Gold Rate: ଖସିଲା ରୂପା ଦର, ଶସ୍ତା ହେଲା କି ସୁନା? ଜାଣନ୍ତୁ ୧୦ ଗ୍ରାମ ପ୍ରତି ଦର

ଇଣ୍ଡିଆ ଜୁଏଲର୍ସ ଆଣ୍ଡ ବୁଲିଅନ୍ ଆସୋସିଏସନ୍‌ର ୱେବସାଇଟରେ ପ୍ରକାଶିତ ଦର ବିଷୟରେ କହିବାକୁ ଗଲେ, ୨୪ କ୍ୟାରେଟ୍ ସୁନାର ମୂଲ୍ୟ ପ୍ରତି ୧୦ ଗ୍ରାମ ୮୬୦୨୭ ଟଙ୍କା ରହିଛି । ସେହିପରି ୨୩ କ୍ୟାରେଟ୍ ସୁନାର ମୂଲ୍ୟ ୧୦ ଗ୍ରାମ ପ୍ରତି ୮୫୬୮୩ ଟଙ୍କା, ୨୨ କ୍ୟାରେଟ୍ ସୁନାର ମୂଲ୍ୟ ପ୍ରତି ୧୦ ଗ୍ରାମ ପିଛା ୭୮୮୦୧ ଟଙ୍କା, ୧୮ କ୍ୟାରେଟ୍ ସୁନାର ମୂଲ୍ୟ ୧୦ ଗ୍ରାମ ପ୍ରତି ୬୪୫୨୦ ଟଙ୍କା ରହିଛି ।

ସୋମବାର ଦିନ ସୁନାର ଦାମ୍ ସ୍ଥିର ରହିବା ସହିତ ସଟ୍ଟାବାଜମାନେ ନୂତନ ସ୍ଥିତି ସୃଷ୍ଟି କରିବା ଫଳରେ ଫ୍ୟୁଚର୍ସ ଟ୍ରେଡରେ ସୁନା ମୂଲ୍ୟ ୨୩ ଟଙ୍କା ବୃଦ୍ଧି ପାଇ ୮୫,୯୦୦ ଟଙ୍କା ୧୦ ଗ୍ରାମ ପ୍ରତି ପହଞ୍ଚିଛି। ମଲ୍ଟି କମୋଡିଟି ଏକ୍ସଚେଞ୍ଜରେ, ଏପ୍ରିଲ ଡେଲିଭରି ପାଇଁ ସୁନା ମୂଲ୍ୟ ୨୩ ଟଙ୍କା କିମ୍ବା ୦.୦୩ ପ୍ରତିଶତ ବୃଦ୍ଧି ପାଇ ପ୍ରତି ୧୦ ଗ୍ରାମ ୮୫,୯୦୦ ଟଙ୍କାରେ ପହଞ୍ଚିଛି।

ବିଶ୍ଳେଷକମାନେ କହିଛନ୍ତି ଯେ, ଅଂଶଗ୍ରହଣକାରୀଙ୍କ ଦ୍ୱାରା ନୂତନ କାରବାର ଯୋଗୁଁ ସୁନା ମୂଲ୍ୟ ବୃଦ୍ଧି ପାଇବାରେ ଲାଗିଛି। ବିଶ୍ୱ ସ୍ତରରେ, ନ୍ୟୁୟର୍କରେ ସୁନା ଫ୍ୟୁଚର୍ସ ୦.୦୨ ପ୍ରତିଶତ ହ୍ରାସ ପାଇ ୨,୯୦୮.୪୬ ଆମେରିକୀୟ ଡଲାର ପ୍ରତି ଆଉନ୍ସରେ ପହଞ୍ଚିଛି।

Gold And Silver Price Today: ମିସ କଲ କରି ଜାଣିପାରିବେ ସୁନାରୂପା ଦର

୨୨ କ୍ୟାରେଟ୍ ଏବଂ ୧୮ କ୍ୟାରେଟ୍ ସୁନା ଅଳଙ୍କାରର ଖୁଚୁରା ଦର ଜାଣିବା ପାଇଁ, ଆପଣ 8955664433 ରେ ଏକ ମିସ୍ କଲ୍ ଦେଇପାରିବେ। ମିସ କଲ ଦେବାର ଅଳ୍ପ ସମୟ ମଧ୍ୟରେ SMS ମାଧ୍ୟମରେ ଆପଣ ଦର ଜାଣିପାରିବେ। ଏହା ସହିତ ଆପଣ କ୍ରମାଗତ ଭାବେ ସୁନାଦର ଜାଣିବା ପାଇଁ www.ibja.co କିମ୍ବା ibjarates.com ସାଇଟକୁ ଭିଜିଟ କରି ଜାଣିପାରିବେ।

Gold And Silver Price Today: ୨୨ ଓ ୨୪ କ୍ୟାରେଟ ସୁନା ମଧ୍ୟରେ କଣ ରହିଛି ଫରକ

୨୪ କ୍ୟାରେଟ୍ ସୁନା ୯୯.୯ ପ୍ରତିଶତ ଶୁଦ୍ଧ ଏବଂ ୨୨ କ୍ୟାରେଟ୍ ପ୍ରାୟ ୯୧ ପ୍ରତିଶତ ଶୁଦ୍ଧ ଅଟେ। ୨୨ କ୍ୟାରେଟ୍ ସୁନାରେ ତମ୍ବା, ରୂପା, ଜିଙ୍କ ପରି ୯ ପ୍ରତିଶତ ଅନ୍ୟ ଧାତୁ ମିଶ୍ରଣ କରି ଅଳଙ୍କାର ପ୍ରସ୍ତୁତ ହୋଇଥାଏ। ୧୪ କ୍ୟାରେଟ ସୁନା ଅତ୍ୟନ୍ତ ନମନୀୟ ହୋଇଥିବାବେଳେ ଏହାକୁ ଅଳଙ୍କାରରେ ତିଆରି କରାଯାଇପାରିବ ନାହିଁ। ସେଥିପାଇଁ ଅଧିକାଂଶ ଦୋକାନୀମାନେ ୨୨ କ୍ୟାରେଟରେ ସୁନା ବିକ୍ରି କରନ୍ତି।

୨୪ କ୍ୟାରେଟ୍ ସୁନାର ମୂଲ୍ୟ ୮୬୦୨୭ ଟଙ୍କା ରହିଥିବା ସମୟରେ ଶୁକ୍ରବାର ଦିନ ୧୦ ଗ୍ରାମ ପିଛା ମୂଲ୍ୟ ଥିଲା ୮୬୦୫୯ ଟଙ୍କା । ତେବେ ରୂପାର ମୂଲ୍ୟ ସାମାନ୍ୟ ହ୍ରାସ ପାଇଛି। ୧ କିଲୋଗ୍ରାମ ରୂପାର ମୂଲ୍ୟ ୯୬୭୨୪ ଟଙ୍କାରୁ ହ୍ରାସ ପାଇ ୯୬୪୨୨ ଟଙ୍କା ହୋଇଛି।