'ಟ್ರಂಪ್' ಸುಂಕದಿಂದ ಅಮೆರಿಕ ಮಾರುಕಟ್ಟೆ ಕುಸಿತ!! ಸೋಮವಾರ ಭಾರತೀಯ ಷೇರು ಮಾರುಕಟ್ಟೆಯಲ್ಲಿ ಏನಾಗಲಿದೆ?

Stock Market Updates: ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ʼಸುಂಕ ಸಮರʼದ ಮೊದಲ ಬಲಿಪಶು ಅಮೆರಿಕನ್ ಮಾರುಕಟ್ಟೆಯಾಗಿದೆ. ಶುಕ್ರವಾರ S & P 500 ಶೇ.6ರಷ್ಟು ಭಾರೀ ಕುಸಿತ ಕಂಡಿತು. ಅದೇ ರೀತಿ Dow Jones 2,231 ಪಾಯಿಂಟ್‌ಗಳ ಕುಸಿತ ಕಂಡರೆ, ನಾಸ್ಡಾಕ್ -948.58 ಪಾಯಿಂಟ್‌ಗಳ ಕುಸಿತ ಕಂಡು 15,602.03ಕ್ಕೆ ಮುಕ್ತಾಯವಾಯಿತು. ಕೋವಿಡ್ -19 ಸಾಂಕ್ರಾಮಿಕ ರೋಗದ ನಂತರ US ಷೇರು ಮಾರುಕಟ್ಟೆಯಲ್ಲಿ ಇದು ಅತಿದೊಡ್ಡ ಕುಸಿತವಾಗಿದೆ. ಈಗ ಎಲ್ಲರ ಕಣ್ಣುಗಳು ಭಾರತೀಯ ಮಾರುಕಟ್ಟೆಯ ಮೇಲೆ ನೆಟ್ಟಿವೆ. ಸೋಮವಾರ ಭಾರತೀಯ ಮಾರುಕಟ್ಟೆ ಓಪನ್‌ ಆದಾಗ ಇದೇ ರೀತಿಯ ಕುಸಿತ ಕಂಡುಬರುತ್ತದೆಯೇ ಅಥವಾ ಚಿತ್ರಣವು ವಿಭಿನ್ನವಾಗಿರುತ್ತದೆಯೇ? ಎಂಬುದರ ಬಗ್ಗೆ ತೀವ್ರ ಕುತೂಹಲ ಮೂಡಿದೆ.

Add Zee News as a Preferred Source

ಈ ವಾರ ಸ್ಥಳೀಯ ಷೇರು ಮಾರುಕಟ್ಟೆಗಳು ವಿವಿಧ ಬೆಳವಣಿಗೆಗಳ ನಡುವೆ ಸಾಕಷ್ಟು ಏರಿಳಿತಗಳಿಗೆ ಸಾಕ್ಷಿಯಾಗಬಹುದು ಎಂದು ಷೇರು ಮಾರುಕಟ್ಟೆ ತಜ್ಞರು ಹೇಳಿದ್ದಾರೆ. ಒಂದೆಡೆ ಹೂಡಿಕೆದಾರರು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ವಿಧಿಸಿರುವ ಸುಂಕಗಳು ಜಾಗತಿಕ ವ್ಯಾಪಾರ ಮತ್ತು ಹಣದುಬ್ಬರದ ಮೇಲೆ ಬೀರುವ ವ್ಯಾಪಕ ಪರಿಣಾಮದ ಬಗ್ಗೆ ಚರ್ಚಿಸುತ್ತಿದ್ದರೆ, ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಹಣಕಾಸು ನೀತಿ ಸಮಿತಿಯು ಈ ವಾರ ಸಭೆ ಸೇರಲಿದೆ ಎಂದು ತಜ್ಞರು ಹೇಳುತ್ತಾರೆ. ಇದಲ್ಲದೆ ಅಮೆರಿಕದಿಂದ ಹಣದುಬ್ಬರದ ಅಂಕಿಅಂಶಗಳು ಬರುವ ನಿರೀಕ್ಷೆಯಿದೆ. ಈ ಎಲ್ಲಾ ಬೆಳವಣಿಗೆಗಳು ಮಾರುಕಟ್ಟೆಗೆ ದಿಕ್ಕು ತೋರಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತವೆ. ತಜ್ಞರ ಪ್ರಕಾರ, ಪೂರ್ಣ ಪ್ರಮಾಣದ ವ್ಯಾಪಾರ ಯುದ್ಧವು ಜಾಗತಿಕ ವ್ಯಾಪಾರ ಮತ್ತು ಆರ್ಥಿಕ ಬೆಳವಣಿಗೆಯ ಮೇಲೆ ಪರಿಣಾಮ ಬೀರುತ್ತದೆ ಎಂದು ಹೂಡಿಕೆದಾರರು ಭಯಪಡುತ್ತಾರೆ.

ಮಾರುಕಟ್ಟೆಯಲ್ಲಿ ಏರಿಳಿತ!

ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಪ್ರಪಂಚದಾದ್ಯಂತ ವಿವಿಧ ದೇಶಗಳ ಮೇಲೆ ಸುಂಕಗಳನ್ನು ವಿಧಿಸಿರುವುದರಿಂದ, ವ್ಯಾಪಕ ವ್ಯಾಪಾರ ಯುದ್ಧ ಮತ್ತು ಜಾಗತಿಕ ಆರ್ಥಿಕ ಕುಸಿತದ ಭಯವನ್ನು ಹೆಚ್ಚಿಸಿರುವುದರಿಂದ ಈ ವಾರ ಜಾಗತಿಕ ಮತ್ತು ಭಾರತೀಯ ಮಾರುಕಟ್ಟೆಗಳಿಗೆ ಅಸ್ಥಿರವಾಗಲಿದೆ ಎಂದು ಮಾಸ್ಟರ್ ಟ್ರಸ್ಟ್ ಗ್ರೂಪ್‌ನ ನಿರ್ದೇಶಕ ಪುನೀತ್ ಸಿಂಘಾನಿಯಾ ಹೇಳಿದ್ದಾರೆ. "ಯುಎಸ್ ಹಣದುಬ್ಬರ ದತ್ತಾಂಶ ಮತ್ತು ಫೆಡರಲ್ ಓಪನ್ ಮಾರ್ಕೆಟ್ ಕಮಿಟಿ (‌FOMC) ಸಭೆಯ ವಿವರಗಳನ್ನು ಸಹ ವಾರದಲ್ಲಿ ಬಿಡುಗಡೆ ಮಾಡಲಾಗುವುದು" ಎಂದು ಸಿಂಘಾನಿಯಾ ಹೇಳಿದ್ದಾರೆ. ದುರ್ಬಲ ಜಾಗತಿಕ ಭಾವನೆ ಮತ್ತು ವ್ಯಾಪಾರ ಯುದ್ಧದ ಭಯದಿಂದ ಶುಕ್ರವಾರ ಸ್ಥಳೀಯ ಷೇರು ಮಾರುಕಟ್ಟೆ ತೀವ್ರ ಕುಸಿತ ಕಂಡಿತ್ತು. ದೇಶೀಯವಾಗಿ ಆರ್‌ಬಿಐನ ಹಣಕಾಸು ಪರಿಶೀಲನಾ ಸಭೆಯ ಫಲಿತಾಂಶಗಳು ಈ ವಾರ ಬರಲಿವೆ ಎಂದು ಅವರು ಹೇಳಿದ್ದಾರೆ. ಇದರ ಹೊರತಾಗಿ ಭಾರತದ ಕೈಗಾರಿಕಾ ಮತ್ತು ಉತ್ಪಾದನಾ ಅಂಕಿಅಂಶಗಳು ಸಹ ಬರುವ ನಿರೀಕ್ಷೆಯಿದೆ.

ಇದನ್ನೂ ಓದಿ: BSNL, Vi, ಏರ್‌ಟೆಲ್ ಅಥವಾ ಜಿಯೋ ನಲ್ಲಿರುವ ಬೆಸ್ಟ್ ಆಫರ್ ಗಳು ಯಾವವು?

ಮಾರುಕಟ್ಟೆಯಲ್ಲಿ ಮಾರಾಟದ ಪ್ರಾಬಲ್ಯ!

ಶುಕ್ರವಾರ ಅಮೆರಿಕದ ಷೇರು ಮಾರುಕಟ್ಟೆ ಸುಮಾರು ಆರು ಪ್ರತಿಶತದಷ್ಟು ಕುಸಿದಿದ್ದು, 2020ರ ನಂತರದ ಅತ್ಯಂತ ಕೆಟ್ಟ ವಾರ ಇದಾಗಿದೆ. ಮಾರ್ಚ್ ತಿಂಗಳ ಚೀನಾದ ಗ್ರಾಹಕ ಬೆಲೆ ಸೂಚ್ಯಂಕ (CPI) ದತ್ತಾಂಶ ಗುರುವಾರ ಬಿಡುಗಡೆಯಾಗಲಿದೆ ಮತ್ತು ಬ್ರಿಟನ್‌ನ ಒಟ್ಟು ದೇಶೀಯ ಉತ್ಪನ್ನ (GDP) ದತ್ತಾಂಶ ಶುಕ್ರವಾರ ಬಿಡುಗಡೆಯಾಗಲಿದೆ ಎಂದು ಸಿಂಘಾನಿಯಾ ಹೇಳಿದ್ದಾರೆ. ಕಳೆದ ವಾರ 30 ಷೇರುಗಳ ಬಿಎಸ್‌ಇ ಸೆನ್ಸೆಕ್ಸ್ 2,050.23 ಪಾಯಿಂಟ್‌ಗಳು ಅಥವಾ ಶೇ.2.64ರಷ್ಟು ಕುಸಿದಿದೆ. ಅದೇ ರೀತಿ ರಾಷ್ಟ್ರೀಯ ಷೇರು ವಿನಿಮಯ ಕೇಂದ್ರದ ನಿಫ್ಟಿ 614.8 ಪಾಯಿಂಟ್‌ಗಳು ಅಥವಾ ಶೇ.2.61ರಷ್ಟು ನಷ್ಟ ಅನುಭವಿಸಿತು.

ಹಣದುಬ್ಬರದ ಅಂಕಿಅಂಶಗಳ ಮೇಲೂ ನಿಗಾ

ಅಮೆರಿಕದ ಪ್ರತೀಕಾರದ ಸುಂಕಗಳು ಮತ್ತು ವಲಯ-ನಿರ್ದಿಷ್ಟ ಸುಂಕಗಳನ್ನು ಘೋಷಿಸುವ ಸಾಧ್ಯತೆಯ ಕಾರಣದಿಂದ ಈ ವಾರ ಭಾರತೀಯ ಮಾರುಕಟ್ಟೆಗಳು ಹೆಚ್ಚು ಏರಿಳಿತ ಅನುಭವಿಸುವ ನಿರೀಕ್ಷೆಯಿದೆ ಎಂದು ಮೋತಿಲಾಲ್ ಓಸ್ವಾಲ್ ಫೈನಾನ್ಷಿಯಲ್ ಸರ್ವೀಸಸ್‌ನ ಸಂಪತ್ತು ನಿರ್ವಹಣೆಯ ಮುಖ್ಯಸ್ಥ ಸಿದ್ಧಾರ್ಥ್ ಖೇಮ್ಕಾ ಹೇಳಿದ್ದಾರೆ. ಇದಲ್ಲದೆ ಆರ್‌ಬಿಐ ಹಣಕಾಸು ನೀತಿ ಸಮಿತಿ ಸಭೆಯ ಫಲಿತಾಂಶಗಳನ್ನು ಏಪ್ರಿಲ್ 9ರಂದು ಪ್ರಕಟಿಸಲಾಗುವುದು. ಮಾರುಕಟ್ಟೆಯು ರೆಪೊ ದರದಲ್ಲಿ ಕಾಲು ಶೇಕಡಾ ಕಡಿತವನ್ನು ನಿರೀಕ್ಷಿಸುತ್ತಿದೆ. "ಕಾರ್ಪೊರೇಟ್ ನಾಲ್ಕನೇ ತ್ರೈಮಾಸಿಕ ಫಲಿತಾಂಶಗಳ ಅಧಿವೇಶನವು ಏಪ್ರಿಲ್ 10ರಂದು ಟಾಟಾ ಕನ್ಸಲ್ಟೆನ್ಸಿ ಸರ್ವೀಸಸ್ (TCS)ನೊಂದಿಗೆ ಪ್ರಾರಂಭವಾಗಲಿದೆ." ಇದರ ಹೊರತಾಗಿ ಹೂಡಿಕೆದಾರರು ಈ ವಾರ ಬಿಡುಗಡೆಯಾಗಲಿರುವ ಮಾರ್ಚ್ ತಿಂಗಳಿನ US ಮತ್ತು ಭಾರತದ ಗ್ರಾಹಕ ಬೆಲೆ ಸೂಚ್ಯಂಕ (CPI) ಆಧಾರಿತ ಹಣದುಬ್ಬರ ದತ್ತಾಂಶದ ಮೇಲೂ ನಿಗಾ ಇರಿಸಬೇಕೆಂದು ಅವರು ಹೇಳಿದ್ದಾರೆ.

ಇದನ್ನೂ ಓದಿ: Railway Stocks: ಈ 3 ಕಂಪನಿಗಳು 18,658 ಕೋಟಿ ಮೌಲ್ಯದ ರೈಲ್ವೆ ಯೋಜನೆಗಳಿಂದ ಭಾರೀ ಲಾಭ ಪಡೆಯಲಿವೆ!!

ವಿದೇಶಿ ಹೂಡಿಕೆದಾರರಿಂದ ಹೆಚ್ಚಿದ ಮಾರಾಟ!!

ಜಿಯೋಜಿತ್ ಇನ್ವೆಸ್ಟ್‌ಮೆಂಟ್ಸ್ ಲಿಮಿಟೆಡ್‌ನ ಮುಖ್ಯ ಹೂಡಿಕೆ ತಂತ್ರಜ್ಞ ವಿ.ಕೆ.ವಿಜಯಕುಮಾರ್, "ಮಾರ್ಚ್‌ನಲ್ಲಿ ವಿದೇಶಿ ಬಂಡವಾಳ ಹೂಡಿಕೆದಾರರ (FPI) ಖರೀದಿ ನಿಲುವು ಏಪ್ರಿಲ್‌ನಲ್ಲಿ ಬದಲಾಗಿದ್ದು, ಅವರು ಮತ್ತೆ ಮಾರಾಟಗಾರರಾಗಿದ್ದಾರೆ. ಏಪ್ರಿಲ್ 2ರಂದು ಅಧ್ಯಕ್ಷ ಟ್ರಂಪ್ ಪ್ರತೀಕಾರದ ಸುಂಕಗಳನ್ನು ಘೋಷಿಸಿದ ನಂತರ ಜಾಗತಿಕ ಮಾರುಕಟ್ಟೆಗಳಲ್ಲಿ ದೊಡ್ಡ ಬದಲಾವಣೆಯಾಗಿದೆ. "ಪ್ರತಿಕಾರದ ಸುಂಕಗಳು ನಿರೀಕ್ಷೆಗಿಂತ ಹೆಚ್ಚು. ಹೆಚ್ಚಿನ ದೇಶಗಳ ಮೇಲಿನ ದೊಡ್ಡ ಪ್ರತೀಕಾರದ ಸುಂಕಗಳು ಅಮೆರಿಕದಲ್ಲಿ ಹಣದುಬ್ಬರ ಹೆಚ್ಚಿಸುವ ಸಾಧ್ಯತೆಯಿದೆ. ಇದು ಅಮೆರಿಕದ ಆರ್ಥಿಕತೆಯಲ್ಲಿ ಹಿಂಜರಿತಕ್ಕೆ ಕಾರಣವಾಗಬಹುದು ಎಂಬ ಆತಂಕವೂ ಇದೆ ಎಂದು ತಿಳಿಸಿದ್ದಾರೆ.

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.

ನಿಮ್ಮ ಜೀ ಕನ್ನಡ ನ್ಯೂಸ್‌ ಈಗ: Zee5ನಲ್ಲೂ ಜೀ ಕನ್ನಡ ನ್ಯೂಸ್‌ ಲಭ್ಯ
Sun Direct-292
TATA PLAY- 1664
JIO TV-1334
NXT Digital-30
IN-CABLE-30
U-Digital-162
GTPL-17
Rockline Telecommunications ಬೆಂಗಳೂರು-42
V4 Digital Infotech ಮಂಗಳೂರು-628
Malanad infotech Pvt Ltd-56
Metrocast ಬೆಂಗಳೂರು, ಬೆಳಗಾವಿ-830 ಲಭ್ಯ.

About the Author

Puttaraj K Alur

ಪುಟ್ಟರಾಜ ಕೆ ಆಲೂರ (Puttaraj K Alur) ಅನುಭವಿ ಪತ್ರಕರ್ತರಾಗಿದ್ದು, ಜೀ ಕನ್ನಡ ನ್ಯೂಸ್‌ನ ಡಿಜಿಟಲ್‌ ವಿಭಾಗದಲ್ಲಿ ಸೀನಿಯರ್‌ ಸಬ್‌ ಎಡಿಟರ್ ಆಗಿ ಕೆಲಸ ಮಾಡುತ್ತಿದ್ದಾರೆ. ಮುದ್ರಣ ಮಾಧ್ಯಮ, ಟಿವಿ ಮಾಧ್ಯಮ ಮತ್ತು ಡಿಜಿಟಲ್‌ ಮಾಧ್ಯಮ ಹೀಗೆ ಎಲ್ಲಾ ಮಾಧ್ಯಮಗಳಲ್ಲಿಯೂ 10 ವರ್ಷ ಕೆಲಸ ಮಾಡಿದ ಅನುಭವ ಹೊಂದಿದ್ದಾರೆ.

ಮೈಸೂರಿನ ಪ್ರಮುಖ ದಿನಪತ್ರಿಕೆಗಳಾದ ರಾಜ್ಯಧರ್ಮ, ಮೈಸೂರು ಮಿತ್ರದಲ್ಲಿ, ಬೆಂಗಳೂರಿನಲ್ಲಿ ದಿಗ್ವಿಜಯ ನ್ಯೂಸ್ ಚಾನೆಲ್‌, ದೆಹಲಿಯಲ್ಲಿ ಒಪೇರಾ (Opera) ನ್ಯೂಸ್‌, ಯುಸಿ (UC Browser)ನ್ಯೂಸ್‌, ಒಪೊಯಿ‌ (Opoyi)ನ್ಯೂಸ್‌ ಮತ್ತು ಪ್ರಸ್ತುತ 4 ವರ್ಷಗಳಿಂದ ಜೀ ಕನ್ನಡ ನ್ಯೂಸ್‌ನಲ್ಲಿ ಕಾರ್ಯನಿರ್ವಹಿಸುತ್ತಿದ್ದಾರೆ.