ಕುಡಿಯಲು ದುಡ್ಡು ಕೊಡ್ಲಿಲ್ಲ ಅಂತಾ ಮನೆಗೆ ಬೆಂಕಿ ಇಟ್ಟ ನಿವೃತ್ತ ಮೇಜರ್; ಕುಡುಕನ ಕಿತಾಪತಿಗೆ ಬೆಚ್ಚಿಬಿದ್ದ ಜನ!!

Mysuru Crime News: ಕುಡಿಯಲು ಹಣ ಕೊಡಲಿಲ್ಲ ಎಂದು ನಿವೃತ್ತ ಮೇಜರ್ ಗುರು ಎಂಬಾತ ತನ್ನ ಮನೆ ಕೋಣೆಯಲ್ಲಿದ್ದ ಹಾಸಿಗೆಗೆ ಬೆಂಕಿ ಹಚ್ಚಿದ ಘಟನೆ ಮೈಸೂರಿನ ಮಧುವನ ಬಡವಾಣೆಯಲ್ಲಿ ನಡೆದಿದೆ

ಮೈಸೂರಿನಲ್ಲಿ ʼಕುಡುಕʼನ ಕಿತಾಪತಿ!!

Mysuru: ಕುಡಿಯಲು ದುಡ್ಡು ಕೊಡಲಿಲ್ಲ ಅಂತಾ ನಿವೃತ್ತ ಮೇಜರ್‌ ಒಬ್ಬ ಮನೆಗೆ ಬೆಂಕಿ ಇಟ್ಟಿರುವ ಆಘಾತಕಾರಿ ಘಟನೆ ಸಾಂಸ್ಕೃತಿಕ ನಗರಿ ಮೈಸೂರಿನಲ್ಲಿ ನಡೆದಿದೆ. ಕುಡುಕನ ಈ ಕಿತಾಪತಿಗೆ ಅಕ್ಕಪಕ್ಕದ ಜನರೇ ಬೆಚ್ಚಿಬಿದ್ದಿದ್ದಾರೆ. 

Add Zee News as a Preferred Source

ನಿವೃತ್ತ ಮೇಜರ್ ಗುರು ಎಂಬಾತನೇ ಬೆಂಕಿ ಹಚ್ಚಿದವ. ಈತ ತನಗೆ ಕುಡಿಯಲು ಹಣ ಕೊಡಲಿಲ್ಲ ಅಂತಾ ಮನೆಯ ಕೋಣೆಯಲ್ಲಿದ್ದ ಹಾಸಿಗೆಗೆ ಬೆಂಕಿ ಹಚ್ಚಿದ್ದಾನೆ. ಈ ಘಟನೆ ಮೈಸೂರಿನ ಮಧುವನ ಬಡವಾಣೆಯಲ್ಲಿ ನಡೆದಿದೆ. 

ಇದನ್ನೂ ಓದಿ: ಅಧಿಕೃತ ಸುತ್ತೋಲೆ ಹೊರಡಿಸಿದ ಸಿದ್ದರಾಮಯ್ಯ ಸರ್ಕಾರ

ಮಾಜಿ CRPF ನಿವೃತ್ತ ಯೋಧ ಎನ್.ಗುರು ಕುಡಿಯಲು ಹಣ ನೀಡುವಂತೆ ಹೆಂಡತಿಗೆ ಕೇಳಿದ್ದ. ಆದರೆ ಈತನ ಮಾತಿಗೆ ಸೊಪ್ಪು ಹಾಕದ ಹೆಂಡತಿ ಆತನನ್ನ ಮನೆಯಲ್ಲಿಯೇ ಕೂಡಿಹಾಕಿದ್ದರು. ನನಗೆ ಕುಡಿಯಲು ಹಣ ಕೊಡು ಅಂದ್ರೆ ಮನೆಯಲ್ಲಿ ಕೂಡಿ ಹಾಕ್ತೀಯಾ ಅಂತಾ ಮನೆಯ ರೂಂನಲ್ಲಿದ್ದ ಹಾಸಿಗೆಗೆ ಬೆಂಕಿ ಹಚ್ಚಿದ್ದಾನೆ.

ಮನೆಯ ತುಂಬಾ ಹೊಗೆ ಆವರಿಸಿದ ಹಿನ್ನೆಲೆ ಅಕ್ಕಪಕ್ಕದ ನಿವಾಸಿಗಳು ಗಾಬರಿಗೊಂಡು ಹೊರಗಡೆ ಓಡಿ ಬಂದಿದ್ದಾರೆ. ಕೂಡಲೇ ಅಗ್ನಿಶಾಮಕ ಸಿಬ್ಬಂದಿಗೆ ವಿಷಯ ತಿಳಿಸಿದ್ದಾರೆ. ತಕ್ಷಣವೇ ಸ್ಥಳಕ್ಕೆ ಆಗಮಿಸಿದ ಅಗ್ನಿಶಾಮಕ ಸಿಬ್ಬಂದಿ ಬೆಂಕಿ ನಂದಿಸುವಲ್ಲಿ ಯಶಸ್ವಿಯಾಗಿದ್ದಾರೆ. 

ಇದನ್ನೂ ಓದಿ: ಕೆಎಎಸ್ ಅಧಿಕಾರಿ ಬಿ.ಕೆ,ಶ್ರೀನಿವಾಸ್ ಮೂರ್ತಿ ವಿರುದ್ಧ ಲೈಂಗಿಕ ಕಿರುಕುಳ ಆರೋಪ, ಮಹಿಳಾ ಸಿಬ್ಬಂದಿ ದೂರು