Nuapada By Poll: ପୁଅ ପରେ ଏବେ ପତ୍ନୀଙ୍କ ମନ୍ତବ୍ୟ...ମୋ ସ୍ୱାମୀଙ୍କ ମୃତ୍ୟୁର ଅନ୍ୟତମ କାରଣ ବିଜେଡିର ଅଣଦେଖା !

ରାଜ୍ୟ ରାଜନୀତିରେ ଏବେ ବେଶ୍ ଚର୍ଚ୍ଚାର ବିଷୟ ପାଲଟିଛି ଆଦିବାସୀ ବହୁଳ ଜିଲ୍ଲା ନୂଆପଡ଼ା । କାରଣ ଆଉ କିଛିଦିନ ପରେ ଏଇଠି ହେବ ଉପନିର୍ବାଚନର ଫୈସଲା। 

Also Read: Liver Damage Serious Symptoms: ଶରୀରର ଏହି ୮ଟି ଲକ୍ଷଣ କହିଦେବ ଆପଣଙ୍କ ଲିଭର ସଢିବାରେ ଲାଗିଛି...ଜାଣିରଖନ୍ତୁ

Also Read: 8th Pay Commission: ସ୍ୱପ୍ନରେ ରହିଯିବ ଏହିସବୁ କର୍ମଚାରୀଙ୍କ ଆଶା...ଆସିଲା ଝଟକା ଦେଲା ପରି ଖବର

ତେବେ ତିନୋଟି ପ୍ରମୁଖ ଦଳ ନିଜ ନିଜର ପ୍ରାର୍ଥୀଙ୍କୁ ନେଇ ଜୋରଦାର କ୍ୟାମ୍ପେନ୍ କରିଛନ୍ତି । ବିଜେଡିରୁ ସ୍ନେହାଙ୍ଗୀନି ଛୁରିଆ, ବିଜେପିରୁ ଜୟ ଢୋଲକିଆ ତଥା ସ୍ଵର୍ଗତ ରାଜେନ୍ଦ୍ର ଢୋଲକିଆଙ୍କ ପୁଅ ଓ କଂଗ୍ରେସରୁ ଘାସିରାମ ମାଝୀ ଏହି ଆସନ ପାଇଁ ଲଢେଇ କରୁଛନ୍ତି । 

 

ତେବେ କ୍ୟାମ୍ପେନ ଜୋରଦାର ଚାଲିଥିବା ବେଳେ ଏବେ ଜୟ ଢୋଲକିଆଙ୍କ ମା ତଥା ସ୍ଵର୍ଗତଃ ରାଜେନ୍ଦ୍ର ଢୋଲକିଆଙ୍କ ପତ୍ନୀ ମନ୍ତବ୍ୟ ବିଜେଡିର ମନୋବଳକୁ ହରଡ଼ଘଣାରେ ପକାଇଛି।  

ତାଙ୍କ ପତ୍ନୀ କଳ୍ପନା ଢୋଲକିଆ କହିଛନ୍ତି ଯେ, ମୋ ସ୍ୱାମୀଙ୍କ ଦେହ ଖରାପ ଥିବା ବେଳେ ବିଜେଡି ଅଣଦେଖା କରିଥିଲା । 

ବିଜେଡିର ଅଣଦେଖା ତାଙ୍କ ବେମାରୀକୁ ଆହୁରି ବଢାଇଥିଲା । ଫୋନ କଲେନି କି ହସ୍ପିଟାଲ ଯାଇ ଟିକେ ପଚାରି ବି ବୁଝିଲେନି। 

ଅସୁସ୍ଥତା ବେଳେ ନିଜ ଦଳର ସହଯୋଗ ଗୋଟେ ସଚ୍ଚୋଟ କର୍ମୀର ମନୋବଳକୁ ବଢାଏ ହେଲେ ତାହା ଦଳ କରିନଥିଲା । 

ତେଣୁକରି ନୂଆପଡ଼ା ଉପନିର୍ବାଚନରେ ମୋ ପରିବାରକୁ ବିଜେଡି ଆକ୍ଷେପ କରୁ ଏହାକୁ ମୁଁ ଓ ମୋ ପରିବାର ବିରୋଧ କରୁଛୁ। 

ମୋ ପୁଅ ଟଙ୍କା ନେଇ ଅନ୍ୟଦଳକୁ ଯିବା ଆରୋପ ମିଛ କଥା...ମୋଦୀଙ୍କ କାମରେ ଅନୁପ୍ରାଣିତ ହୋଇ ବିଜେପିରେ ମିଶିଛି । 

ଆମ ପରିବାରର ‘ଉତ୍ତରାଧିକାରୀ କିଏ ହେବ ତାହା ପରିବାର ନିଷ୍ପତ୍ତି ନେବ, କୌଣସି ଦଳ ନୁହେଁ ବୋଲି ମର୍ମଭେଦୀ ଭିଡିଓ ସେୟାର କରିଛନ୍ତି ରାଜେନ୍ଦ୍ର ଢୋଲକିଆଙ୍କ ପତ୍ନୀ ।