Weather Update: ମାର୍ଚ୍ଚ ଆରମ୍ଭରୁ ରେକର୍ଡ ତାତି, ଆଉ ୨ ଦିନ ପରେ ଉପରମୁହାଁ ହେବ ପାରଦ

ଗତକାଲି ଝାରସୁଗୁଡାରେ ତାତି ୩୯ ଡିଗ୍ରୀ ଛୁଇଁଛି। ଏହା ସବୁଠାରୁ ତତଲା ସହର ପାଲଟିଛି। ଆଗକୁ ୨ ଦିନ ତାତି ଏପରି ବଢିବ। ରାଜ୍ୟକୁ ଗରମ ପଶ୍ଚିମା ପବନ  ବହିବ ବୋଲି  ବରିଷ୍ଠ  କୃଷି ବିଶେଷଜ୍ଞ ପ୍ରଫେସର ସୁରେନ୍ଦ୍ରନାଥ ପଶୁପାଳକ ପୂର୍ବାନୁମାନ କରିଛନ୍ତି। 

ALSO READ: Today Horoscope: ଏହିସବୁ ରାଶିଙ୍କ ଉପରେ ଧନ ଢାଳିବେ ମାଆ ଲକ୍ଷ୍ମୀ, ଜାଣନ୍ତୁ ଆପଣଙ୍କ ପାଇଁ କେମିତି ରହିବ ବୁଧବାର?

#Weather briefing (In #Odia) by Head & Scientist-F : Dr. Manorama Mohanty, based on 0830 Hrs IST observation of #4thMarch, 2025https://t.co/Q0OLrkGCl6

ସେ କହିଛନ୍ତି ଯେ, ରାଜ୍ୟର ସମୁଦ୍ର ସଂଲଗ୍ନ ଅଞ୍ଚଳକୁ ବଙ୍ଗୋପସାଗରୀୟ ପବନ ବହିବ। ବାକି ସାରା ରାଜ୍ୟରେ ଗରମ ପଶ୍ଚିମା ପବନ ବହିବ। 

ଆଜି ଓ ଆସନ୍ତାକାଲି ଅନେକ ସ୍ଥାନରେ ତାପମାତ୍ରା ୧ ରୁ ୨ ଡିଗ୍ରୀ ବଢିବ। ବଲାଙ୍ଗୀର, ଅନୁଗୁଳ, ଢେଙ୍କାନାଳ, ପୁରୀ, କଟକ, ବାରିପଦା ଓ ଆଭ୍ୟନ୍ତରୀଣ ଅଞ୍ଚଳରେ ତାପମାତ୍ରା  ଅଧିକ ରହିବ।  ଆସନ୍ତା ୨ ଦିନ  ଆସ୍କା, ହିଞ୍ଚିଳିକାଟୁ, ଭଞ୍ଜନଗର, ସୋରଡା ରାଜ୍ୟର ସବୁଠୁ ଉତ୍ତପ୍ତ ଅଞ୍ଚଳ ପାଲଟିବ।  

ଭୁବନେଶ୍ବର,କଟକ ଓ ଜଗତସିଂହପୁରରେ ତାତି ୩୮ ଡିଗ୍ରୀ  ରହିବ ବୋଲି ସେ ପୂର୍ବାନୁମାନ କରିଛନ୍ତି।  ଚଳିତ ବର୍ଷ ଆରମ୍ଭରୁ ଏଭଳି ରେକର୍ଡ଼ କରିଛି ତାତି। ୯ଟି ସହରର ତାପମାତ୍ରା ୩୭ ଡିଗ୍ରୀ ପାର କରିଛି। 

ମଙ୍ଗଳବାର ଦିନ ସାଢେ ୨ଟା ସୁଦ୍ଧା ଝାରସୁଗୁଡାରେ ତାତି ୩୭.୭ ଡିଗ୍ରୀ ଛୁଇଁଥିଲା।  ସମ୍ବଲପୁରରେ ୩୭.୬, ହୀରାକୁଦରେ ୩୫.୪, ରାଉରକେଲାରେ ୩୫ ଓ ଚାନ୍ଦବାଲିରେ ୩୪, ପରେ ଝାରସୁଗୁଡାରେ ତାତି ବଢି  ୩୯ ଡିଗ୍ରୀରେ ପହଞ୍ଚି ଯାଇଥିଲା। ଭୁବନେଶ୍ବରରେ  ତାତି ୩୬.୪ ଡିଗ୍ରୀ ଥିବା ବେଳେ କଟକରେ ୩୪.୬ ଡିଗ୍ରୀ ରହିଥିଲା।