ರೆಪೊ ದರ ಮಾತ್ರವಲ್ಲ, ಯುಪಿಐ ಪಾವತಿ ಮಿತಿಯಲ್ಲಿಯೂ ಬದಲಾವಣೆ !ಸಾರ್ವಜನಿಕರ ಅನುಕೂಲಕ್ಕಾಗಿ ಬಹು ದೊಡ್ಡ ನಿರ್ಧಾರ ಪ್ರಕಟಿಸಿದ ಆರ್‌ಬಿಐ!

ಭಾರತೀಯ ರಿಸರ್ವ್ ಬ್ಯಾಂಕ್ ರೆಪೊ ದರವನ್ನು 25 ಮೂಲ ಅಂಕಗಳಷ್ಟು ಕಡಿಮೆ ಮಾಡುವ ಮೂಲಕ ಜನರಿಗೆ ದೊಡ್ಡ ಪರಿಹಾರ ನೀಡಿದೆ. ವಿಶೇಷವಾಗಿ ಗೃಹ ಸಾಲ, ಕಾರು ಸಾಲ ಅಥವಾ ಯಾವುದೇ ಬ್ಯಾಂಕ್ ಸಾಲ ಹೊಂದಿರುವವರು ನಿಟ್ಟುಸಿರು ಬಿಡುವಂತಾಗಿದೆ. ರಿಸರ್ವ್ ಬ್ಯಾಂಕ್ ಬಡ್ಡಿದರಗಳನ್ನು ಕಡಿಮೆ ಮಾಡುವ ಮೂಲಕ ಸಾಲಗಾರರಿಗೆ ಪರಿಹಾರ ನೀಡಿದೆ. ಆದರೆ ಯುಪಿಐ ಪಾವತಿಗಳ ವಹಿವಾಟು ಮಿತಿಯನ್ನು ಹೆಚ್ಚಿಸುವ ಹಕ್ಕನ್ನು ಎನ್‌ಪಿಸಿಐಗೆ ನೀಡಿದೆ. ಈ  ಬಗ್ಗೆ MPC ಸಭೆಯ ನಿರ್ಧಾರಗಳನ್ನು ರಿಸರ್ವ್ ಬ್ಯಾಂಕ್ ಗವರ್ನರ್ ಸಂಜಯ್ ಮಲ್ಹೋತ್ರಾ ಪ್ರಕಟಿಸಿದ್ದಾರೆ.  ಆರ್ಥಿಕ ಅಗತ್ಯಗಳ ಆಧಾರದ ಮೇಲೆ ವ್ಯಕ್ತಿಯಿಂದ ವ್ಯಾಪಾರಿಗೆ ನಡೆಯುವ ವಹಿವಾಟುಗಳಲ್ಲಿ UPI ಪಾವತಿಗಳ ವಹಿವಾಟು ಮಿತಿಯನ್ನು ಬದಲಾಯಿಸಲು RBI ಭಾರತೀಯ ರಾಷ್ಟ್ರೀಯ ಪಾವತಿ ನಿಗಮಕ್ಕೆ ಅವಕಾಶ ನೀಡಿದೆ. ಅಂದರೆ ಅಗತ್ಯಕ್ಕೆ ಅನುಗುಣವಾಗಿ ಈ ವಹಿವಾಟು ಮಿತಿಯನ್ನು ಹೆಚ್ಚಿಸಬಹುದು.   

NPCI ಗೆ ನೀಡಲಾದ ಅಧಿಕಾರ : 
ವ್ಯಕ್ತಿಯಿಂದ ವ್ಯಾಪಾರಿಗೆ ಮತ್ತು ವ್ಯಾಪಾರಿಯಿಂದ ವ್ಯಾಪಾರಿಗೆ ಪಾವತಿಗಳ ಮಿತಿಯನ್ನು ನಿರ್ಧರಿಸುವ ಹಕ್ಕನ್ನು ಈಗ NPCI ಗೆ ನೀಡಲಾಗುವುದು ಎಂದು  ಗವರ್ನರ್ ಸಂಜಯ್ ಮಲ್ಹೋತ್ರಾ ಹೇಳಿದರು. ಪ್ರಸ್ತುತ ಈ ಮಿತಿ 2 ಲಕ್ಷ ರೂ.ಗಳಾಗಿದ್ದು, ಭವಿಷ್ಯದಲ್ಲಿ ಇದು ಬದಲಾಗಬಹುದು. ಆದರೆ,  ಆರ್‌ಬಿಐ ವ್ಯಕ್ತಿಯಿಂದ ವ್ಯಕ್ತಿಗೆ ಯುಪಿಐ ವಹಿವಾಟುಗಳ ಮಿತಿಯನ್ನು ಕೇವಲ 1 ಲಕ್ಷ ರೂ.ಗೆ ಮಾತ್ರ ಇರಿಸಿದೆ. ಇದರಲ್ಲಿ ಯಾವುದೇ ಬದಲಾವಣೆಗಳನ್ನು ಮಾಡಲಾಗಿಲ್ಲ.   

ಇದನ್ನೂ ಓದಿ : ಎಲ್ಲರಂಥಲ್ಲ ಆನಂದ್ ಮಹೀಂದ್ರ !313030000000 ಕೋಟಿ ಸಂಪತ್ತಿನ ಒಡೆಯನಾಗಿದ್ದರೂ ಅವರು ನೆಲೆಸಿರುವುದು ಹಳೆಯದಾದ ಈ ಮನೆಯಲ್ಲಿಯೇ !

UPI ವಹಿವಾಟುಗಳಲ್ಲಿ ನಿರೀಕ್ಷಿತ ಬದಲಾವಣೆಗಳು  : 
ಡಿಜಿಟಲ್ ಪಾವತಿಗಳನ್ನು ಉತ್ತೇಜಿಸಲು, UPI ಮೂಲಕ ವ್ಯಕ್ತಿಯಿಂದ ವ್ಯಾಪಾರಿಗೆ ವಹಿವಾಟಿನ ಮಿತಿಯನ್ನು ನಿಗದಿಪಡಿಸುವ ಅಧಿಕಾರವನ್ನು NPCI ಗೆ ನೀಡಲಾಗಿದೆ. ಪ್ರಸ್ತುತ, ವ್ಯಕ್ತಿಯಿಂದ ವ್ಯಕ್ತಿಗೆ ಮತ್ತು ವ್ಯಕ್ತಿಯಿಂದ ವ್ಯಾಪಾರಿಗೆ ಪಾವತಿಗಳ ಮಿತಿಯನ್ನು 1 ಲಕ್ಷ ರೂ.ಗೆ ನಿಗದಿಪಡಿಸಲಾಗಿದೆ. ಆದರೆ ಕೆಲವು ವಿಶೇಷ ಸಂದರ್ಭಗಳಲ್ಲಿ, ವ್ಯಕ್ತಿಯಿಂದ ವ್ಯಾಪಾರಿಗೆ ಈ ಮಿತಿ 2 ಲಕ್ಷ ರೂ. ಮತ್ತು 5 ಲಕ್ಷ ರೂ.ಗಲವರೆಗೆ ಬದಲಾಗಬಹುದು. ಈಗ NPCI ತನ್ನ ಮಿತಿಯನ್ನು ನಿರ್ಧರಿಸುವ ಹಕ್ಕನ್ನು ಪಡೆದುಕೊಂಡಿದೆ.  

ಹೆಚ್ಚಿನ ಮಿತಿಗೆ ಸಂಬಂಧಿಸಿದ ಅಪಾಯಗಳನ್ನು ಕಡಿಮೆ ಮಾಡಲು ಸೂಕ್ತ ಭದ್ರತಾ ಕ್ರಮಗಳನ್ನು ತೆಗೆದುಕೊಳ್ಳಲಾಗುವುದು. NPCI ಘೋಷಿಸಿದ ಮಿತಿಗಳೊಳಗೆ ತಮ್ಮದೇ ಆದ ಆಂತರಿಕ ಮಿತಿಗಳನ್ನು ನಿಗದಿಪಡಿಸುವ ಹಕ್ಕನ್ನು ಬ್ಯಾಂಕುಗಳು ಮುಂದುವರಿಸುತ್ತವೆ. UPI ನಲ್ಲಿ P2P ವಹಿವಾಟುಗಳ ಮಿತಿ ಮೊದಲಿನಂತೆಯೇ 1 ಲಕ್ಷ ರೂ.ಗಳಲ್ಲಿ ಮುಂದುವರಿಯುತ್ತದೆ ಎಂದು ಕೇಂದ್ರ ಬ್ಯಾಂಕ್ ತಿಳಿಸಿದೆ. ಹಣಕಾಸು ನೀತಿಯನ್ನು ಘೋಷಿಸುವಾಗ, ಆರ್‌ಬಿಐ ಮುಖ್ಯಸ್ಥರು ಪಾವತಿ ವ್ಯವಸ್ಥೆ ನಿರ್ವಾಹಕರು ಬ್ಯಾಂಕುಗಳು ಮತ್ತು ಇತರ ಪಾಲುದಾರರೊಂದಿಗೆ ಮಾತನಾಡಿದ ನಂತರವೇ ನಿರ್ಧಾರ ತೆಗೆದುಕೊಳ್ಳಲಾಗುತ್ತದೆ. 

ಇದನ್ನೂ ಓದಿ :  ಬಂಗಾರ ಪ್ರಿಯರಿಗೆ ಶಾಕ್..! ಮತ್ತೆ ಏರಿಕೆಯಾದ ಚಿನ್ನದ ಬೆಲೆ..!

ದಾಖಲೆ ನಿರ್ಮಿಸಿದ UPI ಪಾವತಿ  :   
ಮಾರ್ಚ್‌ನಲ್ಲಿ ಯುಪಿಐ ವಹಿವಾಟುಗಳು ತಿಂಗಳಿನಿಂದ ತಿಂಗಳಿಗೆ ಶೇ. 13.59 ರಷ್ಟು ಹೆಚ್ಚಾಗಿ 18.3 ಬಿಲಿಯನ್‌ಗೆ ತಲುಪಿದೆ. ಫೆಬ್ರವರಿಯಲ್ಲಿ ಈ ಸಂಖ್ಯೆ 16.11 ಬಿಲಿಯನ್ ರೂ.ಗಳಷ್ಟಿತ್ತು. NPCI ದತ್ತಾಂಶದ ಪ್ರಕಾರ, ಮಾರ್ಚ್‌ನಲ್ಲಿ UPI ಮೂಲಕ 24.77 ಲಕ್ಷ ಕೋಟಿ ರೂ.ಗಳ ವಹಿವಾಟು ನಡೆದಿದೆ.ಇದು ಫೆಬ್ರವರಿಯಲ್ಲಿ ನಡೆದ 21.96 ಲಕ್ಷ ಕೋಟಿ ರೂ.ಗಳ ವಹಿವಾಟಿಗಿಂತ ಶೇ. 12.79 ರಷ್ಟು ಹೆಚ್ಚಾಗಿದೆ.  

ಯುಪಿಐ ನೆಟ್‌ವರ್ಕ್ ಮೂಲಕ ಪ್ರತಿದಿನ ಸರಾಸರಿ 590 ಮಿಲಿಯನ್‌ಗಿಂತಲೂ ಹೆಚ್ಚು ವಹಿವಾಟುಗಳು ನಡೆಯುತ್ತಿವೆ. ಅವುಗಳ ಮೌಲ್ಯ ಸುಮಾರು 79,910 ಕೋಟಿ ರೂ. ಮತ್ತೊಂದು ವರದಿಯ ಪ್ರಕಾರ, 2024 ರ ದ್ವಿತೀಯಾರ್ಧದಲ್ಲಿ UPI ವಹಿವಾಟುಗಳು ವರ್ಷದಿಂದ ವರ್ಷಕ್ಕೆ ಶೇ 42 ರಷ್ಟು ಬೆಳವಣಿಗೆಯನ್ನು ದಾಖಲಿಸಿದ್ದು, ಒಟ್ಟು 93.23 ಬಿಲಿಯನ್ ವಹಿವಾಟುಗಳನ್ನು ತಲುಪಿದೆ.

ಇತ್ತೀಚಿನ ಅಪ್ಡೇಟ್ ಸುದ್ದಿಗಳನ್ನು ವೀಕ್ಷಿಸಲು ನಮ್ಮ Youtube Link - https://www.youtube.com/@ZeeKannadaNews/featured ಸಬ್ ಸ್ಕ್ರೈಬ್ಆಗಿರಿ. 

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 
Twitter Link - https://bit.ly/3n6d2R8
Facebook Link - https://bit.ly/3Hhqmcj 
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link -  https://bit.ly/3LyfY2l 
Sharechat Link - https://bit.ly/3LCjokI 
Threads Link-  https://www.threads.net/@zeekannadanews 
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.

ನಿಮ್ಮ ಜೀ ಕನ್ನಡ ನ್ಯೂಸ್‌ ಈಗ: Zee5ನಲ್ಲೂ ಜೀ ಕನ್ನಡ ನ್ಯೂಸ್‌ ಲಭ್ಯ 
Sun Direct-292 
TATA PLAY- 1664 
JIO TV-1334 
NXT Digital-30 
IN-CABLE-30 
U-Digital-162 
GTPL-17 
Rockline Telecommunications ಬೆಂಗಳೂರು-42
 V4 Digital Infotech ಮಂಗಳೂರು-628
Malanad infotech Pvt Ltd-56 
Metrocast ಬೆಂಗಳೂರು, ಬೆಳಗಾವಿ-830 ಲಭ್ಯ.