ವಂಚನೆ ಪ್ರಕರಣ: ಸ್ಯಾಂಡಲ್ ವುಡ್ ಖ್ಯಾತ ನಟಿಯ ಸ್ನೇಹಿತ ಅರೆಸ್ಟ್‌

ಬೆಂಗಳೂರು: ಸ್ಯಾಂಡಲ್‌ವುಡ್ ಖ್ಯಾತ ನಟಿಯ ಸ್ನೇಹಿತ ಹಾಗೂ ಡ್ರಗ್ಸ್ ಕೇಸ್ ಆರೋಪಿಯನ್ನು ಪೊಲೀಸರು ಬಂಧಿಸಿ ಜೈಲಿಗಟ್ಟಿದ್ದಾರೆ‌. ಯಶವಂತಪುರ ಆರ್‌ಟಿಓನ ಎಸ್‌ಡಿಎ ರವಿಶಂಕರ್ ಬಂಧಿತ ಆರೋಪಿ. ರವಿಶಂಕರ್ ಸ್ಯಾಂಡಲ್‌ವುಡ್ ನಟಿಯೊಬ್ಬರ ಸ್ನೇಹಿತ. ಅಲ್ಲದೇ, ಈ ಹಿಂದೆ ಡ್ರಗ್ಸ್ ಕೇಸ್‌ನಲ್ಲಿ ಜೈಲು ಕಂಬಿ ಎಣಿಸಿದ್ದ. 

ಇದನ್ನೂ ಓದಿ: ಇಂದು ನೀಟ್‌ ಪರೀಕ್ಷೆ: ಕೇಂದ್ರಕ್ಕೆ ತೆರಳುವ ಮುನ್ನ ಈ ನಿಯಮ ಪಾಲಿಸಿ

ಕಾರಿಗೆ ಲೈಫ್ ಟೈಮ್ ಟ್ಯಾಕ್ಸ್ ಕಟ್ಟುತ್ತೇನೆ ಎಂದು ಹೇಳಿ ವ್ಯಕ್ತಿಯೊಬ್ಬರಿಂದ ಹಣ ಪಡೆದು ವಂಚಿಸಿದ್ದಾನೆ. ಈ ಹಿನ್ನೆಲೆ ಯೋಗೇಶ್ ಎಂಬುವವರು ಮಲ್ಲೇಶ್ವರಂ ಠಾಣೆಯಲ್ಲಿ ದೂರು ದಾಖಲಿಸಲಾಗಿದ್ದರು. ಹೀಗಾಗಿ ಪೊಲೀಸರು ರವಿಶಂಕರ್ ಹಾಗೂ ಅಜಯ್ ನನ್ನು ಬಂಧಿಸಿದ್ದಾರೆ. ಅಜಯ್ ಎಂಬ ಕಾರು ಡೀಲರ್ ನಿಂದ ಆಶಾ ಎಂಬವವರು ಕಾರು ಖರೀದಿಸಿದ್ದರು. 

ಲೈಫ್ ಟೈಮ್ ತೆರಿಗೆ ಕಟ್ಟಲು ಅಜಯ್‌ಗೆ ಆಶಾ-ಯೋಗೇಶ್ ದಂಪತಿ ಹಣ‌ ಕೊಟ್ಟಿದ್ರು. ಆದರೆ ಹಣ ಪಡೆದುಕೊಂಡ ಆರೋಪಿಗಳು ಆರ್‌ಟಿಓಗೆ ಟ್ಯಾಕ್ಸ್ ಕಟ್ಟದೇ ವಂಚಿಸಿದ್ದ. ಸದ್ಯ ಕಾರ್ಯಾಚರಣೆ ನಡೆಸಿದ ಪೊಲೀಸರು ಆರೋಪಿಗಳನ್ನ ಬಂಧಿಸಿ ಹೆಚ್ಚಿನ ವಿಚಾರಣೆ ನಡೆಸಿದ್ದಾರೆ.