ಜಿಎಸ್‌ಟಿ ಇಳಿಕೆ: ಇಂದಿನಿಂದ ನಂದಿನಿ ಹಾಲಿನ 21 ಉತ್ಪನ್ನಗಳ ಬೆಲೆ ಅಗ್ಗ...

Nandini Milk Products Price Reduce: ಕೇಂದ್ರ ಸರ್ಕಾರದ  ಜಿಎಸ್‌ಟಿ ಸುಧಾರಣೆಗಳು ಇಂದಿನಿಂದ (ಸೆಪ್ಟೆಂಬರ್ 22) ಜಾರಿಗೆ ಬರಲಿದ್ದು ಕರ್ನಾಟಕ ಹಾಲು ಒಕ್ಕೂಟ (ಕೆಎಂಎಫ್) ಒಡೆತನದ ಹಾಲು ಮತ್ತು ಹಾಲು ಆಧಾರಿತ ಉತ್ಪನ್ನಗಳ ಬ್ರಾಂಡ್ 'ನಂದಿನಿ'ಕೂಡ ತನ್ನ ಉತ್ಪನ್ನಗಳ ಬೆಲೆಗಳನ್ನು ಕಡಿತಗೊಳಿಸಿದೆ. 

ಹೌದು, ದೈನಂದಿನ ಬಳಕೆಯ 21 ಉತ್ಪನ್ನಗಳ ಬೆಲೆಯನ್ನು ಕೆಎಂಎಫ್ ಪರಿಷ್ಕರಿಸಿದ್ದು, ಇಂದಿನಿಂದ ಜಾರಿಗೆ ಬರುವಂತೆ ನಂದಿನ ಉತ್ಪನ್ನಗಳ ಪರಿಷ್ಕೃತ ದರವನ್ನು ಬಿಡುಗಡೆ ಮಾಡಲಾಗಿದೆ. ಈ ದರಗಳು  ಹಾಲು, ತುಪ್ಪದಿಂದ ಹಿಡಿದು ಐಸ್‌ಕ್ರೀಮ್‌ಗಳು, ಚೀಸ್, ಕುಕೀಸ್, ಕೇಕ್‌ಗಳು ಮತ್ತು  ಚಾಕೊಲೇಟ್‌ಗಳವರೆಗೆ ಹಲವು ಉತ್ಪನ್ನಗಳ ಬೆಲೆಗಳಲ್ಲಿ ಕಡಿತವನ್ನು ಘೋಷಿಸಲಾಗಿದೆ.

ಇದನ್ನೂ ಓದಿ-  New GST Rates: ಕೇವಲ ಇನ್ಸೂರೆನ್ಸ್ ಮಾತ್ರವಲ್ಲ ಈ ವಸ್ತುಗಳ ಮೇಲೂ 0% ತೆರಿಗೆ, ಈ ಪಟ್ಟಿಯಲ್ಲಿ ಏನೆಲ್ಲಾ ಇವೆ ಗೊತ್ತಾ?

ಸಾಮಾನ್ಯವಾಗಿ 80 ಗ್ರಾಂ ನಿಂದ 1 ಕಿಲೋಗ್ರಾಂವರೆಗಿನ ಪ್ಯಾಕೇಜ್ ಮಾಡಿದ ಡೈರಿ ಉತ್ಪನ್ನಗಳ ಮೇಲೆ 7 ರಿಂದ 10% ಬೆಲೆ ಕಡಿತ ಮಾಡಲಾಗಿದ್ದು, ನಂದಿನಿಯ ಯಾವೆಲ್ಲಾ ಉತ್ಪನ್ನಗಳಲ್ಲಿ ದರ ಬದಲಾವಣೆಗಳನ್ನು ಮಾಡಲಾಗಿದೆ ಎಂಬ ಪಟ್ಟಿ ಇಲ್ಲಿದೆ. 

ಇದನ್ನೂ ಓದಿ-  New GST Rates: ಬೈಕ್‌ಗಳು, ಕಾರುಗಳ ಬೆಲೆ ಅಗ್ಗ ಬೆನ್ನಲ್ಲೇ ಪೋಸ್ಟ್ ಮೂಲಕ ಹೊಸ ಬೇಡಿಕೆಯಿಟ್ಟ ಆನಂದ್ ಮಹೀಂದ್ರಾ

ಕೆಎಂಎಫ್ ನೀಡಿರುವ ಪತ್ರಿಕಾ ಪ್ರಕಟಣೆಯ ಅನುಸಾರ, ಕೆಎಂಎಫ್ ನಂದಿನಿ ತುಪ್ಪ, ನಂದಿನಿ ಬೆಣ್ಣೆ, ನಂದಿನಿ ಚೀಸ್ ಮತ್ತು ನಂದಿನಿ ಕುರುಕಲು ತಿಂಡಿಗಳ ಮೇಲಿನ ಜಿಎಸ್‌ಟಿಯನ್ನು 12% ರಿಂದ 5% ಗೆ ಕಡಿತಗೊಳಿಸಲಾಗಿದೆ. ಇದೇ ವೇಳೆ  ಕುಕೀಸ್, ಚಾಕೊಲೇಟ್‌ಗಳು, ಐಸ್ ಕ್ರೀಮ್‌ಗಳು, ಇನ್ಸ್ಟೆಂಟ್ ಮಿಕ್ಸ್‌ಗಳು ಮತ್ತು ಪ್ಯಾಕೇಜ್ ಮಾಡಿದ ಕುಡಿಯುವ ನೀರಿನ ಮೇಲಿನ ಜಿಎಸ್‌ಟಿಯನ್ನು 18%ನಿಂದ 5%ಗೆ ಇಳಿಕೆ ಮಾಡಲಾಗಿದೆ. ಇದಲ್ಲದೆ, ಈ ಮೊದಲು ಪನೀತ್ ಮತ್ತು ಅಲ್ಟ್ರಾ ಹೈ ಟೆಂಪರೇಚರ್ (ಯುಎಚ್‌ಟಿ) ಹಾಲಿನ ಉತ್ಪನ್ನಗಳ ಮೇಲೆ ವಿಧಿಸಲಾಗುತ್ತಿದ್ದ 5% ಜಿಎಸ್‌ಟಿ ದರವನ್ನು ಕೈ ಬಿಡಲಾಗಿದೆ.