ವೇತನ ಆಯೋಗದ 10 ವರ್ಷಗಳ ಅವಧಿ ಡಿಸೆಂಬರ್ 31, 2025 ರಂದು ಕೊನೆಗೊಳ್ಳುವುದರಿಂದ ಇದು 7 ನೇ ವೇತನ ಆಯೋಗದ ಕೊನೆಯ ಡಿಎ ಹೆಚ್ಚಳವಾಗಿದೆ. ಆದರೆ ಮೂಲಗಳ ಪ್ರಕಾರ ಈ ಬಾರಿ ಡಿಎ ಯಲ್ಲಿ ಯಾವುದೇ ರೀತಿಯ ಏರಿಕೆ ಕಾಣದೇ ಇರಬಹುದು.
)
ಬೆಂಗಳೂರು : ಇತ್ತೀಚೆಗೆ, ಸರ್ಕಾರವು ತುಟ್ಟಿ ಭತ್ಯೆ (ಡಿಎ) ಮತ್ತು ತುಟ್ಟಿ ಪರಿಹಾರ (ಡಿಆರ್) ನಲ್ಲಿ ಶೇ.2 ರಷ್ಟು ಹೆಚ್ಚಳವನ್ನು ಘೋಷಿಸಿತ್ತು. ಈ ಮೂಲಕ ಸರ್ಕಾರಿ ನೌಕರರ ಡಿಎ ಶೇ. 55 ಕ್ಕೆ ಏರುವಂತಾಯಿತು. ಈ ಹೆಚ್ಚಳವು ಕಳೆದ 78 ತಿಂಗಳುಗಳ ಇತಿಹಾಸದಲ್ಲಿ (ಸುಮಾರು ಆರುವರೆ ವರ್ಷಗಳು) ಆಗಿರುವ ಅತ್ಯಂತ ಕಡಿಮೆ ಏರಿಕೆಯಾಗಿದೆ. ಆದರೆ ಇದೀಗ ಬಂದಿರುವ ಸುದ್ದಿಯಿಂದ ಸುಮಾರು 1.25 ಕೋಟಿ ಉದ್ಯೋಗಿಗಳು ಮತ್ತು ಪಿಂಚಣಿದಾರರು ನಿರಾಶೆಗೊಳ್ಳುವಂತಾಗಿದೆ.
ಕೊನೆಯ ಡಿಎ ಹೆಚ್ಚಳ :
ಜುಲೈ-ಡಿಸೆಂಬರ್ 2025 ಕ್ಕೆ ಉತ್ತಮ ಡಿಎ ಹೆಚ್ಚಳವನ್ನು ನಿರೀಕ್ಷಿಸುತ್ತಿದ್ದ ಉದ್ಯೋಗಿಗಳು ಮತ್ತು ಪಿಂಚಣಿದಾರರಿಗೆ ಈ ಸುದ್ದಿ ನಿರಾಶೆಯನ್ನುಂಟು ಮಾಡುತ್ತದೆ. ವೇತನ ಆಯೋಗದ 10 ವರ್ಷಗಳ ಅವಧಿ ಡಿಸೆಂಬರ್ 31, 2025 ರಂದು ಕೊನೆಗೊಳ್ಳುವುದರಿಂದ ಇದು 7 ನೇ ವೇತನ ಆಯೋಗದ ಕೊನೆಯ ಡಿಎ ಹೆಚ್ಚಳವಾಗಿದೆ. ಆದರೆ ಮೂಲಗಳ ಪ್ರಕಾರ ಈ ಬಾರಿ ಡಿಎ ಯಲ್ಲಿ ಯಾವುದೇ ರೀತಿಯ ಏರಿಕೆ ಕಾಣದೇ ಇರಬಹುದು.
2025 ರ ಮೊದಲ ಎರಡು ತಿಂಗಳಲ್ಲಿ AICPI-IW ದತ್ತಾಂಶದಲ್ಲಿ ಇಳಿಕೆ ಕಂಡಿರುವುದು ಡಿಎ ಹೆಚ್ಚಳದಲ್ಲಿ ಇಳಿಕೆಗೆ ಕಾರಣವಾಗಿ, ಜುಲೈ-ಡಿಸೆಂಬರ್ 2025 ರ ಡಿಎ ಏರಿಕೆ ಮೇಲೆ ಪರಿಣಾಮ ಬೀರುತ್ತದೆ. ಡಿಎ ಹೆಚ್ಚಳವನ್ನು ಲೆಕ್ಕಾಚಾರ ಮಾಡಲು AICPI-IW ಒಂದು ಪ್ರಮುಖ ಅಂಶವಾಗಿದೆ. ಕಾರ್ಮಿಕ ಸಚಿವಾಲಯದ ಅಡಿಯಲ್ಲಿರುವ ಕಾರ್ಮಿಕ ಬ್ಯೂರೋದ ಇತ್ತೀಚಿನ ಮಾಹಿತಿಯ ಪ್ರಕಾರ, ಫೆಬ್ರವರಿ 2025 ರಲ್ಲಿ AICPI-IW 0.4 ಅಂಕಗಳಿಂದ 142.8 ಕ್ಕೆ ಇಳಿದಿದೆ. ಜನವರಿ 2025 ರಲ್ಲಿ ಇದು 143.2 ರಷ್ಟಿತ್ತು.
ಫೆಬ್ರವರಿ 2025ರಲ್ಲಿ ಈ ದರವು 2.59% ಕ್ಕೆ ಇಳಿದಿದೆ. ಫೆಬ್ರವರಿ 2024ರಲ್ಲಿ ಇದು 4.90% ಆಗಿತ್ತು. AICPI-IW ಮಾರ್ಚ್ ಮತ್ತು ಏಪ್ರಿಲ್ನಲ್ಲಿ ಮತ್ತಷ್ಟು ಕಡಿಮೆಯಾಗಬಹುದು ಎನ್ನುವುದು ತಜ್ಞರ ಲೆಕ್ಕಾಚಾರ. ಸಿಪಿಐ ಆಧಾರಿತ ಚಿಲ್ಲರೆ ಹಣದುಬ್ಬರವು ಮಾರ್ಚ್ 2025 ರಲ್ಲಿ ಐದು ವರ್ಷಗಳ ಕನಿಷ್ಠ ಮಟ್ಟವಾದ 3.34% ಕ್ಕೆ ಇಳಿದಿದ್ದು, ಫೆಬ್ರವರಿಯಲ್ಲಿ ಇದು 3.61% ರಷ್ಟಿತ್ತು.
ಡಿಎ ಅನ್ನು ಹೇಗೆ ಲೆಕ್ಕ ಹಾಕಲಾಗುತ್ತದೆ? :
AICPI-IW ನ ಸರಾಸರಿಯನ್ನು ಆಧರಿಸಿ DA ಅನ್ನು ಲೆಕ್ಕಹಾಕಲಾಗುತ್ತದೆ. ಈ ಸೂಚ್ಯಂಕವನ್ನು ಕಾರ್ಮಿಕ ಸಚಿವಾಲಯವು ಪ್ರತಿ ತಿಂಗಳು ಬಿಡುಗಡೆ ಮಾಡುತ್ತದೆ. ಈ ಸೂಚ್ಯಂಕ ಕಡಿಮೆಯಾದರೆ ಡಿಎ ಹೆಚ್ಚಳವೂ ಕಡಿಮೆಯಾಗುತ್ತದೆ. ಮುಂದಿನ ನಾಲ್ಕು ತಿಂಗಳವರೆಗೆ AICPI-IW ಕುಸಿತ ಮುಂದುವರಿದರೆ, ಉದ್ಯೋಗಿಗಳಿಗೆ 2% ಕ್ಕಿಂತ ಕಡಿಮೆ ಅಥವಾ DA ಹೆಚ್ಚಳ ಆಗದೇ ಇರಬಹುದು. ಇದು ನೌಕರರು ಮತ್ತು ಪಿಂಚಣಿದಾರರ ಆದಾಯದ ಮೇಲೆ ನೇರ ಪರಿಣಾಮ ಬೀರುತ್ತದೆ. ಡಿಎ ಸಂಬಳ ಮತ್ತು ಪಿಂಚಣಿಯ ಪ್ರಮುಖ ಭಾಗವಾಗಿದೆ.
ತುಟ್ಟಿ ಭತ್ಯೆ (DA) ಎಂದರೇನು?
ತುಟ್ಟಿ ಭತ್ಯೆಯು ಒಂದು ವಿಶೇಷ ಭತ್ಯೆಯಾಗಿದ್ದು, ಹೆಚ್ಚುತ್ತಿರುವ ಹಣದುಬ್ಬರದ ಪರಿಣಾಮವನ್ನು ಕಡಿಮೆ ಮಾಡಲು ಕೇಂದ್ರ ಮತ್ತು ರಾಜ್ಯ ಸರ್ಕಾರಿ ನೌಕರರು ಮತ್ತು ಪಿಂಚಣಿದಾರರಿಗೆ ಇದನ್ನು ನೀಡಲಾಗುತ್ತದೆ. ಈ ಭತ್ಯೆಯನ್ನು ವರ್ಷಕ್ಕೆ ಎರಡು ಬಾರಿ ಪರಿಷ್ಕರಿಸಲಾಗುತ್ತದೆ. ಮೊದಲು ಜನವರಿಯಲ್ಲಿ ಮತ್ತು ಎರಡನೆಯದ್ದು ಜುಲೈನಲ್ಲಿ. ಮೊದಲ ಏರಿಕೆಯನ್ನು ಸಾಮಾನ್ಯವಾಗಿ ಮಾರ್ಚ್ ತಿಂಗಳಲ್ಲಿ ಮತ್ತು ಎರಡನೇ ಏರಿಕೆಯನ್ನು ಅಕ್ಟೋಬರ್/ನವೆಂಬರ್ ತಿಂಗಳಲ್ಲಿ ಘೋಷಿಸಲಾಗುತ್ತದೆ. ಅಖಿಲ ಭಾರತ ಗ್ರಾಹಕ ಬೆಲೆ ಸೂಚ್ಯಂಕ (AICPI-IW) ಆಧಾರದ ಮೇಲೆ ಡಿಎ ಲೆಕ್ಕಹಾಕಲಾಗುತ್ತದೆ. ಈ ಸೂಚ್ಯಂಕವು ಉದ್ಯೋಗಿಗಳ ನಿಜವಾದ ಆದಾಯವನ್ನು ಕಾಯ್ದುಕೊಳ್ಳಲು ಸಹಾಯ ಮಾಡುತ್ತದೆ.
7ನೇ ವೇತನ ಆಯೋಗದ ಭವಿಷ್ಯ:
7ನೇ ವೇತನ ಆಯೋಗವು ಡಿಸೆಂಬರ್ 2025 ರಲ್ಲಿ ಕೊನೆಗೊಳ್ಳಲಿದೆ. ಇಂತಹ ಪರಿಸ್ಥಿತಿಯಲ್ಲಿ, ನೌಕರರು ಮತ್ತು ಪಿಂಚಣಿದಾರರು 8ನೇ ವೇತನ ಆಯೋಗದ ಘೋಷಣೆಗಾಗಿ ಕಾಯುತ್ತಿದ್ದಾರೆ. ಡಿಎ ಹೆಚ್ಚಳದಲ್ಲಿ ಹೀಗೆಯೇ ಇಲಿ ಮುಖವಾಗುತ್ತಿದ್ದರೆ ನೌಕರರ ಭರವಸೆಗಳು ಹೊಸ ವೇತನ ಆಯೋಗದ ಮೇಲೆ ಅವಲಂಬಿತವಾಗಿರುತ್ತದೆ. ಆದರೆ, 8ನೇ ವೇತನ ಆಯೋಗ ರಚನೆಗೆ ಸಂಬಂಧಿಸಿದಂತೆ, ಸರ್ಕಾರ ಇನ್ನೂ ಯಾವುದೇ ಅಧಿಕೃತ ಘೋಷಣೆ ಮಾಡಿಲ್ಲ. ಕೇಂದ್ರ ನೌಕರರು ಬಹಳ ದಿನಗಳಿಂದ ಡಿಎಯಲ್ಲಿ ಉತ್ತಮ ಹೆಚ್ಚಳವನ್ನು ಒತ್ತಾಯಿಸುತ್ತಿದ್ದಾರೆ. ಸರ್ಕಾರವು ಹಣದುಬ್ಬರಕ್ಕೆ ಅನುಗುಣವಾಗಿ ಡಿಎ ಹೊಂದಿಸಬೇಕು ಎಂಬುದು ಅವರ ಬೇಡಿಕೆಯಾಗಿದೆ.
ಇತ್ತೀಚಿನ ಅಪ್ಡೇಟ್ ಸುದ್ದಿಗಳನ್ನು ವೀಕ್ಷಿಸಲು ನಮ್ಮ Youtube Link - https://www.youtube.com/@ZeeKannadaNews/featured ಸಬ್ ಸ್ಕ್ರೈಬ್ಆಗಿರಿ.
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
ನಿಮ್ಮ ಜೀ ಕನ್ನಡ ನ್ಯೂಸ್ ಈಗ: Zee5ನಲ್ಲೂ ಜೀ ಕನ್ನಡ ನ್ಯೂಸ್ ಲಭ್ಯ
Sun Direct-292
TATA PLAY- 1664
JIO TV-1334
NXT Digital-30
IN-CABLE-30
U-Digital-162
GTPL-17
Rockline Telecommunications ಬೆಂಗಳೂರು-42
V4 Digital Infotech ಮಂಗಳೂರು-628
Malanad infotech Pvt Ltd-56
Metrocast ಬೆಂಗಳೂರು, ಬೆಳಗಾವಿ-830 ಲಭ್ಯ.
