ପ୍ରଧାନମନ୍ତ୍ରୀ ମୋଦୀଙ୍କ ବ୍ରସେଲ୍ସ ଗସ୍ତକୁ ପୁନନିର୍ଦ୍ଧାରିତ କରାଯାଇଛି । ଭାରତ-ୟୁରୋପୀୟ ୟୁନିଅନ୍ ସମ୍ମିଳନୀକୁ ସ୍ଥଗିତ କରିବା ଉପରେ କୁହାଯାଇଛି ଯେ, ଆମେ ପରସ୍ପରର ଦେଶକୁ ଯାତ୍ରା କରିବା ଉଚିତ୍ ନୁହେଁ । ଏଥି ସହିତ ବାଂଲାଦେଶ ଗସ୍ତ ସମ୍ପର୍କରେ ବୈଦେଶିକ ମନ୍ତ୍ରଣାଳୟ କହିଛି ଯେ, ଏହି ଗସ୍ତ ହେବ । ଆଗାମୀ ଦିନରେ ଏହା ଉପରେ ସୂଚନା ପ୍ରଦାନ କରାଯିବ ।
Trending Photos
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବେଲଜିୟମ ଗସ୍ତକୁ ସ୍ଥଗିତ କରି ଦେଇଛନ୍ତି । କୋରୋନା ଭାଇରସ ବିପଦକୁ ଦୃଷ୍ଟିରେ ରଖି ପିଏମ ମୋଦି ଏହି ନିଷ୍ପତ୍ତି ନେଇଛନ୍ତି । ଭାରତ-ୟୁରୋପୀୟ ୟୁନିଅନ ସମ୍ମିଳନୀରେ ଭାଗ ନେବାକୁ ପିଏମ ମୋଦୀ ବେଲଜିୟମର ରାଜଧାନୀ ବ୍ରସେଲ୍ସ ଯିବାର ଥିଲା । ଏହି ସମ୍ମିଳନୀକୁ ମଧ୍ୟ ସ୍ଥଗିତ ରଖାଯାଇଛି । ମାର୍ଚ୍ଚ ୧୩ରେ ଭାରତ-ୟୁରୋପୀୟ ସଂଘ ସମ୍ମିଳନୀ ଅନୁଷ୍ଠିତ ହେବାର ଥିଲା । ସମ୍ମିଳନୀର ନୂତନ ତାରିଖ ଏପର୍ଯ୍ୟନ୍ତ ସ୍ଥିର ହୋଇନାହିଁ ।
ବୈଦେଶିକ ମନ୍ତ୍ରଣାଳୟର ମୁଖପାତ୍ର ରବିଶ କୁମାର ଗୁରୁବାର କହିଛନ୍ତି ଯେ, ପ୍ରଧାନମନ୍ତ୍ରୀ ମୋଦୀଙ୍କ ବ୍ରସେଲ୍ସ ଗସ୍ତକୁ ପୁନନିର୍ଦ୍ଧାରିତ କରାଯାଇଛି । ଭାରତ-ୟୁରୋପୀୟ ୟୁନିଅନ୍ ସମ୍ମିଳନୀକୁ ସ୍ଥଗିତ କରିବା ଉପରେ କୁହାଯାଇଛି ଯେ, ଆମେ ପରସ୍ପରର ଦେଶକୁ ଯାତ୍ରା କରିବା ଉଚିତ୍ ନୁହେଁ । ଏଥି ସହିତ ବାଂଲାଦେଶ ଗସ୍ତ ସମ୍ପର୍କରେ ବୈଦେଶିକ ମନ୍ତ୍ରଣାଳୟ କହିଛି ଯେ, ଏହି ଗସ୍ତ ହେବ । ଆଗାମୀ ଦିନରେ ଏହା ଉପରେ ସୂଚନା ପ୍ରଦାନ କରାଯିବ ।
Raveesh Kumar, MEA: As far as India-EU Summit is concerned which PM Modi had to attend, the health authorities of both the countries suggested that travelling must not take place at present. So, it has been decided that Summit will be rescheduled on a mutually convenient date. pic.twitter.com/ks8YtDbfZ3
— ANI (@ANI) March 5, 2020
ବୁଧବାର ବ୍ରସେଲ୍ସରେ କରୋନା ଜୀବାଣୁର ଦଶଟି ନୂଆ ମାମଲା ସାମ୍ନାକୁ ଆସିଥିଲା । ଏହା ପରେ ବେଲଜିୟମରେ କୋରୋନା ପୋଜିଟିଭ ସଂଖ୍ୟା ୨୩କୁ ବୃଦ୍ଧି ପାଇଛି । ୟୁରୋପୀୟ ଅଧିକାରୀଙ୍କ ଅନୁଯାୟୀ, ବ୍ରସେଲ୍ସରେ ୟୁରୋପୀୟ ୟୁନିଅନ୍ ପ୍ରଶାସନର ଅତି କମରେ ଦୁଇଜଣ କର୍ମଚାରୀଙ୍କ ନମୁନା ପଜିଟିଭ୍ ବୋଲି ଜଣାପଡିଛି । ସେମାନେ ଚିକିତ୍ସିତ ହେଉଛନ୍ତି । ସେମାନଙ୍କ ମଧ୍ୟରୁ ଜଣେ ଇଟାଲୀରୁ ଫେରି ଆସିଥିଲେ । ଦ୍ୱିତୀୟ ବ୍ୟକ୍ତି ୟୁରୋପୀୟ ପରିଷଦର ସୁରକ୍ଷା ଅଧୀନରେ କାମ କରୁଥିଲେ । ସେ ଇଟାଲୀରୁ ଫେରିଥିବା ବ୍ୟକ୍ତିଙ୍କ ସ୍ପର୍ଶରେ ଆସିଥିଲେ ।