ಪ್ರತಿ ಷೇರಿಗೆ ₹9.50 ಡಿವಿಡೆಂಡ್, ಒಂದೇ ದಿನದಲ್ಲಿ 11% ಏರಿಕೆ; ಹೂಡಿಕೆದಾರರ ಜೇಬು ತುಂಬಿಸಿದ ಷೇರು!

Castrol india dividend: ಕ್ಯಾಸ್ಟ್ರೋಲ್ ಇಂಡಿಯಾ ಎಂಬುದು ಬ್ರಿಟಿಷ್ ತೈಲ ಕಂಪನಿ ಕ್ಯಾಸ್ಟ್ರೋಲ್‌ನ ಭಾರತೀಯ ಘಟಕವಾಗಿದೆ. ಕ್ಯಾಸ್ಟ್ರೋಲ್ ಇಂಡಿಯಾ ತನ್ನ ಹೂಡಿಕೆದಾರರಿಗೆ ₹5 ಮುಖಬೆಲೆಯ ಪ್ರತಿ ಷೇರಿಗೆ ₹9.5 ಫೈನಲ್‌ ಡಿವಿಡೆಂಡ್ ಮತ್ತು ₹4.5ಗಳ ವಿಶೇಷ ಡಿವಿಡೆಂಡ್ ನೀಡಲಿದ್ದು, ಒಟ್ಟು ₹9.5 ಸಿಗಲಿದೆ.

ಪ್ರತಿ ಷೇರಿಗೆ ₹9.50 ಡಿವಿಡೆಂಡ್

Dividend Stocks: ತಿಂಗಳಿಂದ ಕುಸಿತ ಕಂಡಿದ್ದ ಭಾರತೀಯ ಷೇರು ಮಾರುಕಟ್ಟೆ ಇದೀಗ ಚೇತರಿಕೆ ಹಾದಿಯತ್ತ ಮರಳಿದೆ. ಎರಡು ದಿನಗಳ ಚೇತರಿಕೆಯಿಂದ ಹೂಡಿಕೆದಾರರು ನೆಮ್ಮದಿಯ ನಿಟ್ಟುಸಿರು ಬಿಟ್ಟಿದ್ದಾರೆ. ಬುಧವಾರದ ನಂತರ ಗುರುವಾರವೂ ಮಾರುಕಟ್ಟೆ ಉತ್ತಮ ಲಾಭದೊಂದಿಗೆ ಮುಕ್ತಾಯವಾಯಿತು. ಈ ಎರಡು ದಿನಗಳ ಚೇತರಿಕೆಯಲ್ಲಿ ಸೆನ್ಸೆಕ್ಸ್ 1350.16 ಅಂಕಗಳ ಜಿಗಿತವನ್ನು ದಾಖಲಿಸಿದರೆ, ನಿಫ್ಟಿ50 462.05 ಅಂಕಗಳ  ಏರಿಕೆ ಕಂಡಿದೆ. ಗುರುವಾರ ಕ್ಯಾಸ್ಟ್ರೋಲ್ ಇಂಡಿಯಾ ಸೇರಿದಂತೆ ಹಲವು ಕಂಪನಿಗಳ ಷೇರುಗಳು ಭರ್ಜರಿ ಏರಿಕೆ ಕಂಡವು. ಇಂದು ಬಿಎಸ್‌ಇಯಲ್ಲಿ ಕ್ಯಾಸ್ಟ್ರೋಲ್ ಇಂಡಿಯಾ ಷೇರುಗಳು ₹23.55 (10.59%) ಏರಿಕೆಯಾಗಿ ₹245.85ಕ್ಕೆ ತಲುಪಿದೆ.

Add Zee News as a Preferred Source

ಇದನ್ನೂ ಓದಿ: ಬಜೆಟ್ ನಲ್ಲಿ ಬ್ರ್ಯಾಂಡ್ ಬೆಂಗಳೂರಿಗೆ ಸಿಗುತ್ತಾ ಅಭಿವೃದ್ಧಿಗಳ ಮಹಾಪೂರ ! ಬೆಂಗಳೂರು ಉದ್ಯಮಿಗಳ ಕನಸು ಬಜೆಟ್ ನಲ್ಲಿ ನನಸಾಗುತ್ತಾ

ಇಂದು 13.36%ರಷ್ಟು ಏರಿಕೆ

ಬುಧವಾರ ₹222.30ಕ್ಕೆ ಮುಕ್ತಾಯಗೊಂಡಿದ್ದ ಕ್ಯಾಸ್ಟ್ರೋಲ್ ಇಂಡಿಯಾ ಷೇರು ಗುರುವಾರ ₹231.95ಕ್ಕೆ ಭಾರೀ ಲಾಭದೊಂದಿಗೆ ಏರಿಕೆ ಕಂಡಿದೆ. ವಹಿವಾಟಿನ ಸಮಯದಲ್ಲಿ ಕಂಪನಿಯ ಷೇರು ಒಂದು ಸಮಯದಲ್ಲಿ ಶೇ.13.36ರಷ್ಟು ಏರಿಕೆಯಾಗಿ ₹252 ತಲುಪಿತ್ತು. ಇದಲ್ಲದೆ ಕಂಪನಿಯ ಷೇರು ಇಂದು ದಿನದ ಕನಿಷ್ಠ ಮಟ್ಟ ₹228.35ಕ್ಕೆ ಮುಟ್ಟಿತ್ತು. ಕ್ಯಾಸ್ಟ್ರೋಲ್ ಇಂಡಿಯಾ ಷೇರು 52 ವಾರಗಳ ಗರಿಷ್ಠ ಬೆಲೆ ₹284.40 ಮತ್ತು 52 ವಾರಗಳ ಕನಿಷ್ಠ ಬೆಲೆ ₹162.80 ಆಗಿದೆ. ಬಿಎಸ್‌ಇ ದತ್ತಾಂಶದ ಪ್ರಕಾರ, ಕಂಪನಿಯ ಪ್ರಸ್ತುತ ಮಾರುಕಟ್ಟೆ ಬಂಡವಾಳೀಕರಣ ₹24,317.57 ಕೋಟಿ ಇದೆ. ಆದರೆ ಇಂದಿನ ಏರಿಕೆ ಕಂಪನಿಯ ಷೇರುದಾರರಿಗೆ ಭರ್ಜರಿ ಲಾಭವನ್ನು ತಂದುಕೊಟ್ಟಿದೆ. ಇದರ ಜೊತೆಗೆ ಕ್ಯಾಸ್ಟ್ರೋಲ್ ಹೂಡಿಕೆದಾರರು ಭಾರೀ ಲಾಭಾಂಶ ಅಂದರೆ ಡಿವಿಡೆಂಡ್ ಪಡೆಯಲಿದ್ದಾರೆ.

ಇದನ್ನೂ ಓದಿ: HDFC ಬ್ಯಾಂಕಿನ 55 ತಿಂಗಳ FDಯಲ್ಲಿ ನೀವು ₹55 ಲಕ್ಷ ಠೇವಣಿ ಇಟ್ಟರೆ ಎಷ್ಟು ಹಣ ವಾಪಸ್‌ ಸಿಗುತ್ತದೆ?

ಪ್ರತಿ ಷೇರಿನ ಮೇಲೆ ₹9.50 ಡಿವಿಡೆಂಡ್  

ಕ್ಯಾಸ್ಟ್ರೋಲ್ ಇಂಡಿಯಾ ಎಂಬುದು ಬ್ರಿಟಿಷ್ ತೈಲ ಕಂಪನಿ ಕ್ಯಾಸ್ಟ್ರೋಲ್‌ನ ಭಾರತೀಯ ಘಟಕವಾಗಿದೆ. ಕ್ಯಾಸ್ಟ್ರೋಲ್ ಇಂಡಿಯಾ ತನ್ನ ಹೂಡಿಕೆದಾರರಿಗೆ ₹5 ಮುಖಬೆಲೆಯ ಪ್ರತಿ ಷೇರಿಗೆ ₹9.5 ಫೈನಲ್‌ ಡಿವಿಡೆಂಡ್ ಮತ್ತು ₹4.5ಗಳ ವಿಶೇಷ ಡಿವಿಡೆಂಡ್ ನೀಡಲಿದ್ದು, ಒಟ್ಟು ₹9.5 ಸಿಗಲಿದೆ. ಕಂಪನಿಯು ಷೇರುದಾರರಿಗೆ ಈ ಅಂತಿಮ ಡಿವಿಡೆಂಡ್ ನೀಡಲು ಮಾರ್ಚ್ 18ರ ಮಂಗಳವಾರವನ್ನು record dateಅನ್ನ ನಿಗದಿಪಡಿಸಿದೆ. ಲಾಭಾಂಶದ ಲಾಭ ಪಡೆಯಲು ಹೂಡಿಕೆದಾರರು ಮಾರ್ಚ್ 17ರವರೆಗೆ ಮಾತ್ರ ಷೇರುಗಳನ್ನು ಖರೀದಿಸಲು ಅವಕಾಶವಿರುತ್ತದೆ. ಮಾರ್ಚ್ 18ರಂದು ಖರೀದಿಸಿದ ಹೊಸ ಷೇರುಗಳು ಡಿವಿಡೆಂಡ್‌ಗೆ ಅರ್ಹವಾಗಿರುವುದಿಲ್ಲ. ಕಂಪನಿಯ ಪ್ರಕಾರ, ಲಾಭಾಂಶದ ಹಣವನ್ನು ಏಪ್ರಿಲ್ 23ರ ಬುಧವಾರ ಅಥವಾ ಅದಕ್ಕೂ ಮೊದಲು ಹೂಡಿಕೆದಾರರ ಬ್ಯಾಂಕ್ ಖಾತೆಗಳಿಗೆ ಕಳುಹಿಸಲಾಗುತ್ತದೆ.