Weather Update: ଆଜି ଏହି ସବୁ ଜିଲ୍ଲାରେ ବିଜୁଳି ଘଡ଼ଘଡି ସହ ବର୍ଷା ନେଇ ୟେଲୋ ଆଲର୍ଟ ଜାରି

Weather Update: ରାଜ୍ୟରେ ଏବେ କ୍ରମାଗତ ଭାବେ ବର୍ଷା ସମ୍ଭାବନା ରହିଛି। ଗତ ୨୪ ଘଣ୍ଟାରେ ଅଧିକାଂଶ ଜିଲ୍ଲାରେ ଭାରି ବର୍ଷା ରେକର୍ଡ଼ କରାଯାଇଛି। ଏବଂ ଆଜି ୪ ଜିଲ୍ଲାକୁ ଘଡଘଡି ସାଙ୍ଗକୁ ବର୍ଷା ନେଇ ୟେଲୋ ଆଲର୍ଟ ଜାରି କରାଯାଇଛି।  ସୁନ୍ଦରଗଡ, କେନ୍ଦୁଝର, ମୟୂରଭଂଜ ଓ ବାଲେଶ୍ବରକୁ  ବିଜୁଳି ଘଡଘଡି ବର୍ଷା ନେଇ ୟେଲୋ ଓ୍ବାର୍ଣ୍ଣିଂ ଜାରି ହୋଇଛି।  ଏହା ଛଡା ଉତ୍ତର ଉପକୂଳବର୍ତ୍ତୀ ଜିଲ୍ଲା ସମେତ ଖୋର୍ଦ୍ଧା, ପୁରୀ, ନୟାଗଡ,ଗଂଜାମ ଜିଲ୍ଲାରେ ବର୍ଷା ସମ୍ଭାବନା ନେଇ ଆଂଚଳିକ ପାଣିପାଗ କେନ୍ଦ୍ର  ପକ୍ଷରୁ ସୂଚନା ଦିଆଯାଇଛି। 

#Minimum Temperature forecast for next five days: pic.twitter.com/o1gKI8SVS6

— Meteorological Centre, Bhubaneswar (@mcbbsr) February 26, 2024

ବୁଧବାର ରାଜ୍ୟରେ ପାଗ ମୁଖ୍ୟତ ଶୁଖିଲା ରହିବ। ଗୁରୁବାର ଠାରୁ ୩ ତାରିଖ ଯାଏଁ ରାଜ୍ୟର ବିଭିନ୍ନ ସ୍ଥାନରେ ହାଲୁକା ବର୍ଷା ସମ୍ଭାବନା ଥିବା ବେଳେ ସ୍ଥାନେ ସ୍ଥାନେ ବିଜୁଳି ଘଡଘଡି ସାଙ୍ଗକୁ ବର୍ଷା ନେଇ ପୂର୍ବାନୁମାନ କରାଯାଇଛି। ଏବେ ରାଜ୍ୟ ଉପରେ କୌଣସି ପାଣିପାଗ ନିୟମାକର ପ୍ରଭାବ ନାହିଁ। କିନ୍ତୁ ପାଶ୍ବବର୍ତ୍ତୀ ରାଜ୍ୟଦେଇ ଲମ୍ବିଥିବା ନିମ୍ନ ଚାପ ରେଖା ଓ ସମୁଦ୍ରପଟୁ ଜଳୀୟବାଷ୍ପ ପୂର୍ଣ୍ଣ ବାୟୁ ପ୍ରବାହ ଫଳରେ ରାଜ୍ୟରେ ବର୍ଷା ରେକର୍ଡ ହେବା ସହ ପାଗ ଆଂଶିକ ମେଘୁଆ ରହୁଛି। ଫଳରେ ବାୟୁ ମଣ୍ତଳର ତଳସ୍ତର  ଥଣ୍ତା ରହୁଥିବା ନଜରକୁ ଆସିଛି। ୩ ଦିନ ଯାଏଁ ରାଜ୍ୟରେ ପାଗ ବିଶେଷ ପରିବର୍ତ୍ତନ କିଛି ସମ୍ଭାବନା ନ ଥିବା ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ ବିଭାଗ। 

୪ ଦିନ ରାଜ୍ୟର ରାତି ତାପମାତ୍ରାରେ କିଛି ବିଶେଷ ପରିବର୍ତ୍ତନ ନାହିଁ। ରାତି ତାପମାତ୍ରା ସ୍ବାଭାବିକ ତଥା ତା ଠାରୁ ଅଧିକ ରହିବା ପୂର୍ବାନୁମାନ କରାଯାଇଛି। ମେଘୁଆ ପାଗ ଥିବାରୁ ରାତି  ତାପମାତ୍ରା ସ୍ବାଭାବିକ ରହୁଥିବା ଆକଳନ କରାଯାଇଛି।  ମାର୍ଚ୍ଚ ପହିଲା ଯାଏଁ ରାତି ପାରଦ ସର୍ବନିମ୍ନ ୧୫ ଡିଗ୍ରୀ ତଥା ତା ଠାରୁ ଅଧିକ ରହିବ। ସୋମବାର ମାଲକାନଗିରିରେ ସର୍ବାଧିକ ଦିନ ତାପମାତ୍ରା ୩୫.୨ ଡିଗ୍ରୀ ରେକର୍ଡ କରାଯାଇଛି। ଏହା ଛଡା ବାକି ସବୁଠି ପାରଦ ୩୫ ଡିଗ୍ରୀ ଠାରୁ ତଳେ ରେକର୍ଡ ହୋଇଥିବା ପାଣିପାଗ କେନ୍ଦ୍ର କହିଛି।