Home Loan ಮೇಲೆ ಭಾರಿ ರಿಯಾಯಿತಿ, ಹೋಳಿ ಹಬ್ಬಕ್ಕೂ ಮುನ್ನ ಬಡ್ಡಿದರದಲ್ಲಿ ಭಾರಿ ಇಳಿಕೆ ಮಾಡಿದೆ ಈ ಸರ್ಕಾರಿ ಬ್ಯಾಂಕ್!

BOI Holi 2024 Offer: ಹೋಳಿ ಹಬ್ಬದ (Holi 2024) ಸಂದರ್ಭದಲ್ಲಿ ನೀವೂ ಕೂಡ ನಿಮ್ಮ ಸ್ವಂತ ಮನೆ ಕನಸನ್ನು ನನಸಾಗಿಸಲು ಬಯಸುತ್ತಿದ್ದರೆ, ಈ ಸಂತಸದ ಸುದ್ದಿ ನಿಮಗಾಗಿ,  ನೀವು ಈಗ ಸರ್ಕಾರಿ ಬ್ಯಾಂಕ್‌ಗಳಿಂದ ಅಗ್ಗದ ಸಾಲದ ಕೊಡುಗೆಗಳ ಲಾಭವನ್ನು ಪಡೆಯಬಹುದು. ಹೌದು ಸಾರ್ವಜನಿಕ ವಲಯದ ಬ್ಯಾಂಕ್ ಆಫ್ ಇಂಡಿಯಾ (BOI) ಮಂಗಳವಾರ ಹೊಸ ಗೃಹ ಸಾಲಗಳ ಮೇಲಿನ ಬಡ್ಡಿದರವನ್ನು ಶೇಕಡಾ 0.15 ರಷ್ಟು ಇಳಿಕೆ ಮಾಡಿ ಅದನ್ನು ಶೇ. 8.45 ರಿಂದ ಶೇ. 8.3 ಕ್ಕೆ ಇಳಿಸುವುದಾಗಿ ಘೋಷಿಸಿದೆ(bank of india home loan interest rate 2024). ಈ ಸೀಮಿತ ಅವಧಿಯ ಯೋಜನೆಯು ಈ ತಿಂಗಳ ಅಂತ್ಯದವರೆಗೆ ಅಂದರೆ ಮಾರ್ಚ್ 31 ರವರೆಗೆ ಜಾರಿಯಲ್ಲಿರಲಿದೆ ಎಂದು ಬ್ಯಾಂಕ್ ಹೇಳಿದೆ. ಇದರಲ್ಲಿ ಯಾವುದೇ ರೀತಿಯ ಪ್ರೋಸೆಸಿಂಗ್ ಶುಲ್ಕ ಇರುವುದಿಲ್ಲ ಎಂದು ಬ್ಯಾಂಕ್ ಹೇಳಿದೆ. (Business News In Kannada)

ಇದನ್ನೂ ಓದಿ-Infosys: ನಾಲ್ಕು ತಿಂಗಳ ಮೊಮ್ಮಗನಿಗೆ 240 ಕೋಟಿ ಮೌಲ್ಯದ ಷೇರುಗಳನ್ನು ಉಡುಗೊರೆಯಾಗಿ ನೀಡಿದ ನಾರಾಯಣ ಮೂರ್ತಿ

ತನ್ನ ಗೃಹ ಸಾಲವೇ ಅಗ್ಗದ ಸಾಲ ಎಂದ ಬ್ಯಾಂಕ್
ಬ್ಯಾಂಕ್ ಇಳಿಕೆ ಮಾಡಿರುವ ಶೇ. 8.3 ರಷ್ಟು ಬಡ್ಡಿದರವು ತನ್ನ ಪ್ರತಿಸ್ಪರ್ಧಿಗಳ ದೃಷ್ಟಿಯಿಂದ ಈ ವರ್ಗದಲ್ಲಿ ಕಡಿಮೆ ಬಡ್ಡಿ ದರವಾಗಿದೆ ಎಂದು ಬ್ಯಾಂಕ್ ಹೇಳಿಕೊಂಡಿದೆ. ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (ಎಸ್‌ಬಿಐ) ಮತ್ತು ಎಚ್‌ಡಿಎಫ್‌ಸಿ ಬ್ಯಾಂಕ್‌ಗಳಂತಹ ಪ್ರಮುಖ ಬ್ಯಾಂಕ್‌ಗಳಲ್ಲಿ ಕನಿಷ್ಠ ದರವು ಶೇಕಡಾ 8.4 ರಷ್ಟಿದೆ ಎಂದು ಬ್ಯಾಂಕ್ ಹೇಳಿದೆ. ಈ ಕೊಡುಗೆ ಮಾರ್ಚ್ 31 ರವರೆಗೆ ಮಾತ್ರ ಸೀಮಿತವಾಗಿದೆ .

ಇದನ್ನೂ ಓದಿ-Zomato Feature: ಶಾಕಾಹಾರಿಗಳಿಗೊಂದು ಸಂತಸದ ಸುದ್ದಿ ಪ್ರಕಟಿಸಿದ Zomato, ಬಿಡುಗಡೆಯಾಗಿದೆ ಹೊಸ ವೈಶಿಷ್ಟ್ಯ!

ಸೌರ ಪ್ಯಾನೆಲ್ ಮೇಲೂ ಕೊಡುಗೆ
ಬ್ಯಾಂಕ್ ಮೇಲ್ಛಾವಣಿ ಸೌರ ಸ್ಥಾವರಗಳಿಗೆ ಶೇ. 7ರ  ಬಡ್ಡಿದರದಲ್ಲಿ ವಿಶೇಷ ಸಾಲ ಸೌಲಭ್ಯವನ್ನು ಒದಗಿಸುತ್ತಿದೆ ಎಂದು ಹೇಳಿಕೊಂಡಿದೆ. ಇದರಲ್ಲೂ ಸಂಸ್ಕರಣಾ ಶುಲ್ಕವನ್ನು ಮನ್ನಾ ಮಾಡಲಾಗುವುದು ಎಂದು ಬ್ಯಾಂಕ್ ಹೇಳಿದೆ. ಬಡ್ಡಿದರ ಕಡಿತದ ನಂತರ, 30 ವರ್ಷಗಳ ಗೃಹ ಸಾಲದ ಮಾಸಿಕ ಕಂತು (ಇಎಂಐ) ತಿಂಗಳಿಗೆ ರೂ 755 ಆಗಿರಲಿದೆ ಎಂದು ಬ್ಯಾಂಕ್ ಹೇಳಿದೆ.