EPFO EDLI ಯೋಜನೆಯ 3 ಪ್ರಮುಖ ನಿಯಮಗಳಲ್ಲಿ ಬದಲಾವಣೆ!ಪಿಎಫ್ ದಾರರಿಗೆ ದೊಡ್ಡ ಮಟ್ಟದ ಲಾಭ

ಬೆಂಗಳೂರು : PF ಸದಸ್ಯರಿಗೆ ಒಂದು ಪ್ರಮುಖ ಸಂದೇಶವಿದೆ. ನೌಕರರ ಭವಿಷ್ಯ ನಿಧಿ ಸಂಸ್ಥೆ (EPFO) ನೌಕರರ ಠೇವಣಿ ಸಂಬಂಧಿತ ವಿಮೆ (EDLI) ಯೋಜನೆಯಲ್ಲಿ 3 ಪ್ರಮುಖ ಬದಲಾವಣೆಗಳನ್ನು ಮಾಡಿದೆ. ಇದು ಪಿಎಫ್ ಪ್ರಕ್ರಿಯೆಗಳಲ್ಲಿ ಬದಲಾವಣೆಗಳನ್ನು ಉಂಟುಮಾಡುತ್ತದೆ. 

ನೌಕರರ ಠೇವಣಿ ಲಿಂಕ್ಡ್ ವಿಮಾ ಯೋಜನೆ :
ಇಪಿಎಫ್ ಸದಸ್ಯರ ಹಠಾತ್ ಮರಣದ ಸಂದರ್ಭದಲ್ಲಿ ಆರ್ಥಿಕ ಅಭದ್ರತೆಯನ್ನು ಎದುರಿಸುತ್ತಿರುವ ಕುಟುಂಬಗಳಿಗೆ ಈ ಬದಲಾವಣೆಗಳು ಪರಿಹಾರವನ್ನು ನೀಡುತ್ತವೆ. ಇಪಿಎಫ್‌ಒದ 237ನೇ ಸಭೆಯಲ್ಲಿ ತೆಗೆದುಕೊಂಡ ಈ ನಿರ್ಧಾರಗಳು ಪ್ರತಿವರ್ಷ ಲಕ್ಷಾಂತರ ಕುಟುಂಬಗಳಿಗೆ ಪ್ರಯೋಜನವನ್ನು ನೀಡುತ್ತವೆ. ಡೆತ್ ಕ್ಲೈಂ ಪ್ರಕ್ರಿಯೆಯನ್ನು ಸರಳೀಕರಿಸಲು ಮತ್ತು ಹೆಚ್ಚುವರಿ ಭದ್ರತೆಯನ್ನು ಒದಗಿಸಲು ಈ ಕ್ರಮಗಳನ್ನು ನಿರ್ದಿಷ್ಟವಾಗಿ ತೆಗೆದುಕೊಳ್ಳಲಾಗಿದೆ. EPFO ETLI ಯೋಜನೆಗಳಲ್ಲಿ ಮಾಡಲಾದ ಬದಲಾವಣೆಗಳೇನು? ಇದರಿಂದ ಉದ್ಯೋಗಿಗಳಿಗೆ ಹೇಗೆ ಲಾಭವಾಗುತ್ತದೆ? ಈ ವಿವರಗಳನ್ನು ಇಲ್ಲಿ ಕಾಣಬಹುದು.

ಇದನ್ನೂ ಓದಿ : 60 ವರ್ಷ ಮೇಲ್ಪಟ್ಟ ಎಲ್ಲರಿಗೂ ಪಿಂಚಣಿ:ಇದು ಸರ್ಕಾರದ ಹೊಸ ಯೋಜನೆ , ಇಲ್ಲಿ ಸಿಗುವುದು ಅದ್ಭುತ ಲಾಭ

1. ಒಂದು ವರ್ಷದ ಸೇವೆಯ ನಂತರವೂ EDLI ಪ್ರಯೋಜನಗಳು ಲಭ್ಯ :
 ಇಪಿಎಫ್ ಸದಸ್ಯರು ಒಂದು ವರ್ಷದ ಸೇವೆಗೆ ಸೇರುವ ಮೊದಲು ಮರಣ ಹೊಂದಿದ್ದರೆ, ಅವರ ಕುಟುಂಬಕ್ಕೆ ಇಡಿಎಲ್‌ಐ ಮರಣ ಪ್ರಯೋಜನ ಈ ಮೊದಲು ಸಿಗುತ್ತಿರಲಿಲ್ಲ. ಆದರೆ ಈಗ ಈ ನಿಯಮವನ್ನು ಬದಲಾಯಿಸಲಾಗಿದೆ.

ಹೊಸ ನಿಯಮ ಏನು?
ಒಬ್ಬ ಇಪಿಎಫ್ ಸದಸ್ಯ ಸೇವೆ ಸಲ್ಲಿಸಿದ ಒಂದು ವರ್ಷಕ್ಕಿಂತ ಕಡಿಮೆ ಅವಧಿಯಲ್ಲಿ ನಿಧನರಾದರೂ, ಅವರ ಕುಟುಂಬಕ್ಕೆ ಕನಿಷ್ಠ 50,000 ರೂ.ವಿಮಾ ಪ್ರಯೋಜನ ಸಿಗುತ್ತದೆ.

ಲಾಭ
ಇದರಿಂದ ವಾರ್ಷಿಕವಾಗಿ 5,000 ಕ್ಕೂ ಹೆಚ್ಚು ಕುಟುಂಬಗಳಿಗೆ ಪ್ರಯೋಜನವಾಗುತ್ತದೆ.

2. ಕೊಡುಗೆ ನೀಡದ ಅವಧಿಯ ನಂತರವೂ ಪ್ರಯೋಜನ ಲಭ್ಯ :
ಈ ಹಿಂದೆ,  ಇಪಿಎಫ್ ಸದಸ್ಯರು ಸ್ವಲ್ಪ ಸಮಯದವರೆಗೆ ಇಪಿಎಫ್‌ಗೆ ಕೊಡುಗೆ ನೀಡದೇ ಇದ್ದು, ಮರಣಹೊಂದಿದರೆ, ಆ ಕುಟುಂಬವು ಇಡಿಎಲ್‌ಐ ಪ್ರಯೋಜನಕ್ಕೆ ಅರ್ಹರಾಗಿರಲಿಲ್ಲ. ಆದರೆ ಈಗ ಈ ನಿಯಮವನ್ನು ಕೂಡಾ ಬದಲಾಯಿಸಲಾಗಿದೆ.

ಹೊಸ ನಿಯಮ : 
ಕೊನೆಯ ಕೊಡುಗೆ ನೀಡಿದ ದಿನಾಂಕದಿಂದ ಆರು ತಿಂಗಳೊಳಗೆ ಇಪಿಎಫ್ ಸದಸ್ಯರು ಮರಣಹೊಂದಿದರೆ ಮತ್ತು ಅವರ ಹೆಸರನ್ನು ಕಂಪನಿಯ ಪಟ್ಟಿಯಿಂದ ತೆಗೆದುಹಾಕದಿದ್ದರೆ, ಕುಟುಂಬವು ಇಡಿಎಲ್ಐ ಮರಣ ಪ್ರಯೋಜನವನ್ನು ಪಡೆಯುತ್ತದೆ.

ಲಾಭ
ಈ ಬದಲಾವಣೆಯು ಪ್ರತಿ ವರ್ಷ ಸುಮಾರು 14,000 ಕುಟುಂಬಗಳಿಗೆ ಪ್ರಯೋಜನವನ್ನು ನೀಡುತ್ತದೆ.

ಇದನ್ನೂ ಓದಿ : ಹೋಳಿ, ಈದ್ ಗೆ ಮುಖ್ಯಮಂತ್ರಿ ಮಹತ್ವದ ಘೋಷಣೆ ! ಸರ್ಕಾರದ ವತಿಯಿಂದ ಉಚಿತ ಗ್ಯಾಸ್ ಸಿಲಿಂಡರ್

3. ಉದ್ಯೋಗ ಬದಲಾಯಿಸುವಾಗ ಕೆಲಸದ ವಿರಾಮದ ಸಮಯದಲ್ಲಿಯೂ ಪ್ರಯೋಜನ  ಲಭ್ಯ :
ಈ ಹಿಂದೆ, ಇಪಿಎಫ್ ಸದಸ್ಯರು ಕೆಲಸ ಬದಲಾಯಿಸುವಾಗ 1-2 ತಿಂಗಳ ವಿರಾಮ ತೆಗೆದುಕೊಂಡರೆ, ಅದನ್ನು ಸೇವೆಯಲ್ಲಿ ವಿರಾಮವೆಂದು ಪರಿಗಣಿಸಲಾಗುತ್ತಿತ್ತು. ಇದರಿಂದಾಗಿ, ಕುಟುಂಬಕ್ಕೆ ಕನಿಷ್ಠ EDLI ಪ್ರಯೋಜನ (ರೂ. 2.5 ಲಕ್ಷ) ಮತ್ತು ಗರಿಷ್ಠ ಮರಣ ಪ್ರಯೋಜನ (ರೂ. 7 ಲಕ್ಷ) ಪಡೆಯಲು ಸಾಧ್ಯವಾಗಲಿಲ್ಲ. 

ಹೊಸ ನಿಯಮ: 
ಈಗ ಎರಡು ಕೆಲಸಗಳ ನಡುವೆ ಎರಡು ತಿಂಗಳ ಅಂತರವಿದ್ದರೂ, ಅದನ್ನು ನಿರಂತರ ಸೇವೆ ಎಂದು ಪರಿಗಣಿಸಲಾಗುತ್ತದೆ.

ಲಾಭ : 
ಪ್ರತಿ ವರ್ಷ 1,000 ಕ್ಕೂ ಹೆಚ್ಚು ಕುಟುಂಬಗಳು ಇದರಿಂದ ನೇರವಾಗಿ ಪ್ರಯೋಜನ ಪಡೆಯುತ್ತವೆ.

EDLI ಯೋಜನೆ: EDLI ಯೋಜನೆ ಎಂದರೇನು? 
ಇಪಿಎಫ್‌ಒದ ಇಡಿಎಲ್‌ಐ ಯೋಜನೆ 1976 ರಲ್ಲಿ ಪ್ರಾರಂಭವಾಯಿತು. ಇದು ಇಪಿಎಫ್ ಚಂದಾದಾರರಿಗೆ ಜೀವ ವಿಮಾ ಯೋಜನೆಯನ್ನು ನೀಡುತ್ತದೆ. ಒಬ್ಬ ಉದ್ಯೋಗಿ ಸೇವೆಯ ಸಮಯದಲ್ಲಿ ಮರಣ ಹೊಂದಿದಲ್ಲಿ, ಅವರ ಕುಟುಂಬಕ್ಕೆ 7 ಲಕ್ಷ ರೂ.ಗಳವರೆಗೆ ಪ್ರಯೋಜನಗಳು ಸಿಗುತ್ತವೆ.

ಕುಟುಂಬ ಸದಸ್ಯರು ಪೂರ್ಣ ಪ್ರಯೋಜನವನ್ನು ಹೇಗೆ ಪಡೆಯಬಹುದು?
- ಸದಸ್ಯರು ತಮ್ಮ ಇಪಿಎಫ್ ನಾಮಿನಿ ವಿವರಗಳನ್ನು ಯಾವಾಗಲೂ ನವೀಕೃತವಾಗಿಟ್ಟುಕೊಳ್ಳಬೇಕು.
- ಉದ್ಯೋಗಗಳನ್ನು ಬದಲಾಯಿಸುವಾಗ, ಸೇವೆಯ ನಿರಂತರತೆಯನ್ನು ಖಚಿತಪಡಿಸಿಕೊಳ್ಳಲು ಸದಸ್ಯರು ತಮ್ಮ ಇಪಿಎಫ್ ಖಾತೆಯನ್ನು ಬದಲಾಯಿಸಬೇಕು.
- ಇಪಿಎಫ್‌ಒಗೆ ಸಂಬಂಧಿಸಿದ ಎಲ್ಲಾ ಬದಲಾವಣೆಗಳು ಮತ್ತು ನವೀಕರಣಗಳ ಬಗ್ಗೆ ಮಾಹಿತಿ ಪಡೆಯುವುದು ಬಹಳ ಮುಖ್ಯ .

ಇಪಿಎಫ್ ಬಡ್ಡಿ ದರ :
2024-25ನೇ ಹಣಕಾಸು ವರ್ಷದ ಇಪಿಎಫ್‌ಒ ಬಡ್ಡಿದರವನ್ನು ಇತ್ತೀಚೆಗೆ ಘೋಷಿಸಲಾಯಿತು. ಈ ವರ್ಷ, ಇಪಿಎಫ್ ಬ್ಯಾಲೆನ್ಸ್ 8.25% ಬಡ್ಡಿಯನ್ನು ಗಳಿಸುತ್ತದೆ. ಈ ವರ್ಷವೂ ಅದು ಯಾವುದೇ ಬದಲಾವಣೆಗಳಿಲ್ಲದೆ ಹಾಗೆಯೇ ಮುಂದುವರೆದಿದೆ.

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 
Twitter Link - https://bit.ly/3n6d2R8
Facebook Link - https://bit.ly/3Hhqmcj 
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link -  https://bit.ly/3LyfY2l 
Sharechat Link - https://bit.ly/3LCjokI 
Threads Link-  https://www.threads.net/@zeekannadanews 
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.

ನಿಮ್ಮ ಜೀ ಕನ್ನಡ ನ್ಯೂಸ್‌ ಈಗ: Zee5ನಲ್ಲೂ ಜೀ ಕನ್ನಡ ನ್ಯೂಸ್‌ ಲಭ್ಯ 
Sun Direct-292 
TATA PLAY- 1664 
JIO TV-1334 
NXT Digital-30 
IN-CABLE-30 
U-Digital-162 
GTPL-17 
Rockline Telecommunications ಬೆಂಗಳೂರು-42
 V4 Digital Infotech ಮಂಗಳೂರು-628
Malanad infotech Pvt Ltd-56 
Metrocast ಬೆಂಗಳೂರು, ಬೆಳಗಾವಿ-830 ಲಭ್ಯ