Weather Update: ତାତିରେ ଜଳୁଛି ଓଡ଼ିଶା! ଆହୁରି ୨ରୁ ୩ ଡିଗ୍ରୀ ପର୍ଯ୍ୟନ୍ତ ବଢ଼ିବ ତାପମାତ୍ରା

Weather Update: ଆଭ୍ୟନ୍ତରୀଣ ଓଡି଼ଶାରେ ଗ୍ରୀଷ୍ମ ପ୍ରବାହ ସମ୍ଭାବନା ରହିଛି।  ଆଗାମୀ ୨ ସପ୍ତାହ ( ୮ ରୁ ୨୦ ମାର୍ଚ୍ଚ ଯାଏ) ଏହି ଅଞ୍ଚଳରେ ଗ୍ରୀଷ୍ମ ପ୍ରବାହର ସମ୍ଭାବନା ୩୩ ପ୍ରତିଶତ ରହିଛି। ଭାରତୀୟ ପାଣିପାଗ ବିଭାଗ (ଆଇଏମଡି) ଏହି ପୂର୍ବାନୁମାନ କରିଛି। ମାଲକାନଗିରିରେ ଶୁକ୍ରବାର ଦିନ ତାପମାତ୍ରା ସର୍ବାଧିକ  ୩୬.୩ ଡିଗ୍ରୀ ରହିଥିବା ବେଳେ ବୌଦ୍ଧ ଓ ଝାରସୁଗୁଡାରେ ୩୬.୨, ସୁନ୍ଦରଗଡରେ ୩୫.୭, ସମ୍ବଲପୁରରେ ୩୫.୪, ବଲାଙ୍ଗୀରରେ ୩୫.୨,  ଅନୁଗୁଳରେ ୩୫.୧ ଡିଗ୍ରୀ ରେକର୍ଡ଼ କରାଯାଇଛି। 

#Weather briefing (In #Hindi) by Scientist-D: Dr. Sanjeev Dwivedi, based on 0830 Hrs IST observation of #07thMarch,2025https://t.co/pyGTs4mibQ

— Meteorological Centre, Bhubaneswar (@mcbbsr) March 7, 2025

ସେପଟେ, ଭୁବନେଶ୍ବର ଆଂଚଳିକ ପାଣିପାଗ ବିଭାଗ ପକ୍ଷରୁ ମିଳିଥିବା ସୂଚନା ଅନୁସାରେ, ଆସନ୍ତା ୨୪ ଘଣ୍ଟା ମଧ୍ୟରେ ତାପମାତ୍ରା ଆହୁରି ବୃଦ୍ଧି ପାଇବ ବୋଲି କୁହାଯାଇଛି। ତାପମାତ୍ରା ୩ ରୁ ୪ ଡିଗ୍ରୀ ବୃଦ୍ଧି ପାଇବାର ସମ୍ଭାବନା ରହିଛି ବୋଲି କୁହାଯାଇଛି । ଆସନ୍ତାକାଲି ଠୁ ପଶ୍ଚିମା ଝଡ଼ ଉତ୍ତର ପଶ୍ଚିମା ଭାରତକୁ ପ୍ରଭାବିତ ହେବାର ସମ୍ଭାବନା ରହିଛି । ଫଳରେ ଥଣ୍ଡା ପବନ ପ୍ରଭାବ କମିବା ସହିତ ତାପମାତ୍ରା ବୃଦ୍ଧି ପାଇବାର ସମ୍ଭାବନା ରହିଛି ବୋଲି ପାଣିପାଗ ବିଭାଗ ପକ୍ଷରୁ ଆଲର୍ଟ ଜାରି କରାଯାଇଛି ।

Add Zee News as a Preferred Source