ರಸ್ತೆಯಲ್ಲಲ್ಲ- ಮನೆಗೇ ನುಗ್ಗಿ ಸರಗಳವು... ಮಹಿಳೆಯರೇ ಎಚ್ಚರ...!

Chain snatching: ಬಾಗಿಲು ತೆಗೆಯುವ ಮುನ್ನ ಹುಷಾರ್- ಮನೆಗೇ ನುಗ್ಗಿ ಕೀಳ್ತಾರೆ ಸರ...

Crime News: ಮುಸುಕುಧಾರಿ ವ್ಯಕ್ತಿಯೋರ್ವ ಮನೆಗೆ ನುಗ್ಗಿ ಮಹಿಳೆ ಕತ್ತಿನಿಂದ ಸುಮಾರು 40 ಗ್ರಾಂ ಚಿನ್ನದ ತಾಳಿಸರ ಕದ್ದು ಪರಾರಿಯಾಗಿರುವ ಘಟನೆ ಗುಂಡ್ಲುಪೇಟೆ ತಾಲೂಕಿನ ತೆರಕಣಾಂಬಿ ಗ್ರಾಮದಲ್ಲಿ ನಡೆದಿದೆ.

Add Zee News as a Preferred Source

ತೆರಕಣಾಂಬಿ ಗ್ರಾಮದ ಸೌಮ್ಯ(35) ಚಿನ್ನ ಕಳೆದುಕೊಂಡ ಮಹಿಳೆ.  ಮುಸುಕುದಾರಿಯೋರ್ವ ಮನೆ ಮುಂದೆ ಬಂದು ಕುಡಿಯುವ ನೀರು ಕೇಳಿದಾಗ ಮಹಿಳೆ ಬಾಗಿಲು ತೆಗೆದು ನೀರು ಕೊಡಲು ಮುಂದಾದಾಗ ಖದೀಮ ಮನೆ ಒಳಗೆ ನುಗ್ಗಿ ಚಿನ್ನದ ತಾಳಿಸರ ಕೀಳಲು ಮುಂದಾಗಿದ್ದಾನೆ. ಇದಕ್ಕೆ ಪ್ರತಿರೋಧ ವ್ಯಕ್ತಪಡಿಸಿದ ಹಿನ್ನೆಲೆ ಕಳ್ಳ ಮಹಿಳೆ ಎಡಗೈಗೆ ಚಾಕುವಿನಿಂದ ಹಲ್ಲೆ ಮಾಡಿ, ಸುಮಾರು 2.5 ಲಕ್ಷ ರೂ. ಮೌಲ್ಯದ 40 ಗ್ರಾಂ ಚಿನ್ನದ ಸರ ಕಳ್ಳತನ ಮಾಡಿ ಪರಾರಿಯಾಗಿದ್ದಾನೆ. 

ಇದನ್ನೂ ಓದಿ- ಕಾರಿಗೆ ಸೈಡ್ ಕೊಡದಿದ್ದಕ್ಕೆ ಮಾರಣಾಂತಿಕ ಹಲ್ಲೆ

ಮಹಿಳೆ ಕೂಗಿಕೊಂಡ ಹಿನ್ನೆಲೆ ಅಕ್ಕಪಕ್ಕದವರು ಓಡಿ  ಬಂದಿದ್ದಾರೆ. ಅಷ್ಟರಲ್ಲಿ ಕಳ್ಳ ಪರಾರಿಯಾಗಿದ್ದಾನೆ. ಘಟನೆಯಲ್ಲಿ ಮಹಿಳೆ ಎಡಗೈಗೆ ಗಾಯವಾಗಿದೆ. ಈ ಸಂಬಂಧ ತೆರಕಣಾಂಬಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಇದನ್ನೂ ಓದಿ- ಇನ್‌ಸ್ಟಾಗ್ರಾಮ್ ಪ್ರೀತಿಗೆ ಮನಸೋತ 24ರ ಯುವತಿ!; ಇತ್ತ ಪ್ರಿಯಕರನೂ ಇಲ್ಲ ಅತ್ತ ಗಂಡನೂ ಇಲ್ಲದೇ ಏನಾಯ್ತು?

ಇನ್ನು ಶ್ವಾನ ದಳ ಹಾಗೂ ಬೆರಳಚ್ಚು ತಜ್ಞರು ಕೂಡ ಸ್ಥಳಕ್ಕೆ ಭೇಟಿ ನೀಡಿದ್ದಾರೆ. ಜೊತೆಗೆ ಸಿಸಿ ಕ್ಯಾಮರಾ ಪರಿಶೀಲನೆಯಲ್ಲಿ ತೊಡಗಿದ್ದಾರೆ. ರಸ್ತೆಯಲ್ಲಿ ಸರಗಳ್ಳತನ ನಡೆಯುತ್ತಿತ್ತು ಆದರೀಗ ಮನೆಗೇ ನುಗ್ಗಿ ಸರ ಕಿತ್ತಿರುವುದು ಆತಂಕಕಾರಿಯಾಗಿದೆ. ಮಹಿಳೆಯರು ಮನೆಯಲ್ಲಿ ಒಬ್ಬರೇ ಇದ್ದಾಗ ಸಾಕಷ್ಟು ಜಾಗೃತಿ ವಹಿಸಬೇಕಿದೆ.

ಇತ್ತೀಚಿನ ಅಪ್ಡೇಟ್ ಸುದ್ದಿಗಳನ್ನು ವೀಕ್ಷಿಸಲು ನಮ್ಮ Youtube Link - https://www.youtube.com/@ZeeKannadaNews/featured ಸಬ್ ಸ್ಕ್ರೈಬ್ಆಗಿರಿ.