 "ರತನ್ ಟಾಟಾ ಉಯಿಲಿಗೆ ಕೊನೆಗೂ ಒಪ್ಪಿದ ಮೋಹಿನಿ!588 ಕೋಟಿ ಮೌಲ್ಯದ ಆಸ್ತಿ ಈಗ ಇವರ ಪಾಲಿಗೆ !ಯಾರು ಈ ಮೋಹಿನಿ ದತ್ತಾ ?")
)
Ratan Tata Will :ರತನ್ ಟಾಟಾ ಇಹಲೋಕ ತ್ಯಜಿಸಿ ಎಂಟು ತಿಂಗಳಾಗಿದೆ. ಆದರೆ ಅವರ ಕೊನೆ ಆಸೆ ಇನ್ನೂ ಕಾರ್ಯರೂಪಕ್ಕೆ ಬಂದಿಲ್ಲ.ಯಾಕೆಂದರೆ ಅವರ ಉಯಿಲಿಗೆ ಇಲ್ಲಿಯವರೆಗೆ ಎಲ್ಲರ ಒಪ್ಪಿಗೆ ಇರಲಿಲ್ಲ. ಅದರಲ್ಲಿಯೂ ಮೋಹಿನಿ ಮೋಹನ್ ದತ್ತಾ ಅವರಿಗೆ ಈ ಉಯಿಲಿನ ಬಗ್ಗೆ ಒಪ್ಪಿಗೆ ಇರಲಿಲ್ಲ. ಆದರೆ ಇದೀಗ ಅ ವರು ಕೂಡಾ ಇದಕ್ಕೆ ಒಪ್ಪಿಗೆ ಸೂಚಿಸಿದ್ದಾರೆ. ಈ ಮೂಲಕ ಅವರು 588 ಕೋಟಿ ರೂ. ಮೌಲ್ಯದ ಆಸ್ತಿಯ ಟಾಟಾ ಆಸ್ತಿಯ ಒಡೆಯರಾಗಿದ್ದಾರೆ.
ಮೋಹಿನಿ ಮೋಹನ್ ದತ್ತಾ ರತನ್ ಟಾಟಾ ಅವರ ಆಪ್ತ ಸ್ನೇಹಿತೆ ತಾಜ್ ಹೋಟೆಲ್ಸ್ ಗ್ರೂಪ್ನ ಮಾಜಿ ನಿರ್ದೇಶಕಿ. ದತ್ತ ಅವರ ಒಪ್ಪಿಗೆಯೊಂದಿಗೆ, ವಿಲ್ ಅನ್ನು ಕಾರ್ಯಗತಗೊಳಿಸುವ ಪ್ರಕ್ರಿಯೆಯನ್ನು ತ್ವರಿತಗೊಳಿಸಲಾಗಿದೆ. ರತನ್ ಟಾಟಾ ಅವರ ಉಯಿಲಿನಲ್ಲಿ ಡಜನ್ಗಟ್ಟಲೆ ಜನರ ಹೆಸರುಗಳನ್ನು ಉಲ್ಲೇಖಿಸಲಾಗಿತ್ತು. ಆದರೆ ಟಾಟಾ ಅವರ ವಿಲ್ನಲ್ಲಿ ಅವರ ಪಾಲನ್ನು ಪ್ರಶ್ನಿಸಿದವರೆಂದರೆ 77 ವರ್ಷದ ಮೋಹಿನಿ ಮಾತ್ರ.
ಒಂದು ರೂಪಾಯಿ ಆಸ್ತಿಯೂ ಸಿಗುವುದಿಲ್ಲ ಎನ್ನುವ ನಿಯಮ :
ಉಳಿದ ಆಸ್ತಿಗಳಲ್ಲಿ (ಷೇರುಗಳು ಮತ್ತು ರಿಯಲ್ ಎಸ್ಟೇಟ್ ಹೊರತುಪಡಿಸಿ) ಮೂರನೇ ಎರಡರಷ್ಟು ಭಾಗವು ಟಾಟಾ ಅವರ ಮಲಸಹೋದರಿಯರಾದ ಶಿರಿನ್ ಜೆಜೆಭಾಯ್ (72) ಮತ್ತು ಡಯಾನಾ ಜೆಜೆಭಾಯ್ (70) ಅವರಿಗೆ ಹೋಗುತ್ತದೆ. ಟಾಟಾ ಅವರ ವಿಲ್ ಬಗ್ಗೆ ದತ್ತಾ ಆರಂಭದಲ್ಲಿ ಕಾರ್ಯನಿರ್ವಾಹಕರೊಂದಿಗೆ ಭಿನ್ನಾಭಿಪ್ರಾಯ ವ್ಯಕ್ತಪಡಿಸಿದ್ದರು. ಆದರೆ ಉಯಿಲಿನಲ್ಲಿ ನೋ ಕಂಟೆಸ್ಟ್ ಎಂಬ ಷರತ್ತಿನಿಂದಾಗಿ ಅದನ್ನು ಪ್ರಶ್ನಿಸಲು ಸಾಧ್ಯವಾಗಲಿಲ್ಲ. ಈ ನಿಯಮದ ಪ್ರಕಾರ, ವಿಲ್ ಅನ್ನು ಪ್ರಶ್ನಿಸುವ ವ್ಯಕ್ತಿಯು ತನ್ನ ಎಲ್ಲಾ ಹಕ್ಕುಗಳನ್ನು ಕಳೆದುಕೊಳ್ಳುತ್ತಾನೆ.
ಮಾರ್ಚ್ 27 ರಂದು ಬಾಂಬೆ ಹೈಕೋರ್ಟ್ ಗೆ ಅರ್ಜಿ :
ಈ ಉಯಿಲನ್ನು ಕಾರ್ಯಗತಗೊಳಿಸಲು, ನಿರ್ವಾಹಕರ ಪರವಾಗಿ ಬಾಂಬೆ ಹೈಕೋರ್ಟ್ನಲ್ಲಿ ಅರ್ಜಿ ಸಲ್ಲಿಸಲಾಯಿತು. ಇತ್ತೀಚೆಗೆ, ನ್ಯಾಯಾಲಯವು ಅವರಿಗೆ ಸಾರ್ವಜನಿಕ ನೋಟಿಸ್ ಹೊರಡಿಸಲು ಮತ್ತು ಭಿನ್ನಾಭಿಪ್ರಾಯ ಹೊಂದಿರುವ ಕಾನೂನುಬದ್ಧ ಉತ್ತರಾಧಿಕಾರಿಗಳಿಂದ ಆಕ್ಷೇಪಣೆಗಳನ್ನು ಪಡೆಯಲು ನಿರ್ದೇಶಿಸಿತು. ಟಾಟಾ ಕುಟುಂಬದ ಹೊರಗೆ ಇಷ್ಟು ದೊಡ್ಡ ಪಾಲನ್ನು ಪಡೆದ ಏಕೈಕ ವ್ಯಕ್ತಿ ಮೋಹಿನಿ ಮೋಹನ್ ದತ್ತಾ. ವರದಿಯ ಪ್ರಕಾರ, ದತ್ತಾ ಅವರು ವಿಲ್ನಲ್ಲಿ ಉಲ್ಲೇಖಿಸಲಾಗಿದ್ದ ಗಣೇಶನ ವಿಗ್ರಹದಂತಹ ಬೆಲೆಬಾಳುವ ವಸ್ತುಗಳನ್ನು ನೋಡಲು ಬಯಸಿದ್ದರು. ಆದರೆ ಕೊಲಾಬಾದಲ್ಲಿರುವ ಟಾಟಾ ಅವರ ಹಲೆಕೈ ನಿವಾಸಕ್ಕೆ ಅವರಿಗೆ ಪ್ರವೇಶ ನೀಡಲಾಗಲಿಲ್ಲ.
ಯಾವುದೇ ರೀತಿಯ ಆಸ್ತಿ ತೆರಿಗೆ ಪಾವತಿಸುವ ಅಗತ್ಯವಿಲ್ಲ :
ಟಾಟಾ ಅವರ ಆಸ್ತಿ ಪ್ರಸ್ತುತ ಕಾರ್ಯನಿರ್ವಾಹಕರ ಮೇಲ್ವಿಚಾರಣೆಯಲ್ಲಿದೆ. ನ್ಯಾಯಾಲಯವು ವಿಲ್ ಅನ್ನು ಅನುಮೋದಿಸಿದ ನಂತರ, ದತ್ತ ಯಾವುದೇ ಆಸ್ತಿ ತೆರಿಗೆಯನ್ನು ಪಾವತಿಸಬೇಕಾಗಿಲ್ಲ. ಏಕೆಂದರೆ ಭಾರತದಲ್ಲಿ ವಿಲ್ ಮೂಲಕ ಪಡೆದ ಆಸ್ತಿ ತೆರಿಗೆ ಮುಕ್ತವಾಗಿರುತ್ತದೆ. ದತ್ತಾ ಮತ್ತು ಟಾಟಾ ನಡುವಿನ ಸಂಬಂಧವು 60 ವರ್ಷಗಳಿಗೂ ಹಳೆಯದು.
ದತ್ತ ತಮ್ಮ ವೃತ್ತಿಜೀವನವನ್ನು ತಾಜ್ ಹೋಟೆಲ್ ಮೂಲಕ ಪ್ರಾರಂಭಿಸಿದರು. 1986 ರಲ್ಲಿ, ಅವರು ಟಾಟಾ ಇಂಡಸ್ಟ್ರೀಸ್ ಸಹಾಯದಿಂದ ಸ್ಟಾಲಿಯನ್ ಟ್ರಾವೆಲ್ ಸರ್ವೀಸಸ್ ಅನ್ನು ಪ್ರಾರಂಭಿಸಿದರು. ಆ ಸಮಯದಲ್ಲಿ, ಟಾಟಾ ಕಂಪನಿಗಳು ಸ್ಟಾಲಿಯನ್ ಮೂಲಕ ಪ್ರಯಾಣ ವ್ಯವಸ್ಥೆಗಳನ್ನು ಮಾಡುವಂತೆ ಸೂಚಿಸಲಾಯಿತು. 2006 ರಲ್ಲಿ, ಸ್ಟಾಲಿಯನ್ ಅನ್ನು ತಾಜ್ನ ಅಂಗಸಂಸ್ಥೆಯೊಂದಿಗೆ ವಿಲೀನಗೊಳಿಸಲಾಯಿತು. ದತ್ತಾ ಹೊಸ ಕಂಪನಿಯಾದ ಇಂಡಿಟ್ರಾವೆಲ್ನ ನಿರ್ದೇಶಕರಾದರು. 2015 ರಲ್ಲಿ, ಈ ವ್ಯವಹಾರವನ್ನು ಟಾಟಾ ಕ್ಯಾಪಿಟಲ್ಗೆ ವರ್ಗಾಯಿಸಲಾಯಿತು ಮತ್ತು ನಂತರ 2017 ರಲ್ಲಿ ಇದನ್ನು ಥಾಮಸ್ ಕುಕ್ ಇಂಡಿಯಾಕ್ಕೆ ಮಾರಾಟ ಮಾಡಲಾಯಿತು. ದತ್ತಾ ಅವರು ಥಾಮಸ್ ಕುಕ್ನಲ್ಲಿ 2019 ರವರೆಗೆ ನಿರ್ದೇಶಕರಾಗಿದ್ದರು. ಈಗ ದತ್ತಾ ಒಪ್ಪಿಗೆ ನೀಡಿದ ನಂತರ, ವಿಲ್ ಅನ್ನು ಕಾರ್ಯಗತಗೊಳಿಸುವ ಪ್ರಕ್ರಿಯೆಯನ್ನು ಮುಂದುವರಿಸಲಾಗುವುದು.
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
ನಿಮ್ಮ ಜೀ ಕನ್ನಡ ನ್ಯೂಸ್ ಈಗ: Zee5ನಲ್ಲೂ ಜೀ ಕನ್ನಡ ನ್ಯೂಸ್ ಲಭ್ಯ
Sun Direct-292
TATA PLAY- 1664
JIO TV-1334
NXT Digital-30
IN-CABLE-30
U-Digital-162
GTPL-17
Rockline Telecommunications ಬೆಂಗಳೂರು-42
V4 Digital Infotech ಮಂಗಳೂರು-628
Malanad infotech Pvt Ltd-56
Metrocast ಬೆಂಗಳೂರು, ಬೆಳಗಾವಿ-830 ಲಭ್ಯ
