 "Vantara project:ଜଳ,ଜଙ୍ଗଲ ଓ ଜମିର ସୁରକ୍ଷା କରିବ ଅମ୍ବାନୀ ପରିବାରର ‘ବନତାରା’")
Vantara project: ଅମ୍ବାନୀ ପରିବାରର ସାନପୁଅ ଅନନ୍ତ ଅମ୍ବାନୀ ନିକଟରେ 'ବନତାରା' ପ୍ରକଳ୍ପ ଆରମ୍ଭ ବାବଦରେ ଘୋଷଣା କରିଛନ୍ତି। ଏହି ପ୍ରକଳ୍ପକୁ ରିଲାଏନ୍ସ ଇଣ୍ଡଷ୍ଟ୍ରିଜ୍ ଏବଂ ରିଲାଏନ୍ସ ଫାଉଣ୍ଡେସନ୍ ମିଳିତ ଭାବେ ବିକଶିତ କରୁଛି, ଯାହା ସାରା ବିଶ୍ୱର ନିର୍ଯାତିତ ପଶୁମାନଙ୍କ ପାଇଁ ଆଶାର ଘର ହେବ । ଭାରତରେ ଏହା ହେଉଛି ଏଭଳି ପ୍ରଥମ ପ୍ରକଳ୍ପ, ଯେଉଁଠାରେ ପଶୁମାନଙ୍କର ଯତ୍ନ ନିଆଯିବ ଏବଂ ଚିକିତ୍ସା କରାଯିବ । ଏହା ବ୍ୟତୀତ ଏଠାରେ ସେମାନଙ୍କ ରହିବା ପାଇଁ ମଧ୍ୟ ବ୍ୟବସ୍ଥା କରାଯିବ।
''ବନତାରା ' ପ୍ରୋଜେକ୍ଟ ଅନନ୍ତଙ୍କ ସ୍ୱପ୍ନ
ରିଲାଏନ୍ସ ଗ୍ରୁପ୍ ର ''ବନତାରା ' ପ୍ରକଳ୍ପ ପ୍ରକୃତରେ ଅନନ୍ତ ଅମ୍ବାନୀଙ୍କ ସ୍ୱପ୍ନର ପ୍ରୋଜେକ୍ଟ । ସେ ରିଲାଏନ୍ସ ଇଣ୍ଡଷ୍ଟ୍ରିଜ୍ ଏବଂ ରିଲାଏନ୍ସ ଫାଉଣ୍ଡେସନର ନିର୍ଦ୍ଦେଶକ ବୋର୍ଡରେ ଅଛନ୍ତି। ଏହା ବିଶ୍ୱର ବୃହତ୍ତମ ପଶୁ ଉଦ୍ଧାର ଏବଂ ପୁନର୍ବାସ କେନ୍ଦ୍ର ହେବ । ଏଠାରେ ପୃଥିବୀର ବିଭିନ୍ନ ସ୍ଥାନରୁ ଆହତ ପଶୁମାନଙ୍କୁ ଅଣାଯିବ । ଯେଉଁଠାରେ ସେମାନାଙ୍କ ଯତ୍ନ ନିଆଯିବ, ସେମାନଙ୍କୁ ଚିକିତ୍ସା କରାଯିବ । ଏହାସହିତ ଏହି ପଶୁମାନଙ୍କ ପୁନର୍ବାସ ପାଇଁ ବ୍ୟବସ୍ଥା କରାଯିବ।
‘'ବନତାରା’ ଜଳ, ଜଙ୍ଗଲ ଏବଂ ଜମିର ସୁରକ୍ଷା କରିବ
‘'ବନତାରା’ ପ୍ରକଳ୍ପର ଗୋଟିଏ ଭଲ କଥା ହେଉଛି ପରିବେଶ ଦୃଷ୍ଟିକୋଣରୁ ଏହା ‘ଜଳ-ଜଙ୍ଗଲ-ଜମି’ର ସୁରକ୍ଷାକାରୀ ହେବ। ଏହି ପଶୁ ଆଶ୍ରୟସ୍ଥଳ ଜାମନଗର ରିଫାଇନାରୀ କମ୍ପ୍ଲେକ୍ସ ନିକଟରେ 3000 ଏକରରୁ ଅଧିକ ଅଂଚଳରେ ବ୍ୟାପିଥିବା ସବୁଜ ପରିବେଶରେ ବିକଶିତ ହୋଇଛି । ଏଠାରେ ପଶୁମାନେ ଜଙ୍ଗଲ ପରି ପରିବେଶ ପାଇବେ । ତେଣୁ, ସବୁଜ ଜମି ସହିତ ପ୍ରକୃତିର ସମ୍ପୂର୍ଣ୍ଣ ଯତ୍ନ ନିଆଯିବ । ସମ୍ପ୍ରତି ଏହି କେନ୍ଦ୍ରରେ ପ୍ରାୟ 2,000 ଉଦ୍ଧାର ପ୍ରାଣୀ ରହିଛନ୍ତି।
ଯେତେବେଳେ ଅନନ୍ତ ପିଲାଦିନେ 'ହାତୀର ସାହା' ହୋଇଥିଲେ
ଏକ ଟିଭି ଚ୍ୟାନେଲକୁ ଦିଆଯାଇଥିବା ଏକ ସାକ୍ଷାତକାରରେ ଅନନ୍ତ ଅମ୍ବାନୀ କହିଛନ୍ତି ଯେ ଯେତେବେଳେ ତାଙ୍କୁ 12 ବର୍ଷ ହୋଇଥିଲା, ଥରେ ଜୟପୁରରୁ ରଣଥମ୍ବୋରକୁ ଯାଉଥିବା ବେଳେ ସେ ରାସ୍ତାରେ ଏକ ଛୋଟ ହାତୀ ଦେଖିଥିଲେ। ତା’ର ଅବସ୍ଥା ଅତ୍ୟନ୍ତ ଖରାପ ଥିଲା, ତା’ପରେ ସେ ତାଙ୍କ ମା ନୀତା ଅମ୍ବାନୀଙ୍କୁ ତାଙ୍କୁ ବଞ୍ଚାଇବାକୁ କହିଥିଲେ। ଆମେ ସେହି ହାତୀକୁ ଆମ ସହିତ ଆଣିଥିଲୁ ଏବଂ ଆଜି ଏକ ଦଶନ୍ଧିରୁ ଅଧିକ ସମୟ ପରେ ଆମେ ‘ବନତାରା’ ପ୍ରକଳ୍ପ ଆରମ୍ଭ କରିବାରେ ସକ୍ଷମ ହୋଇଛୁ। ସେହି ସମୟରେ ଆମେ ହାତୀ ଯତ୍ନ ନେବା ବିଷୟରେ କିଛି ଜାଣି ନ ଥିଲୁ, ଆଜି ଆମର ହାତୀମାନଙ୍କର ଯତ୍ନ ନେବା ପାଇଁ 300-400 ପ୍ରଫେସନାଲଙ୍କର ଏକ ଟିମ୍ ଅଛି ।
ରିଲାଏନ୍ସ ଗ୍ରୁପ୍ କହିଛି ଯେ ଏବେ 'ବନତାରା'ରେ 200 ରୁ ଅଧିକ ହାତୀ ଅଛନ୍ତି, ଚିତାବାଘ, ବାଘ, ସିଂହ ଏବଂ ଜାଗୁଆର ପରି ପ୍ରାୟ 300 ବିଲେଇ ପ୍ରଜାତିର ପ୍ରାଣୀ ରହିଛନ୍ତି। ଏଠାରେ କୁମ୍ଭୀର, ସାପ ଏବଂ କଇଁଛ ସହିତ ପ୍ରାୟ 1200 ସରୀସୃପ ମଧ୍ୟ ଅଛନ୍ତି।
)