ନୂଆଦିଲ୍ଲୀ:ଅଗ୍ରଣୀ ମୋଟର ବାଇକ ନିର୍ମାଣ କମ୍ପାନୀ ଟିଭିଏସ୍ ମୋଟର୍ସ ଭାରତରେ ଲଞ୍ଚ କଲା ତାର ପପୁଲାର ବାଇକ apache RTR 200 4vର ନୂଆ ଇଡିସନ୍ । SmartXonnect ଟେକ୍ନୋଲୋଜିରେ ଲେସ୍ ଥିବା ଏହି ବାଇକର ଏକ୍ସ-ଶୋରୁମ ଦାମ ୧.୧୪ ଲକ୍ଷ ଟଙ୍କା ରହିଛି ।
କାରବୋରେଟର ଏବଂ ଡ୍ୟୁଅଲ-ଚ୍ୟାନେଲ ଏବିଏସ୍ ସିଷ୍ଟମ ସହିତ ଆସିଥିବା ଏହି ବାଇକର ସବୁଠାରୁ ସ୍ୱତନ୍ତ୍ର ଆକର୍ଷଣ ହେଉଛି ଏହାର ବ୍ଲୁ ଟୁଥ୍ କନେକ୍ଟିଭିଟି । SmartXonnect ନାମକ ମୋବାଇଲ ଆପ୍ ସାହାଯ୍ୟରେ ରାଇଡରକୁ ଫୋନର ଡିସପ୍ଲେ ଉପରେ ମୋଟରସାଇକେଲ ସହିତ ଜଡିତ ସମସ୍ତ ସୂଚନା ମିଳିପାରିବ। ଆସନ୍ତୁ ଜାଣିବା ଏଥିରେ ଆଉ କଣ କଣ କଣ ଖାସ ଓ ନୂଆ ଫିଚର୍ସ ରହିଛି ।
ଏହି ଆପରେ ଅନେକ ଫିଚର୍ସ ଯଥା ନେଭିଗେସନ, ରେସ୍ ଟେଲିମେଟ୍ରୀ, ଟୂର ମୋଡ, ଲୀନ ଆଙ୍ଗଲ ମୋଡ୍ , କ୍ରାସ୍ ଆଲର୍ଟ ଏବଂ କଲ୍ ଆଣ୍ଡ ଏସଏମଏସ ନୋଟିଫିକେସନ ମିଳିବ । ବାଇକରେ ଦିଆଯାଇଥିବା କ୍ରାସ୍ ଆଲର୍ଟ ସିଷ୍ଟମ ଏହାର ସେଫ୍ଟିକୁ ବଢ଼ାଇବ, ଯାହାଫଳରେ ଦୁର୍ଘଟଣା ହେବାର ସମ୍ଭାବନା କମ୍ ରହିଛି ।
କୌଣସି ପ୍ରକାରର ଫଲ୍ ସେନସ୍ ସମୟରେ ସିଷ୍ଟମ କ୍ରାସ୍ ଆଲର୍ଟ ମୋଡକୁ ଆସିଯାଇଥାଏ । ଏହାସହିତ କ୍ରାସ ଆଲର୍ଟ ୧୮୦ ସେକେଣ୍ଡ ପୂର୍ବରୁ ରାଇଡରକୁ ସୂଚନା ପଠାଇବ । ସେହିପରି ଗାଡି ଦୁର୍ଘଟଣାଗ୍ରସ୍ଥ ହୋଇଥିଲେ ତାହା ଏମରଜେନ୍ସୀ ନମ୍ବରକୁ ଅଟୋ ଡାଏଲ ହେବ, ଯାହାଦ୍ୱାରା ଜରୁରିକାଳୀନ ସ୍ଥିତିରେ ଦୁର୍ଘଟଣାଗ୍ରସ୍ତ ବ୍ୟକ୍ତିଙ୍କୁ ସାହାଯ୍ୟ ମିଳିପାରିବ । ଏହାସହିତ ଏଥିରେ ମୋଟରସାଇକେଲ ବ୍ରେକ ପାଇଁ ଡୁଆଲ ଚ୍ୟାନେଲ ଏବିଏସର ମଧ୍ୟ ସଂଯୋଗ କରାଯାଇଛି ।
apache-rtr-200-4vରେ ୧୯୭.୭୫ସିସି ସିଙ୍ଗଲ-ସିଲିଣ୍ଡର ମୋଟରର ବ୍ୟବହାର କରାଯାଇଛି, ଯାହା ୮,୫୦୦ rpmରେ ମ୍ୟାକ୍ସିମମ୍ ୨୦.୫hpsର ପାୱାର ପ୍ରଡ୍ୟୁସ୍ କରିଥାଏ । ସେହିପରି ୭,୦୦୦ rpm ରେ ଏହା ୧୮.୧ nm ପିକ୍ ଟର୍କ ଜେନେରେଟ୍ କରିଥାଏ । ଏହି ବାଇକରେ ୫ ସ୍ପୀଡ୍ ଗୀୟର ଟ୍ରାନ୍ସମିସନ ଦିଆଯାଇଛି ।