Gateway of India Mumbai: ସନ୍ଦେହଜନକ ଅବସ୍ଥାରେ ଧରାପଡ଼ିଲେ ୩ ଭାରତୀୟ; ଡଙ୍ଗା ନେଇ କୁଏତ ଠାରୁ ଆସିଲେ ଭାରତ

3 indian fishermen held at mumbai coast: ଫେବୃଆରୀ ୭ ତାରିଖ ବୁଧବାର ମୁମ୍ବାଇ ସ୍ଥିତ ଗେଟୱେ ଅଫ୍ ଇଣ୍ଡିଆ ଠାରେ ଘଟିଯାଇଥିଲା ଏକ ବଡ଼ ଧରଣର ଅଘଟଣ। ମୁମ୍ବାଇ ପୋଲିସ ଆରବ ସାଗରରେ ଏକ ସଦିଗ୍ଧ ଡଙ୍ଗାକୁ ମାଡ଼ି ବସିଥିଲା। କୁହାଯାଉଛି ଯେ ଆରବ ସାଗରରେ ଧରା ପଡ଼ିଥିବା ଡଙ୍ଗା କୁଏତ ଠାରୁ ଆସିଥିଲା। ସେହି ଡଙ୍ଗାରେ ଉପସ୍ଥିତ ରହିଥିବା ୩ ଜଣଙ୍କୁ ପୋଲିସ ଗିରଫ କରିଛି। ଏହି ଘଟଣାରେ ହୋଇଥିବା ଅନୁସନ୍ଧାନରୁ ଜଣାପଡିଛି ଯେ ସେହି ଡଙ୍ଗାରେ ୩ ଜଣ ଭାରତୀୟ ରହିଥିବାର ଜଣାପଡ଼ିଛି। ମୁମ୍ବାଇ ପୋଲିସ ସେହି ଡଙ୍ଗାକୁ ଜବତ କରି ହେପାଜତକୁ ନେଇଛି। 

ଫେବୃଆରୀ ୬ ତାରିଖ ମଙ୍ଗଳବାର ସନ୍ଧ୍ୟାରେ ପୋଲିସ ସମୁଦ୍ର କୂଳ ଠାରୁ କିଛି ଦୂରରେ ଆରବ ସାଗରରେ କିଛି ଗତିବିଧି ଦେଖିବାକୁ ପାଇଥଲା। ୱାଚ ଟାୱାର ସହାୟତାରେ ଆରବ ସାଗରରେ ଏକ ସନ୍ଦେହଜନକ ଡଙ୍ଗାର ଅବସ୍ଥିତି ସମ୍ପର୍କରେ ଜଣାପଡ଼ିଥିଲା। ପୋଲିସ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରି ସନ୍ଦେହଜନକ ଡଙ୍ଗାକୁ ଜବତ କରିଥିଲା। ସନ୍ଦିଗ୍ଧ ଡଙ୍ଗାରେ ୩ ଜଣ ଭାରତୀୟ ନାଗରିକ ରହିଥିଲେ। ଯେଉଁମାନେ ଦକ୍ଷିଣ ଭାରତୀୟ ବୋଲି କୁହାଯାଉଛି। ପୋଲିସ ତାଙ୍କୁ ଅଟକ ରଖି ଜେରା କରୁଛି।

ଜେରା ବେଳେ ଜଣାପଡ଼ିଛି ଯେ, ଚାକିରି ପାଇଁ କୁଏତ ଯାଇଥିବା ସେହି ଲୋକଙ୍କୁ ଦରମା ମିଳିନଥିଲା। ଏଭଳି ପରିସ୍ଥିତିରେ ସେହି ଲୋକ ଅସନ୍ତୁଷ୍ଟ ହୋଇ ନିଜ ଡଙ୍ଗା ନେଇ କୁଏତ ଠାରୁ ଭାରତ ପଳାଇ ଆସିଥିଲେ। ପୋଲିସ ପକ୍ଷରୁ କୁହାଯାଇଛି ଯେ ସେହି ୩ ଜଣ ବେଆଇନ ଭାବେ ମୁମ୍ବାଇ ଠାରେ ପ୍ରବେଶ କରିଥିବାର ଅଭିଯୋଗ ହୋଇଛି।

କଥିତ ରୂପରେ ୩ ଭାରତୀୟ କୁଏତ ଠାରୁ ଡଙ୍ଗା ନେଇ ଆସି ମୁମ୍ବାଇ ଠାରେ ପହଞ୍ଚିବା ପରେ ପୁଣିଥରେ ଭାରତୀୟ ସାମୁଦ୍ରିକ ସୁରକ୍ଷାକୁ ନେଇ ପ୍ରଶ୍ନ ଉଠିଛି। ଗିରଫ ୩ ଜଣ ଏକ ମାଛ ଧରା ସଂସ୍ଥାରେ କାମ କରୁଥିଲେ।  ସେମାନଙ୍କ ନିଯୁକ୍ତିଦାତା ଦ୍ୱାରା ସେମାନେ ନିର୍ଯାତିତ ହେବା ସହ ଶୋଷଣର ଶୀକାର ହୋଇଥିବା କୁହାଯାଉଛି। ସେମାନଙ୍କୁ ଦରମା ଦିଆଯାଉଥିବା ବେଳେ ସେମାନେ ଦୁଃଖଦ ପରିସ୍ଥିତିରେ କାମ କରୁଥିବା କହି ସେମାନେ ମାଲିକଙ୍କ ଡଙ୍ଗା ଚୋରି କରିଥିବାର ଦାବି କରିଛନ୍ତି।

କୁଏତ ଠାରୁ ଡଙ୍ଗାରେ ଆସି ଭାରତରେ ପହଞ୍ଚିଥିବା ମତ୍ସ୍ୟଜୀବୀ କହିଛନ୍ତି ଯେ ସେମାନଙ୍କ ପାସପୋର୍ଟ ଜବତ କରାଯାଇଛି। ଏହି କାରଣରୁ ଜାହାଜ ଚୋରି କରିବା ବ୍ୟତୀତ ସେମାନଙ୍କ ପାଖରେ ଅନ୍ୟ କୌଣସି ବିକଳ୍ପ ନଥିଲା।  ବର୍ତ୍ତମାନ ସେମାନଙ୍କୁ ଗିରଫ କରାଯିବା ପରେ ସମସ୍ତ ତଥ୍ୟକୁ ବିଭିନ୍ନ ଦିଗରୁ ଯାଞ୍ଚ କରାଯାଉଛି।