FD Interest Rates: ಈ ಬ್ಯಾಂಕುಗಳು 3 ವರ್ಷಗಳ ಎಫ್‌ಡಿ ಮೇಲೆ 8.50% ವರೆಗೆ ಬಡ್ಡಿ ನೀಡುತ್ತಿವೆ!!

FD Interest Rates: ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಸತತ ಮೂರು ಬಾರಿ ರೆಪೊ ದರವನ್ನು ಕಡಿಮೆ ಮಾಡಿದ ನಂತರ, ಬ್ಯಾಂಕುಗಳು FDಗಳ ಮೇಲಿನ ಬಡ್ಡಿದರವನ್ನು ಕಡಿಮೆ ಮಾಡಿವೆ. ಇದರಿಂದ FDಗಳ ಮೇಲಿನ ಆದಾಯ ಗಮನಾರ್ಹವಾಗಿ ಕಡಿಮೆಯಾಗಿದೆ. ಹಿರಿಯ ನಾಗರಿಕರು FDಗಳ ಮೇಲೆ ಹೆಚ್ಚು ಅವಲಂಬಿತರಾಗಿರುವುದರಿಂದ ಅವರು ದೊಡ್ಡ ನಷ್ಟವನ್ನು ಅನುಭವಿಸಿದ್ದಾರೆ. ಆದರೆ ಇದಕ್ಕೆ ಟೆನ್ಶನ್‌ ಪಡೆಯುವ ಅಗತ್ಯವಿಲ್ಲ. ಅನೇಕ ಬ್ಯಾಂಕುಗಳು ಇನ್ನೂ FDಗಳ ಮೇಲೆ ಉತ್ತಮ ಬಡ್ಡಿಯನ್ನು ನೀಡುತ್ತಿವೆ. 3 ವರ್ಷಗಳ FDಗಳ ಮೇಲೆ 8.50%ವರೆಗೆ ಬಡ್ಡಿಯನ್ನು ನೀಡುತ್ತಿವೆ. ಅತಿಹೆಚ್ಚು ಬಡ್ಡಿ ನೀಡುತ್ತಿರುವ ಬ್ಯಾಂಕುಗಳ ಬಗ್ಗೆ ಸಂಪೂರ್ಣ ಮಾಹಿತಿ ಇಲ್ಲಿದೆ ನೋಡಿ.

ಉತ್ಕರ್ಷ್ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ ಹಿರಿಯ ನಾಗರಿಕರಿಗೆ 3 ವರ್ಷಗಳ ಎಫ್‌ಡಿಗಳ ಮೇಲೆ ಶೇ.8.50ರಷ್ಟು ಬಡ್ಡಿದರವನ್ನು ನೀಡುತ್ತಿದೆ. ಹಿರಿಯ ನಾಗರಿಕರು ಈ ಬ್ಯಾಂಕಿನಲ್ಲಿ ಮೂರು ವರ್ಷಗಳ ಕಾಲ ಎಫ್‌ಡಿ ಮಾಡಿದರೆ, ನಿಮ್ಮ 1 ಲಕ್ಷ 1.26 ಲಕ್ಷವಾಗುತ್ತದೆ. ಜನ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ ಮೂರು ವರ್ಷಗಳ ಅವಧಿಯ ಎಫ್‌ಡಿಗಳ ಮೇಲೆ ಶೇ.8.25ರಷ್ಟು ಬಡ್ಡಿದರವನ್ನು ನೀಡುತ್ತದೆ. ಹಿರಿಯ ನಾಗರಿಕರು 1 ಲಕ್ಷ ರೂ. ಹೂಡಿಕೆ ಮಾಡಿದರೆ, ಈ ಮೊತ್ತವು ಮುಕ್ತಾಯದ ನಂತರ 1.25 ಲಕ್ಷ ರೂ.ಗಳಿಗೆ ಹೆಚ್ಚಾಗುತ್ತದೆ.

ಇದನ್ನೂ ಓದಿ: ಆಗಸ್ಟ್ 1 ರಿಂದ ಇಪಿಎಫ್‌ಒ ಸದಸ್ಯರಿಗೆ ಸಿಗುವುದು 15,000 ರೂ. : ಕಾರ್ಮಿಕ ಮತ್ತು ಉದ್ಯೋಗ ಸಚಿವಾಲಯ ಘೋಷಣೆ

ಸೂರ್ಯೋದಯ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ ಮೂರು ವರ್ಷಗಳ ಎಫ್‌ಡಿಗಳ ಮೇಲೆ ಶೇ.8.15 ಬಡ್ಡಿದರವನ್ನು ನೀಡುತ್ತದೆ. 1 ಲಕ್ಷ ರೂ. ಠೇವಣಿ ಅವಧಿ ಮುಗಿದ ಮೇಲೆ 1.24 ಲಕ್ಷ ರೂ. ಆಗುತ್ತದೆ. ಯೆಸ್ ಬ್ಯಾಂಕ್ ಹಿರಿಯ ನಾಗರಿಕರಿಗೆ ಮೂರು ವರ್ಷಗಳ ಎಫ್‌ಡಿಗಳ ಮೇಲೆ ಶೇ.7.85 ಬಡ್ಡಿದರವನ್ನು ನೀಡುತ್ತದೆ. ಇಲ್ಲಿ ನೀವು ಹೂಡಿದ 1 ಲಕ್ಷ ರೂ. ಹಣ ಅವಧಿ ಮುಗಿದ ಮೇಲೆ 1.24 ಲಕ್ಷ ರೂ. ಆಗುತ್ತದೆ. 

ಇದಲ್ಲದೆ ಬಂಧನ್ ಬ್ಯಾಂಕ್, ಈಕ್ವಿಟಾಸ್ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ ಮತ್ತು ಯೂನಿಟಿ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ ಹಿರಿಯ ನಾಗರಿಕರಿಗೆ ಮೂರು ವರ್ಷಗಳ ಎಫ್‌ಡಿಗಳ ಮೇಲೆ ಶೇ.7.75 ಬಡ್ಡಿದರವನ್ನು ನೀಡುತ್ತವೆ. ಅಂದರೆ 1 ಲಕ್ಷ ರೂ. ಹೂಡಿಕೆ ಅವಧಿ ಮುಗಿದ ಮೇಲೆ 1.23 ಲಕ್ಷ ರೂ. ಆಗುತ್ತದೆ. ಉಜ್ಜೀವನ್ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ ಮತ್ತು ಆರ್‌ಬಿಎಲ್ ಬ್ಯಾಂಕ್ ಶೇ.7.70 ಬಡ್ಡಿದರವನ್ನು ನೀಡುತ್ತವೆ. ಇಲ್ಲಿನ ನಿಮ್ಮ 1 ಲಕ್ಷ ರೂ. ಹೂಡಿಕೆ ಅವಧಿ ಮುಗಿದ ಮೇಲೆ 1.23 ಲಕ್ಷ ರೂ. ಆಗುತ್ತದೆ.

ಇದನ್ನೂ ಓದಿ: ಸರ್ಕಾರಿ ನೌಕರರಿಗೆ ಎರಡೆರಡು ಸಿಹಿ ಸುದ್ದಿ: ಶೇ.4 ರಷ್ಟು ಡಿಎ ಹೆಚ್ಚಳ, ಬಾಕಿ ಅರಿಯರ್ಸ್ ಕೂಡಾ ಖಾತೆಗೆ

ಇನ್ನು ಇಂಡಸ್ಇಂಡ್ ಬ್ಯಾಂಕ್ 3 ವರ್ಷಗಳ ಎಫ್‌ಡಿ ಮೇಲೆ ಶೇ.7.50 ಬಡ್ಡಿದರವನ್ನು ನೀಡುತ್ತದೆ. ನೀವು 1 ಲಕ್ಷ ರೂ. ಹೂಡಿಕೆ ಮಾಡಿದರೆ, ಮೊತ್ತವು ಮುಕ್ತಾಯದ ನಂತರ 1.23 ಲಕ್ಷ ರೂ. ಆಗುತ್ತದೆ. ಡಿಸಿಬಿ ಬ್ಯಾಂಕ್, ಐಡಿಎಫ್‌ಸಿ ಫಸ್ಟ್ ಬ್ಯಾಂಕ್ ಮತ್ತು ಜಮ್ಮು ಮತ್ತು ಕಾಶ್ಮೀರ ಬ್ಯಾಂಕ್ ಶೇ.7.25ರಷ್ಟು ಬಡ್ಡಿದರವನ್ನು ನೀಡುತ್ತವೆ. ಅಂದರೆ 1 ಲಕ್ಷ ರೂ. ಹೂಡಿಕೆಯು ಮುಕ್ತಾಯದ ನಂತರ 1.22 ಲಕ್ಷ ರೂ. ಆಗುತ್ತದೆ.