୍ନ ପ୍ରଦାନ କରାଯିବ। ପଢନ୍ତୁ ପୂରା ରିପୋର୍ଟ...

 

ଚାଉଳକୁ ନେଇ ଉଠିଥିବା ଗୁଜବର ଅନ୍ତ, ସଂଗୃହିତ ଚାଉଳରେ ହେଲା ମହାପ୍ରସାଦ
ଜାନୁଆରୀ ୧୭ତାରିଖରେ ଲୋକାର୍ପିତ ହୋଇଥିଲା ଶ୍ରୀମନ୍ଦିର ପରିକ୍ରମା ପ୍ରକଳ୍ପ। ଏହା ପୂର୍ବରୁ ଗାଁ ଗାଁରେ ବୁଲିଥିଲା ଅର୍ପଣ ରଥ। ଭକ୍ତମାନେ ମହାପ୍ରଭୁଙ୍କ ଉଦ୍ଦେଶ୍ୟରେ ଦେଇଥିଲେ ଅକ୍ଷତ ଚାଉଳ, ଗୁଆ, ନଡିଆ ସହ ଦାନଦକ୍ଷିଣା। ହେଲେ ଏହି ଅର୍ପଣ ରଥରୁ ସଂଗୃହିତ ଦାନଦକ୍ଷିଣା ମହାପ୍ରଭୁଙ୍କ କାମରେ ଲାଗିବ ନାହିଁ ବୋଲି ସାଧାରଣରେ ଗୁଜବ ସୃଷ୍ଟି ହୋଇଥିଲା। ଦେଖନ୍ତୁ ଭିଡ଼ିଓ...

ଲ୍ୟାବ ଉତ୍ପାଦିତ ମାଂସ ଖାଇପାରିବେ ମୁସଲମାନ; ହେଲେ...

ସିଙ୍ଗାପୁର ଠାର ଲ୍ୟାବ ଦ୍ୱାରା ପ୍ରସ୍ତୁତ ହୋଇଥିବା ମାଂସ ଖାଇବାକୁ ମୁସଲମାନଙ୍କୁ ମଧ୍ୟ ଅନୁମତି ମିଳିବ। ହେଲେ ଲ୍ୟାବ ଦ୍ୱାରା ପ୍ରସ୍ତୁତ ହୋଇଥିବା ମାଂସ ଖାଇବା ପାଇଁ  ମୁସଲମାନଙ୍କୁ ଅନୁମତି କେବଳ ଗୋଟିଏ ସର୍ତ୍ତ ଅନୁଯାୟୀ ଦିଆଯିବ। ତାହା ହେଉଛି ମାଂସ ତିଆରିରେ ବ୍ୟବହୃତ କୋଷ ହଲାଲ ପଶୁଙ୍କ ଠାରୁ ନିଆଯିବା ଆବଶ୍ୟକ। ଲ୍ୟାବ ଦ୍ୱାରା ପ୍ରସ୍ତୁତ ହୋଇଥିବା ମାଂସ ବିକ୍ରିରେ ଯେପରି ଅଣ ହଲାଲ ମାଂସ ଅପମିଶ୍ରିତ ହୋଇନଥିବା ଆବଶ୍ୟକ। ଆପଣଙ୍କୁ କହୁଛୁ ଯେ ଗତ ୨୦୨୦ ବର୍ଷ ପର ଠାରୁ ସିଙ୍ଗାପୁର ଠାରେ ଲ୍ୟାବ ଦ୍ୱାରା ପ୍ରସ୍ତୁତ ହୋଇଥିବା ମାଂସ ଖାଇବାର ଏକ ଧାରା ଆରମ୍ଭ ହୋଇଛି। ଯାହାକୁ ପରିଷ୍କାର ମାଂସ ନାମରେ ଜଣାଶୁଣା।

ପଢନ୍ତୁ ପୁରା ଖବର

 

ଗ୍ଲୋବାଲ ୱାର୍ମିଂ ସମସ୍ୟାର ମୁକାବିଲା ପାଇଁ ଚତୁର କୌଶଳ ଆପଣାଇଲେ ବୈଜ୍ଞାନିକ; ଜାଣନ୍ତୁ କ'ଣ
ପ୍ରତିବର୍ଷ ବୃଦ୍ଧି ପାଇବାରେ ଲାଗିଛି ପୃଥିବୀର ତାପମାତ୍ରା। ପରିସ୍ଥିତି ଏପରି ହୋଇଛି ଯେ ପୃଥିବୀ ଏହାର ଇତିହାସର ସବୁଠାରୁ ଉତ୍ତପ୍ତ ସ୍ତରରେ ପହଞ୍ଚିଛି। ରେକର୍ଡ ଭାଙ୍ଗୁଥିବା ଉତ୍ତାପ ଉପରେ ଆକଳନ କରିବା ପାଇଁ ବୈଜ୍ଞାନିକ ଏକ ପ୍ରକାର ବାଧ୍ୟ ହୋଇଛନ୍ତି। ବିଶ୍ୱ ତାପନ ଅର୍ଥାତ ଗ୍ଲୋବାଲ ୱାର୍ମିଂ ଭଳି ସମସ୍ୟାର ସମାଧାନ କରିବା ପାଇଁ ବିଶ୍ୱର ବିଭିନ୍ନ ଦେଶର ବୈଜ୍ଞାନିକ ବିଭିନ୍ନ ଦିଗକୁ ଧ୍ୟାନରେ ରଖି ଯୋଜନା ପ୍ରସ୍ତୁତ କରିବାରେ ବ୍ୟସ୍ତ ଅଛନ୍ତି। ବୈଜ୍ଞାନିକ ମଧ୍ୟ ସୂର୍ଯ୍ୟଙ୍କ ଠାରୁ ନିର୍ଗତ ହେଉଥିବା ବିକିରଣରୁ ରକ୍ଷା କରିବା ପାଇଁ ମହାକାଶରେ ଏକ ବିଶାଳ ଛତା ସ୍ଥାପନ କରିବା କାର୍ଯ୍ୟ ଆରମ୍ଭ କରିଛନ୍ତି।
ପଢନ୍ତୁ ପୁରା ଖବର

ଆସନ୍ତାକାଲିଠୁ ବଜେଟ୍‍ ଅଧିବେଶନ
ସୋମବାରଠାରୁ ରାଜ୍ୟ ବିଧାନସଭାରେ ବଜେଟ୍‍ ଅଧିବେଶନ ଆରମ୍ଭ ହେବ। ପ୍ରଥମଦିନରେ ରାଜ୍ୟପାଳଙ୍କ ଅଭିଭାଷଣ ଏବଂ ଏହା ପର ଦୁଇଦିନ ରାଜ୍ୟପାଳଙ୍କ ଅଭିଭାଷଣଉପରେ ଧନ୍ୟବାଦ ପ୍ରସ୍ତାବ ଆଗତ ହେବ। ଏହାପରେ ୮ ତାରିଖ ଦିନ ବଜେଟ୍‍ ଉପସ୍ଥାପନ ହେବା କାର୍ଯ୍ୟକ୍ରମ ରହିଛି। ସମୁଦାୟ ୭ ଦିନର ବଜେଟ୍‍ ଅଧିବେଶନରେ ଗୋଟିଏଦିନ ବେସରକାରୀ ସଦସ୍ୟଙ୍କ ପାଇଁ ଉଦ୍ଦିଷ୍ଟ ରହିଛି। ପଢନ୍ତୁ ପୂରା ରିପୋର୍ଟ...

ଏଫିଲ ଟାୱାର ପରିଦର୍ଶନ କରିବାକୁ ଚାହୁଁଥିବା ଭାରତୀୟଙ୍କୁ ମିଳିଲା ବଡ଼ ଇପହାର
ୟୁପିଆଇ ବ୍ୟବହାର କରୁଥିବା ଭାରତୀୟଙ୍କ ପାଇଁ ଆସିଛି ବଡ଼ ଖବର। ବର୍ତ୍ତମାନ ୟୁପିଆଇ ସେବା ଫ୍ରାନ୍ସ ଠାରେ ମଧ୍ୟ ପହଞ୍ଚି ସାରିଛି। ଫ୍ରାନ୍ସ ରାଜଧାନୀ ପ୍ୟାରିସ ସ୍ଥିତ ଆଇଫିଲ ଟାୱାର ପରିଦର୍ଶନ କରୁଥିବା ପର୍ଯ୍ୟଟକ ବର୍ତ୍ତମାନ ଭାରତ ଦ୍ୱାରା ବିକଶିତ ହୋଇଥିବା ୟୁନିଫାଏଡ୍ ପେମେଣ୍ଟ ଇଣ୍ଟରଫେସ୍ ମାଧ୍ୟମରେ ଏହି ପ୍ରତିଷ୍ଠିତ ସ୍ମାରକୀ ପରିଦର୍ଶନ କରିପାରିବେ। ନ୍ୟାସନାଲ ପେମେଣ୍ଟ କର୍ପୋରେସନ୍ ଅଫ୍ ଇଣ୍ଡିଆ ପକ୍ଷରୁ ଏହି ସୂଚନା ଦିଆଯାଇଛି।

ପଢନ୍ତୁ ପୁରା ଖବର

 

ଜାଣିଛନ୍ତି କି ୧୦୦ ଟଙ୍କା ରୋଜଗାର କଲେ କେତେ ଟଙ୍କା ଖର୍ଚ୍ଚ କରିଥାଏ ରେଳବାଇ
ଭାରତୀୟ ରେଳ ହେଉଛି ବିଶ୍ୱର ଚତୁର୍ଥ ବୃହତ୍ତମ ରେଳ ନେଟୱାର୍କ। ପ୍ରତିଦିନ ଭାରତରେ ଟ୍ରେନ୍ ଯୋଗେ ଲକ୍ଷ ଲକ୍ଷ ଲୋକ ଯାତ୍ରା କରୁଛନ୍ତି। ଆମ ଦେଶରେ ପ୍ରତ୍ୟେକ ସବୁ ଟ୍ରେନରେ ଯାତ୍ରୀଙ୍କ ସଂଖ୍ୟା ଯଥେଷ୍ଟ ଅଧିକ ରହିଛି। ଏଭଳି ସ୍ଥିତିକୁ ଦେଖି ରେଳ ବିଭାଗ ଅଧିକ ଲାଭ କମାଉଥାଇପାରେ ଆମେମାନେ ଚିନ୍ତା କରିଥାଉ। ପଢନ୍ତୁ ପୂରା ରିପୋର୍ଟ...

ଉପରାଜ୍ୟପାଳଙ୍କୁ ଚିଠି ଲେଖିଲେ ମୁଖ୍ୟମନ୍ତ୍ରୀ
ନିକଟରେ ଦିଲ୍ଲୀ ଲେଫ୍ଟନାଣ୍ଟ ଗଭର୍ଣ୍ଣର ବିନୟ କୁମାର ସାକ୍ସେନା ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଏକ ଚିଠି ଲେଖିଛନ୍ତି। ଏଥିରେ ସେ ଦିଲ୍ଲୀ ସରକାରଙ୍କ ସ୍ୱାସ୍ଥ୍ୟ ବିଭାଗ ଅଧୀନରେ ଥିବା ଡାକ୍ତରଖାନାଗୁଡ଼ିକର ଅବସ୍ଥାକୁ ନେଇ ନିରାଶ ଏବଂ ଚିନ୍ତା ପ୍ରକଟ କରିଛନ୍ତି। ରବିବାର ଦିନ ତାଙ୍କ ଚିଠିର ଉତ୍ତରରେ ଅରବିନ୍ଦ କେଜ୍ରିୱାଲ ତାଙ୍କୁ ଏକ ଚିଠି ଲେଖିଛନ୍ତି। ପଢନ୍ତୁ ପୂରା ରିପୋର୍ଟ...

ନିଲାମ ହୋଇଗଲା ୨୮୫ ବର୍ଷର ଲେମ୍ବୁ; ମୂଲ୍ୟ ଶୁଣିଲେ ଚକିତ ହୋଇଯିବେ ଆପଣ

ଖାଦ୍ୟର ସ୍ୱାଦ ବଢାଇବା ପାଇଁ ଲେମ୍ବୁ ବ୍ୟବୃହତ ହୋଇଥାଏ। ଯାହା ଅତି କମ୍ ମୂଲ୍ୟରେ ଯେକୌଣସି ସ୍ଥାନରେ ମିଳିଥାଏ। ହେଲେ ନିକଟରେ ଗୋଟିଏ ଲେମ୍ବୁ ପ୍ରାୟ ୧ ଲକ୍ଷ ୫ ହଜାର ଟଙ୍କା ମୂଲ୍ୟରେ ବିକ୍ରି ହୋଇଛି। ଆଶ୍ଚର୍ଯ୍ୟଜନକ କଥା ହେଉଛି ଏହି ଲେମ୍ବୁ ଆଦୌ ଖାଇବା ଯୋଗ୍ୟ ଅବସ୍ଥାରେ ନଥିଲା। ବ୍ରିଟିଶ ଗଣମାଧ୍ୟମ ରିପୋର୍ଟ ଅନୁଯାୟୀ, କିଛି ଲୋକ ନିଜ ଘର ସଫା କରୁଥିବାବେଳେ ଉନବିଂଶ ଶତାବ୍ଦୀର ଏକ ସିନ୍ଦୁକ ପାଇଥିଲେ। ଏହି ସିନ୍ଦୁକ ଭିତରେ ସେମାନଙ୍କୁ ୨ ଇଞ୍ଚ ବିଶିଷ୍ଟ ଏକ ବାଦାମୀ ରଙ୍ଗର ଏକ ଶୁଖିଲା ଲେମ୍ବୁ ମିଳିଥିଲା।

ପଢନ୍ତୁ ପୁରା ଖବର

 

 ଭିତରକନିକା ଜଳପଥରେ ଯାତ୍ରା କରିବ ବିଳାସପୂର୍ଣ୍ଣ ଜାହାଜ

ଭିତରକନିକା ଜଳପଥରେ ଯାତ୍ରା କରିବ ବିଳାସପୂର୍ଣ୍ଣ ଜାହାଜ। ସ୍ଥାନୀୟ ଜାତୀୟ ଉଦ୍ୟାନର ଘଞ୍ଚ ଜଙ୍ଗଲ ମଧ୍ୟରେ ବିଳାସପୂର୍ଣ୍ଣ ଜାହାଜ ସେବାର ଅନୁଭବ ପର୍ଯ୍ୟଟକଙ୍କୁ ମିଳିବ। ଯେଉଁଠି ସେମାନେ ବିଳାସପୂର୍ଣ୍ଣ ଜାହାଜରେ ରାତ୍ରୀ ରହଣିର ସୁବିଧା ପାଇପାରିବେ। ସମନ୍ୱିତ ଉପକୂଳ ଜୋନ୍ ପରିଚାଳନା ପ୍ରକଳ୍ପ ଦ୍ୱାରା ଆର୍ଥିକ ଅନୁଦାନ ପ୍ରାପ୍ତ ଚାରୋଟି କାଟାମରାନ୍ କ୍ରୁଜ୍ ସେବା ଖୁବ୍ ଶୀଘ୍ର ପର୍ଯ୍ୟଟକଙ୍କ ପାଇଁ ପାଇଁ ଆରମ୍ଭ ହେବ। ଯେଉଁଠି ଭିତରକନିକା ଜାତୀୟ ଉଦ୍ୟାନ ପରିଦର୍ଶନରେ ଆସୁଥିବା ପର୍ଯ୍ୟଟକଙ୍କୁ ସମସ୍ତ ବିଳାସପୂର୍ଣ୍ଣ ସୁବିଧା ମିଳିବ। ଭିତରକନିକା ଜଳପଥରେ ଆରମ୍ଭ ହେବାକୁ ଯାଉଥିବା ବିଳାସପୂର୍ଣ୍ଣ ଜାହାଜ ସେବା ଆରମ୍ଭ ହେଉଥିବା ନେଇ ଜଣାଇଛନ୍ତି ବନଖଣ୍ଡ ଅଧିକାରୀ ସୁଦର୍ଶନ ଗୋପୀନାଥ ଯାଦବ।

ପଢନ୍ତୁ ପୁରା ଖବର

ବିଧାନସଭାରେ ଭାଷା ଆଇନ ପୁସ୍ତକ ମୁଖ୍ୟମନ୍ତ୍ରୀଙ୍କ ଦ୍ଵାରା ଉନ୍ମୋଚିତ 

Odisha News: ବିଶ୍ଵ ଓଡ଼ିଆ ଭାଷା ସମ୍ମିଳନୀ ଅବସରରେ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଆଜି " ବିଧାନ ସଭାରେ ଭାଷା ଆଇନ" ଶୀର୍ଷକ ପୁସ୍ତକ ଉନ୍ମୋଚନ କରିଛନ୍ତି। ସୂଚନା ଯୋଗ୍ୟ ଯେ ୧୯୪୮ମସିହା ରେ ପ୍ରସ୍ତାବିତ ଭାଷା ଆଇନ ଆଲୋଚନା ଠାରୁ ଆରମ୍ଭ କରି ୧୯୫୪ଭାଷା ଆଇନ ପାରିତ ହେବା ଏବଂ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଙ୍କ ଦ୍ଵାରା ବିଧାନସଭାରେ ଭାଷା ଆଇନ ୨୦୧୮ ର ସଂଶୋଧନ ପର୍ଯ୍ୟନ୍ତ  ବିଧାନସଭାରେ  ହୋଇଥିବା ସମସ୍ତ ଆଲୋଚନା ଓ ତଥ୍ଯ ଏହି ପୁସ୍ତକ ରେ ସ୍ଥାନିତ ହୋଇଅଛି। ଏହି ଅବସର ରେ ମୁଖ୍ୟମନ୍ତ୍ରୀ କହିଛନ୍ତି ଯେ, ଭାଷା ର ଉନ୍ନତି ପାଇଁ ଆମେ ପ୍ରତିଶୃତିବଦ୍ଧ। ଓଡ଼ିଆ ଭାଷା  ସୁରକ୍ଷା ପାଇଁ ଏବଂ ଆଗାମୀ ପିଢ଼ି ପାଇଁ ବୈଷୟିକ ଜ୍ଞାନ କୌଶଳ ର ପ୍ରୟୋଗ ରେ ଏ କ୍ଷେତ୍ର ରେ ନୂତନ ସମ୍ଭାବନା ସୃଷ୍ଟି କରିବା ଉଦ୍ଦେଶ୍ୟରେ ସରକାରୀ ସ୍ତର ରେ ଉଦ୍ୟମ ଜାରି ରହିଛି ବୋଲି ସେ କହିଛନ୍ତି । ଏହା ଦ୍ଵାରା ସମସ୍ତ ଭାଷାଭାଷୀ ଅଞ୍ଚଳ ଗୋଟିଏ ସୁତ୍ରରେ ରେ ବାନ୍ଧି ହୋଇ ଓଡ଼ିଶା ର ବିକାଶ ରେ ଭାଗିଦାରୀ ହେବେ ବୋଲି ସେ ଆଶା ରଖିଛନ୍ତି।

 

Pakistani ISI agent arrest: ଉତ୍ତର ପ୍ରଦେଶର ମିରଟରୁ ଜଣେ ପାକିସ୍ତାନର ISI ଏଜେଣ୍ଟ ଗିରଫ ହୋଇଛି। ଗିରଫ ବ୍ୟକ୍ତି ଜଣକ ମସ୍କୋରେ ଥିବା ଭାରତୀୟ ଦୂତାବାସରେ ନିୟୋଜିତ ଥିଲେ। ଆଜି ଉତ୍ତର ପ୍ରଦେଶ ଆତଙ୍କବାଦ ନିରୋଧୀ ସ୍କ୍ୱାଡ (UP ATS) ତାଙ୍କୁ ମିରଟରୁ ଗିରଫ କରିଛି। ଗିରଫ ହୋଇଥିବା ବ୍ୟକ୍ତି ଜଣକ ହେଲେ ISI ଏଜେଣ୍ଟ ସତ୍ୟେନ୍ଦ୍ର ସିୱାଲ। ସେ ମସ୍କୋରେ ଥିବା ଭାରତୀୟ ଦୂତାବାସରେ ୨୦୨୧ରୁ କାର୍ଯ୍ୟ କରିଆସୁଥିଲେ। ସେ ସେଠାରେ ଭାରତର ସୁରକ୍ଷା ସହାୟକ (IBSA) ଭାବରେ କାର୍ଯ୍ୟ କରୁଥିଲେ ବୋଲି ଜଣାପଡିଛି। 

 

ଦିଲ୍ଲୀ ମନ୍ତ୍ରୀ ତଥା ଆପ୍‌ ନେତା ଆତିଶିଙ୍କ ଘରେ କ୍ରାଇମବ୍ରାଞ୍ଚ ଟିମ୍‌

Atishi Marlena: ଆପ୍ ବିଧାୟକଙ୍କୁ ବିଜେପି କିଣିବାକୁ ଚେଷ୍ଟା କରୁଥିବା ଅଭିଯୋଗ ଘଟଣାରେ ଦିଲ୍ଲୀ ମନ୍ତ୍ରୀ ଅତିଶିଙ୍କ ବାସଭବନରେ ପହଞ୍ଚିଲା କ୍ରାଇମବ୍ରାଞ୍ଚ । ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ପରେ ଏହି ଅଭିଯୋଗର ତଦନ୍ତ ପାଇଁ ନୋଟିସ ଦେବାକୁ ଆଜି ଦିଲ୍ଲୀ ପୋଲିସର କ୍ରାଇମବ୍ରାଞ୍ଚ ଟିମ୍ ମନ୍ତ୍ରୀ ତଥା ଆପ୍ ନେତ୍ରୀ ଅତିଶିଙ୍କ ଘରକୁ ଯାଇଛି । ତେବେ ଶୁକ୍ରବାର ସନ୍ଧ୍ୟାରେ ମଧ୍ୟ କ୍ରାଇମବ୍ରାଞ୍ଚ ତାଙ୍କ ଘରକୁ ଯାଇଥିଲା । କିନ୍ତୁ ସେ ଘରେ ନଥିଲେ । ଏହାର ପରଦିନ ଶନିବାର ଟିମ୍ କେଜ୍ରିୱାଲଙ୍କ ଘରକୁ ଯାଇଥିଲା । ଏହାକୁ ନେଇ ସେଠାରେ ପ୍ରବଳ ହଙ୍ଗାମା ହୋଇଥିଲା । ଆପର ମୁଖପାତ୍ର ଓ ମିଡିଆ ମୁଖ୍ୟ ଜସ୍ମିନ ଶାହ ଏବଂ କ୍ରାଇମବ୍ରାଞ୍ଚ ଏସିପିଙ୍କ ମଧ୍ୟରେ ଯୁକ୍ତତର୍କ ହୋଇଥିଲା । ପ୍ରାୟ ୫ ଘଣ୍ଟା କାଳ କ୍ରାଇମବ୍ରାଞ୍ଚ ଟିମ୍ ମୁଖ୍ୟମନ୍ତ୍ରୀଙ୍କ ବାସଭବନରେ ରହିବା ପରେ ଫେରି ଆସିଥିଲେ ।

ଉଡ଼ନ୍ତା ବିମାନରେ ଯୁବତୀଙ୍କୁ ଅସଦାଚରଣ ଅଭିଯୋଗ

Flight service: ଉଡ଼ନ୍ତା ବିମାନରେ ଯୁବତୀଙ୍କୁ ଅସଦାଚରଣ ଅଭିଯୋଗ । ଜଣେ ୨୬ ବର୍ଷିୀୟା ଯୁବତୀ ଏପରି ଅଭିଯୋଗ ଆଣିଛନ୍ତି । ଖବର ଥାଉ କି, ସ୍ପାଇସଜେଟ୍ ବିମାନରେ ଯୁବତୀ ଜଣଙ୍କ ପରିବାର ଲୋକଙ୍କ ସହ ଦାର୍ଜିଲଂରୁ ଫେରୁଥିଲେ । ଯୁବତୀ ଜଣଙ୍କ ପରିବାର ଲୋକେ ପାଖାପାଖି ସିଟ୍ ରେ ନ ବସି ଆଗ ପଛ ହୋଇ ବସିଥିଲେ । ଏହି ସମୟରେ କୋଲକାତାର ଏକ ଲ’ ସ୍କୁଲର ୫ ବର୍ଷ ଛାତ୍ର ଯୁବତୀଙ୍କ ପାଖ ସିଟ୍ ରେ ବସିଥିଲେ । ବିମାନଟି ଟେକ୍ ଅଫ କରିବା ପରେ ଯୁବତୀ ଜଣଙ୍କ ହେଡଫୋନ ଲଗାଇ ମ୍ୟୁଜିକ୍ ଶୁଣୁଥିଲେ । ଏହି ସମୟରେ ଯୁବକ ଜଣଙ୍କ ମନ୍ଦ ଉଦ୍ଦେଶ୍ୟ ରଖି ତାଙ୍କୁ ସ୍ପର୍ଶ କରିଥିବା ଅଭିଯୋଗ ହୋଇଛି । ଏହାପରେ ବିମାନରେ ଥିବା କ୍ରିଉ ସଦସ୍ୟଙ୍କୁ ଯୁବତୀ ଜଣଙ୍କ ଏନେଇ ଜଣାଇଥିଲେ । ପରେ ସଂପୃକ୍ତ ଯୁବକ ଯୁବତୀଙ୍କୁ କ୍ଷମା ମାଗିଥିବା ଜଣାପଡିଛି । ଏହାପରେ ବାଗଡୋଗରାରେ ବିମାନଟି ଅବତରଣ କରିଥିଲା । ଏହି ସମୟରେ ବିମାନବନ୍ଦର କର୍ତୃପକ୍ଷ ଓ ସିଆଇଏସଏଫ ଯବାନ ଅଭିଯୋଗ ଶୁଣିଥିଲେ । ତେବେ ଏହାର ପ୍ରମାଣ ନଥିବାରୁ କୌଣସି ଅଭିଯୋଗ ଦାଖଲ ନକରିବାକୁ କୁହାଯାଇଥିବା ଯୁବତୀ ଜଣଙ୍କ ଅଭିଯୋଗ କରିଛନ୍ତି ।

ଛତିଶଗଡରେ ପୋଲିସ ଗୁଳିରେ ଦୁଇ ନକ୍ସଲ ମୃତ

ଛତିଶଗଡ଼ର ନାରାୟଣପୁର ପୋଲିସ ଏବଂ ନକ୍ସଲାଇଟ୍ ମଧ୍ୟରେ ଗୁଳି ବିନିମୟ। ଏହି ଗୁଳି ବିନିମୟ ରେ ଦୁଇ ଜଣ ନକ୍ସଲ ଙ୍କ ମୃତ୍ୟୁ ଘଟିଛି। ନାରାୟଣପୁରର ଆବୁଜମାଦ୍ ଅଞ୍ଚଳରେ ଏହି ଗୁଳି ବିନିମୟ ହୋଇଥିଲା। ଏକ ସର୍ଚ୍ଚ ଅପରେସନ୍ ସମୟରେ ନକ୍ସଲମାନଙ୍କ ଉପସ୍ଥିତି ବିଷୟରେ ସୂଚନା ପାଇବା ପରେ ପୋଲିସ ପକ୍ଷରୁ ଚଢାଉ କରା ଯାଇଥିଲା। ଯେଉଁଥିରେ ନେଲନର୍ ଏରିଆ କମିଟିର ଦୁଇଜଣ ନକ୍ସଲଙ୍କ ମୃତ୍ୟୁ ଘଟିଥିଲା। ମୃତ ଦେହ ସହିତ ଏକ 12 ବୋର ବନ୍ଧୁକ ଏବଂ ଏକ ଅସ୍ତ୍ର ମଧ୍ୟ ଉଦ୍ଧାର କରାଯାଇଛି। ଏହି ଘଟଣାକୁ ନାରାୟଣପୁର ଏସପି ପୁଷ୍କର ଶର୍ମା ନିଶ୍ଚିତ କରିଛନ୍ତି।

ଘନ କୁହୁଡି଼ ଯୋଗୁଁ ନିଳଚକ୍ର ଦର୍ଶନରୁ ବଞ୍ଚିତ ହେଲେ ଭକ୍ତ

Puri news: ଆଜିବି ଘନ କୁହୁଡି ଯୋଗୁଁ ଦୀର୍ଘ ସମୟ ଧରି ନିଳଚକ୍ର ଦର୍ଶନରୁ ବଞ୍ଚିତ ହୋଇଛନ୍ତି ଭକ୍ତ ଓ ଦର୍ଶନାର୍ଥି। ରାଧାବ ଲ୍ଲବ ମଠ ନିକଟ ନିଷିଦ୍ଧାଞ୍ଚଳ ବାହାରୁ ପତିତପାବନଙ୍କୁ ଦର୍ଶନ କରୁଥିବା ଭକ୍ତ ମାନଙ୍କ ଦର୍ଶନରେ ଟିକେ ସମସ୍ଯା ଉପୁଜିଛି। ସେପଟେ ଶ୍ରୀମନ୍ଦିର ଦୃଶ୍ୟ ମାନ ହେଉଥିବା ପ୍ରାୟ ଦଶ କିଲୋମିଟର ଦୂରରେ ରହୁଥିବା ଗ୍ରାମବାସୀ ମାନେ ଦୀର୍ଘ ସମୟ ନିଳଚକ୍ର ଦର୍ଶନ କରି ପାରିନାହାଁନ୍ତି। ବଡଦାଣ୍ଡରେ ଷ୍ଟ୍ରୀଟଲାଇଟ୍ ବି ଫିକା ଦିଶୁଥିଲା।। ବଡଦାଣ୍ଡ ଓ ସହରରେ ଲାଇଟ୍ ଲଗାଇ ଗାଡି ଚଳାଚଳ କରୁଛି। ଏମିତିକି ଦିନ ୮ଟା ପରେ ବି ଘନକୁହୁଡି ଯୋଗୁଁ ସୂର୍ଯ୍ୟ ଫିକା ଦିଶୁଥିଲେ। ତେବେ ଘନକୁହୁଡି ଯୋଗୁଁ ବଡଦାଣ୍ଡରେ ମଧ୍ୟ ଗାଡି ଚଳାଚଳରେ ସମସ୍ଯା ଉପୁଜିଥିଲା। ଭକ୍ତମାନେ ଧାଡିରେ ଯାଉଥିବା ବେଳେ ସମସ୍ଯା ଭୋଗିଛନ୍ତି। 

ସୋମବାରଠୁ ବିଧାନସଭା ଅଧିବେଶନ

Odisha Assembly Session 2024: ଆସନ୍ତାକାଲିଠାରୁ  ଆରମ୍ଭ ହେବ ଷୋଡ଼ଶ ବିଧାନସଭା ଅଧିବେଶନ।  ଆସନ୍ତାକାଲି ଠାରୁ  ଆରମ୍ଭ ହେବାକୁ ଯାଉଛି ଅଧିବେଶନ। ଏହି ଅଧିବେଶନ ୧୩ ତାରିଖ ପର୍ଯ୍ୟନ୍ତ ଚା ଚାଲିବ।  ଏଥିରେ କାମଚଳା ବଜେଟ୍ ଉପସ୍ଥାପନ ହେବ। 

ସଂକ୍ଷେପରେ ପଢନ୍ତୁ ସକାଳର ୧୦ଟି ପ୍ରମୁଖ ଖବର

ଅଧିକ ଖବର ପଢିବା ପାଇଁ ଲିଙ୍କ୍ ରେ କ୍ଲିକ୍ କରନ୍ତୁ : Top 10 News Today: ସଂକ୍ଷେପରେ ପଢନ୍ତୁ ସକାଳର ୧୦ଟି ପ୍ରମୁଖ ଖବର

World Cancer Day 2024: ଆଜି ବିଶ୍ୱ କର୍କଟ ଦିବସ, ରୋଗର ଭୟାବହତା ନେଇ ଲୋକଙ୍କୁ ସଚେତନ କରାଇବା ମୂଳ ଲକ୍ଷ୍ୟ

 World Cancer Day 2024: ଆଜି ବିଶ୍ୱ କର୍କଟ ଦିବସ । ପ୍ରତିବର୍ଷ ଫେବୃଆରୀ ୪ ତାରିଖକୁ ବିଶ୍ୱ କର୍କଟ ଦିବସ ରୂପେ ପାଳନ କରାଯାଏ । ବିଶ୍ବରେ ପ୍ରତିବର୍ଷ ପ୍ରାୟ ୮୦ ଲକ୍ଷରୁ ଅଧିକ ଲୋକ କର୍କଟ ରୋଗରେ ପ୍ରାଣ ହରାଉଛନ୍ତି । ଏହାର ଭୟାବହତା ପ୍ରତି ଲୋକଙ୍କୁ ସଚେତନ କରାଇବା ସହ ଚିକିତ୍ସା ଓ ନିରାକରଣ ଉଦ୍ଦେଶ୍ୟରେ ଆଜିର ଦିନକୁ ବିଶ୍ବ କର୍କଟ ସଚେତନତା ଦିବସ ଭାବେ ପାଳନ କରାଯାଏ । କର୍କଟ ଜନିତ ମୃତ୍ୟୁ ଓ ପୀଡ଼ିତଙ୍କ ସଂଖ୍ୟା ହ୍ରାସ କରିବା ଏହି ଦିବସର ମୂଳ ଲକ୍ଷ୍ୟ ଅଟେ ।

 

FIH Hockey Pro League: ୨-୧ ଗୋଲରେ ଭାରତକୁ ହରାଇଲା ଚୀନ

FIH Hockey Pro League: FIH ହକି ପ୍ରୋ ଲିଗର ଦ୍ୱିତୀୟ ମ୍ୟାଚରେ ଭାରତକୁ ହରାଇଲା ଚୀନ । ୨-୧ ଗୋଲରେ ଭାରତକୁ ହରାଇ ବିଜୟ ହୋଇଛି ଚୀନ । ସେପଟେ ଆମେରିକାକୁ ମଧ୍ୟ ହରାଇଛି ନେଦରଲାଣ୍ଡ ।୭-୦ ଗୋଲରେ ନେଦରଲଣ୍ଡ ଠାରୁ ପରାଜୟ ବରଣ କରିଛି ଆମେରିକା । ତେବେ ଗତକାଲି(ଶନିବାର) କଳିଙ୍ଗ ଷ୍ଟାଡ଼ିୟମରେ ମହିଳା ବର୍ଗର ପ୍ରୋ ଲିଗର ପ୍ରଥମ ମ୍ୟାଚ ଶେଷ ହୋଇଛି ।

 ପୁରୀ-ସୋନପୁର ସାପ୍ତାହିକ ଏକ୍ସପ୍ରେସ୍ ଆରମ୍ଭ, ଏହି ସବୁ ରୁଟରେ ମିଳିବ ସେବା

Train: ସୁବର୍ଣ୍ଣପୁର  ଜିଲ୍ଲାବାସୀଙ୍କ ଦିର୍ଘ ଦିନ ପ୍ରତୀକ୍ଷାର ଅନ୍ତ ଘଟିଛି।  ଖୋର୍ଦ୍ଧା-ବଲାଙ୍ଗୀର ରେଳପଥ ଝାରତରଭାରୁ ସୋନପୁର ପର୍ଯ୍ୟନ୍ତ ୩୦୬ କୋଟି ଟଙ୍କା ବ୍ୟୟରେ  ନିର୍ମିତ ୨୧.୭ କିଲୋମିଟର ରେଳପଥକୁ ସମ୍ବଲପୁର ଆଇଆଇଏମରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି (pm narendra modi)  ଭିଡିଓ କନଫରେସିଂ ଯୋଗେ  ଲୋକାର୍ପଣ କରିଛନ୍ତି।  ସେହିପରି ପୁରୀ-ସୋନପୁର-ପୁରୀ ସାପ୍ତାହିକ ଏକ୍ସପ୍ରେସ୍ (puri-sonpur-puri weekly express) ଟ୍ରେନ୍ ର ମଧ୍ୟ ଆରମ୍ଭ କରିଛନ୍ତି।  ଏହି ସମୟରେ ରାଜ୍ୟପାଳ ରଘୁବର ଦାସ୍, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ରେଳମନ୍ତ୍ରୀ ଅଶ୍ବିନୀ ବୈଷ୍ଣବ ପ୍ରମୁଖ ଉପସ୍ଥିତ ଥିଲେ।

ଅଧିକ ଅପଡେଟ୍ ପାଇଁ ଲିଙ୍କ୍ ଉପରେ କ୍ଲିକ୍ କରନ୍ତୁ :  Train Service: ପୁରୀ-ସୋନପୁର ସାପ୍ତାହିକ ଏକ୍ସପ୍ରେସ୍ ଆରମ୍ଭ, ଏହି ସବୁ ରୁଟରେ ମିଳିବ ସେବା

 

ଆସନ୍ତାକାଲି  ଓଡିଶା ଆସିବେ ରାହୁଲ ଗାନ୍ଧୀ । ଭାରତ ଯୋଡ ନ୍ୟାୟ ଯାତ୍ରାରେ ଓଡିଶା ଆସି ନିର୍ବାଚନୀ ବିଗୁଲ ବଜାଇବେ କଂଗ୍ରେସ ସାଂସଦ । ସୋମବାର ଝାଡଖଣ୍ଡରୁ ଆସି ବୀରମିତ୍ରପୁର ରାମପାଳ ଛକ ଦେଇ ଓଡିଶାକୁ ପ୍ରବେଶ କରିବ ନ୍ୟାୟ ଯାତ୍ରା । ସେଠାରେ ରାହୁଲ ଗାନ୍ଧୀଙ୍କୁ ଭବ୍ୟ ସ୍ୱାଗତ କରିବାକୁ ରାଜ୍ୟ କଂଗ୍ରେସ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଉଛି । ରାହୁଲ ଗାନ୍ଧୀଙ୍କ ନ୍ୟାୟ ଯାତ୍ରାକୁ ସଫଳ କରିବା ପାଇଁ ପିସିସି ସଭାପତିଙ୍କ ନେତୃତ୍ୱରେ ଏକ ଉଚ୍ଚସ୍ତରୀୟ ଟିମ ଶୁକ୍ରବାରଠୁ ରାଉରକେଲାରେ ଡେରା ପକାଇଛି । 

Puri News:  ସାରା ରାଜ୍ୟରୁ  ଆସିଥିବା ଅର୍ପଣ ଚାଉଳରୁ ପ୍ରସ୍ତୁତ ହେବ କନିକା ଓ ଖେଚୁଡି। ଏହି କାନିକା ଓ ଖେଚୁଡି଼  ମହାପ୍ରଭୁଙ୍କୁ ଲାଗି ହେବା ପରେ ଭକ୍ତଙ୍କୁ ବଣ୍ଟାଯିବ।  ଶ୍ରୀମନ୍ଦିରର ପଶ୍ଚିମ , ଉତ୍ତର ଓ ଦକ୍ଷିଣ ଦ୍ବାରରେ  ଦର୍ଶନ ସାରି ବାହାରୁଥିବା ଭକ୍ତଙ୍କୁ  ଏହି ମହାପ୍ରସାଦ ବଣ୍ଟାଯିବ। ଏହି ନିଷ୍ପତିକୁ ବି ସୁଆର ଓ ମହାସୁଆର  ନିଯୋଗ ସମର୍ଥନ ଜଣାଇଛି। ରବିବାର ସକାଳ ଧୂପ ଠାରୁ  ଭଅଣ୍ତ ଶେଷ ହେବା ପର୍ଯ୍ୟନ୍ତ  ଭକ୍ତଙ୍କୁ ଏହି ମହାପ୍ରସାଦ ବଣ୍ଟାଯିବ।  ଏନେଇ ଚାଉଳ  ବି ଶ୍ରୀମନ୍ଦିରରେ ପହଂଚିସାରିଛି।  ପ୍ରଥମ କରି ଗଂଜାମରୁ ଆସିଥିବା ଅର୍ପଣ ଚାଉଳରେ କାନିକା ଓ ଖେଚୁଡି ପ୍ରସ୍ତୁତ ହୋଇ ବଣ୍ଟାଯିବ ବୋଲି ସୁଆର ନିଯୋଗ ସଭାପତୁ ପଦ୍ମନାଭ ମହାସୁଆର କହିଛନ୍ତି। 

ଆସନ୍ତା ଫେବୃୟାରୀ ୨୦ରୁ ଆରମ୍ଭ ହେବ ମାଟ୍ରିକ ପରୀକ୍ଷା

Matric Exam: ଆସନ୍ତା ଫେବୃୟାରୀ ୨୦ରୁ ଆରମ୍ଭ ହେବ ମାଟ୍ରିକ ପରୀକ୍ଷା । ଫେବୃୟାରୀ ୨୦ରୁ ଆରମ୍ଭ ହୋଇ ଏହି ପରୀକ୍ଷା ମାର୍ଚ୍ଚ ୪ ତାରିଖରେ ଶେଷ ହେବ। ତେବେ ଚଳିତ ବର୍ଷ ମାଟ୍ରିକ ପରୀକ୍ଷାରେ ସ୍ବଚ୍ଛତା ବଜାଇ ରଖିବା ପାଇଁ ମାଧ୍ୟମିକ ଶିକ୍ଷା ପରିଷଦ ପୂର୍ବ ବ୍ୟବସ୍ଥାରେ କିଛିଟା ପରିବର୍ତ୍ତନ ଆଣିଛି ।  ଖବର ଅନୁଯାୟୀ, ସକାଳ 9ଟାରୁ 11ଟା 30 ପର୍ଯ୍ୟନ୍ତ ପରୀକ୍ଷା ଅନୁଷ୍ଠିତ ହେବ । ପରୀକ୍ଷା ଆରମ୍ଭ ହେବାର ଦେଢ ଘଣ୍ଟା ପୂର୍ବରୁ ଅର୍ଥାତ୍ ସକାଳ 7ଟା 30 ମିନିଟ୍ ରେ ପରୀକ୍ଷାର୍ଥୀଙ୍କୁ ପରୀକ୍ଷା କେନ୍ଦ୍ରକୁ ଛଡାଯିବ । ଫଳରେ ଗେଟ୍ ନିକଟର ପରୀକ୍ଷାର୍ଥୀଙ୍କୁ ଭଲ ଭାବେ ଯାଞ୍ଚ କରିବା ନେଇ ସୁଯୋଗ ମିଳିବ ବୋଲି ବୋର୍ଡ଼ ଉପସଭାପତି ନିହାର ରଞ୍ଜନ ମହାନ୍ତି କହିଛନ୍ତି । ସେହିପରି 8ଟା 15 ପରେ କୌଣସି ପରୀକ୍ଷାର୍ଥୀଙ୍କୁ ପ୍ରବେଶ ନେଇ ଅନୁମତି ଦିଆଯିବ ନାହିଁ ବୋଲି ବୋର୍ଡ଼ ପକ୍ଷରୁ କଟକଣା ଜାରି କରାଯାଇଛି । ସେହିପରି ଏଥର ରାଜ୍ୟର ସମସ୍ତ କେନ୍ଦ୍ରରେ ପ୍ରଥମ ଥର ପାଇଁ ପର୍ଯ୍ୟବେକ୍ଷକ ନିଯୁକ୍ତି ଲାଗି ବ୍ୟବସ୍ଥା ରଖାଯାଇଛି । କପି ନିୟନ୍ତ୍ରଣ ପାଇଁ ଏଥର ପ୍ରଥମ ଥର ବୋର୍ଡ଼ ପକ୍ଷରୁ ମାଟ୍ରିକ୍ ପରୀକ୍ଷା ସେଣ୍ଟରରେ ଆର୍ଟିଫିସିଆଲ ଇଣ୍ଟିଲିଜେନସ୍ ଓ ଲାଇଭ ଟେଲିକାଷ୍ଟ ବ୍ୟବସ୍ଥା ସହ ସ୍କ୍ବାଡ଼ର ଗତିବିଧି ଉପର ନଜରରେ ରଖିବା ଲାଗି ସ୍କ୍ବାଡ଼ ଅଧିକାରୀମାନଙ୍କୁ ଗ୍ଲୋବାଲ୍ ପୋଜିସନିଙ୍ଗ ସିଷ୍ଟମରେ ଯୋଡ଼ା ଯିବାର ବ୍ୟବସ୍ଥା କରାଯାଇଛି ବୋଲି ଶ୍ରୀ ମହାନ୍ତି କହିଛନ୍ତି ।

କୁହୁଡି଼ ପାଇଁ ୬ ଜିଲ୍ଲାକୁ ୟେଲୋ ଆଲର୍ଟ
 

Weather Update: ରାଜ୍ୟରେ ଜାରି ରହିଛି ଶୀତର ଲହରୀ (cold wave in odisha)। କେବେଳ ଶୀତ ନୁହେଁ, ଘନ କୁହୁଡି଼ (fog) ମଧ୍ୟ ଲାଗି ରହିଛି।  ଶନିବାର ରାଉରକେଲା, ଢେଙ୍କାନାଳ, କୋରାପୁଟ, ଭୁବନେଶ୍ବର ଓ ଚାନ୍ଦବାଲିରେ ଘନ କୁହୁଡି଼ ଅନୂଭୁତ ହୋଇଛି।  ଏଠାରେ ଦୃଶ୍ୟମାନ କ୍ଷମତା ୫୦ ମିଟର ମଧ୍ୟରେ ରହିଛି। 

ଅଧିକ ଅପଡେଟ୍ ପାଇଁ ଲିଙ୍କରେ କ୍ଲିକ୍ କରନ୍ତୁ : Weather Update: କୁହୁଡି଼ ପାଇଁ ୬ ଜିଲ୍ଲାକୁ ୟେଲୋ ଆଲର୍ଟ