17.9 ಲಕ್ಷ ರೂಪಾಯಿ ಆದಾಯಕ್ಕೆ ಶೂನ್ಯ ತೆರಿಗೆ:ಹೊಸ ತೆರಿಗೆ ಪದ್ಧತಿ ನೀಡುತ್ತಿರುವ ಲಾಭ

ಹೆಚ್ಚಿನ ವೇತನ ನಮ್ಮ ದೈನಂದಿನ ಬದುಕಿನಲ್ಲಿ ಸಾಕಷ್ಟು ಮಹತ್ವ ಪಡೆದಿದೆ.   ಆದರೆ ವೇತನ ಹೆಚ್ಚಾದಂತೆ ತೆರಿಗೆ ಹೊರೆ ಕೂಡಾ ಬರುತ್ತದೆ. ವೇತನ  ಪ್ಯಾಕೇಜ್ ಹೆಚ್ಚಾದಂತೆ ಹೆಚ್ಚಿನ ತೆರಿಗೆ ಶ್ರೇಣಿಗೆ ಸೇರುತ್ತೇವೆ. ಆ ಸಮಯದಲ್ಲಿ, ಸಾಧ್ಯವಾದಷ್ಟು ತೆರಿಗೆಯನ್ನು ಉಳಿಸಲು ಮತ್ತು ನಮ್ಮ ಪಾವತಿಯ ಹೆಚ್ಚಿನ ಭಾಗವನ್ನು ನಮಗಾಗಿ ಖರ್ಚು ಮಾಡುವ ಪ್ರಯತ್ನಕ್ಕೆ ಕೈ ಹಾಕಬೇಕಾಗುತ್ತದೆ. 2025-26 ರ ಹಣಕಾಸು ವರ್ಷದಲ್ಲಿ ಗಳಿಸಿದ ಆದಾಯಕ್ಕೆ ಅನ್ವಯವಾಗುವ ಹೊಸ ತೆರಿಗೆ ಪದ್ಧತಿಯು ತೆರಿಗೆ ಹೊರೆಯಿಂದ ಸಾಕಷ್ಟು ಮಟ್ಟಿಗೆ ಪರಿಹಾರ ನೀಡುತ್ತದೆ. ಇದು ತೆರಿಗೆ ಮುಕ್ತ ವೇತನ ಮಿತಿಯನ್ನು 12,75,000 ರೂ.ಗೆ ಹೆಚ್ಚಿಸಿದೆ.

ಅಂದರೆ 1,06,00 ರೂ.ಗಿಂತ ಹೆಚ್ಚಿನ ಮಾಸಿಕ ವೇತನವು ಪರಿಣಾಮಕಾರಿಯಾಗಿ ತೆರಿಗೆ ಮುಕ್ತವಾಗಿದೆ. ಇನ್ನು ಇದಕ್ಕಿಂತ ಸ್ವಲ್ಪ ಹೆಚ್ಚಿದ್ದರೂ ಸ್ವಲ್ಪ ಪರಿಹಾರ ಸಿಗುತ್ತದೆ. ಹೆಚ್ಚುತ್ತಿರುವ ಆದಾಯಕ್ಕಿಂತ ಹೆಚ್ಚಿನ ಆದಾಯ ತೆರಿಗೆಯನ್ನು ಪಾವತಿಸುವ ಅಗತ್ಯವಿಲ್ಲ.

ಇದನ್ನೂ ಓದಿ : ವೃತ್ತಿಪರರಿಗೆ ಮತ್ತು ವ್ಯಾಪಾರಿಗಳಿಗೆ ITR ಈಗ ಇನ್ನೂ ಸುಲಭ..! ಹೇಗೆ ಗೊತ್ತೇ?

ನಿಮ್ಮ ಆದಾಯ 12,75,000 ರೂ.ಗಿಂತ ಗಮನಾರ್ಹವಾಗಿ ಹೆಚ್ಚಿದ್ದರೆ ಸಮಸ್ಯೆ ದೊಡ್ಡದಾಗುತ್ತದೆ. ಅದೇ ವರ್ಷಕ್ಕೆ 17,90,000 ರೂ.ಅದಾಯವಾದರೆ ಏನಾಗುತ್ತದೆ? ಇಷ್ಟು ಹೆಚ್ಚಿನ ಆದಾಯದಲ್ಲಿ ನಿಮ್ಮ ತೆರಿಗೆ ಹೊಣೆಗಾರಿಕೆಯನ್ನು ಶೂನ್ಯಕ್ಕೆ ಇಳಿಸಲು ಒಂದು ಮಾರ್ಗವಿದೆಯೇ? ಎನ್ನುವ ಅಂಶವನ್ನು ತಿಳಿದುಕೊಳ್ಳೋಣ. 

17,90,000 ರೂ. ಆದಾಯದ ಮೇಲೆ ಶೂನ್ಯ ತೆರಿಗೆ ಪಾವತಿಸಲು ಕಾನೂನುಬದ್ಧ ಮಾರ್ಗಗಳು ಯಾವುವು? : 

ಹೊಸ ತೆರಿಗೆ ಪದ್ಧತಿಯಲ್ಲಿ ಆದಾಯ ತೆರಿಗೆ ಸ್ಲ್ಯಾಬ್‌ಗಳು :
ಆದಾಯ ತೆರಿಗೆ ಸ್ಲ್ಯಾಬ್‌ಗಳು            ತೆರಿಗೆ ದರ
4,00,000 ರೂ. ವರೆಗೆ                      ಶೂನ್ಯ
ರೂ. 4,00,001 -ರೂ. 8,00,000         5%
ರೂ. 8,00,001 -ರೂ.12,00,000         10%
ರೂ. 12,00,001 -ರೂ.16,00,000      15%
ರೂ. 16,00,001 -ರೂ.20,00,000         20%
ರೂ. 20,00,001 -ರೂ.24,00,000         25%
ರೂ. 24,00,000 ಕ್ಕಿಂತ ಹೆಚ್ಚಿದ್ದರೆ           30%

ನಿಮ್ಮ ಆದಾಯ 17,90,000 ರೂ. ಆಗಿದ್ದರೆ ನಿಮ್ಮ ತೆರಿಗೆ ಹೊಣೆಗಾರಿಕೆ ಈ ಕೆಳಗಿನಂತಿರುತ್ತದೆ- 

0-ರೂ 4,00,000 (ಶೂನ್ಯ)- 
4,00,001-ರೂ 800,000 (5%)- ರೂ 20,000
8,00,001-ರೂ 12,00,000 (10%)- ರೂ 40,000
ರೂ 12,00,001-ರೂ 16,00,000 (15%)- ರೂ 60,000
16,00,001-ರೂ 17,90,000 (20%)- ರೂ 38,000
ಒಟ್ಟು ತೆರಿಗೆ ಹೊಣೆಗಾರಿಕೆ- ರೂ 1,58,000 + 1,58,000 ರಲ್ಲಿ 4% = ರೂ 1,58,000 + ರೂ 6,320 = ರೂ 1,64,320
 
17.90 ಲಕ್ಷ ಆದಾಯದ ಮೇಲಿನ ತೆರಿಗೆಯನ್ನು ಕಡಿಮೆ ಮಾಡುವುದು ಹೇಗೆ ? 
ಲೆಕ್ಕಾಚಾರದ ಉದ್ದೇಶಗಳಿಗಾಗಿ ಈ ಆದಾಯದ ಮೇಲೆ ನಾವು 8,95,000 ರೂ.ಗಳ ಮೂಲ ವೇತನವನ್ನು (17,90,000 ರೂ.ಗಳಲ್ಲಿ 50 ಪ್ರತಿಶತ) ತೆಗೆದುಕೊಳ್ಳೋಣ. 

ಇದನ್ನೂ ಓದಿ : ಅಂಚೆ ಕಚೇರಿಯ ರಿಜಿಸ್ಟರ್ಡ್ ಪೋಸ್ಟ್ ಸೇವೆಗೆ ವಿದಾಯ: ಈ ದಿನಾಂಕದಿಂದ ಸ್ಪೀಡ್ ಪೋಸ್ಟ್‌ಗೆ ವಿಲೀನ..!

ಪ್ರಮಾಣಿತ ಕಡಿತ : 
ಹೊಸ ತೆರಿಗೆ ಪದ್ಧತಿಯಲ್ಲಿ, ವೇತನ ಪಡೆಯುವ ವರ್ಗದ ವ್ಯಕ್ತಿಗೆ 1961 ರ ಆದಾಯ ತೆರಿಗೆ ಕಾಯ್ದೆಯ ಸೆಕ್ಷನ್ 87A ಅಡಿಯಲ್ಲಿ ಅವರ ಸಂಬಳದ ಮೇಲೆ 75,000 ರೂ. ಪ್ರಮಾಣಿತ ಕಡಿತ ಸಿಗುತ್ತದೆ.

ಈ ಕಡಿತದ ನಂತರ, ತೆರಿಗೆ ವಿಧಿಸಬಹುದಾದ ಆದಾಯ 17,15,000 ರೂ. ಆಗಿರುತ್ತದೆ.
 
ಹೊಸ ತೆರಿಗೆ ಪದ್ಧತಿಯಲ್ಲಿ NPS ತೆರಿಗೆ ಪ್ರಯೋಜನಗಳು : 
ಉದ್ಯೋಗದಾತರು ತಮ್ಮ ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆಗೆ (ಎನ್‌ಪಿಎಸ್) ನೀಡುವ ಕೊಡುಗೆಯ ಮೇಲೆ ತೆರಿಗೆದಾರರು ತಮ್ಮ ಮೂಲ ವೇತನದ ಶೇಕಡಾ 14 ರಷ್ಟು ತೆರಿಗೆ ಪ್ರಯೋಜನವನ್ನು ಪಡೆಯಬಹುದು.

ಆದರೆ ಉದ್ಯೋಗಿ ತಮ್ಮ ಸ್ವಂತ NPS ಖಾತೆಗೆ ನೀಡುವ ಕೊಡುಗೆಯ ಮೇಲೆ ಯಾವುದೇ ಪ್ರಯೋಜನ ಸಿಗುವುದಿಲ್ಲ. 

8,95,000 ರೂ. ಮೂಲ ವೇತನದಲ್ಲಿ, ಗರಿಷ್ಠ NPS ಪ್ರಯೋಜನವು 1,25,300 ರೂ.ಗಳಾಗಿರುತ್ತದೆ.

ಈ ಕಡಿತದ ನಂತರ, ತೆರಿಗೆ ವಿಧಿಸಬಹುದಾದ ವೇತನವು 15,89,700 ರೂ. (17,15,000-1,25,300 ರೂ.) ಆಗಿರುತ್ತದೆ.

ಹೊಸ ತೆರಿಗೆ ಪದ್ಧತಿಯಲ್ಲಿ ಇಪಿಎಫ್ ತೆರಿಗೆ ಪ್ರಯೋಜನ : 
NPS ನಂತೆ, ತೆರಿಗೆದಾರರು ತಮ್ಮ ಉದ್ಯೋಗಿಗಳ ಭವಿಷ್ಯ ನಿಧಿಗೆ (EPF) ಉದ್ಯೋಗದಾತರು ನೀಡುವ ಕೊಡುಗೆಯ ಮೇಲೆ ಅವರ ಮೂಲ ವೇತನದ ಶೇಕಡಾ 12 ರಷ್ಟು ತೆರಿಗೆ ಪ್ರಯೋಜನವನ್ನು ಪಡೆಯಬಹುದು.

ಉದ್ಯೋಗಿ ತಮ್ಮ ಸ್ವಂತ ಇಪಿಎಫ್ ಖಾತೆಗೆ ನೀಡುವ ಕೊಡುಗೆಗೆ ಯಾವುದೇ ತೆರಿಗೆ ಪ್ರಯೋಜನ ಇರುವುದಿಲ್ಲ.  

8,95,000 ಮೂಲ ವೇತನದಲ್ಲಿ, ಗರಿಷ್ಠ ಇಪಿಎಫ್ ಪ್ರಯೋಜನವು 1,07,400 ರೂ.ಗಳಾಗಿರುತ್ತದೆ.

ಈ ಕಡಿತದ ನಂತರ, ತೆರಿಗೆ ವಿಧಿಸಬಹುದಾದ ವೇತನವು 14,82,300 ರೂ. (15,89,700-1,07,400 ರೂ.) ಆಗಿರುತ್ತದೆ.

PPF ಮತ್ತು ಸುಕನ್ಯಾ ಸಮೃದ್ಧಿ ಖಾತೆಯ ಮೇಲಿನ ಬಡ್ಡಿ  : 
ಹಳೆಯ ತೆರಿಗೆ ಪದ್ಧತಿಯಲ್ಲಿ PPF ಮತ್ತು SSA ಹೂಡಿಕೆಗಳ ಮೇಲೆ ಗಳಿಸುವ ಬಡ್ಡಿಯು ತೆರಿಗೆ ಮುಕ್ತವಾಗಿದೆ. ಇವೆರಡೂ ಹಣಕಾಸು ವರ್ಷಕ್ಕೆ 1.5 ಲಕ್ಷ ರೂ. ಹೂಡಿಕೆ ಮಿತಿಯನ್ನು ಹೊಂದಿರುವುದರಿಂದ, ನಾವು ಒಟ್ಟು 17,500 ರೂ. ತೆರಿಗೆ ಪ್ರಯೋಜನವನ್ನು ಅಂದಾಜು ಮಾಡುತ್ತಿದ್ದೇವೆ. 
ಈ ಕಡಿತದ ನಂತರ, ತೆರಿಗೆಗೆ ಒಳಪಡುವ ಆದಾಯವು ರೂ 14,64,800= ರೂ 14,82,300- ರೂ 17,500 ಆಗಿರುತ್ತದೆ.

ಅಂಚೆ ಕಚೇರಿ ಯೋಜನೆಯಲ್ಲಿ ಬಡ್ಡಿ : ಸೆಕ್ಷನ್ 10(15)(i) ಅಡಿಯಲ್ಲಿ, ಅಂಚೆ ಕಚೇರಿ ಯೋಜನೆಯಲ್ಲಿ ಗಳಿಸಿದ ಬಡ್ಡಿಗೆ 3,500 ರೂ.ಗಳವರೆಗೆ ವಿನಾಯಿತಿ ಇದೆ. 

ಈ ವಿನಾಯಿತಿಯ ನಂತರ, ತೆರಿಗೆ ವಿಧಿಸಬಹುದಾದ ಆದಾಯವು 14,64,800-ರೂ 3,500= ರೂ 14,61,300 ಆಗಿರುತ್ತದೆ.

ಮನರಂಜನೆ, ಮೊಬೈಲ್ ಬಿಲ್‌ಗಳಿಗೆ 1.25 ಲಕ್ಷ ರೂಪಾಯಿ ವಿನಾಯಿತಿ : 
ನಿಮ್ಮ ಮನರಂಜನೆ, ಆಹಾರ, ಮೊಬೈಲ್, ಇಂಧನ ಮತ್ತು ಸಾರಿಗೆ ಬಿಲ್‌ಗಳ ಮೇಲೆ ನೀವು ತೆರಿಗೆ ಪಾವತಿಸಿದ್ದರೆ, ಹೊಸ ತೆರಿಗೆ ಪದ್ಧತಿಯು ನಿಮಗೆ ಅದರ ಮೇಲೆ ತೆರಿಗೆ ಪ್ರಯೋಜನಗಳನ್ನು ನೀಡುತ್ತದೆ.

ನೀವು ಅಧಿಕೃತ ಉದ್ದೇಶಗಳಿಗಾಗಿ ಈ ಬಿಲ್‌ಗಳನ್ನು ಪಾವತಿಸಿದಾಗ ಮಾತ್ರ ಈ ಪ್ರಯೋಜನಗಳು ಲಭ್ಯವಿರುತ್ತವೆ.

17,90,000 ರೂ.ಗಳ ವೇತನದ ಮೇಲೆ, ತೆರಿಗೆ ಹೊಣೆಗಾರಿಕೆಯನ್ನು ಕಡಿಮೆ ಮಾಡಲು ಈ ಮರುಪಾವತಿಗಳನ್ನು ನಿಮ್ಮ ಸಂಬಳದಲ್ಲಿ ಸೇರಿಸಿಕೊಳ್ಳಬಹುದು.

ಮನರಂಜನಾ ಬಿಲ್‌ಗಳು- ರೂ 30,000
ಸಾರಿಗೆ ಭತ್ಯೆ- 60,000 ರೂ.
ಮೊಬೈಲ್ ಬಿಲ್‌ಗಳು- 15,000 ರೂ.
ಸಮವಸ್ತ್ರ ಬಿಲ್‌ಗಳು - ರೂ 20,000
1,25,000 ವಿನಾಯಿತಿಯ ನಂತರ, ನಿಮ್ಮ ತೆರಿಗೆಗೆ ಒಳಪಡುವ ಆದಾಯ  13,36,300= ರೂ. 14,61,300- 1,25,000 ಕ್ಕೆ ಇಳಿಯುತ್ತದೆ. 

 ಕುಟುಂಬ ಪಿಂಚಣಿ : 
ಕುಟುಂಬ ಪಿಂಚಣಿ ಆದಾಯದ ಸಂದರ್ಭದಲ್ಲಿ, ಒಂದು ಹಣಕಾಸು ವರ್ಷದಲ್ಲಿ 25,000 ರೂ. ಅಥವಾ ಒಟ್ಟು ಪಿಂಚಣಿಯ 1/3 ನೇ ಭಾಗ, ಯಾವುದು ಕಡಿಮೆಯೋ ಅದು ವಿನಾಯಿತಿ ಪಡೆದಿರುತ್ತದೆ.

ಈ ವಿನಾಯಿತಿಯ ನಂತರ, ಒಟ್ಟು ತೆರಿಗೆ ವಿಧಿಸಬಹುದಾದ ಆದಾಯವು 13,11,300 = ರೂ 13,36,300- ರೂ 25,000 ಆಗಿರುತ್ತದೆ.

ಹೊಸ ತೆರಿಗೆ ಪದ್ಧತಿಯಲ್ಲಿ ಲಭ್ಯವಿರುವ ಇತರ ವಿನಾಯಿತಿಗಳು :
ಹೊಸ ತೆರಿಗೆ ಪದ್ಧತಿಯಲ್ಲಿ ತೆರಿಗೆ ಹೊಣೆಗಾರಿಕೆಯನ್ನು ಶೂನ್ಯಕ್ಕೆ ಇಳಿಸಲು ಆದಾಯ ತೆರಿಗೆಯಲ್ಲಿ 1,11,300 ರೂಪಾಯಿಗಳನ್ನು ಸುಲಭವಾಗಿ ಉಳಿಸಲು ಇನ್ನೂ ಹಲವು ಮಾರ್ಗಗಳಿವೆ. ಅವುಗಳೆಂದರೆ 

ಸೆಕ್ಷನ್ 80CCH(2) ಅಡಿಯಲ್ಲಿ ಅಗ್ನಿ ಪಥ ಯೋಜನೆಗೆ ನೀಡುವ ಕೊಡುಗೆಗೆ ಶೇಕಡಾ 100 ರಷ್ಟು ವಿನಾಯಿತಿ ಇದೆ. 
ಬಾಡಿಗೆ ಆಸ್ತಿಯಿಂದ ಬರುವ ಬಾಡಿಗೆ ಆದಾಯಕ್ಕೆ ಶೇಕಡಾ 30 ರಷ್ಟು ತೆರಿಗೆ ವಿನಾಯಿತಿ ಇದೆ.
ಬಾಡಿಗೆ ಆದಾಯವನ್ನು ಪರಿಗಣಿಸದೆ, ಎರಡನೇ ಖಾಲಿ ಮನೆಗೆ ವಿನಾಯಿತಿ ಇದೆ.
ಜೀವ ವಿಮಾ ಪಾಲಿಸಿಯಿಂದ ಬರುವ ಆದಾಯವು ಸೆಕ್ಷನ್ 10 (10D) ಅಡಿಯಲ್ಲಿ ವಿನಾಯಿತಿ ಪಡೆದಿದೆ.
ಸೆಕ್ಷನ್ 10 (10) ರ ಅಡಿಯಲ್ಲಿ 25 ಲಕ್ಷ ರೂ.ಗಳವರೆಗಿನ ಗ್ರಾಚ್ಯುಟಿ ಮೊತ್ತವು ವಿನಾಯಿತಿ ಪಡೆದಿದೆ.

ಇತ್ತೀಚಿನ ಅಪ್ಡೇಟ್ ಸುದ್ದಿಗಳನ್ನು ವೀಕ್ಷಿಸಲು ನಮ್ಮ Youtube Link - https://www.youtube.com/@ZeeKannadaNews/featured ಸಬ್ ಸ್ಕ್ರೈಬ್ಆಗಿರಿ.

(ಸೂಚನೆ : ಇದು ತೆರಿಗೆ ಸಲಹೆಯಲ್. ಸಾಮಾನ್ಯ ಮಾಹಿತಿ ಆಧಾರದಲ್ಲಿ ಈ ಲೇಖನವನ್ನು ಬರೆಯಲಾಗಿದೆ. ಇದನ್ನು ಜೀ  ನ್ಯೂಸ್ ಕನ್ನಡ ಅನುಮೊದಿಸುವುದಿಲ್ಲ.)