SBI MFನ ಹೊಸ ಸ್ಕೀಮ್ ಆರಂಭ !SIP ಮೂಲಕವೂ ಮಾಡಬಹುದು ಹೂಡಿಕೆ !

SBI Mutual Fund NFO : ಅಸೆಟ್ ಮ್ಯಾನೇಜ್‌ಮೆಂಟ್ ಕಂಪನಿ ಎಸ್‌ಬಿಐ ಮ್ಯೂಚುಯಲ್ ಫಂಡ್ ಈಕ್ವಿಟಿ ವಿಭಾಗದಲ್ಲಿ ಹೊಸ ವಿಷಯಾಧಾರಿತ ನಿಧಿಯನ್ನು ಪ್ರಾರಂಭಿಸಿದೆ. SBI MF ನ ಹೊಸ ಯೋಜನೆ SBI Energy Opportunities Fund ಚಂದಾದಾರಿಕೆಯನ್ನು 6 ಫೆಬ್ರವರಿ 2024 ರಿಂದ ತೆರೆಯಲಾಗಿದೆ. ಈ ಯೋಜನೆಯು ಫೆಬ್ರವರಿ 20 ರಂದು ಮುಕ್ತಾಯಗೊಳ್ಳುತ್ತದೆ. ಇದು ಮುಕ್ತ ಯೋಜನೆಯಾಗಿದೆ.ಇದರಲ್ಲಿ, ಹೂಡಿಕೆದಾರರು ಯಾವಾಗ ಬೇಕಾದರೂ ಹೂಡಿಕೆ ನಿಲ್ಲಿಸಬಹುದು. ದೀರ್ಘಕಾಲೀನ ಬಂಡವಾಳ ಹೂಡಿಕೆಗೆ ಉತ್ತಮ ಆಯ್ಕೆಯಾಗಿದೆ ಎಂದು ಹೇಳಲಾಗಿದೆ.  

SBI MF NFO: 5000  ರೂ.ದಿಂದ ಹೂಡಿಕೆ ಪ್ರಾರಂಭಿಸಬಹುದು :
ಎಸ್‌ಬಿಐ ಎನರ್ಜಿ ಆಪರ್ಚುನಿಟೀಸ್ ಫಂಡ್‌ನಲ್ಲಿ (SBI Energy Opportunities Fund)ಕನಿಷ್ಠ  5,000 ರೂ. ಮತ್ತು ನಂತರ ರೂ 1 ರ ಗುಣಕಗಳಲ್ಲಿ ಹೂಡಿಕೆ ಮಾಡಬಹುದು ಎಂದು  ಅಸೆಟ್ ಮ್ಯಾನೇಜ್ಮೆಂಟ್ ಕಂಪನಿ ಎಸ್‌ಬಿಐ ಮ್ಯೂಚುಯಲ್ ಫಂಡ್ ಹೇಳುತ್ತದೆ. ಇದರಲ್ಲಿ ಹೂಡಿಕೆದಾರರಿಗೆ SIP ಆಯ್ಕೆಯೂ ಇದೆ. ದೈನಂದಿನ, ಮಾಸಿಕ, ತ್ರೈಮಾಸಿಕ, ಅರ್ಧ ವಾರ್ಷಿಕ, ವಾರ್ಷಿಕವಾಗಿ SIP  ಮಾಡಬಹುದು. ಕನಿಷ್ಠ 500 ರೂಪಾಯಿಗಳ SIP ಹೂಡಿಕೆಯ ಆಯ್ಕೆ ಇದೆ.  NFO ಸಮಯದಲ್ಲಿ ಡೈಲಿ SIP ನಲ್ಲಿ ಕನಿಷ್ಠ 12 ಕಂತುಗಳನ್ನು ಹೂಡಿಕೆ ಮಾಡಬೇಕಾಗುತ್ತದೆ. ಇದರ ಮಾನದಂಡ ಸೂಚ್ಯಂಕ NIFTY ಎನರ್ಜಿ TRI ಆಗಿದೆ. ಈ ಯೋಜನೆಯಲ್ಲಿ, ಒಂದು ವರ್ಷದ ಮೊದಲ ರಿಡೆಂಪ್ಶನ್ ಮೇಲೆ 1 ಪ್ರತಿಶತ  ಎಕ್ಸಿಟ್ ಲೋಡ್ ಅನ್ನು ಪಾವತಿಸಬೇಕಾಗುತ್ತದೆ. 

ಇದನ್ನೂ ಓದಿ : Bharat Rice:ಇಂದಿನಿಂದ ಕೇವಲ 29 ರೂಪಾಯಿಗೆ ಅಕ್ಕಿ !ಕೇಂದ್ರ ಸರ್ಕಾರದ ಮಹತ್ವದ ಭಾರತ್ ರೈಸ್ ಯೋಜನೆಗೆ ಚಾಲನೆ

SBI MF NFO: ಯಾರು ಹೂಡಿಕೆ ಮಾಡಬಹುದು :
ಯೋಜನೆಯಲ್ಲಿ ದೀರ್ಘಾವಧಿಯ ಬಂಡವಾಳಕ್ಕೆ ಸಹಾಯಕವಾಗಬಹುದು ಎಂದು ಅಸೆಟ್ ಮ್ಯಾನೇಜ್ಮೆಂಟ್ ಕಂಪನಿ  ಹೇಳುತ್ತದೆ. ದೀರ್ಘಾವಧಿಯ ದೃಷ್ಟಿಕೋನ ಹೊಂದಿರುವ ಹೂಡಿಕೆದಾರರಿಗೆ ಇದು ಉತ್ತಮ ಆಯ್ಕೆಯಾಗಿದೆ. ಈ ಯೋಜನೆಯಲ್ಲಿ, ಹೂಡಿಕೆದಾರರು ಇಂಧನ, ಹೊಸ ಇಂಧನ ವಲಯ ಮತ್ತು ಈ ವ್ಯವಹಾರಕ್ಕೆ ಸಂಬಂಧಿಸಿದ ಚಟುವಟಿಕೆಗಳಲ್ಲಿ ತೊಡಗಿರುವ ಕಂಪನಿಗಳ ಷೇರುಗಳು ಮತ್ತು ಷೇರುಗಳಿಗೆ ಸಂಬಂಧಿಸಿದ ಸಾಧನಗಳಲ್ಲಿ ಹೂಡಿಕೆ ಮಾಡಲು ಅವಕಾಶವನ್ನು ಪಡೆಯುತ್ತಾರೆ. ಆದರೆ ಈ ಯೋಜನೆಯಲ್ಲಿ ಹೂಡಿಕೆಯ ಮೇಲೆ ಯಾವುದೇ ರೀತಿಯ ಗ್ಯಾರಂಟಿ ಇರುವುದಿಲ್ಲ ಎನ್ನುವುದನ್ನು ಕೂಡಾ ಇಲ್ಲಿ ನೆನಪಿನಲ್ಲಿ ಇಟ್ಟುಕೊಳ್ಳಬೇಕು.  

ಇದನ್ನೂ ಓದಿ : PPF: ಮಕ್ಕಳಿಗೆ ಯಾವ ವಯಸ್ಸಿನಲ್ಲಿ ಪಿ‌ಪಿ‌ಎಫ್ ಖಾತೆ ತೆರೆಯಬಹುದು? ಮಕ್ಕಳ ಖಾತೆಯಲ್ಲಿ ಪೋಷಕರಿಗೆ ಸಿಗುತ್ತಾ ಟಾಕ್ಸ್ ಪ್ರಯೋಜನ?