Heavy Rain Alert: ଆସୁଛି ଆଉ ଏକ ଘୂର୍ଣ୍ଣିବଳୟ! ବିଜୁଳି ଘଡ଼ଘଡ଼ି ସହ ୨୧ ଜିଲ୍ଲାରେ ହେବ ଭୀଷଣ ବର୍ଷା

ଉତ୍ତର- ଆନ୍ଧ୍ର ଉପକୂଳ  ଓ ପାଶ୍ବବର୍ତ୍ତୀ ଅଞ୍ଚଳ ସମୁଦ୍ର ପତ୍ତନ ଠାରୁ  ୯୦୦ ମିଟର ଉଚ୍ଚତାରେ ସକ୍ରିୟ ରହିଛି ଏକ ଘୂର୍ଣ୍ଣିବଳୟ। ଯାହାର ପ୍ରଭାବରେ ରାଜ୍ୟରେ ବର୍ଷା ଲାଗି ରହିଛି।  

ALSO READ: Pratiyuti Yog 2025: ୬୦୦ ବର୍ଷ ପରେ ସୃଷ୍ଟି ହେଉଛି ପ୍ରତିୟୁତି ଯୋଗ,ଏହିସବୁ ରାଶିଙ୍କୁ ମିଳିବ ବଡ଼ ଲାଭ

ALSO READ: Today Horoscope: ଆଜି ଏହିସବୁ ରାଶି ରୁହନ୍ତୁ ସତର୍କ!ଜାଣନ୍ତୁ ଆପଣଙ୍କ ପାଇଁ କେମିତି ରହିବ ଶନିବାର?

ଆଞ୍ଚଳିକ ପାଣିପାଗ ବିଭାଗ ପକ୍ଷରୁ ମିଳିଥିବା ସୂଚନା ଅନୁସାରେ,  ଆଜି ବିଶେଷକରି, ମାଲକାନଗିରି,କୋରାପୁଟ୍, ରାୟଗଡା, ଗଜପତି, ଗଞ୍ଜାମ, ଗଜପତି, କନ୍ଧମାଳ, ବୌଦ୍ଧ, ନୟାଗଡ, ପୁରୀ, ଖୋର୍ଦ୍ଧା, ଜଗତସିଂହପୁର, କଟକ, କେନ୍ଦ୍ରାପଡା, ଢେଙ୍କାନାଳ , ଯାଜପୁର, ଅନୁଗୁଳ, ଭଦ୍ରକ, କେନ୍ଦୁଝର, ମୟୂରଭଞ୍ଜ ଓ ବାଲେଶ୍ବର ଜିଲ୍ଲାକୁ ୟେଲୋ ଆଲର୍ଟ ଜାରି କରାଯାଇଛି। 

ଏହିସବୁ ଜିଲ୍ଲା ଗୁଡିକରେ ଆଜି ୭ ରୁ ୧୧ ମିମି ପର୍ଯ୍ୟନ୍ତ ବର୍ଷା ହେବା ସହିତ ୩୦ ରୁ୪୦ କିମି ପର୍ଯ୍ୟନ୍ତ ବର୍ଷା ହୋଇପାରେ। 

ସେହିପରି, ଆସନ୍ତାକାଲି ରାଜ୍ୟର ୨୧ ଜିଲ୍ଲାରେ ବର୍ଷା ହେବା ସହ ବିଜୁଳି ଘଡ଼ଘଡି଼ ହେବାର ସମ୍ଭାବନା ରହିଛି। 

ସେପଟେ, ଆସନ୍ତା ୧୫ ତାରିଖରୁ ରାଜ୍ୟରେ  ରାତି ତାପମାତ୍ରା କମିପାରେ। 

ଆସନ୍ତା ୩ରୁ ୪ ଦିନ ମଧ୍ୟରେ ଓଡ଼ିଶାର କିଛି ସ୍ଥାନରୁ ମୌମୁମୀ ବାୟୁ  ପ୍ରତ୍ୟାବର୍ତ୍ତନ କରିପାରେ। 

 ୧୭ ତାରିଖ ସୁଦ୍ଧା କେତେକ ଆଭ୍ୟନ୍ତରୀଣ ସ୍ଥାନରେ ପ୍ରାୟ ୨ ରୁ ୩ ଡିଗ୍ରୀ କମିବ। 

କନ୍ଧମାଳ, କୋରାପୁଟ୍, ଗଜପତି, ମୟୂରଭଞ୍ଜ ଓ କେନ୍ଦୁଝର ଜିଲ୍ଲାରେ ରାତି ତାପମାତ୍ରା  ଅନ୍ୟ ଜିଲ୍ଲା ତୁଳନାରେ  କମ୍ ରହିପାରେ। ଏହିସବୁ ସ୍ଥାନରେ ଶିଶରପାତ ଓ କୁହୁଡି଼ ଦେଖାଦେବ।  ଏନେଇ ବରିଷ୍ଠ କୃଷି ପାଣିପାଗ ବିଶେଷଜ୍ଞ ପ୍ରଫେସର୍  ସୁରେନ୍ଦ୍ରନାଥ ପଶୁପାଳକ ଏହି ପୂର୍ବାନୁମାନ କରିଛନ୍ତି।  

ଆସନ୍ତା ସପ୍ତାହେ ପର୍ଯ୍ୟନ୍ତ ପାଗ ସାଧାରଣତଃ ସୁଖିଲା ରହିବ ବୋଲି ସେ କହିଛନ୍ତି। ୧୩ ଓ ୧୪ ତାରିଖରେ  ସମୁଦ୍ର ସଂଲଗ୍ନ ଜିଲ୍ଲାରେ ହାଲୁକାରୁ ସ୍ବଳ୍ପ ବର୍ଷା ହେବାର ସମ୍ଭାବନା ରହିଛି। 

୧୭ ତାରିଖରେ  ଦକ୍ଷିଣ ବଙ୍ଗୋପସାଗରରେ ଏକ ଘୂର୍ଣ୍ଣିବଳୟ ସୃଷ୍ଟି ହେବାର ସମ୍ଭାବନା ରହିଛି।  ଏହା ସମୁଦ୍ରରେ ୫ ଦିନରୁ ଅଧିକ  ରହି ଘନୀଭୂତ ହୋଇପାରେ। 

ଏହା କେତେ ଘନୀଭୂତ ହେବ। ଏବଂ କେଉଁ ଆଡ଼କୁ ଗତି କରିବ ତାହା ଏବେ ଠାରୁ ଆକଳନ କରିହେବନାହିଁ ବୋଲି ପାଣିପାଗ ବିଭାଗ ତରଫରୁ ସୂଚନା ମିଳିଛି। 

ସେପଟେ,  ଅଷ୍ଟ୍ରେଲିଆର ବିଓଏମ୍ , ଆମେରିକାର ଏନଓଏଏ ତଥା ବିଭିନ୍ନ ଆନ୍ତର୍ଜାକିକ ପାଣିପାଗ ମଡେଲ୍ ତଥ୍ୟକୁ ଉଲ୍ଲେଖ କରି,ପ୍ରଫେସର୍ ପଶୁ ପାଳକ କହିଛନ୍ତି ଯେ,  ଏବେ ଲା-ନିନା ଆସିଯାଇଛି। 

୨୦୨୬ ଜାନୁଆରୀ ମାସ ଯାଏଁ ସ୍ବଳ୍ପ ସମୟ  ପାଇଁ ଏହା ରହିପାରେ।  ଲା-ନିନା ସମୟରେ କେତେକ ବର୍ଷ ଅତ୍ୟାଧିକ ବର୍ଷା ଓ ଶୀତ  ହୋଇଥାଏ ବୋଲି ସେ କହିଛନ୍ତି।  ସେପଟେ, ରାଜ୍ୟରେ ୧୩ ତାରିଖରୁ ଦକ୍ଷିଣ ପଶ୍ଚିମ-ମୌମୁମୀ ବାୟୁ ପରିବର୍ତ୍ତନ  ହୋଇ ଉତ୍ତର -ପୂର୍ବ ବାୟୁ ଉପକୂଳରେ ବହିବ। ଏହା ପରବର୍ତ୍ତୀ ମୌମୁମୀକୁ ସୂଚାଉଛି। ଗତ ୨୭ ତାରିଖରୁ ୯ ତାରିଖ ଯାଏଁ ମୌମୁମୀ-ବାୟୁ କୌଣସି ସ୍ଥାନରେ ପଛକୁ ହଟିନି ।