8th Pay Commissionକୁ ନେଇ ବଡ଼ ଅପଡେଟ୍, ବଢ଼ିପାରେ ବେସିକ୍ ସାଲେରୀ ଓ ପେନସନ୍...

8th Pay Commission: ଅଷ୍ଟମ ବେତନ କମିଶନ୍କୁ ନେଇ କେନ୍ଦ୍ର ସରକାରଙ୍କ କର୍ମଚାରୀ ଓ ପେନ୍‌ସନ୍‌ଭୋଗୀଙ୍କ ପାଇଁ ଏକ ବଡ଼ ଅପଡେଟ୍ ସାମ୍ନାକୁ ଆସିଛି। ବିଭିନ୍ନ କର୍ମଚାରୀ ସଂଗଠନ ସରକାରଙ୍କ ନିକଟରେ ଏଭଳି ଏକ ବେତନ ବୃଦ୍ଧି ପ୍ରସ୍ତାବ ରଖିଛନ୍ତି, ଯାହା ଅନୁମୋଦନ ପାଇଲେ କର୍ମଚାରୀଙ୍କ ଦରମାରେ ବଡ଼ ଧରଣର ବୃଦ୍ଧି ହୋଇପାରେ।

ଗଣମାଧ୍ୟମ ରିପୋର୍ଟ ଅନୁଯାୟୀ, Level-1 କର୍ମଚାରୀଙ୍କ ବେସିକ୍ ବେତନ, ଘରଭଡ଼ା ଭତ୍ତା (HRA), ଯାତାୟାତ ଭତ୍ତା (TA) ଓ ଅନ୍ୟାନ୍ୟ ସୁବିଧାରେ ବୃଦ୍ଧି ପ୍ରସ୍ତାବ ଦିଆଯାଇଛି। କର୍ମଚାରୀ ସଂଗଠନମାନଙ୍କ ମତରେ ବର୍ତ୍ତମାନର ବେତନ ଗଠନ ବର୍ଦ୍ଧିତ ଜୀବନଯାପନ ଖର୍ଚ୍ଚ ସହ ସଙ୍ଗତିପୂର୍ଣ୍ଣ ନୁହେଁ।

ଫିଟମେଣ୍ଟ ଫ୍ୟାକ୍ଟର ବଢ଼ାଇବାକୁ ଦାବି: ବର୍ତ୍ତମାନ ୭ମ ବେତନ କମିଶନ୍‌ରେ ପରିବାରର ୩ ଜଣ ସଦସ୍ୟଙ୍କୁ ଆଧାର କରି ବେତନ ଗଠନ କରାଯାଇଛି। AINPSEF ପକ୍ଷରୁ ଆଶ୍ରିତ ବାପା-ମାଆଙ୍କୁ ମଧ୍ୟ ଏଥିରେ ସାମିଲ କରିବା ପ୍ରସ୍ତାବ ଦିଆଯାଇଛି। ଏହାଦ୍ୱାରା ଫିଟମେଣ୍ଟ ଫ୍ୟାକ୍ଟର 2.05ରୁ 2.10କୁ ବୃଦ୍ଧି ପାଇପାରେ, ଯାହା ସିଧାସଳଖ ବେସିକ୍ ବେତନ ବୃଦ୍ଧିରେ ସହାୟକ ହେବ।

 

HRA ଓ TA ବୃଦ୍ଧି ପ୍ରସ୍ତାବ:  କର୍ମଚାରୀ ସଂଗଠନମାନେ ବଡ଼ ସହରରେ ବଢ଼ୁଥିବା ଘରଭଡ଼ା ଓ ଯାତାୟାତ ଖର୍ଚ୍ଚକୁ ଦୃଷ୍ଟିରେ ରଖି HRA ବୃଦ୍ଧି ଦାବି କରିଛନ୍ତି।

X ଶ୍ରେଣୀ ସହର: 36% HRA Y ଶ୍ରେଣୀ ସହର: 24% HRA Z ଶ୍ରେଣୀ ସହର: 12% HRA

ସେହିପରି Level-1 କର୍ମଚାରୀଙ୍କ ପାଇଁ ପ୍ରତିମାସ ୯,୦୦୦ ଟଙ୍କା ଟ୍ରାନ୍ସପୋର୍ଟ ଆଲାଉନ୍ସ ଦେବାକୁ ମଧ୍ୟ ଦାବି କରାଯାଇଛି।

DA ମର୍ଜର ପ୍ରସ୍ତାବ: କର୍ମଚାରୀ ସଂଗଠନମାନେ ଦାବି କରିଛନ୍ତି ଯେ, ମହଙ୍ଗା ଭତ୍ତା (DA) 25% କିମ୍ବା 50% ପହଞ୍ଚିଲେ ଏହାକୁ ବେସିକ୍ ବେତନରେ ମିଶାଇ ଦିଆଯାଉ। ଏହାଦ୍ୱାରା ଭବିଷ୍ୟତରେ ବେତନ, ପେନ୍‌ସନ୍ ଓ ଗ୍ରାଚ୍ୟୁଇଟି ହିସାବ ଅଧିକ ଲାଭଦାୟକ ହେବ।

ଯଦି ଏହି ପ୍ରସ୍ତାବଗୁଡ଼ିକୁ ସରକାର ମଞ୍ଜୁରି ଦିଅନ୍ତି, ତେବେ ମାସିକ ଗ୍ରସ୍ ସାଲାରି ପ୍ରାୟ ₹37,080ରୁ ବଢ଼ି ₹61,344 ପର୍ଯ୍ୟନ୍ତ ପହଞ୍ଚିପାରେ, ଅର୍ଥାତ୍ ପ୍ରାୟ 65% ବୃଦ୍ଧି ସମ୍ଭବ।

ଏଯାଏଁ ଚୂଡ଼ାନ୍ତ ନିଷ୍ପତ୍ତି ନୁହେଁ: ଏହି ସମସ୍ତ ପ୍ରସ୍ତାବ AINPSEF, NC-JCM Staff Side ଓ AIDEF ପରି କର୍ମଚାରୀ ସଂଗଠନମାନଙ୍କ ଦ୍ୱାରା ସରକାରଙ୍କୁ ଦିଆଯାଇଛି। ସରକାର ଏପର୍ଯ୍ୟନ୍ତ ଏହାକୁ ଅନୁମୋଦନ କରିନାହାନ୍ତି। ଅଷ୍ଟମ ବେତନ କମିଶନ୍‌ର ସୁପାରିସ ଓ ସରକାରଙ୍କ ଚୂଡ଼ାନ୍ତ ନିଷ୍ପତ୍ତି ପରେ ହିଁ ନୂଆ ବେତନ ଗଠନ ସ୍ପଷ୍ଟ ହେବ।