Secret Marriage: ସିକ୍ରେଟ ମ୍ୟାରେଜ କରି ଚର୍ଚ୍ଚାରେ ଏହି ୪ ନେତା, ପତ୍ନୀଙ୍କ ସହ ଭାଇରାଲ ହେଉଛି ସୁନ୍ଦର ଫଟୋ

ପ୍ରଥମରେ ବିବାହ ବନ୍ଧନରେ ବାନ୍ଧି ହୋଇଛନ୍ତି ମାହାଙ୍ଗା ସ୍ୱାଧୀନ ବିଧାୟକ ସାରଦା ପ୍ରସାଦ ପ୍ରଧାନ । ମାର୍ଚ୍ଚ ପ୍ରଥମ ସପ୍ତାହରେ ବାହାଘର ଶେଷ ହୋଇଛି। ଏହାକୁ ନେଇ ମାହାଙ୍ଗା ନିର୍ବାଚନ ମଣ୍ଡଳୀରେ ଉତ୍କଣ୍ଠା ପ୍ରକାଶ ପାଇଥିଲା। 

Also Read: Odisha MLA: ବିଜେପି, ବିଜେଡି ଓ କଂଗ୍ରେସର ଏହି ୪ ବିଧାୟିକା...ଯାହାଙ୍କୁ ଲୋକ କୁହନ୍ତି ବିୟୁଟି ୱିଥ୍ ବ୍ରେନ୍ ୱମେନ

Also See Video: Bhoomika Das Bride Look: ଓଲିଉଡରେ ବାଜୁଛି ସାହାନାଇ, ଭାଇରାଲ ହେଲା ଭୂମିକାଙ୍କ ବ୍ରାଇଡାଲ୍ ଲୁକ୍

ବିଧାୟକ ସାରଦା ପ୍ରସାଦ କେନ୍ଦ୍ରାପଡ଼ା ଜିଲ୍ଲା ଡେରାବିଶ ବ୍ଳକ ଜଅଁରା ବାରିମୂଳ ଗ୍ରାମର ରମେଶ ଚନ୍ଦ୍ର ବଳଙ୍କ ବଡ଼ଝିଅ ସିପ୍ରା ପ୍ରିୟଦର୍ଶିନୀ ବଳଙ୍କୁ ବିବାହ କରିଛନ୍ତି । ସିପ୍ରା ବର୍ତ୍ତମାନ ପ୍ରଶାସନିକ ଅଧୀକାରୀଣି ଭାବେ ତାଲିମ ନେଉଛନ୍ତି। ବିବାହ କରିବା ପରେ ଏହି ଦମ୍ପତିଙ୍କ ଫଟୋ ଭାଇରାଲ ହୋଇଛି ।

ଦ୍ୱିତୀୟରେ ରହିଛନ୍ତି ବିଜେଡି ନେତା ତଥା ବରିଷ୍ଠ କଂଗ୍ରେସ ନେତା ସୁର ରାଉତରାୟଙ୍କ ସାନ ପୁଅ ମନ୍ମଥ ରାଉତରାୟ ।ଭୁବନେଶ୍ବର ଲୋକସଭା ସାଂସଦ ପ୍ରାର୍ଥୀ ମନ୍ନଥ ରାଉତରାୟ ମାର୍ଚ୍ଚ୪ରେ  ଭୁବନେଶ୍ବରର ଚନ୍ଦକା ନେଚର ରିସୋର୍ଟରେ ଦ୍ୱିତୀୟ ବିବାହ କରିଥିଲେ। 

ପ୍ରଥମ ବିବାହ ବିଚ୍ଛେଦ ହେବା ପରେ ଏବେ ସେ ଦ୍ବିତୀୟ ବିବାହ ଭୁବନେଶ୍ୱର ସ୍ଥିତ ପଟ୍ଟିଆ ସ୍ଥି ରୋଜାଲିନ ପଟ୍ଟନାୟକ ନାମକ ମହିଳାଙ୍କୁ ବିବାହ କରିଛନ୍ତି । ତେବେ ରୋଜାଲିନ ମୁମ୍ବାଇର ଏକ ଘରୋଇ ବ୍ୟାଙ୍କରେ ଚାକିରି କରିଛନ୍ତି ।

ତୃତୀୟରେ ରହିଛନ୍ତି ପୂର୍ବତନ ବିଜେଡି ସାଂସଦ ତଥା ଓଲିଉଡର ସୁପରଷ୍ଟାର ଅନୁଭବ ମହାନ୍ତି । ଆଉ ଆଜି ଅର୍ଥାତ୍ ମାର୍ଚ୍ଚ ୧୧ରେ ସାମ୍ବାଦିକା ଜାଗ୍ରତିଙ୍କ ହାତ ଧରିଛନ୍ତି ଅଭିନେତା ଅନୁଭବ ମହାନ୍ତି । 

ଓଲିଉଡର ସୁପରଷ୍ଟାର ଅନୁଭବ ମହାନ୍ତିଙ୍କର ମଧ୍ୟ ଏହା ୨ୟ ବିବାହ । ପାରିବାରିକ ବିବାଦ ଓ ପତ୍ନୀ ନିର୍ଯାତନା ନେଇ କୋର୍ଟଙ୍କ ଅନୁମତି ପରେ ୨୦୨୪ ଫେବୃଆରୀରେ ବର୍ଷା- ଅନୁଭବଙ୍କ ବିବାହ ବିଚ୍ଛେଦ ହୋଇଥିଲା। ଆଉ ଏବେ ନିଜ ବାନ୍ଧବୀ ଜାଗ୍ରତିଙ୍କ ହାତ ଧରିବେ ଅନୁଭବ। 

ଚତୁର୍ଥରେ ରହିଛନ୍ତି ପୂର୍ବତନ ସାଂସଦ ପ୍ରଦୀପ ମାଝୀ । ଆସନ୍ତାକାଲି ଅର୍ଥାତ୍ ମାର୍ଚ୍ଚ ୧୨ରେ ହାତକୁ ଦି ହାତ ହେବେ ସାଂସଦ । ଗୋଆସ୍ଥିତ ପାନଜିମରେ ତାଙ୍କ ବିବାହ ଉତ୍ସବର ଆୟୋଜନ କରାଯାଇଛି । ଏନେଇ ନିଜେ ସୂଚନା ଦେଇଛନ୍ତି ବରିଷ୍ଠ ନେତା ପ୍ରଦୀପ ମାଝୀ ।

କେନ୍ଦ୍ରାପଡ଼ାର ଝିଅ ସୁଶ୍ରୀ ସଙ୍ଗୀତା ସାହୁଙ୍କୁ ସହ ତାଙ୍କର ଶୁଭ ପରିଣୟ ହେବାକୁ ଯାଉଛି । ଉଭୟ ପ୍ରଦୀପ ଓ ସୁଶ୍ରୀଙ୍କ ପରିବାର, ପ୍ରଦୀପଙ୍କ କିଛି ଅନ୍ତରଙ୍ଗ ବନ୍ଧୁ ଓ ପରିଜନଙ୍କୁ ନେଇ ଏହି ବିବାହ ଉତ୍ସବ ଅନୁଷ୍ଠିତ ହେବାକୁ ଯାଉଛି । ତେବେ ଖବର ଅନୁଯାୟୀ, ସୁଶ୍ରୀ ସଙ୍ଗୀତା ସାହୁ ଜଣେ ସାମ୍ବାଦିକା।