ਇਸ ਗੰਭੀਰ ਬਿਮਾਰੀ ਤੋਂ ਜੂਝ ਰਹੇ ਨੇ Khalsa Aid ਦੇ ਰਵੀ ਸਿੰਘ,ਪਹਿਲੇ ਆਪਰੇਸ਼ਨ ਤੋਂ ਬਾਅਦ ਕਹੀ ਵੱਡੀ ਗੱਲ,ਨਵਜੋਤ ਸਿੱਧੂ ਦਾ ਵੀ ਆਇਆ ਬਿਆਨ

ਮਨੁੱਖਤਾ ਦੀ ਸੇਵਾ ਵਿੱਚ Khalsa Aid's ਨੇ ਪੂਰੀ ਦੁਨੀਆ ਵਿੱਚ ਸੇਵਾ ਕੀਤਾ ਹੈ, ਕਿਸਾਨ ਅੰਦੋਲਨ ਦੌਰਾਨ ਵੀ ਸੰਸਥਾ ਨੇ ਬਹੁਤ ਸੇਵਾ ਕੀਤੀ ਹੈ

ਚੰਡੀਗੜ੍ਹ : ਖ਼ਾਲਸਾ ਏਡ (Khalsa Aid) ਦੇ ਰਵੀ ਸਿੰਘ (Ravi Singh) ਨੇ ਪੂਰੀ ਦੁਨੀਆ ਵਿੱਚ ਜਿਸ ਤਰ੍ਹਾਂ ਨਾਲ ਸੇਵਾ ਕਰਕੇ ਵਿਖਾਈ ਹੈ  ਉਹ ਹਰ ਇੱਕ ਦੀ ਜ਼ੁਬਾਨ 'ਤੇ ਹੈ, ਦੁਨੀਆ ਦੇ ਕਿਸੇ ਵੀ ਕੋਨੇ ਵਿੱਚ ਜੰਗ ਛਿੜੀ ਹੋਵੇ ਜਾਂ ਕੁਦਰਤੀ ਆਪਦਾ  ਆਈ ਖ਼ਾਲਸਾ ਏਡ ਨੇ ਹਮੇਸ਼ਾ ਵਧ ਚੜ ਕੇ ਹਿੱਸਾ ਲਿਆ, ਹੁਣ  ਖ਼ਾਲਸਾ ਏਡ ਦੇ ਰਵੀ ਸਿੰਘ  ਦੀ ਸਿਹਤ ਨਾਲ ਜੁੜੀ ਅਹਿਮ ਖ਼ਬਰ ਸਾਹਮਣੇ ਆਈ ਹੈ ਜਿਸ ਨੂੰ ਉਨ੍ਹਾਂ ਨੇ ਆਪ ਸਾਂਝਾ ਕੀਤਾ ਹੈ. ਇਸ ਨੇ ਸਾਰੀਆਂ ਨੂੰ ਚਿੰਤਾ ਵਿੱਚ ਪਾ ਦਿੱਤਾ ਹੈ 

ਇਸ ਗੰਭੀਰ ਬਿਮਾਰ ਨਾਲ ਜੂਝ ਰਹੇ ਨੇ ਰਵੀ ਸਿੰਘ 

Over the last 2 years both of my Kidneys have crashed. It’s become a struggle to get around daily.

My first operation is today to set up Dialysis and hopefully eventually a transplant depending on a suitable Donor.

We are all on a journey, this is mine 

— ravinder singh (@RaviSinghKA) April 8, 2021

ਖ਼ਾਲਸਾ ਏਡ ਦੇ ਰਵੀ ਸਿੰਘ ਨੇ ਟਵੀਟ ਕਰ ਦੇ ਹੋਏ ਦੱਸਿਆ ਹੀ ਕਿ 'ਉਹ ਪਿਛਲੇ 2 ਸਾਲਾਂ ਤੋਂ ਕਿਡਨੀ ਵਰਗੀ ਗੰਭੀਰ ਬਿਮਾਰੀ ਨਾਲ ਜੂਝ ਰਹੇ ਨੇ. ਉਨ੍ਹਾਂ ਨੇ ਦੱਸਿਆ ਮੇਰਾ ਪਹਿਲਾਂ ਆਪਰੇਸ਼ਨ ਡੈਲਾਸਿਸ ਦਾ ਹੋਇਆ ਹੈ ਅਤੇ ਉਮੀਦ ਹੈ ਜਦੋਂ ਵੀ ਸੁਟੇਬਲ ਡੋਨਰ ਮਿਲੇਗਾ ਕਿਡਨੀ ਟਰਾਂਸ ਪਲਾਂਟ ਹੋਵੇਗੀ,ਅਸੀਂ ਸਾਰੇ ਇੱਕ ਯਾਤਰਾ 'ਤੇ ਹਾਂ ਇਹ ਮੇਰੀ ਹੈ'

 ਇਹ ਪਹਿਲਾਂ ਮੌਕਾ ਨਹੀਂ ਹੈ ਇਸ ਤੋਂ ਪਹਿਲਾਂ ਰਵੀ ਸਿੰਘ ਕੋਵਿਡ-19 ਦਾ ਵੀ ਸ਼ਿਕਾਰ ਹੋਏ ਸਨ ਉਸ ਵੇਲੇ ਵੀ ਉਨ੍ਹਾਂ ਦੀ ਤਬੀਅਤ ਨਾਜ਼ੁਕ ਹੋ ਗਈ ਸੀ , ਪਰ ਸੰਗਤਾਂ ਦੀ ਅਰਦਾਸ ਨੇ ਉਨ੍ਹਾਂ ਨੂੰ ਤੰਦਰੂਸਤ ਕਰ ਦਿੱਤਾ ਸੀ ਪਰ ਕਿਡਨੀ ਖ਼ਰਾਬ ਹੋਣ ਦੀ ਖ਼ਬਰ ਨੇ ਕਰੋੜਾਂ ਲੋਕਾਂ ਨੂੰ ਚਿੰਤਾ ਵਿੱਚ ਪਾ ਦਿੱਤਾ ਹੈ, ਨਵਜੋਤ ਸਿੰਘ ਸਿੱਧੂ ਸਮੇਤ ਕਈ ਹਸਤਿਆਂ ਨੇ ਟਵੀਟ ਕਰਕੇ ਉਨ੍ਹਾਂ ਦੀ ਚੰਗੀ ਸਿਹਤ ਲਈ ਅਰਦਾਸ ਕੀਤੀ ਹੈ 

ਨਵਜੋਤ ਸਿੰਘ ਸਿੱਧੂ ਦਾ ਰਵੀ ਸਿੰਘ 'ਤੇ ਬਿਆਨ 

Khalsa Aid’s (@Khalsa_Aid) exemplary “Seva” has inspired organisations and People world-over with the Ideals of Guru-Ghar to serve Mankind ... Wishing @RaviSinghKA Ji a speedy recovery, My prayers are with you in this time of distress ...

— Navjot Singh Sidhu (@sherryontopp) April 9, 2021

ਨਵਜੋਤ ਸਿੰਘ ਸਿੱਧੂ ਨੇ ਟਵੀਟ ਕਰਦੇ ਹੋਏ ਲਿਖਿਆ ਕੀ ਰਵੀ ਸਿੰਘ ਦੀ ਸੇਵਾ ਨੇ ਪੂਰੀ ਦੁਨੀਆ ਦੇ ਲੋਕਾਂ ਨੂੰ ਪ੍ਰੇਰਣਾ ਦਿੱਤੀ ਜਿਸ ਦੀ ਵਜ੍ਹਾਂ ਕਰਕੇ ਵੱਡੀ ਗਿਣਤੀ ਵਿੱਚ ਲੋਕ ਮਨੁੱਖੀ ਦੀ ਭਲਾਈ ਦੀ ਸੇਵਾ ਨਾਲ ਜੁੜੇ ਨੇ ਮੈਂ ਰਵੀ ਸਿੰਘ ਦੀ ਜਲਦ ਸਿਹਤ ਠੀਕ ਹੋਣ ਦੀ ਕਾਮਨਾ ਕਰਦਾ ਹਾਂ