Apple ਨੇ ਵਿਖਾਈ iPhone 13 ਦੀ ਪਹਿਲੀ ਝਲਕ, ਖਰੀਦਣ ਲਈ ਹੋ ਜਾਓਗੇ ਮਜ਼ਬੂਰ

ਨਵੀਂ ਦਿੱਲੀ: ਬੀਤੀ ਰਾਤ ਐਪਲ ਦਾ ਵਰਚੁਅਲ ਇਵੈਂਟ ਹੋਇਆ ਸੀ। Apple TV+, iPad, iPad Mini ਅਤੇ ਆਈਫੋਨ 133 ਸੀਰੀਜ਼ ਤੋਂ ਪਰਦਾ ਉੱਠ ਚੁੱਕਿਆ ਹੈ। ਫੋਨ ਨੂੰ ਲੈ ਕੇ ਕਾਫੀ ਚਰਚਾ ਹੋ ਰਹੀ ਹੈ। ਟਵਿੱਟਰ 'ਤੇ  #iPhone13  ਟਰੈਂਡ ਕਰ ਰਿਹਾ ਹੈ। ਚਾਰਾਂ ਫੋਨਾਂ ਦੀ ਕੀਮਤ ਦੇ ਨਾਲ, ਕੰਪਨੀ ਨੇ ਇਹਨਾਂ ਦੀਆਂ ਵਿਸ਼ੇਸ਼ਤਾਵਾਂ ਦਾ ਖੁਲਾਸਾ ਵੀ ਕੀਤਾ ਹੈ। ਹਾਲਾਂਕਿ ਐਪਲ ਨੇ ਇਸ ਤੋਂ ਪਹਿਲਾਂ ਆਈਫੋਨ 13 ਬਾਰੇ ਕੁਝ ਨਹੀਂ ਦੱਸਿਆ ਸੀ, ਅਜਿਹੇ ਵਿੱਚ ਤੁਹਾਨੂੰ ਫੋਨ ਦੇ ਬਾਰੇ ਵਿੱਚ ਜਾਣਨ ਵਿੱਚ ਬਹੁਤ ਦਿਲਚਸਪੀ ਹੋਵੇਗੀ।

Apple iPhone 13 ਅਤੇ iPhone 13 Mini ਲਾਂਚ

ਆਈਫੋਨ 13 ਅਤੇ ਆਈਫੋਨ 13 ਮਿੰਨੀ ਦਾ ਡਿਜ਼ਾਈਨ ਬਿਲਕੁਲ ਆਈਫੋਨ 12 ਵਰਗਾ ਹੀ ਹੈ। ਆਈਫੋਨ 13 ਵਿੱਚ 6.1 ਇੰਚ ਅਤੇ 13 ਮਿੰਨੀ ਵਿੱਚ 5.4 ਇੰਚ ਦੀ ਡਿਸਪਲੇ ਹੈ। ਨਵੇਂ ਆਈਫੋਨ 'ਚ ਕੰਪਨੀ ਦੀ A15  ਚਿਪ ਮਿਲੇਗੀ। ਕੰਪਨੀ ਦਾ ਦਾਅਵਾ ਹੈ ਕਿ ਇਹ ਪੁਰਾਣੇ ਮਾਡਲ ਦੇ ਮੁਕਾਬਲੇ 50 ਫੀਸਦੀ ਜ਼ਿਆਦਾ ਤੇਜ਼ ਹੈ। ਫੋਨ 'ਚ ਦੋ ਜੁੜਵੇਂ ਕੈਮਰੇ ਹਨ। ਇਹ ਫੋਨ ਆਈਪੀਐਸ 68 ਰੇਟਿੰਗ ਦੇ ਨਾਲ ਆਵੇਗਾ। ਫੋਨ 5 ਰੰਗਾਂ ਗੁਲਾਬੀ, ਨੀਲਾ, ਮਿਡਨਾਈਟ ਸਟਾਰਲਾਈਟ ਅਤੇ ਪ੍ਰੋਡਕਟ ਰੈੱਡ ਵਿੱਚ ਆਵੇਗਾ। ਆਈਫੋਨ 12 ਪ੍ਰੋ ਮੈਕਸ ਦਾ ਸੈਂਸਰ ਸ਼ਿਫਟ ਆਪਟੀਕਲ ਇਮੇਜ ਸਟੇਬੇਲਾਈਜੇਸ਼ਨ ਆਈਫੋਨ 13 ਅਤੇ ਆਈਫੋਨ 13 ਮਿੰਨੀ ਦੇ ਨਾਲ ਆਉਂਦਾ ਹੈ, ਨਾਲ ਹੀ ਡੂਅਲ-ਕੈਮਰਾ ਸੈਟਅਪ ਵਿੱਚ ਨਵਾਂ 12MP ਵਾਈਡ-ਐਂਗਲ ਕੈਮਰਾ ਹੈ।

Apple iPhone 13 ਅਤੇ iPhone 13 Mini ਦੀ ਕੀਮਤ

Apple ਨੇ ਸਾਲ ਦੇ ਅੰਤ ਤੱਕ 60 ਦੇਸ਼ਾਂ ਦੇ 200 ਕੈਰੀਅਰਾਂ ਨੂੰ 5G ਸਪੋਰਟ ਦੁੱਗਣੀ ਕਰਨ ਦਾ ਵਾਅਦਾ ਕੀਤਾ ਹੈ। iPhone 13 Mini ਦੀ ਬੈਟਰੀ ਆਈਫੋਨ 12 ਮਿਨੀ ਦੇ ਮੁਕਾਬਲੇ 1.5 ਘੰਟੇ ਜ਼ਿਆਦਾ ਚੱਲੇਗੀ। ਇਸ ਦੇ ਨਾਲ ਹੀ, ਆਈਫੋਨ 13 ਦੀ ਬੈਟਰੀ ਆਈਫੋਨ 12 ਦੇ ਮੁਕਾਬਲੇ 2.5 ਘੰਟੇ ਜ਼ਿਆਦਾ ਚੱਲੇਗੀ। ਆਈਫੋਨ 13 ਮਿੰਨੀ ਦੀ ਕੀਮਤ 699 ਡਾਲਰ (51,473 ਰੁਪਏ) ਅਤੇ ਅਮਰੀਕਾ ਵਿੱਚ ਆਈਫੋਨ 13 ਦੀ ਕੀਮਤ 799 ਡਾਲਰ (58,836 ਰੁਪਏ) ਤੋਂ ਸ਼ੁਰੂ ਹੁੰਦੀ ਹੈ। ਦੋਵਾਂ ਫੋਨਾਂ ਦੇ ਸ਼ੁਰੂਆਤੀ ਵੇਰੀਐਂਟ ਹੁਣ64GB ਦੀ ਬਜਾਏ  128GB ਸਟੋਰੇਜ ਦੇ ਨਾਲ ਆਉਣਗੇ।

ਆਈਪੈਡ ਮਿਨੀ ਲਾਂਚ

Apple ਨੇ ਆਈਪੈਡ ਮਿਨੀ ਨੂੰ ਲਾਂਚ ਕਰ ਦਿੱਤਾ ਹੈ। ਸਭ ਤੋਂ ਖਾਸ ਇਸ ਦਾ ਡਿਜ਼ਾਈਨ ਹੈ, ਜਿਸ ਨੂੰ ਪੂਰੀ ਤਰ੍ਹਾਂ ਬਦਲ ਦਿੱਤਾ ਗਿਆ ਹੈ। ਨਵਾਂ ਆਈਪੈਡ ਮਿਨੀ ਪ੍ਰੋ ਕਾਫ਼ੀ ਹੱਦ ਤੱਕ ਏਅਰ ਵਰਗਾ ਲਗਦਾ ਹੈ। ਮਿੰਨੀ ਆਈਪੈਡ 'ਚ ਮੋਟੇ ਬੇਜ਼ਲ ਦਿੱਤੇ ਗਏ ਹਨ। ਆਈਪੈਡ ਮਿਨੀ ਵਿੱਚ ਇੱਕ USB-C ਪੋਰਟ ਅਤੇ ਇੱਕ 5G ਮਾਡਮ ਹੈ। ਐਪਲ ਨੇ ਆਈਪੈਡ ਨੂੰ New iPad ਦਾ ਨਾਂ ਦਿੱਤਾ ਹੈ। ਇਸ 'ਚ 10 ਲੱਖ ਤੋਂ ਜ਼ਿਆਦਾ ਐਪਸ ਹੋਣਗੇ। ਨਵੇਂ ਆਈਪੈਡ ਵਿੱਚ 12MP ਦਾ ਸੈਲਫੀ ਕੈਮਰਾ ਅਤੇ 12MP ਦਾ ਰਿਅਰ ਕੈਮਰਾ ਹੋਵੇਗਾ। 64 ਜੀਬੀ ਵੇਰੀਐਂਟ ਦੀ ਕੀਮਤ 329 ਡਾਲਰ (ਲਗਭਗ 24,226 ਰੁਪਏ) ਹੈ। ਇਸ ਦੇ ਨਾਲ ਹੀ, ਸਕੂਲੀ ਵਿਦਿਆਰਥੀ ਇਸਨੂੰ 299 ਡਾਲਰ (ਲਗਭਗ 22,017 ਰੁਪਏ) ਵਿੱਚ ਖਰੀਦ ਸਕਦੇ ਹਨ।