ಮನ್‌ ಕಿಬಾತ್‌ 100ನೇ ಸಂಚಿಕೆ ಸಮಾರಂಭದಲ್ಲಿ ಮೋದಿಯವರ ಬಗ್ಗೆ ಮಾತನಾಡಿದ ಆಮಿರ್ ಖಾನ್ ..!

Mann Ki Baat : ಈ ಮನ್‌ ಕಿ ಬಾತ್‌ ಕಾರ್ಯಕ್ರಮ ಇದೀಗ 100ನೇ ಸಂಚಿಕೆಯನ್ನು ಪೊರೈಸಿದ್ದು, ಈ ತಿಂಗಳು ಏಪ್ರಿಲ್ 30ಕ್ಕೆ ಹೊಸ ಸಂಚಿಕೆ ಆಲ್ ಇಂಡಿಯಾ ರೇಡಿಯೋದಲ್ಲಿ ಪ್ರಸಾರ ಆಗಲಿದೆ. ಈ 100ನೇ ಸಂಚಿಕೆಯ ಸಂಬಂಧಿತ ವಿಶೇಷ ರಾಷ್ಟೀಯ ಸಮಾವೇಶವು ದೆಹಲಿಯಲ್ಲಿ ನಡೆದಿದ್ದು, ಈ ಕಾರ್ಯಕ್ರಮಕ್ಕೆ ವಿವಿಧ ಕ್ಷೇತ್ರದಿಂದ ಗಣ್ಯರು ಆಗಮಿಸಿದ್ದರು. 

ಈ ವಿಶೇಷ ಕಾರ್ಯಕ್ರಮವನ್ನು ಭಾರತದ ಉಪರಾಷ್ಟ್ರಪತಿ ಆಗಿರುವಂತಹ ಜಗದೀಪ್‌ ಧನಕರ್‌ ಈ ಕಾರ್ಯಕ್ರಮವನ್ನು ಉದ್ಘಾಟಿಸಿದರು ಮತ್ತು ಕಾರ್ಯಕ್ರದ ಅಥಿತಿಯಾಗಿ ಕೇಂದ್ರ ಸಚಿವ ಅನುರಾಗ್‌ ಕಶ್ಯಪ್‌ ಆಗಮಿಸಿದ್ದರು. ಜೊತೆಗೆ ಬಾಲಿವುಡ್‌ ನಟ ನಟಿಯರಾದ ಆಮಿರ್‌ ಖಾನ್‌, ರವೀನಾ ಟಂಡನ್‌ ಇವರು ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು. 

ಈ ಮನ್‌ ಕಿ ಬಾತ್‌ ಕಾರ್ಯಕ್ರಮದ 100ನೇ ಸಂಚಿಕೆಯ ಸಂಭ್ರಮದಲ್ಲಿ ಭಾಗವಹಿಸಿದ ಬಾಲಿವುಡ್‌ ನಟ ಆಮಿರ್‌ ಖಾನ್‌ ಮೋದಿಯವರ ಕಾರ್ಯಕ್ರಮವನ್ನು ಹೊಗಳಿದ್ದಾರೆ. ಕಾರ್ಯಕ್ರಮದ ಕುರಿತು ಮಾತನಾಡಿದ ಅವರು " ಒಂದು ದೇಶದ ನಾಯಕ ತನ್ನ ಪ್ರಜೆಗಳೊಂದಿಗೆ ಸಂವಹನ ನಡೆಸುವ ಅತೀ ಮುಖ್ಯವಾದ ಕಾರ್ಯಕ್ರಮವಿದು, ಪ್ರಮುಖ ವಿಷಯಗಳು, ಆಲೋಚನೆಗಳು, ಸಲಹೆಗಳನ್ನು ನೀಡುವುದು ಈ ಕಾರ್ಯಕ್ರಮದ ಮುಖ್ಯ ಅಂಗವಾಗಿದೆ" ಎಂದರು. 

ಇದಲ್ಲದೇ ಬಾಲಿವುಡ್‌ ನಟ ಆಮಿರ್‌ ಖಾನ್‌ ಪ್ರಧಾನಿ ಮೋದಿ ಅವರ ಕುರಿತಾಗಿಯೂ ತಮ್ಮ ಅನಿಸಿಕೆಗಳನ್ನು ಹೇಳಿಕೊಂಡಿದ್ದಾರೆ. ಪ್ರಧಾಮನಿ ಕುರಿತು ಮಾತನಾಡಿದ ಅವರು "ಪರಿಣಾಮಕಾರಿ ಮಾತುಕಥೆ ಅಥವಾ ಸಂವಹನದೊಂದಿಗೆ ದೇಶವನ್ನು ಮುನ್ನಡೆಸುತ್ತಿದ್ದಾರೆ. ದಶದ ಜನರಿಗೆ ತಾವು ನೋಡಿರುವ ಮತ್ತು ಕಂಡಿರುವ ದೃಶ್ಯವನ್ನು ಹೇಳುತ್ತಾರೆ. ಮತ್ತು ತಮ್ಮ ದೃಷ್ಟಿಕೋನದಲ್ಲಿ ಭವಿಷ್ಯವನ್ನು ಯಾವರೀತಿ ನೋಡುತ್ತಾರೆ ಎನ್ನುವುದನ್ನು ತಿಳಿಸುತ್ತಾರೆ. ಓರ್ವ ದೇಶದ ನಾಯಕ ಜನರಿಂದ ಯಾವ ರೀತಿಯ ಬೆಂಬಲವನ್ನು ಬಯಸುತ್ತಾರೆ ಎನ್ನುವುದನ್ನು ತಿಳಿಯಲು ಈ ಮನ್‌ ಕಿ ಬಾತ್‌ ಕಾರ್ಯಕ್ರಮ ಒಂದು ಉತ್ತಮ ನಿದರ್ಶನ" ಎಂದು ತಮ್ಮ ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದಾರೆ.