Weather Update: ଦୁର୍ବଳ ହେଲା ଗଭୀର ଅବପାତ, ପ୍ରଭାବରେ ଏହିସବୁ ସ୍ଥାନରେ ହେବ ଛେଚାବର୍ଷା

Weather Update: ରାଜ୍ୟରେ ଲଘୁଚାପ ଜନିତ ବର୍ଷା ଜାରି ରହିଛି। ତେବେ,ଏହାରି ଭିତରେ ପାଣିପାଗ ବିଭାଗ ଆଉ ଏକ ତାଜା ଅପଡେଟ୍ ଜାରି କରିଛି। ଦୁର୍ବଳ ହୋଇ ଅବପାତରେ ପରିଣତ ହେଲା ଗଭୀର ଅବପାତ। ବର୍ତ୍ତମାନ ବାଂଲାଦେଶ ଉପରେ ସକ୍ରିୟ ଥିବାବେଳେ,ପ୍ରଭାବରେ ଆଜି ଉତ୍ତର ପୂର୍ବ ରାଜ୍ୟ ଗୁଡିକରେ ପ୍ରବଳରୁ ଅତି ପ୍ରବଳ ବର୍ଷା ହେବ।  ୨୦ ସେମିରୁ ଅଧିକ ବର୍ଷା ହେବ ନେଇ ରେଡ୍ ଆଲର୍ଟ ଜାରି କରାଯାଇଛି। 

ଦୁର୍ବଳ ହୋଇ ଅବପାତ ରେ ପରିଣତ ହେଲା ଗଭୀରଅବପାତ,

Add Zee News as a Preferred Source

ବର୍ତମାନ ବାଂଲାଦେଶ ଉପରେ ସକ୍ରିୟ ଥିବାବେଳେ, ପ୍ରଭାବରେ ଆଜି ଉତ୍ତରପୂର୍ବ ରାଜ୍ୟ ଗୁଡିକ ପାଇଁ ଭାରି ରୁ ଅତିଭାରୀ ତଥା କିଛି ଅଞ୍ଚଳରେ ଅତ୍ୟନ୍ତଭାରି ବର୍ଷା (20ସେମି ରୁ ଅଧିକ ବର୍ଷା ) ପାଇଁ ରେଡ ଆଲେର୍ଟ ଜାରି pic.twitter.com/35vug2TLnc

— usd (@usd0705) May 30, 2025

ଚଳିତ ମାସ ୨୮ ତାରିଖରେ ରାଜ୍ୟକୁ  ଦକ୍ଷିଣ ପଶ୍ଚିମ ମୌସୁମୀ ବାୟୁ ଆହୁରି ଅଗ୍ରସର ହୋଇଥିଲା। ଏହି ମୌମୁମୀ ବାୟୁ ମାଲକାନଗିରି, କୋରାପୁଟ ଓ ଗଜପତି ଜିଲ୍ଲାକୁ ସମ୍ପୁର୍ଣ୍ଣ ଭାବେ ଛୁଇଁଥିବା ବେଳେ ରାୟଗଡ଼ା, ଗଞ୍ଜାମ ଓ ନବରଙ୍ଗପୁର ଜିଲ୍ଲାକୁର ଅଧିକାଂଶ ଭାଗକୁ ଛୁଇଁଛି । ଖୋର୍ଦ୍ଧା , ପୁରୀ, କଳାହାଣ୍ଡି ଓ କନ୍ଧମାଳ ଜିଲ୍ଲାକୁ ଆଂଶିକ ଭାବେ ସ୍ପର୍ଶ କରିଛି।  ମୌସୁମୀ ପ୍ରଭାବରେ ରାଜ୍ୟରେ ବିଭିନ୍ନ ସ୍ଥାନରେ ବର୍ଷା ଜାରି ରହିଛି। ଆଜି ବିଜୁଳି ଘଡ଼ଘଡି଼ ନେଇ ରାଜ୍ୟର ଅଧିକାଂଶ ଜିଲ୍ଲାକୁ ଅରେଞ୍ଜ ଓ ୟେଲୋ ଆଲର୍ଟ ଜାରି ହୋଇଛି।ସେହି ଜିଲ୍ଲା ଗୁଡିକ ହେଲା, ରାୟଗଡା, ନବରଙ୍ଗପୁର, କଳାହାଣ୍ତି, ନୂଆପଡା, ମୟୂରଭଂଜ, ବାଲେଶ୍ବର, କୋରାପୁଟ ଓ ମାଲକାନଗିରି। ଏହିସବୁ ଜିଲ୍ଲା ଗୁଡିକରେ ପ୍ରବଳରୁ ଅତି ପ୍ରବଳ ବର୍ଷା ହେବା ନେଇ ବିଭାଗ ପକ୍ଷରୁ କୁହାଯାଇଛି। ଆସନ୍ତାକାଲି କିଛି ସ୍ଥାନରେ ବର୍ଷା ହେବ।  ୧ ରୁ ଠାଏ ଠାଏ ବର୍ଷା ହେବ। ଅନ୍ୟପକ୍ଷରେ ଗରମ ପ୍ରକୋପ ବଢିବ।