ಮತ್ತೆ 8% ಏರಿಕೆ ಕಂಡ ರಿಲಯನ್ಸ್ ಪವರ್; ಒಂದೇ ತಿಂಗಳಲ್ಲಿ ಅನಿಲ್‌ ಅಂಬಾನಿ ಷೇರು 54%ರಷ್ಟು ಏರಿಕೆ!

Reliance Power stock price: ಅನಿಲ್ ಅಂಬಾನಿಯವರ ವಿದ್ಯುತ್ ಕಂಪನಿ- ರಿಲಯನ್ಸ್ ಪವರ್‌ನ ಷೇರುಗಳಲ್ಲಿ ತ್ವರಿತ ಏರಿಕೆಯ ಪ್ರವೃತ್ತಿ ಮುಂದುವರೆದಿದೆ. ಸೋಮವಾರ ಷೇರು ಮಾರುಕಟ್ಟೆಯ ಕುಸಿತದ ಹೊರತಾಗಿಯೂ, ರಿಲಯನ್ಸ್ ಪವರ್ ಷೇರುಗಳು ಭರ್ಜರಿ ಏರಿಕೆ ಕಂಡಿದ್ದು, ಹೂಡಿಕೆದಾರರ ಜೇಬು ತುಂಬಿಸಿದೆ. ಇಂದು ಮಧ್ಯಾಹ್ನ 3 ಗಂಟೆ ಹೊತ್ತಿಗೆ ಕಂಪನಿಯ ಷೇರು ಬಿಎಸ್‌ಇಯಲ್ಲಿ 62.36 ರೂ.ಗೆ ವಹಿವಾಟು ನಡೆಸುತ್ತಿದ್ದು, 4.26 ರೂಪಾಯಿ (7.33%) ಏರಿಕೆಯಾಗಿದೆ. ಇಂದಿನ ವಹಿವಾಟಿನ ಸಮಯದಲ್ಲಿ ಕಂಪನಿಯ ಷೇರು ಶೇಕಡಾ 8 ರಷ್ಟು ಭಾರೀ ಏರಿಕೆಯಾಗಿ ದಿನದ ವಹಿವಾಟಿನ ಗರಿಷ್ಠ 62.80 ರೂ.ಗಳಿಗೆ ತಲುಪಿದ್ದು, ಇದು ಅದರ ಹೊಸ 52 ವಾರಗಳ ಗರಿಷ್ಠ ಮಟ್ಟವಾಗಿದೆ. ಸೋಮವಾರ ರಿಲಯನ್ಸ್ ಪವರ್ ಷೇರು ದಿನದ ಕನಿಷ್ಠ ಮಟ್ಟ ₹58.51ಕ್ಕೆ ತಲುಪಿತ್ತು.

ಇದನ್ನೂ ಓದಿ: ಚಿನ್ನದ ದರದಲ್ಲಿ ಭಾರೀ ಕುಸಿತ..! 10 ಗ್ರಾಂ ಚಿನ್ನಕ್ಕೆ ಇಂದಿನ ಬೆಲೆ ಎಷ್ಟು ಗೊತ್ತೇ?

ಕಳೆದೊಂದು ತಿಂಗಳಲ್ಲಿ ಷೇರು ಬೆಲೆ ಎಷ್ಟು ಏರಿಕೆ?

ಕಳೆದ ಶುಕ್ರವಾರ ರಿಲಯನ್ಸ್ ಪವರ್ ಷೇರು ಸುಮಾರು ಶೇ.16ರಷ್ಟು ಭಾರೀ ಏರಿಕೆ ಕಂಡಿತ್ತು. ನಂತರ ಷೇರು ಹೊಸ 52 ವಾರಗಳ ಗರಿಷ್ಠ ಮಟ್ಟವನ್ನು ತಲುಪಿ 60.5 ರೂ.ಗೆ ಮುಕ್ತಾಯವಾಯಿತು. ಅಂದು 52 ವಾರಗಳ ಕನಿಷ್ಠ ಬೆಲೆ 23.26 ರೂಪಾಯಿ ಇತ್ತು. ಬಿಎಸ್‌ಇ ದತ್ತಾಂಶದ ಪ್ರಕಾರ, ರಿಲಯನ್ಸ್ ಪವರ್ ಷೇರು ಕಳೆದ 1 ವಾರದಲ್ಲಿ ಶೇ.22.17, 2 ವಾರಗಳಲ್ಲಿ ಶೇ.35.65 ಮತ್ತು ಕಳೆದ 1 ತಿಂಗಳಲ್ಲಿ ಶೇ.54.23ರಷ್ಟು ಏರಿಕೆ ಕಂಡಿದೆ. ಕಳೆದ 5 ವರ್ಷಗಳ ಬಗ್ಗೆ ಹೇಳುವುದಾದರೆ, ಇದರಲ್ಲಿ ಶೇ.2821.70ರಷ್ಟು ಹೆಚ್ಚಳವಾಗಿದೆ.

ಇದನ್ನೂ ಓದಿ: ದೆಹಲಿ ಬಳಿ ದೇಶದ ಅತಿದೊಡ್ಡ ಹಸಿರು ಹೈಡ್ರೋಜನ್ ಸ್ಥಾವರ ನಿರ್ಮಾಣ; 10 ಸಾವಿರ ಟನ್ ಉತ್ಪಾದನೆ ಗುರಿ!!

ರಿಲಯನ್ಸ್ ಪವರ್ ಷೇರಿನ ಏರಿಕೆಗೆ ಕಾರಣವೇನು?

ರಿಲಯನ್ಸ್ ಪವರ್ ಷೇರು ಭರ್ಜರಿ ಏರಿಕೆಯ ಹಿಂದೆ ಕಂಪನಿಯು ಮಾಡಿರುವ ಮಹತ್ವದ ಘೋಷಣೆಯಿದೆ. ವಾಸ್ತವವಾಗಿ ಅನಿಲ್ ಅಂಬಾನಿ ಅವರ ಕಂಪನಿಯು ಮೇ 28ರಂದು ತನ್ನ ಅಂಗಸಂಸ್ಥೆ ರಿಲಯನ್ಸ್ NU ಎನರ್ಜೀಸ್ 350 MW ಅಂತರ-ರಾಜ್ಯ ಪ್ರಸರಣ ವ್ಯವಸ್ಥೆ (ISTS) ಸಂಪರ್ಕಿತ ಸೌರಶಕ್ತಿ ಯೋಜನೆ ಮತ್ತು 175 MW/700 MWh ಬ್ಯಾಟರಿ ಶಕ್ತಿ ಸಂಗ್ರಹ ವ್ಯವಸ್ಥೆಗಾಗಿ ಸಾರ್ವಜನಿಕ ವಲಯದ ನವರತ್ನ ಕಂಪನಿ SJVNನಿಂದ ಪ್ರಶಸ್ತಿ ಪತ್ರ (LOA) ಪಡೆದಿದೆ ಎಂದು ಘೋಷಿಸಿತ್ತು. ಇದು ಹೂಡಿಕೆದಾರರಲ್ಲಿ ಹೊಸ ಉತ್ಸಾಹ ಮೂಡಿಸುಂತೆ ಮಾಡಿದೆ. ಹೀಗಾಗಿ ಈ ಷೇರು ಖರೀದಿ ಭರಾಟೆ ಜೋರಾಗಿದ್ದು, ಹೂಡಿಕೆದಾರರಿಗೆ ಇದರ ಲಾಭವಾಗಿದೆ.

(ಗಮನಿಸಿರಿ: ಈ ಲೇಖನವನ್ನು ಮಾಹಿತಿ ಉದ್ದೇಶಗಳಿಗಾಗಿ ಮಾತ್ರ ಬರೆಯಲಾಗಿದೆ. ಯಾವುದೇ ಹೂಡಿಕೆ ಮಾಡುವ ಮೊದಲು ಅಥವಾ ಯಾವುದೇ ಹಣಕಾಸಿನ ಅಪಾಯವನ್ನು ತೆಗೆದುಕೊಳ್ಳುವ ಮೊದಲು, ದಯವಿಟ್ಟು ನಿಮ್ಮ ಹಣಕಾಸು ಸಲಹೆಗಾರರನ್ನು ಸಂಪರ್ಕಿಸಿ. ಯಾವುದೇ ರೀತಿಯ ಅಪಾಯಕ್ಕೆ Zee Kannada News ಜವಾಬ್ದಾರನಾಗಿರುವುದಿಲ್ಲ.)

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 
Twitter Link - https://bit.ly/3n6d2R8
Facebook Link - https://bit.ly/3Hhqmcj 
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link -  https://bit.ly/3LyfY2l 
Sharechat Link - https://bit.ly/3LCjokI 
Threads Link-  https://www.threads.net/@zeekannadanews 
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.

ನಿಮ್ಮ ಜೀ ಕನ್ನಡ ನ್ಯೂಸ್‌ ಈಗ: Zee5ನಲ್ಲೂ ಜೀ ಕನ್ನಡ ನ್ಯೂಸ್‌ ಲಭ್ಯ 
Sun Direct-292 
TATA PLAY- 1664 
JIO TV-1334 
NXT Digital-30 
IN-CABLE-30 
U-Digital-162 
GTPL-17 
Rockline Telecommunications ಬೆಂಗಳೂರು-42
 V4 Digital Infotech ಮಂಗಳೂರು-628
Malanad infotech Pvt Ltd-56 
Metrocast ಬೆಂಗಳೂರು, ಬೆಳಗಾವಿ-830 ಲಭ್ಯ