ಯುವಕನನ್ನು ಅರೆಬೆತ್ತಲೇ ಮಾಡಿ ವಿಡಿಯೋ ಹರಿಬಿಟ್ಟ ಕಿರಾತಕರು

ಹುಬ್ಬಳ್ಳಿ: ನಗರದ ಸೆಟ್ಲಿಮೆಂಟ್ ಪ್ರದೇಶದ ಹೊರವಲಯದಲ್ಲಿ ಯುವಕನೊಬ್ಬನನ್ನು ಯುವಕರ ಗುಂಪೊಂದು ಅರೆ ಬೆತ್ತಲೆಯಾಗಿ ಮಾಡಿ ಆತನ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಹರಿಬಿಟ್ಟಿದ್ದಾರೆ.

ಇಂದು ಈ ವಿಡಿಯೋ ಸಾಕಷ್ಟು ವೈರಲ್ ಆಗಿದೆ. ಹುಬ್ಬಳ್ಳಿಯ ಬೆಂಡಿಗೇರಿ ಪೊಲೀಸ್ ಠಾಣೆಯ ವ್ಯಾಪ್ತಿಯಲ್ಲಿ ಈ ಒಂದು ಕೃತ್ಯ ನಡೆದಿದ್ದು, ಅರೆಬೆತ್ತಲೇ ಗೊಳಗಾದ ಯುವಕ ಧಾರವಾಡ ಮೂಲದ ಸಂದೀಪ್ ಎಂದು ಹೇಳಲಾಗುತ್ತಿದೆ.

ಇದನ್ನೂ ಓದಿ- ಟೆಕ್ಕಿಗಳನ್ನು ಟಾರ್ಗೆಟ್ ಮಾಡಿ ಸುಲಿಗೆ : ಮೂವರು ಮಂಗಳಮುಖಿಯರು ಸೇರಿ ನಾಲ್ವರ ಬಂಧನ

ಇನ್ನು ಈ ಒಂದು ವಿಡಿಯೋ ರಾತ್ರಿ ಸಮಯದಲ್ಲಿ ಮಾಡಿದ್ದು ಸಂದೀಪ್ ಇಲ್ಲಿಗೆ ಯಾಕೆ ಬಂದಿದ್ದ, ಯಾರು ಈತನನ್ನು ಅರೆಬೆತ್ತಲೇ ಮಾಡಿದ್ದು ಯಾವ ಕಾರಣಕ್ಕಾಗಿ ಈ ರೀತಿಯಾದ ಕೃತ್ಯವನ್ನು ಮಾಡಿದ್ದಾರೆ ಎಂಬ ಮಾಹಿತಿ ಲಭ್ಯವಾಗಿಲ್ಲ. ಈ ರೀತಿಯಾಗಿ ಶೋಷಣೆಗೆ ಒಳಗಾದ ಯುವಕ ಕೂಡಾ ಪೊಲೀಸ್ ಠಾಣೆಗೆ ಮಾಹಿತಿ ನೀಡದ ಹಿನ್ನೆಲೆಯಲ್ಲಿ ಪೊಲೀಸರಿಗೂ ಕೂಡಾ ಈಗ ಈ ಕೇಸ್ ತಲೆನೋವಾಗಿದೆ.

ಇದನ್ನೂ ಓದಿ- Murder Case: ಹನುಮ ಜಯಂತಿ ಆಚರಣೆ ವೇಳೆ ಯುವ ಬ್ರಿಗೇಡ್ ಕಾರ್ಯಕರ್ತನ ಹತ್ಯೆ!

ಸದ್ಯ ವಿಡಿಯೋ ಆಧಾರವನ್ನಿಟ್ಟುಕೊಂಡಿರುವ ಬೆಂಡಿಗೇರಿಯ ಠಾಣೆಯ ಪೊಲೀಸರು ದೃಶ್ಯದಲ್ಲಿ ಸೆರೆಯಾಗಿರುವ ಯುವಕರನ್ನು ಪತ್ತೆ ಮಾಡಿ ಯಾವ ಕಾರಣಕ್ಕಾಗಿ ಈ ಒಂದು ಘಟನೆ ನಡೆದಿದೆ ಎಂಬುದನ್ನು ಪತ್ತೆ ಹಚ್ಚಲು ಮುಂದಾಗಿದ್ದಾರೆ.