Low Pressure: ଶୀତରେ ଓଡ଼ିଶା ମୁହାଁ ଲଘୁଚାପ! ବର୍ଷା ପବନ ନେଇ ଏହିସବୁ ଜିଲ୍ଲାକୁ ସତର୍କତା ଜାରି

ସପ୍ତାହକ ମଧ୍ୟରେ ବର୍ଷା ନେଇ କୌଣସି  ସରର୍କତା ନଥିବା ବେଳେ ୨ ଦିନ ଭିତରେ  ୨ ରୁ ୩ ଡିଗ୍ରୀ ତାପମାତ୍ରା କମିବ।  

ALSO READ: Gold Rate Today:ସୁନା ଦରରେ ରେକର୍ଡ ହ୍ରାସ, ୨୨ କ୍ୟାରେଟ୍ ରେ ଖସିଲା ଏତେ;ଓଡ଼ିଶାରେ ୧୦ ଗ୍ରାମ୍ କୁ ରହିଛି...

ବିଶେଷକରି, ଆଭ୍ୟନ୍ତରୀଣ ଓଡ଼ିଶା  ଓ ଦକ୍ଷିଣ ଓଡ଼ିଶାରେ  ରାତିର ତାପମାତ୍ରାରେ ପରିବର୍ତ୍ତନ  ହେବ ବୋଲି ଆଞ୍ଚଳିକ ପାଣିପାଗ କେନ୍ଦ୍ର ନିର୍ଦ୍ଦେଶକ ମନୋରମା ମହାନ୍ତି କହିଛନ୍ତି। 

ଚଳିତ ବର୍ଷ ଶୀତ ବିଳମ୍ବରେ ସମଗ୍ର ରାଜ୍ୟକୁ ଆସିବ। ରାତିର ତାପମାତ୍ରା  ଧିରେ ଧିରେ କମିବ। ସବୁଠି ୨ ରୁ ୩ ଡିଗ୍ରୀ ତାପମାତ୍ରା ତଳକୁ ଖସିବ।  ରାଜ୍ୟକୁ ଉତ୍ତର ପଶ୍ଚିମ ଶୁଷ୍କ ବାୟୁ  ପଶିବା କାରଣରୁ ଦିନର ତାପମାତ୍ରା ଅପେକ୍ଷା ରାତିର ତାପମାତ୍ରାରେ ପରିବର୍ତ୍ତନ ହେବ।

ପ୍ରଭାବରେ ମଙ୍ଗଳବାର ଦକ୍ଷିଣ ଆଭ୍ୟନ୍ତରୀଣ ଓ ଉତ୍ତର ଆଭ୍ୟନ୍ତରୀଣ ଓଡ଼ିଶାରେ ପାରଦ ୨ ରୁ ୩ ଡିଗ୍ରୀ ତଳକୁ ଖସିବ। ଫଳରେ ଥଣ୍ତା ଅନୁଭବ ହେବ।  

ଏଥର ବିଳମ୍ବରେ ଶୀତ ଆସିଥିବା ବେଳେ  ଫୁଲବାଣୀ, ଦାରିଙ୍ଗିବାଡ଼ି, ଗଜପତି ଜିଲ୍ଲାରେ ତାପମାତ୍ରା ଖସି ୧୫ ରୁ ୧୭ ଡିଗ୍ରୀ ଭିତରେ ରହିବ। 

ସେହିପରି, ରାଉରକେଲା, ଝାରସୁଗୁଡା ଅଞ୍ଚଳରେ  ବି  ପାଗରେ ପରିବର୍ତ୍ତନ ହେବ।  ଦେବଗଡ, ଝାରସୁଗୁଡାରେ ମଧ୍ୟ ଥଣ୍ତା ଅନୁଭୁତ ହେବ। 

ତେବେ, ଶୀତର ଅବଧି କମ୍ ରହିବ। ଏବଂ ମଝିରେ ମଝିରେ କମ୍ ଶୀତ ହେବ।  

ମିଆଁମାର,ଉପକୂଳରେ ଏକ ଘୂର୍ଣ୍ଣିବଳୟ ସୃଷ୍ଟି ହୋଇଛି। 

ଯାହା ଲଘୁଚାପରେ ପରିଣତ ହୋଇ ଆଗାମୀ ୫ ଦିନ ମଧ୍ୟରେ ପଶ୍ଚିମବଙ୍ଗ କିମ୍ବା ବାଂଲାଦେଶ ଆଡ଼କୁ ଗତି କରିବ। 

ଓଡ଼ିଶା ଉପକୂଳରେ ଏହାର ବିଶେଷ ପ୍ରଭାବ ରହିବ ନାହିଁ। ହେଲେ, ଉପକୂଳର କିଛି କିଛି ଜିଲ୍ଲାରେ ବର୍ଷା ହେବ।

୭ ତାରିଖ ଯାଏଁ ପାଗ ସାଧାରଣତଃ ଶୁଖିଲା ରହିବ।  ପରେ ଗୋଟିଏ ଦୁଇଟି ସ୍ଥାନରେ ହାଲୁକାରୁ ମଧ୍ୟମ ଧରଣର ବର୍ଷା ହେବାର ଆଶଙ୍କା ରହିଛି।