ਹਰਸਿਮਰਤ ਦਾ ਬੀਜੇਪੀ ਖ਼ਿਲਾਫ਼ ਹੁਣ ਤੱਕ ਦਾ ਸਭ ਤੋਂ ਵੱਡਾ ਹਮਲਾ,ਪਾਰਟੀ ਦੇ ਇਸ ਐਲਾਨ ਨੂੰ ਦੱਸਿਆ ਹਾਸੌਹੀਣੀ,ਦਿੱਤੀ ਵੱਡੀ ਨਸੀਹਤ

ਬੀਜੇਪੀ ਦੇ ਬਿਹਾਰ ਚੋਣਾਂ ਵਿੱਚ ਫ੍ਰੀ ਕੋਰੋਨਾ ਵੈਕਸੀਨ ਦੇਣ ਦੇ ਐਲਾਨ 'ਤੇ ਹਰਸਿਮਰਤ ਕੌਰ ਬਾਦਲ ਨੇ ਚੁੱਕੇ ਵੱਡੇ ਸਵਾਲ

ਦਿੱਲੀ :  ਕੇਂਦਰ ਤੋਂ  ਬਾਹਰ ਆਉਣ ਤੋਂ ਬਾਅਦ ਅਕਾਲੀ ਦਲ ਦੀ ਐੱਮਪੀ ਅਤੇ ਮੋਦੀ ਸਰਕਾਰ ਦੀ ਸਾਬਕਾ ਵਜ਼ੀਰ ਹਰਸਿਮਰਤ ਕੌਰ ਬਾਦਲ ਨੇ ਹੁਣ ਬੀਜੇਪੀ ਖ਼ਿਲਾਫ਼ ਖੁੱਲ ਕੇ ਹਮਲੇ ਕਰਨੇ ਸ਼ੁਰੂ ਕਰ ਦਿੱਤੇ ਨੇ,ਬੀਜੇਪੀ ਵੱਲੋਂ ਬਿਹਾਰ ਵਿੱਚ ਜਾਰੀ ਚੋਣ ਮਨੋਰਥ ਪੱਤਰ ਵਿੱਚ ਐਲਾਨ ਕੀਤਾ ਹੈ ਕਿ ਸਰਕਾਰ ਆਉਣ 'ਤੇ ਉਹ ਪੂਰੇ ਬਿਹਾਰ ਵਿੱਚ ਫ੍ਰੀ ਕੋਰੋਨਾ ਵੈਕਸੀਨ ਲਗਾਉਣਗੇ,ਵੀਰਵਾਰ ਨੂੰ ਕੇਂਦਰੀ ਖ਼ਜ਼ਾਨਾ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਜਦੋਂ ਬੀਜੇਪੀ ਦਾ ਮੈਨੀਫੈਸਟੋ ਜਾਰੀ ਕੀਤਾ ਸੀ ਤਾਂ ਸਭ ਤੋਂ ਪਹਿਲੇ ਨੰਬਰ 'ਤੇ ਇਹ ਹੀ ਵਾਅਦਾ ਸੀ,ਹਰਸਿਮਰਤ ਕੌਰ ਬਾਦਲ ਨੇ ਬੀਜੇਪੀ ਦੇ ਇਸ ਐਲਾਨ 'ਤੇ ਤੰਜ ਕੱਸ ਦੇ ਹੋਏ ਵੱਡਾ ਸਵਾਲ ਪੁੱਛਿਆ ਹੈ

Free vaccine only in Bihar? It's ridiculous! Does the whole country not pay taxes or are they not equal citizens of India? It’s the GoI's duty to vaccinate the entire country. Using this life saving vaccine as a tool for votes is totally unethical.#VaccineForVotes #COVID19

— Harsimrat Kaur Badal (@HarsimratBadal_) October 22, 2020

ਹਰਸਿਮਰਤ ਦੀ ਬੀਜੇਪੀ ਨੂੰ ਨਸੀਹਤ 

ਬਿਹਾਰ ਵਿੱਚ ਫ੍ਰੀ ਕੋਰੋਨਾ ਵੈਕਸੀਨ ਦੇਣ ਦੇ ਬੀਜੇਪੀ ਵੱਲੋਂ ਕੀਤੇ ਐਲਾਨ 'ਤੇ ਹਰਸਿਮਰਤ ਕੌਰ ਬਾਦਲ ਨੇ ਬੀਜੇਪੀ ਨੂੰ ਘੇਰਿਆ, ਉਨ੍ਹਾਂ ਟਵੀਟ ਕਰਦੇ ਕਿਹਾ 'ਫ੍ਰੀ ਵੈਕਸੀਨ ਸਿਰਫ਼ ਬਿਹਾਰ ਵਿੱਚ ? ਇਹ ਹਾਸੌਹੀਣੀ ਹੈ ! ਕੀ ਪੂਰਾ ਦੇਸ਼ ਟੈਕਸ ਨਹੀਂ ਦਿੰਦਾ ਹੈ,ਕਿ ਉਹ ਬਰਾਬਰ ਦਾ ਹੱਕ   ਨਹੀਂ ਰੱਖ ਦੇ ਨੇ ? ਭਾਰਤ ਸਰਕਾਰ ਦੀ ਜ਼ਿੰਮੇਵਾਰੀ ਹੈ ਕਿ ਉਹ ਪੂਰੇ ਦੇਸ਼ ਨੂੰ ਵੈਕਸੀਨ ਦੇਣ,ਜ਼ਿੰਦਗੀ ਬਚਾਉਣ ਵਾਲੀ ਇਸ ਵੈਕਸੀਨ ਨੂੰ ਸਿਆਸਤ ਦਾ ਹਥਿਆਰ ਬਣਾਉਣ ਕਿੱਥੇ ਸਮਝਦਾਰੀ ਹੈ'  

ਖੇਤੀ ਕਾਨੂੰਨ ਦੇ ਵਿਰੋਧ ਵਿੱਚ ਕੇਂਦਰ ਦੀ ਵਜ਼ਾਰਤ ਤੋਂ ਹਰਸਿਮਰਤ ਕੌਰ ਬਾਦਲ ਨੇ ਅਸਤੀਫ਼ਾ ਦੇ ਦਿੱਤਾ ਸੀ, ਹੁਣ ਤੱਕ ਬੀਜੇਪੀ ਖ਼ਿਲਾਫ਼ ਹਰਸਿਮਰਤ ਕੌਰ ਬਾਦਲ ਖੁੱਲ ਕੇ ਨਹੀਂ ਬੋਲ ਰਹੇ ਸਨ,ਪਰ ਬਿਹਾਰ ਚੋਣਾਂ ਦੌਰਾਨ ਬੀਜੇਪੀ ਦੇ ਮੈਨੀਫ਼ੈਸਟੋ ਵਿੱਚ ਫ੍ਰੀ ਕੋਰੋਨਾ ਵੈਕਸੀਨ ਦੇ ਵਾਅਦੇ 'ਤੇ ਜਿਸ ਤਰ੍ਹਾਂ ਨਾਲ ਹਰਸਿਮਰਤ ਕੌਰ ਬਾਦਲ ਨੇ ਟਵੀਟ ਕਰਕੇ ਆਪਣਾ ਬਿਆਨ ਜਾਰੀ ਕੀਤਾ ਹੈ,ਉਹ ਹਰਸਿਮਰਤ ਵੱਲੋਂ ਹੁਣ ਤੱਕ ਦਾ ਸਭ ਤੋਂ ਤਿੱਖ਼ਾ ਹਮਲਾ ਸੀ,ਹੋ ਸਕਦਾ ਹੈ ਕਿ ਆਉਣ ਵਾਲੇ ਦਿਨਾਂ ਵਿੱਚ ਕੇਂਦਰ ਖ਼ਿਲਾਫ਼ ਹਰਸਿਮਰਤ ਕੌਰ ਬਾਦਲ ਦੇ ਬਿਆਨਾਂ ਵਿੱਚ ਹੋਰ ਤਿੱਖ਼ਾਪਨ ਨਜ਼ਰ ਆਵੇ ਕਿਉਂਕਿ ਨਾ ਤੇ ਕੇਂਦਰ ਸਰਕਾਰ ਨਾ ਹੀ ਬੀਜੇਪੀ ਦੇ ਕੋਈ ਦਿੱਗਜ ਆਗੂ ਅਕਾਲੀ ਦਲ ਨਾਲ ਕਿਸੇ ਤਰ੍ਹਾਂ ਦੀ ਗੱਲਬਾਤ ਦੇ ਮੂਡ ਵਿੱਚ ਨਜ਼ਰ ਆ ਰਹੇ ਨੇ