EPFO UAN ಪ್ರೊಫೈಲ್ ಅಪ್ಡೇಟ್ ಮಾಡಲು ಏನು ಮಾಡಬೇಕು? ಸಂಪೂರ್ಣ ಮಾಹಿತಿ ಇಲ್ಲಿದೆ

EPFO UAN Update : ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆ (EPFO) ಉದ್ಯೋಗಿಗಳ ಭವಿಷ್ಯ ನಿಧಿ ಖಾತೆಗಳನ್ನು ನಿರ್ವಹಿಸುತ್ತದೆ. ಇಪಿಎಫ್ ಮೊತ್ತವು ಉದ್ಯೋಗಿಗಳಿಗೆ ಅವರ ನಿವೃತ್ತಿಯ ನಂತರದ ಅವಧಿಯಲ್ಲಿ ಸಹಾಯಕ್ಕೆ ಬರುವ ನಿಧಿಯಾಗಿದೆ. EPF ಖಾತೆಗಳಿಗೆ ಸಂಬಂಧಿಸಿದ ಅನೇಕ ಅಪ್ಡೇಟ್ ಗಳು ಕಾಲಕಾಲಕ್ಕೆ ಬಿಡುಗಡೆಯಾಗುತ್ತವೆ. ಇಪಿಎಫ್ ಸದಸ್ಯರು ಇವುಗಳನ್ನು  ಅನುಸರಿಸುತ್ತಾ ಇರಬೇಕು. 

ನೌಕರರು ಪ್ರತಿ ತಿಂಗಳು ನಿರ್ದಿಷ್ಟ ಮೊತ್ತವನ್ನು ಇಪಿಎಫ್ ಖಾತೆಗೆ ಜಮಾ ಮಾಡುತ್ತಾರೆ. ಕಂಪನಿಯು ಕೂಡಾ ಅಷ್ಟೇ ಪ್ರಮಾಣದ ಮೊತ್ತವನ್ನು ಉದ್ಯೋಗಿಯ ಖಾತೆಗೆ ಜಮಾ ಮಾಡುತ್ತದೆ. ಉದ್ಯೋಗಿಗಳ ಇಪಿಎಫ್ ಖಾತೆಯಲ್ಲಿನ ಮಾಹಿತಿಯನ್ನು ಕಾಲಕಾಲಕ್ಕೆ ಬದಲಾಯಿಸುವ ಅವಶ್ಯಕತೆಯಿದೆ. ಉದಾಹರಣೆಗೆ ಕೆಲಸ ಬದಲಾಯಿಸುವಾಗ, ವೈಯಕ್ತಿಕ ವಿವರಗಳನ್ನು ಬದಲಾಯಿಸುವುದು ಅಗತ್ಯವಾಗಿರುತ್ತದೆ. ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆಯಲ್ಲಿ (ಇಪಿಎಫ್‌ಒ) ನೀಡಿರುವ ಮಾಹಿತಿಯನ್ನು ಬದಲಾಯಿಸುವ ಅಗತ್ಯವಿದ್ದಲ್ಲಿ, ಉದ್ಯೋಗಿಗಳು ತಕ್ಷಣವೇ ಆ ಕೆಲಸವನ್ನು ಮಾಡಬೇಕು. ಇಲ್ಲದಿದ್ದರೆ, ಭವಿಷ್ಯದಲ್ಲಿ ತೊಂದರೆಗೆ ಒಳಗಾಗಬಹುದು. 

ಇದನ್ನೂ ಓದಿ : Electric Scooter In Cheapest Price: ಅಗ್ಗದ ದರದಲ್ಲಿ ಇಲೆಕ್ಟ್ರಿಕ್ ಸ್ಕೂಟರ್ ಖರೀದಿಸಬೇಕೆ? ಇಲ್ಲಿದೆ ಒಂದು ಸುವರ್ಣಾವಕಾಶ!

UANಗೆ ಸಂಬಂಧಿಸಿದ ತಪ್ಪುಗಳನ್ನು ಸರಿಪಡಿಸಲು EPFO ​​ಹೊಸ ಅಧಿಸೂಚನೆಯಲ್ಲಿ ಕೆಲವು ಮಾಹಿತಿಯನ್ನು ಒದಗಿಸಿದೆ. ಜಾಯಿಂಟ್ ಡಿಕ್ಲರೇಶನ್ ಲಿಸ್ಟ್ ಡಾಕ್ಯುಮೆಂಟ್‌ಗಳಲ್ಲಿ ಬದಲಾವಣೆಗಳನ್ನು ಮಾಡುವ ವಿಧಾನದ ಬಗ್ಗೆ EPFO ​​ಮಾಹಿತಿಯನ್ನು ಒದಗಿಸಿದೆ. ಈಗ ಉದ್ಯೋಗಿಗಳು ಯುಎಎನ್ ಪ್ರೊಫೈಲ್ ಅನ್ನು ಅಪ್ಡೇಟ್ ಮಾಡಲು ಹೊಸ ಅಧಿಸೂಚನೆಯ ಪ್ರಕಾರ ದಾಖಲೆಗಳನ್ನು ಒದಗಿಸಬೇಕು.

EPFO ಹೊಸ ಅಧಿಸೂಚನೆಯ ಪ್ರಕಾರ, ಈಗ ಅರ್ಜಿದಾರರು ತಮ್ಮ UAN ಪ್ರೊಫೈಲ್ ಅನ್ನು ನವೀಕರಿಸಲು ತಮ್ಮ ತಾಯಿ/ತಂದೆಯ ಹೆಸರು ಆಧಾರ್ ಕಾರ್ಡ್, PAN ಕಾರ್ಡ್, ತಾಯಿ/ತಂದೆಯ ಹೆಸರಿನೊಂದಿಗೆ 10 ಮತ್ತು 12 ನೇ ತರಗತಿಯ ಮಾರ್ಕ್ ಕಾರ್ಡ್,  ಚಾಲನಾ ಪರವಾನಗಿಯನ್ನು ಸಲ್ಲಿಸಬಹುದು. EPF ಸದಸ್ಯರಿಗೆ EPFO ​​ನಲ್ಲಿ ತಮ್ಮ ಮಾಹಿತಿಯನ್ನು ನವೀಕರಿಸಲು ಈ ಕೆಳಗಿನ ದಾಖಲೆಗಳು ಬೇಕಾಗುತ್ತವೆ.

ಇದನ್ನೂ ಓದಿ : Aadhaar Card Update: ಆಧಾರ್ ಗೆ ಸಬಂಧಿಸಿದ ಬಿಗ್ ಅಪ್ಡೇಟ್ : ಮೂರು ತಿಂಗಳವರೆಗೆ ಈ ಸೇವೆ ಉಚಿತ !

UAN ಪ್ರೊಫೈಲ್‌ನಲ್ಲಿ ವಿವಿಧ ನವೀಕರಣಗಳಿಗೆ ಅಗತ್ಯವಿರುವ ವಿವಿಧ ದಾಖಲೆಗಳು:
ಜನ್ಮ ದಿನಾಂಕವನ್ನು ಸರಿಪಡಿಸಲು ಈ ದಾಖಲೆಗಳು ಅಗತ್ಯವಿದೆ:
- ಸರ್ಕಾರದಿಂದ ನೀಡಲಾದ ನಿವಾಸ ಪ್ರಮಾಣಪತ್ರ
- ಜನನ ಮತ್ತು ಮರಣಗಳ ರಿಜಿಸ್ಟ್ರಾರ್ ನೀಡಿದ ಜನನ ಪ್ರಮಾಣಪತ್ರ.
- ಹೆಸರು ಮತ್ತು ಜನ್ಮ ದಿನಾಂಕವನ್ನು ತೋರಿಸುವ ಪ್ರಮಾಣಪತ್ರ.
- ಮಾನ್ಯತೆ ಪಡೆದ ಸರ್ಕಾರಿ ಮಂಡಳಿ ಅಥವಾ ವಿಶ್ವವಿದ್ಯಾಲಯದಿಂದ ನೀಡಲಾದ ಅಂಕ ಪಟ್ಟಿ. ಸ್ಕೂಲ್ ಲೀವಿಂಗ್ ಸರ್ಟಿಫಿಕೇಟ್ (SLC)/ಶಾಲಾ ವರ್ಗಾವಣೆ ಪ್ರಮಾಣಪತ್ರ (TC)/SSC
- ಆಧಾರ್ ಕಾರ್ಡ್
- ಪಾಸ್‌ಪೋರ್ಟ್
- ಕೇಂದ್ರ/ರಾಜ್ಯ ಸರ್ಕಾರಿ ಸೇವಾ ದಾಖಲೆ ಆಧಾರಿತ ಪ್ರಮಾಣಪತ್ರ
- ಜನ್ಮ ದಿನಾಂಕದ ಪುರಾವೆ ಇಲ್ಲದಿದ್ದರೆ ವೈದ್ಯಕೀಯ ಪ್ರಮಾಣಪತ್ರ
- CGHS/ECHS/ ಕೇಂದ್ರ/ರಾಜ್ಯ/ ಹೊರಡಿಸಿದ/ ಯುಟಿ ಸರ್ಕಾರದ ಮೆಡಿ-ಕ್ಲೈಮ್ ಕಾರ್ಡ್
- ಐಟಿ ಇಲಾಖೆ ಪ್ಯಾನ್
- ಕೇಂದ್ರ/ರಾಜ್ಯ ಪಿಂಚಣಿ ಪಾವತಿ ಆದೇಶ

ಹೆಸರು ಮತ್ತು ಲಿಂಗ ವಿವರಗಳಲ್ಲಿನ ಬದಲಾವಣೆಗಳಿಗೆ ಈ ದಾಖಲೆಗಳು ಅಗತ್ಯವಿದೆ:
- ಆಧಾರ್ (ಕಡ್ಡಾಯ)
- ಪಾಸ್‌ಪೋರ್ಟ್
- ಮರಣ ಪ್ರಮಾಣಪತ್ರ
- ಜನನ ಪ್ರಮಾಣಪತ್ರ
- ಡ್ರೈವಿಂಗ್ ಲೈಸೆನ್ಸ್
- ಹೆಸರು ಮತ್ತು ಭಾವಚಿತ್ರದೊಂದಿಗೆ ಬ್ಯಾಂಕ್ ಪಾಸ್ ಪುಸ್ತಕ.
- ಕೇಂದ್ರ ಸರ್ಕಾರ/ರಾಜ್ಯ ಸರ್ಕಾರ/UT ಸರ್ಕಾರದಿಂದ ನೀಡಲಾದ ಸೇವಾ ಫೋಟೋ ಗುರುತಿನ ಕಾರ್ಡ್.
- ಸ್ಕೂಲ್ ಲೀವಿಂಗ್ ಸರ್ಟಿಫಿಕೇಟ್ (SLC)/ಶಾಲಾ ವರ್ಗಾವಣೆ ಪ್ರಮಾಣಪತ್ರ (TC)/SSC ಬೋರ್ಡ್/ವಿಶ್ವವಿದ್ಯಾನಿಲಯ ನೀಡಿದ ಪ್ರಮಾಣಪತ್ರ/ಮಾರ್ಕ್‌ಶೀಟ್ 

ತಾಯಿ/ತಂದೆಯ ಹೆಸರು, ಸಂಬಂಧದಲ್ಲಿ ಬದಲಾವಣೆಗಳನ್ನು ಮಾಡಲು ಈ ದಾಖಲೆಗಳು ಅಗತ್ಯವಿದೆ:
- ಕೇಂದ್ರ/ರಾಜ್ಯ ಸರ್ಕಾರ ನೀಡಿದ ಫೋಟೋ ಪ್ರಮಾಣಪತ್ರ 
- ಪೋಷಕರ ಪಾಸ್‌ಪೋರ್ಟ್
- ಸರ್ಕಾರದಿಂದ ನೀಡಲಾದ ವಿವಾಹ ಪ್ರಮಾಣಪತ್ರ
- ಪಡಿತರ ಚೀಟಿ/ಪಿಡಿಎಸ್ ಕಾರ್ಡ್
- CGHS/ECHAS/ಮೆಡಿ ಕ್ಲೈಮ್ CARS/PSU ಕಾರ್ಡ್ ಕೇಂದ್ರ
- ಪಿಂಚಣಿ ಕಾರ್ಡ್
- ಜನನ ಪ್ರಮಾಣಪತ್ರ

ವೈವಾಹಿಕ ಸ್ಥಿತಿಯನ್ನು ನವೀಕರಿಸಲು ಈ ದಾಖಲೆಗಳು ಅಗತ್ಯವಿದೆ:
- ಪಾಸ್‌ಪೋರ್ಟ್
- ಆಧಾರ್ ಕಾರ್ಡ್
- ಸರ್ಕಾರ ನೀಡಿದ ಮದುವೆ ಪ್ರಮಾಣಪತ್ರ
- ವಿಚ್ಛೇದನವಾಗಿದ್ದರೆ ಆ ದಾಖಲೆ